??تـجـمـع لـجـمـيـع مـوالـيـد 2016 { تعالو نستفيد من خبرات بعض}??

[نـعـومـه]

رد: تجمع مواليد (ديسمبر) و??(يناير)

كويتاويه


إذا حسيتي انج ودج تولدين وطولتي تعبتي

امشي امشي وامشي على تراب البحر

انا الله يستر ماامشي وايد اخاف امشي واولد بسرعه وانا خايفه ماودي بسرعه اولد ودي اخذ من شهري عالاقل اسبوعين ثلاث بس خوفي اقعد وماامشي واكلها حزه الولاده تعب لأن المشي خفيف

 

[كويتاويه2009]

رد: تجمع مواليد (ديسمبر) و??(يناير)

نعومه الطبيعي سبحان الله طلقه اسررع الصناعي بطيء ويعوررر

وع المسي انا امشي من بداية التاسع بس سبحان الله اكمل شهري عادالسهاله من ربج واللي حطه بلبطن بيحطه بلحضن ان شاءالله


وليش ماودج تولدين نعومه الهروب ماينفع هههههه لازم تفتكين وتخلصين وبلعكس حلو اذا انتي داشه التاسع ليش تحاتين شنااطرره

 

[<<الأميره>>]

رد: تجمع مواليد (ديسمبر) و??(يناير)

كوكو
سبحان الله
انا اشوف الطلق الصناعي سريع ويذبح وماكو فجه بين كل طلقه والثانيه .....عواره مستمر
الطلق الطبيعي بطيئ وفيه فجه بين الطلقه والثانيه


وافضل الصناعي لان بسرعه اخلص على ان عواره يذبح

 

[<<الأميره>>]

رد: تجمع مواليد (ديسمبر) و??(يناير)

نعومه

موزين الوحده تكثر مشي وتهلك حالها عشان تسرع الولاده

اذكر اختي مشت ليما انهلكت وتعبت ولاارتاحت فجأه انبط عليها الماي ودخلوها عمليات

 

[كويتاويه2009]

رد: تجمع مواليد (ديسمبر) و??(يناير)

والله مرمر حسب انا ابجري خذي طلق صناعي وقعدت ٧ ساعات اتعذب عوار وبطيء لان ماكان فيني طلق كلش

وولادتي الثانيه كان مبطل الرحم٣ سانتي وحطولي طلق و٣ ساعات ولدت يعني الافضل يكون فيج طلق طبيعي والسهالاه من رب العالمين

وصاجه المشي يهد الحييل بس شنسووي مضطرين نبي نفتك انا وودي اشرب حلبه جربتها بولادتي قبل ماشاءالله تلين الرحم بس ودي بعد الفحص ليمن اتاكد انه متبطل الرحم مابي استعجل وبسوي القرفصاء همن رووعه والباقي ع الله

 

[<<الأميره>>]

رد: تجمع مواليد (ديسمبر) و??(يناير)

ذكرتيني ببجري كنت نايمه عند امي وحسيت 6 الفجر عالعوار وماولدت الا فجر ثاني يوم
الطلق كان بطيئ ويهد الحيل

الله يهون علينا يارب

 

[<<الأميره>>]

رد: تجمع مواليد (ديسمبر) و??(يناير)

كوكو انتي كم لج بالتاسع؟؟


انا توني بنص الثامن

 

[كويتاويه2009]

رد: تجمع مواليد (ديسمبر) و??(يناير)

انا لي ١٠ ايام بتاسع

يعني بشريط الحمل مبين ٣٧ اسبوع مبين بتوقيعي

انتي بنص الثامن ماشاءالله اسبوعين وتدشين التاسع هانت ربي يسهل بشري لقيتي خدامه؟؟

 

[نـعـومـه]

رد: تجمع مواليد (ديسمبر) و??(يناير)

والله ياكوكو انا ماودي اولد بسرعه احس خايفه ولاحقه على الولاده والمسؤوليه
اذا كملت شهري او اخذت منه عالاقل 20 يوم 3 اسابيع شوي اتهيأ نفسيا ومادري موعارفه السبب الرئيسي اللي يخليني ماودي اولد بسرعه يمكن خوف أو هروب

استغفرالله مابي احن على هالموضوع وايد أهم شي صحة الطفل وسلامه الام ل كملنا شهرنا ماكملنا أهم شي ربي يكتبلنا نولد بالوقت الخيره لنا

 

[نـعـومـه]

رد: تجمع مواليد (ديسمبر) و??(يناير)

