??تـجـمـع لـجـمـيـع مـوالـيـد 2016 { تعالو نستفيد من خبرات بعض}??

[عاشقة الككاو]

رد: تجمع مواليييد شهر يوليووو (7) حياكم الله

ما يكبرني نك حياج معانا ومنورة

 

[عاشقة الككاو]

رد: تجمع مواليييد شهر يوليووو (7) حياكم الله

دشيت من فوني عشان اتمقل ف توقيعي <<مو مصدقة عمرها هههههه

الله يتمم لنا ع خير ويرزقنا اطفال سليمين متعافين كاملين الخلق والخُلق يارب &#55357;&#56475;

 

[ليال_الجنان]

رد: تجمع مواليييد شهر يوليووو (7) حياكم الله

يه يه عاشقه صار عندها توقيع ما عرفتج

خوخه شفيييج تدورين اللوعه؟ ؟ اصلا اليوم يوم خميييييس البيبي يبيج تستمعين بالويكند

 

[عاشقة الككاو]

رد: تجمع مواليييد شهر يوليووو (7) حياكم الله

ههههههههه شدراني عنها اي والله خميس ومالي خلق ازعل ع قولة رابح صقر


ليال شخبارج حبي

 

[amonitta]

رد: تجمع مواليييد شهر يوليووو (7) حياكم الله

عشوقة مبرووك التوقيع وماشالله دشيتي الرابع الله يتمم عليج

حطيتي مراجعه ولا بعد؟ قلتي بتراجعين لما تدشين الاسبوع 15؟

انا اشوف احسن بعد عشان على قولتج يبين وشصار عالتحاليل سويتيهم ولا بعد؟ انا للحين ماسويت شي قلت الاسبوع الياي بشوف يوم اخذ مرضيه واروح المستوصف

مايكبرني نك حياج الله منوره هذا التجمع للاثنين يوليو واغسطس

 

[Zaynah]

رد: تجمع مواليييد شهر يوليووو (7) حياكم الله

ههههههههه خوخه يمكن نساتج قاعده تخف تقريبا دخلتي الرابع
الامس لما رجعت استانست استغفر الله ارتحت ان الجنين بخير
امي تقولي هذا حالتنا اللي مو متعودين ع الدلع نستنى النسااة اذا راحت

 

[ليال_الجنان]

رد: تجمع مواليييد شهر يوليووو (7) حياكم الله

هلا عاشقه انا تمام الحمدلله
امس بغيت اروح الافنيوز مع اختي نتمشى نغير جو واعدتها من الصبح عشان نروح بليل.. اخرتها انسدحت عالفراش وقلتلها مالي خلق روحي بروحج.. كسرت خاطري لول ..

بعدها اشتهيت سلطه من شوكليت بار واحلى شي صار عندهم توصيل طلبتها يمي يمي صرت اكل صحي عشتو ...

امون وزينه شلونكم شخباركم

 

[عاشقة الككاو]

رد: تجمع مواليييد شهر يوليووو (7) حياكم الله

الله يبارك بعمرج حبي والفال لكم ادشون الرابع وتروح النساه ونستمتع بالحمل مو كلة نتحلطم ع بعض هههه
والله للحين ما سويت ولا شي
بس قلت يوم الاثنين الياي ان شالله اروح المواساه اسوي سونار ورح اسكت رح اشوفها اهي تقولي من نفسها ولا لا واذا ما قالت انا بسال ان شالله خير ياربي

ومادري اروح حق لينا او المصرية عزة وعندهم مصري رئيس قسم بس استحي ادش علية مع انه السستر الي تكشف وجذي بس مابي شلي حادني


وع التحاليل مثلج والله قلت ع يوم الاسبوع الياي اخذ استئذان وافتح فايل بالمستوصف عشان لازم اسوي تحاليل مصختها خووو


الله كريم

وانتي شدي حيلج وروحي وطمنينا


ليوووول
عوافي حبي انا اموت ع البينك باستا مالتهم والفوندوووو اجرااااااام

زيوون
شلونج

 

[خوخه89]

رد: تجمع مواليييد شهر يوليووو (7) حياكم الله

شسوي بنات لاني تعودت هههههههه الحمدلله دامها راحت الله لايردها يارب

 

[MiSs .SwEeT]

رد: تجمع مواليد (ديسمبر) و??(يناير)

الف مبروك بنات وحمدلله على السلامه

 

[خوخه89]

رد: تجمع مواليييد شهر يوليووو (7) حياكم الله

لليال انا مالي خلق مجمعات ولا مولات ولاشي بس احب اقعد في بيتي او بيت امي لاتمشي ولا شي

ككاو انا للحين ما اشتهيت اكل معين بس ووودي اكل كل شي بس خلني اعطي نفسي فجه أخاف النساه قاعده تخدعني تلعب معاي صياد حرامي

 

[amonitta]

رد: تجمع مواليييد شهر يوليووو (7) حياكم الله

اي والله انتو دشيتو الرابع تخف النساة مفروض تستانسون

المستوصف شلون طريقتهم اذا اول مره لازم افتح ملف؟ لانه انا مابي اراجع دكتورة نسا بس عندي التحاليل بورقه اروح المختبر سيده اسويهم عدل؟

هلا والله ليال حبيبتي انا تمام الحمدلله احس بعد النساة اخف .. بالشقه شوي تلوع جبدي وفي معطر الشغاله تحطه ودي اقولها ماترشه بس اخاف تشك وللحين اهي ماتدري اني حامل مادري شفيني مابي اقولها

