السلام عليكم سايلنت قيرل يعطيج العافية على هالموضوع الشيق
انا مو الناس اللي تقول قانون الجذب خرابيط او كلام ضد الدين وجذيه بالعكس!!! اكو شي اسمه قانون جذب واهو بكل بساطة توكلي على الله وحطي الشي اللي تبينه في بالج وتاكدي بان الله راح حققه وراح يتحقق!!
قانون الجذب بدا معاي من قبل لا اعرفه عنه!! من جم سنة قلت انا بستغفر ولقيت الناس يقولون قصص عن الاستغفار فقلت بسوي
من اول ما بلشت استغفر لقيت ان في اشياء بسيطة افكر فيها تصير!! ولقيت اني من صرت ايجابية بدا يصير بيني وبين اشخاص حيل احبهم رابط ذهني افكر بشي يسوونه او يقولونه!! تعجبت فقلت يا الله كل هذا بس عشان بلشت استغفر!! للاسف ما قمت استغفر مثل قبل بس سبحان الله هالشي لي الحين موجود
بعدين لمن تعلمت عن القانو وشلون اطبقه ةجذيه لقيت كذا شغلة تتحقق بسهولة عادي مثل ابي مبلغ فلوس احصله ابي اسافر احصله ابي شخص معين احصله
والله يا ان حياتي تغيرت وصرت ايجابية اكثر وصار ايماني بالله اقوى بدرجة محد يتخيلها اللي لي الحين مالقيت شخص ايمانه اقوى مني!! ( الحمدلله كلنا مومنين بس الايمان درجات عالية مو كلمن يوصله وانا لي الحين اطمع بانه يوصل لاعلى المراحل!!)
عشان تطبقون القانو خلوا النية حاضرة وطبقوها على شي زين كله خيرحطي في بالج مثلا ابي سيارة معينة وان شاء الله الله راح يرزقني اياها من حيث احتسب او لا احتسب وانسي الفكرة كل ماتذكرتي السيارة قولي اي الله بيعطينيها وفكري بايجابية وانسي لاتفكرين: من وين راح اتييني من وين فلوس شلون وشلون وشلون ما راح يفيد هالشي ابدا!! انتي تبين وخلاص وتوكلي على الله واهو راح اييبها لج وفلعا راح يصير هالشي راح اتيي السيارة من حيث لا تعلمين شلون خليها على الله اهو اللي يدبر
فتجربتي مع قانون الجذب اذا كنت ابي فلوس ادعي واحط بدعائي طاقة ايجابية واتييلي فلوس حتى لو مبلغ بسيط بس الحمدلله
مريت بازمة هالسنة ازمة مالية وبجيت وتازمت وكل شي في لحظة صفاء دعيت ربي يا رب الهمني شلون وشلون والله قبل لا اكمل الدعاء اييني الحل بسرعة البرق واحل المسالة!!
اذا كنت ابي شي معين الاقيه بروحه اييني بس ها ما اقول حق احد ابي اخليه بروحه يصير
صاير معاي شي يديد هاليومين مع مواقف السيارات لمن يكون زمة حيل والاقي موقف بعيد والاقي احد يصفط فيه قبل كنت اتازم واتنرفز الحين بكل بساطة اقول راح يعطيني الله اللي احسن منه وفعلا احصل مواقف جدام باب المكان اللي ابيه لووووول
وموقف ثانية وثالثة ورابعة اهو بس يعتمد على الايمان والثقة العمياء بالله!!
قريت مرة مقولة تقول "لماذا تدمن التفكير والله ولي التدبير!!" ماادري حق منو بس حيل صحيحة هالمقولة ولي يومنا اطبقها
حتى شخصيتي تغيرت قبل احن واوسوس وشلون ما لون الحين صرت هادية وعادي الشي صار اوك الحمدلله ما صار بيي الاحسن شنو المشكلة!
واي صج حتى للريجيم يفيد هالشي!! لمن تطالعين عمرج بالمنظرة وتقولين جني ضعفانة يا ربي الكرش قلت وجذيه راح تلاقين الناس تقولج فلانة انتي ضعفانة وفعلا تضعفين!!
هذي تجربتي وان شاء الله للحديث بقية
