تعلمت من [2011] و حابه اكون افضل في [2012] حياكم...*

[المقروووده]

تعلمت اني ما اتكلم وايد لان كثرة الكلام مايفيد

وتعلمت اني اذا شفت خلاف وما يخصني ما اتدخل ولكن احاول اهدي النفوس لان حتى لو وقفتي معاهم باجر ماراح يتذكرون اذا تصالحو الا انج زدتي الطين بله

وتعلمت انه مهما كانت عندي هموم ما أشكي الا لربي وامي .. لانهم الوحيدين اللي يحنون علي وماراح يفرحون بحزني ولا يحزنون لفرحي ..لان حتى اختج اللي هي اختج يمكن يكون بخاطرها شي ناحيتج اما امج مهما لامتج قلبها بيكون صافي ناحيتج

وشكرا على الموضوع الحلو مثلج

 

[كلي حلاوه]

تعلمت بـ 2011 ! > و اللي بآخذةة معآي بـ 2012 ان شآء اللهه ومآ يتغير​

• ععآمل النآس ععلى أخلآفك انت مو بأخلآقهم​
• تعلمت أتوكل على اللهه و انةة الوححيد أللي يستحق الرجآء و التوسل ♥ ، و انةة اللهه مآ يخذل عبدةة ولو بأبسط و أتفهه الأمور شغلآت يمكن تكون سخيفةة مآ تنقآل لأحد لكن يحققههآ ربي ، و انةة الدععآء عآجلآ أم آجلآ يتحقق > و صج مرت علي شغلآت و أدعيةة بسيطةة لكن قلتهآ بيقين و ايمآن و مآ يمر شهر و اهيآ متحققةة الحمدللهه و الشكر لله​
• تعلمت أطور من نفسي ، و أبني نفسي بنفسي ♥​
• ووو تعلمت اني أرد على بعض النآس بمجرد [ ابتسآمةة ] ! > عشآن مآ أحرق دمي و أطول السآلفةة معآهم​
• و تعلمت أكون مع أللي يحبوني ♥​
• تعلمت انةة رضى أمى علي أهمم شيء بهآلدنيآ​
• تعلمت مو كل من ضحك بوجهي يحبني ، و مو كل من صد عني يكرهني​
• تعلمت أكؤن اجتمآعيةة أسولف مع الكل و أجآمل الكل [ عشآن ارتآح ]​
• و تعلمت أطنش عشآن أعيش​
• أصير صلبةة و قويةة و مآ يهزني الكلآم > يععني ي جبل لآ يهزك ريحح .. !​

وو أدري طولت عليجج ان شآء اللهه اذآ ذكرت شيء بععد أسدحهه :*
تقبلي مروري والموضوع عجيب ☺​

 

[كيكه توفي]

تعلمت اني مهما سويت ما راح اسلم من كلام الناس فالاحسن اني ما اهتم واسوي اللي يريحني انا
تعلمت اسراري لي بروحي وبس
تعلمت ما اقول نقاط ضعفي حق احد عشان لا يستقلها وقت ماحب
تعلمت ان الاعصاب ماتفيد ولا تغير شي فأبرد قلبي أحسن
تعلمت اهتم شلون ارضي ربي مو شلون ارضي الناس
حابه اكون ب2012
بارده وما يأثر شي علي
شخصيتي متحفظه
هذا اللي في بالي الحين
ومشكوره

 

[lovely~Noora]

تعلمت اني ما اوثق بأي احد لانهم بشر وممكن يتغيرون فجأة
تعلمت ان ما اتعلق بشخص معين واخليه قريب مني حيـــــل مهما كان لان كل البشر زوار بحياتي وبيطلعون منها بأي وقت !!
تعلمت ان افكر بعقلي قبل قلبي بكل تصرف
تعلمت اني ما اذل روحي واترجى بشر واخلي كرامتي فوق كل شي
وتعلمت اقول الحب اللي يضعفني ما ابيه
تعلمت ان الحب في الله تضحية لكن من الطرفين مو من طرف واحد!!
تعلمت ان لحظات السعادة بمعصية ربي مجرد دقائق وانا ابيع السعادة الابدية بسماعي الاغاني
تعلمت ابتسم للي يشتمني ويسبني لان اعرف انه بينقهر بابتسامتي
تعلمت اخلي الابتسامة عنواني وانسى همومي لان حياتي بعيشها مرة وحده ليش اعيشها بهموم؟؟
تعلمت ان كل البشر لابسين اقنعه وبيجي اليوم اللي نكشفهم ع حقيقتهم
باختصار ثقتي انعدمت بالناس
ومع ذلك الحياة حلوة والامل ملا حياتي

 

[SeLf^CoNfiDeNce]

Tslmon 3almroor

 

[~✿ ارتـِوآآآء روح !]

هالسنه تعلمت منها قيمه الوقت وان اللي راح مايعود
اكثر شي علمتني ياه الوقت ,, علمتني هالسنه افكر باخرتي
هالسنه بالذات جت بالصميم وان مافي احد ينفعني غير التمسك بدين الله والحرص على رضاه
علمتني اشياء كثيرة اتحفظ فيها لنفسسسسي
وباذن الله اذا الله اطال بعمري وكنت حاضرة سنه 2012
راح اغير اشياء كثيرة بنفسسي بكمل دراستي بسعى لطلب العلم ودعوة الى الله
بارك الله فيكم ومحال ان تستمر الحياه على وتيرة واحده
لابد منها من فرح وحزن ونجاح وفشل وابتلاء ومصائب اسعو الى الاخرة
ولقد خلقنا الانسان في كبد
ربي يعافيش على طرح هالموضوع