تعلمت من [2011] و حابه اكون افضل في [2012] حياكم...*

[SeLf^CoNfiDeNce]

السلام عليكم ...
بما ان [2012] ع الابواب ...*
حبيت نتناقش بموضوع ...*
ابي اعرف شغله تعلممتيها او اخطأتي فيها اب [2011] و حابه تصلحينها اب [2012]
او شي تميزتي فيه اب [2011] و حابه تستمرين فيه لي [2012]
و الله يعطينا الصحه و العافيه ان شاء الله و نتعلم من الي فات حق المستقبل

بالنســـبه لي ( تعلمت لو الله كاتبلي نصيب بشي راح يصير حتى لو كنت ما ابيه )
و هالشي عن طريق تخصصي بالجامعه طمحت لي تخصص و عدت المواد اكثر من مره بس الله ما كتبلي ...*
و( تعلمت الانسان لو لج اهميه عنده بيتواصل معاج لو شنو كانت ظروفه الظروف تقلل التواصل بس ما تمحيها )

(تعلمت يكون لي راي بكل شي يخصني ما اعتمد على غيري و هالشي يقوي شخصيتج و يخلي لج كلمه و هيبه )

( تعلمت مو كل انسان يكلمني و يسأل عني يبيلي الخير للأسف بعضهم يقارن احوالي بأحواله )

( تعلمت اعطي من غير من انطر مقابل ):rerrerek:

( تعلمت شغله وايد حبيتها و اتمنى اني ادوم عليها ... ما انام الليل الا و انا قايله استغفر الله عشر مرات و دعاء : اللهم اني استودعتك نفسي و من معي و انت خير من يودع و اقره المعوذات )

و اتمنى الاشياء الزينه الي تعلمتها تظل معاي طول العمر ...*

و اتمنى كل وحده تكتب شنو تعلمت من [2011] و حابه تستمر فيه او تغيره لي [2012]

و كــــل عـــام وانتـــوا بخــير مقدما...*:eh_s(7):

 

[نهى الأحمد]

موضوع رائع حبيبتي


اكيد كل انسان يراجع نفسه في كل نهاية سنة ويشوف شنو تعلم منها

حتى يطبقها في السنوات القادمة


اكيد لي بااك للموضوع

 

[هب العطر]

السلام عليكم و رحمه الله و بركاته


حبيبتي موضوعج وآيد حلو ..


عن اختج هب العطر تعلمت وايد دروس حلوة و طراقات بعد


تعلمت اشياء ايجابيه و اشياء سلبيه لازم ابتعد عنها


فيه اشياء حابه اخذها معاي ان شاء الله لــ 2012


و فيه اشياء حابه اتركها و را ظهري في 2011




الاشيــــاء اللي حابه اخذها معاي هي :


* اني اقوي شخصيتي بكلامي , ما اخلي احد يجبرني اتنازل عن اي شيء ابيه .


* اني ما اضيع سنين عمري على الانتظار ( نطري لما ايي فلان من السفر , نطري لما تصير العطله


نطري لما ينزل المعاش , نطري لما اكلم فلانه , ) اتمسك بالشيء اللي ابيه و استخير الله و اسويه .


* تعلمت اني ما احذف نفسي على احد , اللي يبوني اعطيهم قلبي , و اللي يقفون ما يشوفون شر .


* تعلمت اني ما اقلل من شأن نفسي , لما وحده تقول لي بدلتج حلوه و الا بشرتج حلوه اقول لها ( عيونج


الحلوة ) مو مثل قبل لما كنت اقول لها ( ويه . . من صجج عاد بلا مجامله )


* تعلمت اعامل الناس على شخصياتهم , الحقوده اعاملها على اني ادري بحقدها , و الطيبة اعاملها


على اني اقدر طيبتها , ما اكره احد , بس ما اعطي احد غير صفاته .


* تعلمت اتوآصل و ما اصير قاطعه , تعلمت اشارك اكثر بالمناسبات الاجتماعيه و اخالط ناس وايد .


* تعلمت ان الرزق بيد الله , و أهم شيء الآخرة مو الدنيــا , و انج لو حطيتي الآخره جدام عينج


بتيي لج الدنيا وهي راغمه .






الأشيــاء اللي ماراح آخذها معاي لــ 2012 ان شاء الله


* كل شخص عطاني ظهره و تركني ما راح اكلف نفسي اطل بويوههم اصلا و لا ارد على اتصالاتهم


و لا مسجات و لا اي شيء , خلاص أحلى طــاف .


