??تـجـمـع لـجـمـيـع مـوالـيـد 2016 { تعالو نستفيد من خبرات بعض}??

[شيخه كويتية]

رد: تجمع مواليييد شهر يوليووو (7) حياكم الله

❤


طبعا اللوعه لازالت مستمره والتعب الي بدون سبب
الله ياجرنا

 

[أميرة-]

رد: تجمع مواليد (ديسمبر) و??(يناير)

يوه اميرة جنج انا معاناة مع الخدم الله يقطعهم

الحين توها جايتني مؤقته لها ٣ ايام علت جبدي بس تلفونها باذنها واحس تخرع ولدي قمت ماخليها تمسكه بروحها الله يعين بس محتده تعبانه وماقدر على شغل البيت وولدي بروحه يبي له طاقة مابي استنزف طاقتي بشغل البيت

اتذكر وانا ادور خدم ب فور سيل لقيت وحده عندها سيلانيات نص دوام خليني ادور الرقم اذا حصلته بحطه

 

[أميرة-]

رد: تجمع مواليد (ديسمبر) و??(يناير)

بنات لا الحمد لله مافيني سكر وزيادتي مو احتباس سوائل بس صايره تهف نفسي على الحلو.. اقوم من النوم اكل نوتيلا وارجع انام ��

 

[<<الأميره>>]

رد: تجمع مواليد (ديسمبر) و??(يناير)

الله يعينا يااميره

احنا ندورهم نحاسبهم بيريحونا واهم والله عله على جبودنا
بس مضطرين عليهم......الله يعين بس

 

[اخت خالتهم]

رد: تجمع مواليييد شهر يوليووو (7) حياكم الله

السلام عليكم ورحمة الله

شلونكم بنات


ما فقدتوني


انا امس و قبل امس اللوعه الصبح ذبحتني ارجع اكثر من مره
وكله العصاره الصفرا

غريبه المفروض تختفي اللوعه
بس قريت ان بالرابع يكبر الرحم بسرعه
لان حجم البيبي يكون نفس حجم الرحم قبل تقريبا او اكبر ما ادري بس ان طول البيبي اخر الرابع يوصل 15 سانتي الى 13

 

[اخت خالتهم]

رد: تجمع مواليييد شهر يوليووو (7) حياكم الله

اللاين يمكن فكرته حلوه
ههههه بس ما اعرفله و ولا مره جربته

 

[اخت خالتهم]

رد: تجمع مواليييد شهر يوليووو (7) حياكم الله

كتكوته شلونج شخباااارج
الله يهون عليج بلشتي تجهيز ؟؟؟

 

[اخت خالتهم]

رد: تجمع مواليد (ديسمبر) و??(يناير)

الحمدلله على سلامة اللي ولدو
والفال لكل من دخلت التاسع

 

[اخت خالتهم]

رد: { تجمع مواليد شهر 9 / 2016 }

ماشاءالله مبرووووك


بنات تجمعو
ترى التجمع و السوالف تهون الفتره الاولى وايد
و فتره الحمل كلها و تمر الايام باذن الله بسرعه

 

[كويتاويه2009]

رد: تجمع مواليد (ديسمبر) و??(يناير)

مرمر ليش ماتطلبين كاميرون اسبوع وهي عندج ماااتطول واسعارهم زينه احسن من غيرهم ويتحچون انجليزي يعني ماتعبج

المؤقتات بواقات ومايصلحون ومعاشاتهم ناار ع ولاشي

الله يفرجهاا وتلاقين الخدامه السنعه انتي واميره


اخت خالتهم ويسهل الله عليج ماقصرتي ع الدعوه الطيبه

 

[Zaynah]

رد: تجمع مواليييد شهر يوليووو (7) حياكم الله

سلامتج اخت خالتتتهم اكيد فقدناااج

الله يعينج والله الترجيع على معدة فاضيه يتعب

وعصارة المعده اهي بروحها تلوع الجببد اذا طلعت

الله يآجرنا يااارب

حاولي تاكلين اي شي بسرعه من تقعدين يخف الترجيع

 

[كتكوته حبيبي]

رد: تجمع مواليييد شهر يوليووو (7) حياكم الله

الله يآجركم ويخفف عنكم

اجمعين اخت خالتهم والله انا كل مره من الخامس اخلص شغل البيبي يبقى خفايف عالسادس لان كل حمله جنس مختلف فاجهز من اول هالحمله بما انا مثل الي قبلها فعني اشياء واايد من بنتي وتوه من سنه بس بطلب من النت ملابس لها ولاخوانها واستقبال مراح اسوي لان ثالث حمله واخر استقبال فبنتي محد يه واهلي قالو لاتسوين ونظامنا بس البجر بس بحط موالح وحلو وشاي وقهوه وعصاير من غير خدمه ولا توزيعات ولافناتك وكفر عادي

وانا كان عندي قاعده اول بنت واول ولد استقبال اسويلهم الباجي ماله داعي يمكن اذا توظفت تتغير الفكره لان الاستقبال علي مو على زوجي وانا طالبه قلت فلوس الاستقبال اخشها لطلعه نفاس ابرك

