تـجـمـع طـآلـبـآت آلـصـف *آلـثـآنـي عـشـر * ( آدبـي ) 2013

[عسوله زوغه]

مرحبا بنات اخباركم الله يووفقنا ان شاء الله ونتخرج بنسبه ترفع راسنا وراس اهلنا ويفتخرون فينا ان شاء الله

 

[~mmm~]

بناااااااات
اليوم لي خلق اكتب وايد لووول


شرايكم باللي تقولكم 12 ادبي سهله واسهل من السهله !!!
عشان جذي انا قررت اعيدها لاني تحسفت مايبت نسبه سنعه

اول شي بقولكم نظامي شلون كان

انا من بدايه السنه نظامي ماتغير
اداوم ادخل الحصه الاولى دايما متاخره بصراحه لوول
اكون مخالفه او شي جذي
بعدين احظر كل الحصص ماحب اهرب كلش
يمكن اتأخر اي اخذ ورقه افتر فيها
نظام مدرستنا حاطين كرت حق كل ابله اذا بنت بتستأذن تروح مكان تعطيها
فا كنت اخذ الكرت افتر فيه لووول
لما ارد البيت اتغدا وانام اقعد على 8
احط جدولي وماتيي 12 الا انا نايمه
لاحظتو اني ماادرسسسس !!!
كلش ما يمر علي نظام دراسه بالبيت
ماخذه حياتي بي بي وطلعه وناسه
بالمدرسه ماعندي دفاااااااااااااااااااااااتر
تصدقون ولا ماده عندي لها دفتر
اوكي الدفاتر موجوده بس خاليه ماكتب فيها شي !!!!!!!!!!!!!!!
الا مرات يعني جدام الابلات ولا انا خرطي ماكو شي
طبعا هذا نموذج حياتي ايام المدرسه
بس يختلف اذا عندي امتحان
دراستي هبله شوي
كله ماسكه الكتاب واقرا واعيد القرايه بسسس
مااخذ دفتر واكتب والخص وجذي
اللهم الفلسفه كان عندي دفتر كاتبتلي ابلتي الخصوصه كل الاساله
الفلسفه بجهه والمنطق بجهه فا كنت اقراهم مو احفظهم
اجيب درجات مثلا اعطيكم امثله
العربي اخذ 13 من 16
الانجليزي 12 او 13 من 16
الجغرافيا والتاريخ اخذ 14 من 16
التربيه الاسلاميه درجه كامله
القران كامله
والاحصاء كامله
الفلسفه اخذ 7ونص من 9 احيانا 8 من 9
الفرنسي الماده اللي صج صج ماحبها اخذ فيها 10 ومره خذيت 14 من 16
بتقولون ليش درجاتج زينه وانتي ماتدرسين ؟
انا اقولكم بالحصه انتبه لشرح الابله
تخيلو تاريخ دسم وكله حرب عالميه ومادري شنو والله اجاوب بالامتحان على شرح الابله
في ناس تقولي انتي ذكيه بس مضيعه نفسج
وانا فعلا مضيعه نفسي
اخر السنه يبت 72 واذا قتلكم اني كنت ادرسه نفس دراسه امتحانات الفترات
يعني اقرا وبس
اللهم الفلسفه والفرنسي يبت مدرسات
قررت اعيد 12 بس بنظام غير نظامي

بقولكم شنو نظامي اذا كتبته ان شاء الله
ونصيحه لكم
تكففووون لاتضيعون نفسكم بالوناسه واللعب والله اذا شفتو رفيجاتكم كل وحده داشه الكليه اللي تبيها وانتو لا بتنقهرون
صج صج درسو عدل
واذا وحده ماعندها معدل ب10 و11 عادي تقدر تييب نسبه

حطي فبالج مثلا بتيين ب12 85
ضربي 85 بـ60 وقسميها على 100 بيطلعلج جم يبتي من 60
وبعدين جمعيها مع نسبه عاشر و11
واللي مافهمت تقولي اوضحها
وسلامتكم وسوري طولت

 

[Memiyah]

Mmm^
يعطيج العافية ?ـيــ?تــيــ?:*

و انا ان شاء الله راح اعطي امي فوني و بتبيعه

يعني انساااااااا يكون عندي بلااك بيري لين اتخرج ان شاء الله

و الله يوفقنا

 

[نور .خلود]

سلآم بنآت عندنآ توقعين لتجمعنآ كل وححده تختآر آللي تبي
بس آلآهم حطوهمم علشآن نعرف بعض آوك



آلآول


و آلثآني





روح آمهآ آن شآء الله ندخل متى مآ كنأ فآضين علشآن نسآعد بعض
آوك بنآت ترآ مو مسوين آلتجمع على آلفاضي
نبي نأخذ و نعطي بعضنآ

 

[ملوك الكويتية]

السلاااااااااام

شلونكم شخبااركم بعد 11 والله اشتقت لكممم وااايد

اممم بنات متى ندام لان انا ثاني يوم العيد مساافرة لندن وان شاء الله اقعد سبوعين ورراح اجهز ااغراض المدرسه من هناك