* الكيلو جرامات اللي كانت كاتمه انفاسي , مع السلامه يالمتن , ان شاء الله اظل على طول رشيقه و حلوه .


* التنازلات اللي كنت اقدمهم .




و اذا تذكرت شي ارجع للموضوع ان شاء الله ​

 

[دلوعة أبوهآ]

تعلّمت حسن الظن برب العآلمين وصدق التوكل عليه ..

 

[جيرازksa]

اتعلمت حسن الظن بالله اني اتوكل عليه هوا بيسر امري

اتعلمت انه مو كل انسان يبتسم قدامك معناها يحبك

اتعلمت مين الصديق والقريب الي معاك بوقت المرض ومين الي يتخلى عنك وانت مريض ويخليك وحيد

وانصدمت صدمه عمري باقرب الناس في 2011

 

[علشان شو]

موضوعج ووايد حلو تعلمت انه ماراح يفيدني غير نفسي ومااعتمد الا على تفسي يسلمو

 

[mf6nt el3lat]

الاشياء اللي ابي اسويهاا >

اعتمد على نفسي ما اااجل شغلي اعصااابي اخففها اقط اللي ضايقوووني ورا ظهري اهتم بنفسي شوووي


وشعاري بيكووون :


اللي يبينا عيت النفس تبغيه ... واللي نبيه ربي يجيبه

 

[SeLf^CoNfiDeNce]

نهى الاحمد
هب العطر
دلوعه ابوها
جيراز ksa
علشان شو
mf6nt el3lat

مروووركم اسعدني ,,,,*
نهى تنورينا بالباك و ردج الي اكيد بيكون حلو

 

[*الهنوف*]

يمكن اصدمج بردي
تعلمت اصير مصلحجيه ادور مصلحتي وين واركظ وراها لو اني استغل اقرب الناس
تعلمت اني اسكت اذا كلمني شخص يغثني وما اتناقش وياه
تعلمت اصير حقيره ببعض المواقف ومايهمني شعور اللي قدامي بلعنتهم

طبعا موحابه ارد مثل اول طيبه وعلي نيتي لان محد يستاهل يوم وري الثاني تنصدمين بالناس
واهممممممم شي مشيت مع هالحكمه عجيبه

سطح علاقاتك مع الناس تسسسسسسسلم
انششششششششهد اي والله

 

[-فلانة-]

آآآآآآآآآآه من 2011،،
شفت فيها الظلم أشكال و أنواع..
عرفت صج إنه مالي قيمة عند أحد،، حتى عند أقرب الناس،، مالي قيمة،،
قطوني قطة جايدة بمصيبة عودة لازلت أعاني منها،،
2011 خلتني أستوعب إن مالي غير نفسي،، محد راح يشيلني غير نفسي،،
2011 خلتني أتعلم غصبا عني، إني أكون أقوى من أي وقت مضى،،
علمتني إني لازم أكافح بروحي،، علمتني إني مالي سند ولا ظهر،،
ب 2011 انقتلت أحلامي كلها
2011 خلتني أشوف مسبقا حياتي شلون راح تكون صعبة و شاقة،،
2011 سنة تعيسة، صحرا قاحلة فيها زهرة وحدة بس،، هالزهرة إهي ضناي اللي في بطني،،
2011 بتروح بعذابها،،
و 2012 بتكمل مشوار 2011
زهرتي بتكبر جدام عيني إنشالله،، وسط هالصحرا اللي آنا فيها،، زهرتي بتكبر و تصير شجرة شامخة،، تظللني بظلالها و تنسيني شقاي باقي العمر كله إنشالله..
يااااربي خذيت مني كل شي،،وعطيتني أغلى شي،، لا تحرمني من ضناي،، ترى هذا اللي بقالي من الدنيا..

