تغليف هدية جدا جدا جدا مميزة..هدية القنفة

[x.swar]

السلام عليكم خواتي ..

بعرض لكم طريقة تغليف هدية .. :wqedqw:
دام ان اليهال الحين خلصوا امتحانات الله يحفظهم
والاهل يعطون عيالهم هدايا ..
وحفلات النجاح والتفوق كاثرة والحمدلله ..

طريقة بسيطة لكن جدا مميزة .. واهم شي تدخل السرور على نفس اللي تقدمينها له . :klhfl:


الحمدلله والفضل لله اني سويتها حق ولدي يوم تخرجه..وااااايد وااااااااايد استانس ...ومو بس اهو حتى انا وابوه استانسنا واهو يشقق القراطيس ويطلع الهدايا ..
وسويتها حق عيال اختي في حفلة نجاحهم ..صار جو بالحفلة << اليهال خلوا الحفلة وتيمعوا عالهدية لوول
وسويتها حق وحدة من رفيجاتي ( شخص كبير ) وهم كانت مميزة ..

:stars:هدية على شكل قنفة .. ومعاها طاولة أو تلفزيون بلازما ..:stars:

مابي اشوقكم اكثر .. أترككم مع الصور ...




وهذا ولدي شايل هدية عيال خالته .. بس ماقدر يشيل تلفزيون البلازما ..
لاحظوا التلفزيون يعرض صورة ولدي مع عيال خالته طبعتها بالطابعه ..
وهم الكرت المعلق بالقنفة .. من داخل كاتبة كلمة مبروك كبيرة .. ومن برة الكرت نفس الصورة اللي على التلفزيون.

لايطوفكم الريموت عجيب << ترا ثلاثي الابعاد لوول



وهذي هدية رفيجتي .. عبارة عن جوتي(القاعدة) ..ومعاه كتاب (السنادة)




واخيرا هدية ولدي .. قاعد عليها .. قنفتين ومعاهم طاولة ..
والصورتين الاخيرتين فيهم تفاصيل الهدايا والتغليف ..






أتمنى الفكرة تعجبكم ..
وياريت اللي تسويها تصورها وتعرضها لنا ..
يالله بنات خنشجع بعضنا ..
وهالله هالله بالردود الايجابية ..
وحياكم الله ..
:e3:
​

 

[عهد الامل]

بسم الله ماشاءالله
تبارك الرحمن
اللهم صلي وسلم علي سيدنا محمد
روعة ابداع تميز
دوق
سلمت الايادي
الله يحفظ ولدك ويحميك من كل شر

 

[x.swar]

مشكورة يا حبيبتي يا عهد الأمل ..
فضل الله سبحانه .. والاهم فرحتنا في الهدية ..

جوزيتي خيرا .. فأنت السباقة دائما إلى الخير
ومشكورة عالدعوة الحلوة ..

 

[الهاجريه]

ما شاء الله
تبارك الرحمن مبدعه وفنانه
الله يباركلج ويسلمج لعيالج
وان شالله تسوين لهم هدايا عرسهم

 

[ياعشيري جعلك السلال]

تونس حدهاااااااا

 

[أسـيـل]

مشاءالله تبارك الرحمن روعه

 

[أم لطووف]

ما شاء الله تبارك الرحمن
ما شاء الله عليج مبدعه بأفكارج

 

[x.swar]

مشكورين بنات .. والله فرحتوني ..
جزاكم الله الخير كلة ..
:ggdw::ggdw::ggdw:

 

[كويتيه برونزيه]

مشاء الله روووعه صج فنتق

 

[عهود الحب]

تهبل والله يعطيج الف عافية
بس شنو بداخل الكراتين ؟
يعني شنو الهدية اساسا
ومبروك تفوق ولدج

 

[funky]

الفكرة حدها عجييييييييييييييييييييييييييييييييييييييييييييبة .... ما شاء الله علييييييج صج مبدعة

الله يحفظ لج عياااالج ويحمييهم من كل شر يااارب

:nbvppw:​

 

[x.swar]

تهبل والله يعطيج الف عافية
بس شنو بداخل الكراتين ؟
يعني شنو الهدية اساسا
ومبروك تفوق ولدج

الله يعافيج حبوبة ..
كنت رايحة سنتر بوينت والا مسوي سيل جان ازخ بالالعاب لووول
عاد قلت حق ولدي ان هدية وحدة مني وهدية من الروضة ( تشجيع لان الروضة حتى ماعطونا هدية يفرح فيها الياهل) وهدية من المسجد ( العصر هم تشجيع عالمسجد ) وهدية من امي ( عشان يتعلق فيها اكثر ).

هدية ولدي اللي بداخل الكراتين .. كانت ..
القاعدة1 - مركبة ريموت اللي مالها تواير .. تمشي عالبحر والارض الملسا والثلج ..
القاعدة2 - نطاطية تفخ عالارض والماي ..<< شغلي كلة برمائي لوووول
سنادة1- لعبة أتاري عالتلفزيون ..
سنادة2 - طقم قنفات وطاولة تفخ حق البحر ..
طاولة - طفاحية ..

وهدية عيال خالته كذلك من سنتر بوينت .. بس بدون السيل ..
تلفزيون البلازما - طقم فخار يلونونه بالوان خاصة
السنادة - بيبي توأم .. ريحتهم ريحة البيبي و ملمسهم ناااااااعم .
القاعدة - سيارة فراري فورميلا لها صوت خاص .

وهدية صديقتي ..
كانت القاعدة جوتي اعزكم الله .. والسنادة كتاب على جنب ..

واااي تعبت وانا أكتب ..
هذي النشرة حق اللي يبون يبلغون شفهم << أتغشمر معاكم مو تزعلون ..لوول

 

[mody_q8]

ما شاء الله فكره عجيييبه... و شغل روعه..
بس جذي بتوهقينا جم هديه بنشتري عشان نكمل القنفه؟؟ ههههه

 

[sun_kisses]

ما شاء الله فكره عجيييبه... و شغل روعه..
بس جذي بتوهقينا جم هديه بنشتري عشان نكمل القنفه؟؟ ههههه

لوووووووووووول قلبي على قلبج

عجبتني الفكرة بس تكلف وايد لووووووووووووووووووول


يسلموو خيتو ابداع ماشءالله عليج

 

[أم عبووووود]

ماشاء الله تينن

اولا مبروك تخرج ولدج من الروضه وان شاء الله الجامعه يارب

وفكرتج عجيبة انا غرامي هالسوالف وببوق طريقتج وبطبقها ===> بعد اذنج

يعطيج الف عافية

 

[اللمسة المخملية]

ماشاءالله عليج.. الفكرة حدها عجيييييييييييييييييييييية..
الصراحة صج مبدعة..

بس عاد لو بتييبين له الغرفة كلها يبيلج ميزااااااااااانية كبيرة حق الالعاب

 

[مجنونه الكويت]

عجيب شغلج و افكارج

ان شاء الله نشوف ابداعات أكثر بالمرة الجاية


بنتي عمرها سنتين ... لما تتخرج من الثانويه شرايج تسويلها غنفة (لووووووووول) مطولة السالفه

 

[*قلب جابر*]

الصراحة تشكرين على الفكرة الحلوة و ان شاء الله احاول اطبقها و اقولج
:klhfl::stars:​

 

[أحلى الجياكر]

رووووووووووووووووووووووووووووعة ...
تسلم الايادى

 

[غروك وغيروك]

خووووووووووووووووش فكره

عساج ع القوة