وبعدها راح ناخذ عمره ثلاث ايام راده فمادري متى المدارس

 

[ملوك الكويتية]

بس بنات مو جنه مبجر التجمع احسن لو مسوينهه قبل المدرسه بجم يوم والتواقيع حلووه

انا بحط الاول بس مو الين بحطه اول يوم دوامااات الي مادري متى ههه

 

[LaMaR al q8]

موفقين


ان شاء الله تييبون النسبه العاليه

 

[Senior«2013]

آلسسسسسسلآم ..
بنات شلـؤنكم شخبآركم! :$
لو اققول لكم شي تضحكون تدرون من موضوعكم
انا سججلت , looooool حتآ شوفو مشآركتي
حمستوني وآييييييد ...
.
.
منو قققققاعد !

 

[Memiyah]

^ انا قاعده

حياج ???حبيبتـــ?ـي???

 

[مهاوي44]

يالله يوفقنا ياااارب

انا متحمسه و مو متحمسه مادريي ليه !!

مرات امر بشعور اني ودي اداوم من الحين و مرات لا تعبانه و متكيسله

انا خايفه ما اقدر انظم وقتي بين الدوام و المدرسه

منو عندها جدول حلو انظم فيه وقتي بين الدوام الصبح و العصر مدرسه و الدراسه ؟!

ومن الله التوفيق

 

[أم_فلان_الفلاني]

سونير يا هلا فيج ويانا

مهاوي الله يعينج ويوفقج ويريحج واتخرجين

 

[CSS_]

آححللى سسنه ورربي ،،

والله من بدآيه الكورس الثاني وانا اعد الايام واتضايق! مابيها تخلص ..

اذا عالمنااهج فـ ريحوا بالكم سسسسسهله بدرجه خيااليه

الفلسفه عجيييب الصراحه! وعلى الابله .. ابلتي كانت تهبببل عسل ، كنت بس انطر حصتها !
المنطق حلوو صج صج حلو! لايقصون عليكم نفس ماقصوا علينا قبل لوول عقدونا من المنطق

الجغرافيا .. ماكوو اسهل منه ! ولااتقارنونه بـ ١١ مال ١١ كان عذاااب لوول بس ١٢ كله بيئه وجذي يعني وناسه xD

العربي + الانجليزي + الفرنسي + الدين + الحاسوب.. تعودتوا عليهم ،، وماراح يتغير شي نفسهم يعني

التاريخ .. اححلى ماده!! بس انطر الحصه ووالله عشان اندمج بالاحداث .. وشلون الثورات قبل كانت تصير بامريكا وانجلترا وفرنسا

وبعدين تاخذون الحرب العالميه الاولى والثانيه .. سهليين وعجيبيين والله

يمكن لو اقولكم اني بدور كتابي عشان اقرا الاحداث مره ثانيه تضحكون xD

الدستور .. ماده جديده عليكم بس حلوه وخفيفه حييل .. في مواد تحفظونهم بس انا ماحفظت ولا ماده

لان الابله قالت لاتحفظون فـ يمكن الصعوبه المواد بس ..

شنو بعد ذكروني xD

بس والله بنات .. اللي ماتدرس خل تنسى نسبتها تكون عاليه !

انا الصراحه وحده مستواي مو امتياز وتفوق .. والحمدالله هالسنه بالفترات كنت اجيب ٩٠ ونسبتي اخر السنه قريبه من الـ ٩٠ فـ نصيحه لاتقولون انا مستواي مو جذي وماراح اخذ النسبه اللي ابيها!

غلطط والله .. حطي ببالج هدف، ان نسبتج ماتنزل عن الـ ٩٠ وصدقيني تجيبينها

بالنسبه لـ نظامي ..

اول شي الدفتر: اهم شي يكون كامل ومرتب
ثاني شي التحضير: والله الكورس الاول كنت كل ماده احضرها حتى لو انقل التحضير نقل اهم شي احضر ! وهالشي يعطي ابلاتكم انطباع حلو
ثالث شي سلوكي: بالصف انسي اسولف! والله ولا كلمه لوول مع ان قبل كنت قرقه بس سبحان اللي غيرني بـ١٢ ;p
وتدرون ان هذا اهم شي؟ والله العظيم من تجربه قبل كنت كله اسمع الابلات يقولون البنت المحترمه اعطيها درجات بدون لاتسوي شي
وكنت اقول مو معقوله بسكت وتعطيني درجات .. لين صج جربت هالشي!

وربي بنات ساعات ما اشارك يعطوني درجات .. برزنتيشن ما اقدم تعطيني درجات .. تقرير+اعمال كله اخذه وانا ساكته!
والابلات يحبوونج .. وهذا اهم شي الحمدالله ..

