??تـجـمـع لـجـمـيـع مـوالـيـد 2016 { تعالو نستفيد من خبرات بعض}??

[ليال_الجنان]

رد: تجمع مواليييد شهر يوليووو (7) حياكم الله

هلا عاشقه وخوخه.. شفيكم ما تمشطون شعركم ههههه اهم شي عندي شعري ولا يصير كشه اتعب نفسيا

هلا جنونه .. التوقيع صار ازمه الكل الظاهر هههه اعلمج افا عليج
Pregnancy Tickers - BabyGaga
من هالموقع حطي تاريخ موعد ولادتج واختاري الالوان او الشكل حسب الرغبه الفنيه
وبعدها طقي get ticker
سوي كوبي حق الBBCODE مو شي ثاني!! وحطيه بالتوقيع من لوحه التحكم ...

ويا ويله اللي ما يحط توقيع لوول

 

[ليال_الجنان]

رد: تجمع مواليييد شهر يوليووو (7) حياكم الله

خوخه تاريخ ميلادي شهر 6 ناطره البارتي مع عاشقه ههههه

تاريخ ولادتي 28 \ 8 اوهو فيه غيري ولادته شهر 8؟

 

[زين ودلال]

رد: مواليييييييد مارس 2016

ما شاء الله ام رتاج

انا غرفتي غيرتها كان لها 5 سنين حيل حلوه وراقيه وخشبها حيييييل قوي بس عيبها كبيره ولونها اسود وغرفتي حاليا اصغر من اللي قبل فا حسيت بغمته

خذيت العكسسسسس غرفتي الحين بيضه يا حلو الابيض شرح

 

[janoona]

رد: تجمع مواليييد شهر يوليووو (7) حياكم الله

ليال مشكوره حبيبتي عالشرح كاني طبقت الالا قلتيه بشوف الحين يصير ولا لء

 

[ليال_الجنان]

رد: تجمع مواليييد شهر يوليووو (7) حياكم الله

كتكوته انا معاج بكل كلمه .. اصلا احلى شي الحمال .. الواحد يتعب صج بس كله باجره
الله يتمم عليج وعلينا ^^

 

[ليال_الجنان]

رد: تجمع مواليييد شهر يوليووو (7) حياكم الله

جنوونه اللينك اللي حطيته مو هذا لازم بي بي كود ثاااني واحد مو اول واحد
اللي يبتدي بال [url=

 

[janoona]

رد: تجمع مواليييد شهر يوليووو (7) حياكم الله

صاجين الحمال حلو وفترة مميزه تمر فيها المره بس اذا عندج عيال كبار وتدريس ودوام ونسات جايده تكرهين نفسج

اتوقع انكم سولفت من قبل بس بما اني يديده معاكم شنو ودكم تيبون وشنو بتسمون

انا الحمدلله عندي 3 بنات وولد وبخاطري ايب اخوو حق ولدي الله كريم واذا يت بنيه خير المهم كمال الصحه والعافيه

اذا ولد بسميه يوسف ان شاء الله على ابوي الله يرحمه ولبنت ليلحين مافكرت

 

[عاشقة الككاو]

رد: تجمع مواليييد شهر يوليووو (7) حياكم الله

حبيبتي كتكوته انتي الي عسل فديتج
دااااااااااااايما زورينا وطلي علينا وعطينا من هالرسايل الايجابية الحلوة
وصاجه فية حريم الله يهداهم من تحمل خلاص جنه محد حمل غيرها بالكون
بطني ظهري مشيمتي خشمي
ههههههههههه
دي حاقة تأرف واللهي


وان شالله نعرف الجنس بسرعه صايرة حدي ملقوفة واعد الاسابيع عشان اعرف ويارب بنوته سليمة حلوة مثلي واذا ولد هم الحمدلله والشكر ع عطاياه اهم شي الصحه والعافية والخلقة التامة


ليال
يختي ماحب امشط مالي خلق شي وبيني وبينج قعد افكر اقرع خخخ
لا قصدي اقص شعري كارية عشان اريح

ومشكورة علمتينا بجربها بالبيت من الاب توب

 

[janoona]

رد: تجمع مواليييد شهر يوليووو (7) حياكم الله

ليال جنه ضبط هالمره

 

[janoona]

رد: تجمع مواليييد شهر يوليووو (7) حياكم الله

عشوقه انا ضبط معاي الفال لج ومشكوره ليال حبي

 

[عاشقة الككاو]

رد: تجمع مواليييد شهر يوليووو (7) حياكم الله

اخيرا
مبروك

وماشاء الله
الله يخليهم لج ويرزقج ربي الولد الصالح

كنا مسوين بطاقة تعريفية عشان نتعرف ع بعض
الجدد حياكم جاوبوا


العمر
الوظيفة او ربة منزل
جم رقم هالحمل ماشالله
وزنج وطولج ههههههههههه لا لا امرح




انا عمري 30
عندي ولدين الله يحفظهم واتمنى هالحملة بنت
موظفة قطاع خاص من 7.30 ل 3

وزني طووووووووط طووووووووووووط انفصل النت باي

 

[janoona]

