تـجـمـع طـآلـبـآت آلـصـف *آلـثـآنـي عـشـر * ( آدبـي ) 2013

[ماكو نك]

مشكوووووووووووره حيااتي بنوته عسل بس اكييد؟؟

لوووول خوفج احفظ واخر شي متخربطين هههههههههههههههههههههههه

 

[ماكو نك]

وهذول السور على كل السنه والا الكورس الاول بس ؟؟؟

والفتره الاولى شنو الايات ؟؟

 

[banoota-3saal]

هههههه ناقلتهم من الكتاب هذا للسنه كلها
واعتقد سوره الحشر وال عمران من 121-129 الكورس الاول

 

[ماكو نك]

اي مشكووره يا عمري
ان شاء الله اذا قدرت بحفظهم برمضاان منهاا اجر ومنهاا اخفف على نفسي

 

[banoota-3saal]

موفقه : )

 

[ضــمــاد]

صبــىآح الخيــــــــر



مبارك عليكم الشهر بنوتات


ان شاء الله راح اتابعكم خلف الكواليس لووول


لاني بدرس رابعه مسائي .. الكتب كلها عندي ماخذتهم ماخذتهم من وحده


تقريبا المواد كلها مو صعبه .. بس يبيلهم دراسه اول بأول ..



بالتوفيق للكل

 

[بـآربيـآ]

ووويه الله يعينكم اناا تخرجت هسنه يلا شششدوو حيلكم لانكم بتحسون فيهاا اخر السنه واي استفسار اناا حااضره

 

[ماكو نك]

صبااح النوور

ياهلا

مشكوورين حبايبي والله عندي استفسارات لووووول بس لو بقول ماراح اخلص

ضماد دام عندج الكتب تكفين قولي التاريخ صعب والا لاء ؟
والفهرس شنو فيه المواضيع يعني عن شنو ؟ ؟

 

[خريجة 2013]

واااي ماني قادرة أستوعب إن باقيلنا سنة ونااااااااسة شعووور حدده اينن ..
..:eh_s(15)::eh_s(15)::eh_s(15):

مشكووورة حبيبتي على هالتجمع الحلووو .. :eh_s(17)::eh_s(17):

بس بغيت أسأل البنات الي تخرجوا عن مادة الدستور شلونها ؟؟ يقولون مو هينه ؟؟

 

[stop ana top™]

إلله يوفقكم


أنا تخرجت الحمد الله و ألفال لكم
و إذا تبون أي سؤال ما يردكم إلا الكيبورد :

 

[Al7oor2]

مسااااء الخييير ��

شخباركم بنات ،،،،؟!!

الدوامات ان شاءالله تبدأ 9/23 /2012 وتخلص 7/7 /2013

 

[ضــمــاد]

ضماد دام عندج الكتب تكفين قولي التاريخ صعب والا لاء ؟

والفهرس شنو فيه المواضيع يعني عن شنو ؟ ؟ ​

​

لا مو صعب حلو و و و



مواضيع الفتره الاولى + الثانيه


الفصل الاول : النهضه الاوربية :


راح ندرس النهضه و عواملها ومظاهرها



الفصل الثاني : الكشوفات الجغرافيه :

راح ندرس أسباب الكشوفات + رحلات الكشوفات + نتائج الكشوفات

طبعا رحلات الكشوفات عندنا 5 رحلات

رحلات الكشوف ( البرتغاليه + الأسبانية + الانجليزيه + الفرنسيه + القطب الشمالي والجنوبي )

أخذي فكره عنهم بقوقل ..


الفصل الثالث : الأستعمار الاوربي :

ندرس مفهوم الأستعمار + عوامي قيام الأستعمار + أشكال الأستعمار + التنافس الاستعماري

+ أثار الاستعمار


الفصل الرابع : الثوره الصناعيه :

تعريف الثوره + عوامل قيامها + مظاهرها + نتايجها



يعني


الكورس الاول ندرس من ص 11 الى 69

بنات اذا عندكم اسئله اذا تبون تعرفون شي عن الكتب


لايردكم الا كيبوردكم .. انا معاي الكتب والمذكرات وكل شي


وقاعده افكر ان شاء الله .. لو أستمريتوا على نشاطكم .. راح احط موضوع


خاص بس حق التلاخيص وحل أسئلة الكتب والاشياء المهمه


عشان نساعد بعض .. شرايكم ؟​

 

[ام متلق]