وبس اليوم ولدي اخر يوم له بالحضانه ... جنه يداوم بعد 3 اسابيع ... الله يعين الحين تعتفس النومه :eh_s(16):شزينه واهو ينام 7

 

[خوخه89]

رد: تجمع مواليد (ديسمبر) و??(يناير)

مبروك بنات والفال لنا يارب

 

[amonitta]

رد: تجمع مواليييد شهر يوليووو (7) حياكم الله

وشنو بعد اي زعلانه من ريلي :bbbiu: باط جبدي صارلي يومين ماكلمه ... تخيلو مراجعتي اللي طافت رحت وياه وانا ادري مراجعاة النسا يطولون حتى لو ماخذه موعد معاهم عادي يتأخرون تصير حالات ولاده وجذي بس اهو مايعرف لازم يتحلطم ..

كل الحريم قاعدين ويه رياييلهم وناطرين دورهم وساكتين .. بس اهو مايعرف لازم يتحلطم ويعكر مزاجي بكل مراجعه جذي من ايام ولدي


اللي قلتله خلاص الحين الدكتوره اذا نادتني مابيك تدش .. ابي ادش بروحي اشوف على راحتي وانا مستانسه مالي خلف تدش وياي وصج مادش ولا قلتله شصار وشقالتلي الدكتوره عن البيبي ولا راح اقوله وكل مراجعاتي اليايه بروح من غيره وحتى جنس البيبي ماراح اقوله :rgewrg:


وبس سلامتكم مكبوته وابي اطلع اللي فيني :eh_s(2):

 

[خوخه89]

رد: تجمع مواليييد شهر يوليووو (7) حياكم الله

امونيتا تخيلي يوم كنت حامل في بنتي كانت عندي خدامه اندونيسيه ماقلت لها اني حامل تعرفين شلون درت ؟؟؟؟؟

والله صدمتني يات وقالت لي مدام انتي حامل قلت لها من قالج قالت لي انا اعرف انتي 2 شهر مافي دوره

الحماره طلعت اتجيك على الزباله من وراي ههههههههه والله ماخليتها سفرتها خفت منها اعوذ بالله

والحين عندي فلبينيه بس عرفت لان نساتي قويه ولا اخليها تستخدم لاديتول ولا عطر ولامنظفات ولا شي بس تمسح بالماي بعد تسمعنا نكلم بنتي نقول لها وين بيبي وهي تاشر على بطني ف عرفت

 

[amonitta]

رد: { تجمع مواليد شهر 9 / 2016 }

مبرووك والله يتمم عليكم يارب

غلاتي الكويت ان شالله يبين النبض من الاسبوع السابع وطالع... وممكن يبين اخر الاسبوع السادس بس اذا مابين لاتحاتين عندج لي الاسبوع 12 مرات مايبين على حسب متى صار الحمل بعد

وان شالله ينترس تجمعكم :eh_s(8):

 

[Zaynah]

رد: تجمع مواليييد شهر يوليووو (7) حياكم الله

ههههههههه ضحكتيني خووخه

والله الحمدلله انا احس صرت احسن بس لوعه خفييفه وما اشتهي ابلع ريقي ><

اليوم ان شاء الله بروح جمعتنا في بيت جدي صار لي شهر ونص ما طلعت من البيت

انتوو شلوونكم شبتسوون اليوم ؟

 

[خوخه89]

رد: تجمع مواليييد شهر يوليووو (7) حياكم الله

لاتزعلين روحج اغلب الريايل جذي حتى انا قلت له مب قايلتلك بنت ولا ولد لان هو خاطره في ولد ويقولي بتجيبين بنت قلت له يعني لو بنت اقطها فالزباله قالي لا ابيها بس احساسي انج بتجيبين بنت

عاد انا ناحست قلت له اذا قالو لي بنت بقولك بنت واذا قالو لي ولد بعد بقولك بنت خخخخخ

هو عادي عنده بس لان كل عيال عمه بجرهم ولد وابوه بعد ف عشان جذي كان متعشم الأخ:d

 

[amonitta]

رد: تجمع مواليييد شهر يوليووو (7) حياكم الله

خوخه هههه اي انا كنت اقول قبل عادي انها تجكني من الزباله تكرمين انها مافيها الكوتيكس عاد مادري هذي من يت وانا كنت توني حامل فا يمكن حطت فبالها اني اصلا اقطهم بروحي لانه عمرها ماشالت الزباله تكرمين واهي فيها كوتيكس

وعادي حتى لو تدري بس احس بيصيىر فيها مالها خلق انها يكون عندها ياهلين.. الحين واحد ويروح الحضانه فا مرتاحه عالاخر اصلا ماعندها شغل :d بس هم البيبي الثاني اول فتره بيكون كله عندي ان شالله وولدي بيكبر بعد بيشيل عمره

 

[amonitta]

رد: تجمع مواليييد شهر يوليووو (7) حياكم الله

اي والله خوخه صج يقهرون مايبي ينطر بمراجعتي لاينطر بس هم ماله حق يسأل :rgewrg: لا انا حيل معصبه علييه :rgewrg::rgewrg:

زيونه اليوم ان شالله زواره بيت امي مع خواتي .. واليمعه عندي عرس .. والسبت عيد ميلاد ولد رفيجتي
مزدحم هالويكند