تعليم الطفل على الحمام وتجاربكم

[اصايل]

انا نفس حالتج اعاني بنتي عمرها 3 سنين وتعبت وانا اعلمها ساعات تضبط جم يوم وبعدين ترد تخترب والمشكله الغيره من اختها توها عمرها شهرين _قاعده احاول وياها بالهدايا والطلعات والالعاب والله كريم انشاء الله

 

[حلوه العسل]

واااي انا بعد بنتي مو راضيه تتعلم مادري شسوي تعبت
الحين كلا احن عليها اتقولي مابي
او مافيني وبعدها اب ٥ دقايق اتسويها على روحها

 

[ام سلومd]

اي انا وياج من تكمل سنتين انا افج الحفاضه عاد لازم اول مرة كل 5 دقائيق طبعا اول اسبوعين وااااااااي تطق جبدج اول شي بعدين كل 10 بس عينج عليه او عليها و بعدين لالالا من نفسه اليهال راح يكره الحفاضه و يستانس من دون حفاضة اول شي ماراح يعرف يقولج يبي الحمام بس انتي عوديه و طبعا لازم القيصريه اذا ماتعرفين حق القصريه اكو مثل الدب او لعبه حق اليهال علشان يسون فيها و الله يعينج و على البصمه ترى راح تشوفين انه ينخش بزاويه علشان ماتشوفينه الا الحبيب و لا الحبيبه مسويتها و خالصه هههههههه

 

[دلع86]

يالله بناااااات نبي بعد افكار لاني ببدي اقطع الحفاظه عن بنتي

 

[ماريي]

رد : تعليم الطفل على الحمام وتجاربكم

لسلام عليكم
برنامج للتخلص من الحفاض

1. تحلي الام بالصبر ةالارادة والعزم والاصرار
2. خلع الحفاض نهائيا 0ليلا ونهارا )لاترجع الام اليه بتاتا
3. من خلال ملاحظات الام تستطيع تحديد موعد ثابت يذهب الطفل فيه الى دورة المياة (كل ساعة مثلا او اكثر )وتستطيع زيادة الفترات المتباعدة لدخول الطفل الحمام تدريجيا
4. يذهب الطفل الى الحمام ويجلس علي المرحاض من 3 الى 5 دفائق حتى لو لم يتبول حتى يأخذ وضعية الجلوس والتهيئة لبعد ذلك وايضا ليعرف انك جادة ولن تتراجعي معه مهما حدث (احيانا يبكى الطفل –يصارخ )لاتهتمي
5. افتحي شطاف المياه او حنفية مجاورة فالماء يجذب الماء ويساعد الطفل على التبول
6. المعزز - يجب تعزيز الطفل حين يستجيب باي بادرة مثل طلبه الحمام -توجهه الى الحمام بغض النظر لو لم يلحق وبلل نفسه
7. المعزز المعنوي كالقبلة وتعابير الوجه المفرحة والتصفيق مهمين جدا للطفل وتأثيرهم على الطفل اهم من المعززات المادية (العاب وغيره )لان الطفل مشبع هذه الايام من المعززات المادية الكثيرة حوله
8. ابتعدى عن تنفيذ البرنامج في ليالي الشتاء وان كان لايمنع ان تذهبى به للحمام في فترات متقاربة وتجلسيه على المرحاض مع وجود الحفاض وسيعتبر هذا تهيئة لحين البدء في البرنامج وسيساعد كثيرا
9. استجابة الطفل ان شاء الله تأخذ من اسبوعين الي شهر
10. لاتهاون لو بدأت البرنامج والا لن يثق الطفل بكلماتك وتوجيهاتك بعد ذلك حتى في الامور الاخرى
11. مساعدة المحيطين بك مهمة وتعاونهم معك
12. حددى فترات ثابتة اثناء الليل وقلليها بالتدريج الى فترة واحدة
13. ابعدى عن الطفل العصائر والمياة قبل النوم
14. وربتا المعين ان شاء الله