مبجررين حده هههههههههههههههه انا خريجه هالسنه

بما اني حاسه فيكم بقولكم ان 12 ادبي من اسهل مايكووون وبالنسبه لي اسهل من 11 بواجد خصوصآ بالجغرآفيآ
بتكلم عن مآده مآده

القرآن : مثل كل سنه اللي قاتل تجويد او شي جذي لا .. عادي تسمعون الايآت مثل كل سنه ممم شوي الاآيآت رآح تكون طويله لكن سهله حححيل والتجويد اسهل من 11 بوآآجد

التربيه الاسلآمية : غير عن 11 لان 11 في نقاط وواحفظها وبس اما بـ 12 كله فهم وسهللل مايبيله شي يعني تضمنون الدرجه الكامله بكل سهوله

العربي : مثل كل سنه ماراح يتغير شي اللهم ان النححوو اسهل من 11 وانا للامآنه ماادرس عربي لاقواعد ولا بلاغه ولا فالحه قيه حتى بس انجح فيه

انجليزي : مادتي المفضله سههله حيل اسهل من 11 لان 11 كان كميه كبيره عكس 12 ست بوك سهل الوحدات حلووه دراستها والقواعد هي نفسها من يوم كنا بـ 10 يعني سهالات بس الكلمات ومعانيها لازم تحفظونها اول بـ اول لانها وآجد .. يعني سوو مثل ما انا سويت .. كل يوم الكلمات اللي اخذها اقرآها واحفظها بس قراءه مو كتابه وكل يوم جذي واذا خلصنا اليونت احفظها كلها حتى لما يجي وقت الامتحانات تلقين نفسج ماتحفظين من البدايه مجررد مراجعه بسس

جغرافيا : اتعب وانا اقولكم سخييف تافهه غير عن 11 بالمرره لان 11 كان موووت بالنسبه لي ..منهج 12كله عن التلوث وانواع التلوث .. انا كنت اجيب فيه الدرجه الكامله فـ الجغرافيا من المواد السهله حاولوا تجيبون فيها درجه كامله وانا متاكده اغلبكم بيجيب فيه الدرجه الكامله لانه مايحتاج شي

التاريخ : احلى ماده عندي التاريخ تهبببل الكورس الاول والكورس الثااني كلهم حلوين وسهلين .. بس اذا غبتي بحصه من حصص التاريخ تضيعين فيه لان عباره عن قصص واللي يقولكم غثيث وصعب هذا ماعنده سالفه من احلى المواد بـ 12 تندمجين بالحصه ووتحسين تلفين العالم كله والكورس الثاني عن الحرب العالميه الاولى والثانيه سهلين بس يبيلهم تركيز شوي لكن ماده حلووه تهبل

الفلسفه : اكيد كلكم خايفين منه مثل ما كنت خايفه منه واحاتتيه حتى قررت بالعطله اني ادخل معهد عشان ما اسقط بالفلسفه من كثر ما ااسمع عنه يوم دشيت 12 ضحكت ع نفسي لانها ماده حلوووه كللهااا فهممم .. انا كنت افتح الكتاب واي مثال الابله تقوله اكتبه فوق الفقره ..كل شي اكتبوه بالكتاب كل شي خصوصا الفلسفه لان فيه كلام لمآ تقرينه تحسين خرآبيط مومفهوم بس لما تشرحه الابله تفهمين واكتبوا شرحهها على الكتاب انا كنت اسوي جذي والحمدللله كنت اخذ الدرجه الكامله بالفلسفه واذا نقصت انقص نص او ربع .. المنطق يبيله فهممممم مو حفظ بالمررره .. الكورس الاول من المنطق سهل سخيف اما الكورس الثاني سهل بعد لكن يبيله تركيزززز حيل حيل .. والفلسفه ماده لازم تحفظين اول بـاول يعني كل درس تاخذونه ترجعين البيت تحفظينه عدل وهي كلها 3 حصص بالاسبوع حصتين فلسفه وحصه منطق

الاحصاء : سهل قوانين واطبقين عليهااا مايبيله شي

الفرنسي : سهل بعد والقواعد سهله حيل .. لكن يبيله حفظ اول بـ اول يعني اول ماتخلصون من الوحده احفظيها كلها وماياخذ من وقتج ساعتين بسسس وطريقه الامتحان نفس 11 بالضبطط مافي فرق .. وسالفه امتحان ورقه اولى وورقه الثانيه ترى هي نفسها الاسئله لكن يقسمونها ع ورقتين بسس وومافي تعبير ولا شي وسهل حيل الفرنسي خصوصا اللي كان ماشي بالفرنسي بـ 11