صح انا من تجربتي الطلق الطبيعي بطئ

يعني لما كنت أطلق بجري كان الطلق يروح ويرد اول كان كل نص ساعه تقريبا

أتعور عقبها عادي مافي شي بعدين قام يطور كل ربع ساعه كل 10 دقايق كل 5 دقايق

حتى اذكر كنت احس بعوار رحت الطوارئ سولي تخطيط قالو صح طلق فحصوني 1 سانتي بس رحت ثاني يوم قلتلهم أن فيني طلق قالولي شلون فيج طلق وانتي واقفه جدامنا مافيج شي الطلق ماتقدرين توقفين قلتلهم اي لان يروح ويرد وطبعا وانا اكلمهم فجأه ردلي الطلق هنيه اقتنعت اني تعبانه واطلق

 

[Um Ritaj]

رد: مواليييييييد مارس 2016

مساء الخير

بكرة اول موعد لي في مستوصف الحكومة

خذيتلي موعد عشان ابرة الريزوس لازم اخذها بالسابع وبعد الولادة مباشرة

 

[نـعـومـه]

رد: تجمع مواليد (ديسمبر) و??(يناير)

كويتاويه

بيني وبينج يومين بس انتي سابقتني بيومين



الاميره

اي صح هم المشي المهلك موشي اختج يمكن اجهدت روحها مو تمشي العادي

 

[نـعـومـه]

رد: تجمع مواليد (ديسمبر) و??(يناير)

وتصدقون بنات من دشيت التاسع وبطني ذابحني حكه

حتى ماقدرت قمت احك مع الأسف

 

[قلبي متعلق بربي]

رد: تجمع مواليييد شهر يوليووو (7) حياكم الله

ابشركم ودعت الوحم خلااااص

الفال لكم ان شاءالله

يادوب احس بلوعه خفيييفه

نصيحه بنات في دكتور يقول اذا حسيتوا

بالحارق اكلوا علك يقول اذا اكلتوا علك

يزيد عندكم اللعاب وبالتالي راح يخف الحارق

بس منو مثلي صايره حاسه الشم الف بالميه؟؟

واحس مدوخه طول هالاسبوع ماادري شفيني

وصايره بس اتغدا والعشا صمون وجبن

 

[<<الأميره>>]

رد: تجمع مواليد (ديسمبر) و??(يناير)

كوكو للحين جاري البحث

نعومه
الجفاف هو سبب الحكه
رطبي باستمرار

 

[كويتاويه2009]

رد: تجمع مواليد (ديسمبر) و??(يناير)

الله يرزقج مرمر

Askkuwait ضيفي هالحساب انستغرام ترا يحطوون اعلانات دوري ع خدم ان شاءالله تلاقين

 

[.:lady bug :.]

رد: تجمع مواليد ( يونيو - 6 ) 2016 ❤

رحت اليوم لناهده
وقالت فيج ولد والحمدلله خاطري ببنت والحمدلله
الحمدلله الله يرزقنا جميعا الطفل السليم المعافاه

قالت الي يصير معاج من دوخه وطيحه فقر دم ويهج اصفر


عطتني بريقنان بلان وحبوب حديد اول مره اشوفهم

 

[Zaynah]

رد: تجمع مواليييد شهر يوليووو (7) حياكم الله

قلبي أنتي في أي أسبوع اللحين ؟

انا اليوم لوعه بس الحمدلله

العلج زين للحارج بس انتبهو بنات مو بالنعناع ترا النعناع يزود الحارج سألووني عنه من كم يوم قعدت اقرا عنه والا مكتوب ان نبعد عن اي شي بالنعناع وصج لاحظت انه يزيده فيني



احس حياتي تخربطت مع الحمل الله يعدي هالايام يارب شكلها نفسية الحامل اشتغلت عندي><

 

[Zaynah]

رد: تجمع مواليييد شهر يوليووو (7) حياكم الله

وأنا من حملت الشم عندي مليون والله تعببت منه قاعده واشمشم /:

ومعدتي مكسله حددها من الظهر اتغدا وما اقدر اكل شي بعده وقبل ما انام ارجعه بعد :'

 

[لولو كارميل]

رد: مواليييييييد مارس 2016

بأي سبوع اندش الثامن ؟ امبيه ليه الحين ما خلصت شغل البيبي و لا شغلي يارب ترتفع مشيمتي عشان اخلص شغلي .. قبل جم يوم استلمت نتايج التحاليل كانت طالبتهم الدكتوره نسبه دمي 9 قالتي بعطيج حديد مثل امبوله حطيها مع عصير برتقال اول مره ينزل دمي جذي