 

[عطاء أنثى]

وأي سالفه ها لحمام عزكم الله

 

[naz.girl]

انا وحده ياست بصراحه لا نمبر ون ولا تو نمبر ون بعد اهون 2 ولا مره الا بالحفاضه ولا يخبرني انا شريت له اللي يركل على المرحاض بس ابد ما في فايده ساعات الله يعزكم يبول واكثر الاوقات اشيله بس ييود السنك وييوقف يبول شسوي تعبت وانا بروحي الخدامه اللي كان يحبها سافرت واللي عندنا احين بصراحه ما تشجع ولا اهو متقبلها وهم بعد وفاة خالتي الله يرحمها وايد يعاند اهو ما يعرف وين راحت عباله في المستشفى احين عمره 3 سنوات و4 اشهر وامي بعد ما تقدر عليه انا بروحي ماشاءالله عليه حركي وشيطان كله يطق وعصبي وللحين اعطيه حليب لانه جربت الوضع بدون حليب كلش محد يقدر يستحمله اخاف اشتري له القيصريه ويمللني زياده خاصه احين الرمضان يايي وهمم يقولون عود بس ما اعرف شسوي والله تعبت

 

[توتا حمرا]

موضوع حلو
بنتي عمرها سنة وشهرين وابي اخذ افكار
ادري مستحيل تتعلم الحين بس كلما ادخلها الحمام عشان ابدلها اقولها يععع وبعض الكلمات عشان اتسوي شي وطبعاً مااتسوي خخخخخخ
بس اسوي جذي عشان اعطيها فكرة عن الحمام من الحين

 

[امووووما]

حبايبي انا بنتي بتكمل سنتين بعد شهر ومشكلتنا ماتبي تقعد على المرحاض او القيصرية وتموت من البجي اذا قعدناها بالاثنين واذا تبي اتسويها تبي وقافي الهبله فاهمه الموضوع غلط هههههههههههههههههه باليت اتساعدوني والله تعبت ولا تقولون يمكن معتقده او الخدامه امسويه فيها شي خلاها تكره القعده لان انا قاعده بالبيت و امجابلتها وانا اللي ادخلها الحمام

 

[naz.girl]

امووووما عادي ترى بنتج صغيره اكيد بتخاف من المرحاض انا ولدي بعد خذ له مده ما يرضى يقعد على المرحاض مع انه جربت له التوليت سيت اللي يصغر المرحاض بس عقب مده استانس عليه بس هم نفس بنتج ما يقعد احين عمره 3 سنوات اوديه قبل كان احسن اخين اوجيه ما يبول الا لمن اشيله يوقف ويبول على الارض وبعدين في بامبرز الكلوت شسوي تعبت والله يعين حاولي مع بنتج ان شاءالله تقتنع بس اذا هي خايفه نطري عليها شوي احسن

 

[حرمه المصون]

أنا بعد أحاول اعلم ولدي عمره سنتين ونص الله يعينا

 

[فـراوله]

واااااي الموضوع حدددده متعب قبل 3 أشهر بلشت معاه الحمام
وقعدت شهر أعلمه ما في استجابه نهائي رجعت ولبست له البامبرز
وألحين صارلي أسبوع مبلشه معاه وبصراحه احبااااط ما في تحسن نهائي
بس يدخل الحمام يبي يلعب أو يصرخ اذا قلت له يقعد عالحمام وبصراحه ما عندي

خدامه فالموضوع متعب اشوي نظافة بيت ولا أكل ولا مجابل العيال ولا الزوج
وألحين أبي أدخله حضانه بس خايفه يهملون سالفة الحمام بجذي راح يتمرد أكثر
وولدي عمره سنه و9 شهور

مادري شنو الحل معاه
​

 

[ام رينـاد]

الله يعينكم صراحة تعب ..أول ماعلمت بنتي عالحمام .وانا مستانسه انها تعلمت ولا يتلي ومتغرقه هدومها ماي @@@@@@


احبااااااط