​

 

[manoooram]

شنو تعلمت من [2011] و حابه تستمر فيه او تغيره لي [2012]


تعلمت ب 2011 واايد أشياء منها كانت سلبيه وبتتغير ان شالله للايجابيه

- أكون بسيطه دون تكلف وأخب حالي مع الكل
وأسوي اللي يمليه علي ضميري ويرضي ربي

- كل على قده أفصل احترامه .. لأن الاحترام الزايد عن الحد اتضح ان نوع من السذاجه

- أكون شجاعه و جريئه بالرد على اللي جرحني واستغفلني وما أجامله على حساب نفسي

- مو كل من ضحك لي بالضرورة يحبني ويسعدني

- هذي ماتعلمتها بس اكتشفت انها صحيحه من واقع اللي اشوفه الصراحه ماتعجب أحد بهالوقت بس المنافق (اللي يظهر لك عكس ما يخفيه قلبه من كره تجاهك) صاحب اللسان العذب محبوب ومرغوب فيه

- النقاش والجدال مع الجهله بفكرهم وسوء نيتهم امر متعب فالسكوت افضل من مجاراتهم

- بعد كل هذا الافضل والاحسن مهما كان المصائب اللي تواجهنا كبيره ما أعظم حجمها واريح بالي بالمقابل وأتفاؤل كثر ما أقدر ..


الأشياء اللي ودي آخذها معاي ب 2012 (اذا الله أحيانا) أستمر عليها أو أغيرها

مايتغير شي من اللي تعلمته ب 2011 بس تنضاف على حياتي اني أكون أقوى وأكثر حزم من أول بشخصيتي وكياني وأسعد اللي حولي من زوجي و أهلي وعيالي

 

[♥MaSteRiyA♥]

يا حلو 2011
صارتلي أشياء حللللللللللللللوة بهالسنة ^_^

ومتفائلة ب 2012 يكون أحلى وأحلى :eh_s(15):

يسلمووو يا حلووو

*

*

*​

 

[جولينار]

تعلمت من 2011


حسن الظن بالله


كل مشكلة ولها ولو طال الوقت


الدعاء راح يتحقق



تعلمت الصبر






حابة اكون في 2012


شخصية قوية بالله وفي مضموني قوية


تكون عندي قدرة كبيرة على استيعاب عقليات ونفسيات واخطاء البشر


قريبة من ربي اكثر


ناجحة في حياتي في جميع الأوجة

 

[manoooram]

فقط للتوضيح وهذا ما عليه خلاف
التقرب من الله ورضاه علي اهم واحلى مكسب
*من رضا الناس

 

[جوك احلى جو]

ان شاءالله اغلب اللي

صار ب2011 مايتكرر ب2012

اتمنى للجميع تكون عليهم سنة خير يارب

 

[manoooram]

وكل عام وانتوا بخير
وان شالله تكون سنة خير وصحه وعافيه على الكل
آمين

 

[sarah11]

موضوع حلوووووو

لي باااااك

 

[CUTE__MAMY]

تعلمت ب 2011 واايد أشياء منها

تعلمت ان بوقت الضيق بس تعرف صاحبك كنت احس الناس كلها مثلي طيبه وتحسن الظن بالناس وعرفت انه في ناس قدامي تقول يحلات بنتج وهي عمرها اسبوع ومن وراي تحاول تمرضها لي:eh_s(16)::eh_s(16): بس الله ياخذ بحقي انشاء الله
تعلمت ماسكت عن حقي وتعلمت ان المؤمن لايلدغ من الجحر مرتين تعلمت اقدر من يقدرني
عرفت من يحبني ومن يتمصلح وبس وانشاءالله

السنه الجايه 2012:eh_s(9)::eh_s(9):

اتمني اكون قويه الشخصيه واتحكم بقلبي اكثر واني اكمل دراستي واكون اقرب لربي مشكووره علي الموضوعالرائع مثل صاحبته واتمني سنه جمييله ومليئه بالفرح والامان للجميع:yaaaaaarb::yaaaaaarb:

 

[قصة حياة]

تعلمت اني اثق برب العالمين انه راح يكون وياي ويوقف معاي مهمن صار

تعلمت اني ما ارخص روحي واسوي لروحي قدر وما اضحي زيادة عن اللزوم

تعلمت اني ارضا بالقسمة والمكتوب وان كرهت شى لازم اتقبل وجوده مهمن صار



تعلمت انه محد رح يمسح دمعتي الا امي الله يخليها لي وانها ما تبيلي الا الخير

 

[الزورق222]

( تعلمت مو كل انسان يكلمني و يسأل عني يبيلي الخير للأسف بعضهم يقارن احوالي بأحواله )

.................
اعجبنى ماكتبتى وماتعلمتيه من سنة 2011
_________________________________________

بالنسبة لى ماتعلمته فى سنة 2011 كثيرة وافضل الاحتفاظ فيها لنفسى ..