 

[كتكوته حبيبي]

رد: تجمع مواليييد شهر يوليووو (7) حياكم الله

ولا انا احب التجهيز احلى شي

 

[كتكوته حبيبي]

رد: تجمع مواليييد شهر يوليووو (7) حياكم الله

اللاين عادي برنامج تنزلينه ومثل الواتس اب موصعب

 

[كتكوته حبيبي]

رد: تجمع مواليد (ديسمبر) و??(يناير)

اميره هذه ارقام خدم بالساعات
اول رقم هذه وحده اردنيه جنه ماسكتهم وكله فلبن ونظاف انا كله منهم اييب لان ماعندي خدامه رقمهم ٥١٦٠٥٨٠٤ و ٥ساعات ب ٠ ١دنانير بس لازم حجز مو بنفس اليوم تيي

وهذا رقم ثاني هندي وعنده سيلانيه وهنديه واثيوبيه جنه وهذا تتصلين عليه عل طول ايبهم بنفس اليوم بس ماجربت شغلهم للامانه وتقول نظاف ٦ ساعات ب١٠ دنانير وهذا الرقم ٥١٠٠٨٠٦٨
لان انا كنت ابي فلبن انظف
بس بالنفاس بضطر مره اهوا ومره الفلبينيه لان مراح احصلهم كل جم يوم

 

[خوخه89]

رد: تجمع مواليييد شهر يوليووو (7) حياكم الله

اخباركم ياحلوين شمسووين ؟

انا كل ما اتذكر ريلي بيسافر الاسبوع الجاي اتصيدني غمته وكأبه
بروح بيت هلي بس خلاص تعودت على بيتي لان احنا نظامنا اللي تعرس خلاص مافي نوم بيت الاهل الا فالنفاس او اذا الزوج سافر. وباقي الايام اروح اقعد لين نص الليل عقب ارجع بيتي

انزين ماعلينا خاطري ف جوافه خخخخخ

 

[Zaynah]

رد: تجمع مواليييد شهر يوليووو (7) حياكم الله

خووخه يرووح ويرجع بالسلامه ان شاء الله

انا لو بكيفي نمت ببيت اهلي مع اني ساكنه معاهم بشقه بس صايره ما اشتهي شقتي ولا جوها تجيب لي الترجيع ><

يالله الحمدلله اشتهيتي شي بس في جوافه اللحين ولا مو موسمها !

 

[Sugar cube]

رد: تجمع مواليييد شهر يوليووو (7) حياكم الله

السلام عليكم

عوووده بعد انقطاااااع طوووويل

شلونكم يا صبايا و شلون نقطكم الحلوين

انا انقطعت مع النساه الله لا يردها و لا يوري احد منكم اللي ذقته

كنت شبه منتهيه بس بفضل الله الحمدلله من دخلت الرابع اختفت تدريجيا و لا قبل كنت ما بين المستشفى او نيرسات ايولي البيت يعطوني دربات الله لا يعيدها من ايام و لا يذوق احد



عاد كنت اطل عليكم بين فتره و فتره بس ما فيني حيل اكتب ههههههه

خوخه كل هالرد علشان اقولج ان اتوقع تنباع الجوافه بهالايام
لان امي حبيبتي ايام النساه كانت من لما تحاول آكل و تعددلي الاكل اذا ابيه كانت تقول من بينهم تبين جوافه

و كلش كلش اذا ما لقيتي شربي عصير جوافه و لا تخلين بخاطر نقوطتج شي هههههههههه

و جني قريت اخت خالتهم عرفت جنس الجنين .. الف مبروووك يا خالتهم

الله يتمم علينا كلنا يا رب كلن باسمه


كتوكته صاجه و الله احلى شي التجهيز عشان جذي انا اخليه السابع و الثامن عشان انشغل و يمرون هالاشهر الثقيله


زينه دامج ساكنه يمهم على طول روحيلهم و لا ترجعين صج يتعب الترجيع و يهد الحيل ... انا كنت ارجع بالضبط كل نص ساعه طول اليوم حتى وقت النوم كنت ما انام باليومين الا نص ساعه ساعه بالكثير الله ياجرنا و يكفر عن ذنوبنا فنصيحه اي شي يوخر الترجيع سويه

 

[Sugar cube]

رد: تجمع مواليييد شهر يوليووو (7) حياكم الله

ما شاء الله علي جني هذرت وايد هههههههههه

 

[Zaynah]

رد: تجمع مواليييد شهر يوليووو (7) حياكم الله

هههههه حياااج الله شووقر والحمدلله على سلامتج من هالنساة الجايده حتى النوم ما تتهنين فيه انا الحمدلله لو بكيفي كله نايمه عشان لا احس بالنساة بس شسوي ولدي يقعد من ثماان الصبح

وعلى بيت اهلي انا كله ويياهم من اقعد وبعدين انزل عشان انام واخذ لي ترجيعة قبل النوم من الشقه وانام ههههه

لا تقطعيينا عاد التجمع صاير مافي تفاعل وايد ❤❤