الدستور : ماده غثيثه حيل حيل اول كوورس بصراحه صعب لكن الكورس الثاني سخيف حيييل واحفظوه اول باول .. هو صج ان حصه وحده بالاسبوع بس صعب


وادرسووا عدل لانها اخر سنه وسهله حيل حيل فـ حرام تضيعون درجات وهي سهله .. المواد الصعبه خلوها ع جمب ركزوا ع المواد السهله ..
مثلا ( القرآن ، التربيه الاسلاميه ، الالعاب ، فلسفه ، حاسوب ، اختيار حر 1 ، اختيار حر 2 )
هذي المواد لآزم تجيبون فيها الدرجه الكامله لانها اسهل المواد بـ 12 انا كنت اركز عليهم عشان اذا ماجبت درجه حلوه بالمواد مثل العربي او فرنسي او انجليزي اكوون معوضه بالمواد السهله اني جايبه فيها درجه كامله والحمدلله مانزلت عن
85 %

مواد الاختيار الحر انصحكم تختارون مواد مافيها اختبارات مثل الصحافه واقتصاد
لاتختارون الصحه النفسيه او الفرنسي كلهم امتحاناات فـ ماتكونين ضامنه الدرجه الكامله

وادرسسوا اول بـ اول واقولكم للمره الالف ان 12 من اسهل مراحل الثانوية واخذوني انا مثال .. انا ماكنت اجيب فوق 80 ولا انزل عنها لكن بـ 12 جبت 88 و87 يعني نسب حلووه

وكنت ادرس من مراجعات الاسمر اللي بمنتدى مدرستي اخذوا منه مراجعات حييل حلووه

وموووفقين واي سؤال دزولي عالخاص لاني ما ارجع للمواضيع اللي رديت فيها


وآآسفه طولت عليكم ​

 

[خريجة 2013]

مشكووووووورين على التوضيح الصرااااحة ريحتوني و طمنتوني واااااايد (-:
تحياااااتي لكم

 

[ماكو نك]

ضمااد
مشكوووره حياتي خذيت فكره عن التاريخ .. ماتقصرين والله يكثر من امثاالج احناا وايد محتاجين البنات اللي مثلج
وحلووه فكرة الموضوع بس اذا تقدرين حياتي ووالله راح ندعليج بصلاتنا

وام متلق حياااااتي والله فهمتينا كل ماده عدل ومشكوووووووووووووور

 

[ماكو نك]

امبي توني استوعب شنو 7-7 نخلص؟؟ من صجكم !!!!!!!!

 

[مـنـو قـدي]

السلامـ عليكمـ
شلونكمـ .. حبايبي أنا علمي بس حبيت أفيدكمـ
بالأيات و الأحاديث
و لمصلحتكمـ و الي مو حابه براحتها :eh_s(15):







الآيات المقررة لـ12

آلآولىى وآلثآنية للكورس آلآول وآلثآلثةة وآلرآبعه
للكورس آلثآني على خير آن شآء آلله


الآية الأولى

،’
أحاديث الفترة الاولى
تفضلوآ
http://sub3.rofof.com/07ykmjc20/Ahadyth_alftrhh.html




" لا تنسوني بدعائكمـ بإن الله يحقق الي في بالي و اخترج بنسبة عالية .. و لكمـ بالمثل "
:eh_s(8):
​

 

[ماكو نك]

مشكووووووووووووووووووووووووووووووره حياتي والله بميزان حسناتج وعسى الله يوفقج ياارب بدرااستج وتيبين النسبه اللي فبالج يااارب

 

[~mmm~]

انا تخرجت هالسنه من 12 ادبي
ويبت 72
اللي نزل نسبتي الفصل الاول ماقول الا حسبي الله ونعم الوكيل
وقررت اني اعيد 12 صباحي
واي شي تبون تعرفونه قولولي انا حاظر
واذا بدا الكورس الاول راح اكتبلكم كل اساله الفلسفه اللي اهي اصعب ماده
والباجي سهالات

 

[ماكو نك]

مشكووره حبيبتي ..

بس بغيت اسالج صج بلاغه العربي مالت 12 حذفوهاا ؟؟
يعني احنا هالسنه ماندرس بلاغه بس مالت 11 و10