رابع الشي: دراسه الامتحانات ،، مذكرات+شرح المدرسه+واقعدي بغرفه بروحج ادرسي=درجه كامله!
يمكن هذي اول سنه بحياتي من درست .. اتضايق على درجه وابجي!
قبل كنت اخذ عالحفه ومستانسه لووول

وخامس شي واهم شي: الرفيجاات .. والله اهم اللي يغيرووونج! رفيجتي اللي امشي معاها هالسنه شقول عنها وشخلي! صج صج غيرتني .. فدوروا البنات اللي ينفعونكم مايضرونكم .. قبل كانوا رفيجاتي سوالف ضحك وضغاط وقرقه بالحصه وماكنت استفيد شي!

هالسنه والله ماعرف ادرس من غير رفيجتي.. تشجعني عالدراسه وبالامتحانات ندرس مع بعض وهذا تفهمني اياه وهذاك افهمها حتى نسبتنا اخر السنه كانت نفس الشي لوول

المهم ماعليكم من كل هذا الحين .. بتعيشونه وبتشوفون بنفسكم

اتذكر العام نفس هالوقت بالضضبط.. كنت ادش المنتديات اشوفهم شيكتبون عن ١٢.. واذكر بكويتيات كانوا البنات ينصحونا ويعلمونا ..

بس صج صج ماكنت متخيله ١٢ جذي.. مررت بلمح البصر والله!

اخر شي حبيت اقولكم الله يووفقكم يارب وتتخرجوون بالنسبه اللي ترضيكم وتفرح اهلكم وتدخلكم المكان اللي تبوونه

وسووري عالقرقه :$ ..

 

[أم_فلان_الفلاني]

مشكورة حبيبتي والله يطمنج ويوفقج
و الله يسهلنا ١٢

 

[^^طالبه^^]

المدارس تاريخ 23/9

 

[شوق95]

روووح امها ضفتج بتويتر

 

[ملوك الكويتية]

مشكورة طالبه ع التاريخ

 

[gala q8]

السسسلااام ,,

امم .., انا خريجه 2012 ..


قسم الادبي ,,



الادبي وااااااااااايد حلووو و سهل والله و حتى لو عندكم شيء صعب انتوا تقدرون تسهلووونه لكم ..

بس انا ما ادري شفيني كله درجاتي نازله مع اني اعترف ان المواد كانت سهله حيل بس اللي نزلني الانجليزي شووي صعب ..



الدستور : واايد حلووو و صج فيه تواريخ وايد بس ترا ما إييبون توريخ وايد بالامتحان يعني بإذن الله سهالات
التآريخ : واايد حلوو و راح تعرفون عن الحروب العالميه و عن السيطره بالعالم و كلها قصص حلووة و بسيطه ,, في وايد اسماء رياييل بس وااايد سهليين .,.

الجغرافيا : و ما ادراك ما الجغرافيا < احبببببببببببببه .. لو بقول كلمه ( عجيب ) شوي عليه والله .. وايد يهمنا بحياتنا ..

الفلسفه : بعا ينقسم قمسين .. فلسفه و منطق ,, الفلسفه شوي يبي له تركيز بس حلووو شوي ,, اما المنطق سسسهل والله تحسين كآنها لعبه ( شرطي والحرامي ) تطلعين الحرامي

الانجليزي : بصراااحه انا اصلا ما احب الانجليزي و درجاتي موو زينه كلش والابله اللي تدرسسسني كلش مو زينه ... و حاقده على الصف كله ..

العربي : حلووو و مواضيعه شيقه .. بس القواعد شوي لج عليها

الفرنسي : وايد حلووو و تكمله على العام الصف الـ 11 ادبي .. يعني مو صعب بس زياده عليها اشياء بسيطه ..

الدين والالعاب والقرآن و الاختيارات الحر : حلووين طبعآ ما نختلف فيهم ..


اممم .. اللي تحسفت عليه لمن تخرجت ان نسبتي كلش مووووووووووو زينه مع ان المواد سهله و لوو يحصل لي اعيد السنه عدتها , بس ما اقدر اني اعيدها مره ثانيه لاني انا اصلا كنت عايدتها بـ 10 ..


و موفقييين يارب

 

[مليت جروحي2]

^^

وعليكم ـآلسلآم مششششششششكوورهه ي قلبي ريحتينآ خوو الكل يقوول صعبببة

+ مووفقهه

 

[مهاوي44]

غلا حبيبتي

تقدرين تعيدينها عااادي
لان اهم يحسبونها ب ١٢ بس لج مره تعيدينها بعد التخرج يعني لو سقطتي ب ١٢ وعدتيها هذي ماتنحسب عليج انج عايدتها
لازم تتخرجين و تاخذين الشهاده وجذي يحسبون انج عايدتها

وعيديها وراح تييبيين نسبه حلووه لانج توج متخرجه وعارفه المواد
و الدراسه بتكوون حلووه عليج وسهله ماراح تتعبين بدراسه لان كل شي دارستهانتي

والله يوفقج حبيبتي

 

[مهاوي44]

يابعد جبدي css والله ريحتيني الله يريحج حبيبتي

مشكوره حبيبتي والله صج حمستيني