رد: تجمع مواليييد شهر يوليووو (7) حياكم الله

انا عمري 34 شكلي اكبركم والعيوزه بينكم

عندي 4 سملة عليهم وهذا حمالي الخامس وان شاء الله يكون ولد

موظفه بالحكومه وحاليا باجازه لي السنه اليديده

وزني قابل لزياده والله يستر من الزياده

 

[janoona]

رد: تجمع مواليييد شهر يوليووو (7) حياكم الله

اي نسيت اقولكم انا اراجع عند دكتوره دلال السالم ووالد بالشفا الحمدلله مرتاحه من الاثنين

وبعد شنو :eh_s(20):

 

[ليال_الجنان]

رد: تجمع مواليييد شهر يوليووو (7) حياكم الله

العفووو جنونه
هذي ثالث حمل لي.. عمري 28 وعندي بنتين ليال وجنان وخاطري ولد احساسي يقول ولد والله اعلم وحتى لو كانت بنت مراح اقول لا .. دلع البنات غير
راح اراجع عند ليلى اشكناني ويييممممكن اولد بدار الشفا

وعالاسامي اذا ولد راح يكون علي وذا بنت احتمال مريم.. على قوله ريلي ما نبي اسامي يديده هههه

هههههههه عاشقه لا وي ليش تقرعين كافي صدمات حق ريلج
عاد بخااطري كاريه بس ممنوعه من قص الشعر لا من ريلي ولا امي ولا اهل ريلي لول

 

[ليال_الجنان]

رد: تجمع مواليييد شهر يوليووو (7) حياكم الله

امبيه امبيه شفتو الجو؟!؟! قلب غبار ليييش توه شحلات الجو

 

[خوخه89]

رد: تجمع مواليييد شهر يوليووو (7) حياكم الله

جنون انا نفسج 13/10 اخر دوره وتبويض سريع لاني كنت اتابع فيوم السوار كانت البويضه منفجره وخالصه حتى الدكتوره قالت 90% حمل خخخخخ

ككاو ولا تزعلين الحين اعدل تاريخ ميلادج .. اقصد ولادتج خخخخ

مِےـوِآليّےـدُ شّےـهےـِر يّےـوِليّےـوِ (7) - 2016 ~~​

اخت خالتهم...5/7/2016​

... 7/7/2016 Haayoonaa​

عاشقه الككاو...10/7/2016​

12/7/2016... junoon

خوخه89 ... 12/7/2016​

Sugar cube..19/7/2016​

- Joooodi...22/7/2016​

آشوآآآق ... 24/7/2016​

- amonitta...27/7/2016​

 

[janoona]

رد: تجمع مواليييد شهر يوليووو (7) حياكم الله

اي انتي شكلج حملج مبجر وانا حملي متاخر لان عقب الدوره بعشر ايام يالله طلع اني حامل

لبال انا قاعده بالبيت وللاسف ماحس شصاير بره

حتى عيالي من غير شر راحوا عند امي مساكين مالي خلقهم راحوا بيت اهلي يغيرون جوو شوي

 

[خوخه89]

رد: تجمع مواليييد شهر يوليووو (7) حياكم الله

ليال عاد لاتستلموني انتي وككاو خخخخ

تصدقون راحت علي صفحه كامله مادري شلون توني اقراها

بالنسبه لبطاقتي التعريفينه

العمر 26
عندي بنت وهاي ثاني حمل لي
احساسي يقول ولد بس لو بنت خير وبركه عشان يصيرون صديقات
موظفه حكومي بس حاليا اجازات لاني اتعب وايد من النساه
وزني اول شهر قبل لا اتجيني النساه كنت ايوع بشكل فضيع وزدت 5 كيلو

والحين ثابت مع الترجيع واللوعه
اشتهي الموالح وماحب الحلويات كلش ملش

 

[خوخه89]

رد: تجمع مواليييد شهر يوليووو (7) حياكم الله

جنون انا طلع لي حامل قبل الدوره ب 5 أيام حتى الدكتوره ماصدقت تقول معقوله بين الحمل عمى بعينها عقب قالت يمكن توم عشمتني خخخخخ أي انا حمل سريع لان تبويضي سريع اقولج السونار مالحق عليه والدكتوره حطت ملاحظه انه لو بسوي متابعه تبويض لازم قبل الموعد الأصلي بيومين

مِےـوِآليّےـدُ شّےـهےـِر يّےـوِليّےـوِ (7) - 2016 ~~​

اخت خالتهم...5/7/2016​

... 7/7/2016 Haayoonaa​

عاشقه الككاو...11/7/2016​

12/7/2016... junoon

خوخه89 ... 12/7/2016​

Sugar cube..19/7/2016​

- Joooodi...22/7/2016​

آشوآآآق ... 24/7/2016​

- amonitta...27/7/2016​

ليال_الجنان ... 28/8/2016

 

[janoona]

رد: تجمع مواليييد شهر يوليووو (7) حياكم الله

احلى شي ولا وحده فينا قالت وزنها :wqedqw:

انا بعد ماشتهي الحلو اشتهي الحوامض والموالح والفلفل والبطاط شكو البطاط مادري:eh_s(9):