تعــآلوو يــآسنعات خلونا نشــِجَع بعـضْ ، شنــوٌ سويني اليوم !

[شوقني ياشوق]

هلا ياقلبي مطمط انا بخيييييير
ماحملت ادعيلي وررربي يرزقنا بالذريه الصالحه يارب
توظفت وانشغلت حدي
لج وحشه وينج مختفيه عالساحه الفنيه؟ ادورلج مواضيع جديده ما القا شي
انا كل ما ادش هالموضوع اقوم ارتب خخخخخ
الحين بقالي كوي ملابس وبس
الحمدالله كل شي نظيف اول باااااول بدون خدامه
صرت المراه الحديده ههههههههههههه

 

[شوقني ياشوق]

اب
اب
اب



شدعووووووه ما تنظفون بيوتكم؟؟ ههههههههه

 

[PuPa^^SWeeT]

ضبطت هدوم البنات الشتوية

و صفيتها بجنطة ماطرين الشتا بس ايي ههه

غرفة النوم كل يوم ارتبها

ويومين بالاسبوع انظفها من فوق لي تحت بس مالتي اللي تمسح الارض


ههممممممممممممم اقطط اغراض مانستعملهم


وفيه هدوم من زمان مالبستها عطيت 3/4 للفقارة

وربعها لي خادمتي يعني باقي شهرين و اتكمل انشالله سنة يارب تقعد بعد يارب

 

[جذابه بنت ذيابه]

حمستوني بنوم ولدي وبنوتي وعقبها اتفرق للشقه

 

[شوقني ياشوق]

اليوم بنظف المطبخ
واول ما اخلصه بقط الملابس بالغساله واروح اخم الارض وامسحها بديتول
واخر اليوم بقعد اكوي واطالع التي في

 

[PuPa^^SWeeT]

اليوووم رتبت الصالة عدل

قططت المجلات القديييمة

صفيت على 3 مجلات يدد



و طلعت القنفات برة علشان اتهوااا


و غرفة اليهال بعد طلعتهم كلهم بالحووووش


توني ردييتهم غيرت الكفرات

 

[شوقني ياشوق]

اب اب

 

[سواد عيونه]

خوش موضوع يعطيكم العافية وايد يشجع

بالنسبة لي اليوم يتني خدامة أهلي إهي تيني كل أسبوع تساعدني لأني طالبة و مو مبديه
فتقريبا خلصت كل شي معاها

بس باقيلي أغسل جم شغلة بأيدي
و توني شريت فواحه من بودي شوب بعطر الشقة فيها

وسلامتكم

 

[ام كوثر2007]

انا صار لي اسبوع سويت تعزيل كامل شامل لبيتي كله .. قبل لا تسافر الخداامه


وامس سافرت الحمدلله شغلي كله مرتب والبيت بس الشغل اليومي العادي ..

 

[للعيون همس]

هلا أنا ما عندي شغاله أنا من السعوديه جدولي البيت المطبخ الغدا وفترة العصر الكوي تشطيب المطبخ أطلع الحوش اسقي الزرع وبعدين أصلي المغرب وبعدين شاور والعشا وبعدين الليل جوي أجلس على النت وسلامتكم

 

[مربيه اجيال]

وهـ ع السنعات تبارك الله:eh_s(9):

ليش مايكون الموضوع بالصور عشان نتحمس اكثرررر:eh_s(15):


اعرفكم على نفسي
:bbbiu:

كانت عندي خدامه ودلعتني ونسيت شغل البيت :eh_s(2):

والحين تورطت لما راحت


البيت يبيله جلسه عدل مدل ابيكم تساعدوني

بيتي 4 غرف وصاله صغيرة وحمامين


طبعا غرفه نوم وغرفه لاولادي ومجلس حريم ورجال


انتظر فزعتكم يالاجاويد

 

[مروقه على الكوفي]

االيوم برتب غرفتي اوالمطبخ
ان شاءالله
بسالكم
المقلاة الي على الناارالي تقلون عليهابطاطس لقيمات
كبف تنظفوونهامن الزيووووت؟
اشتريت جديدة واخاف الشغالة تعدمها خصواانهاماتعرف تنظف وتنظيفهااي كلااااااام

 

[شوقني ياشوق]

اليوم ان شاءالله عقب العشا بنظف المطبخ
واغسل الملابس واكويهم
وبغيير نظام غرفه التبديل شوي حووووسه
وبشغل مبخرتي وبرشررش بمرشي خخخخ


واذا امداني ان شاءالله بطلع ملابسي وملابس زوجي الشتويه
اغسلهم بالتدريج كل يوم واكويهم واعلقهم
وبطلع ديباجين شتويات واوديهم المصبغه
احس الجو بدا يبرد
والكويت فجااه حر وفجاه برد


السنه اللي فاتت دش الشتا بيوم وليله
والناس اختبصت

 

[وحدة كويتية]

اليوم سويت جرد شامل لاكسسواراتي وساعاتي والشغلات الصغيره عبيت فيهم سطل زاله كامله عزكم الله طلع كبتي متروس خرابيط وانا ما ادري باقي الادراج بعد راح انفضهم نفاض
وغرفه عيالي هذي عاد قصتها قصه كل ما ارتبها لازم يحوسونها الله يعيننا عليهم

 

[استاهل الصيت]

امبييييييه :rgewrg:
لييش الموضوع مهمل جذي

وينكم يالسنعاات

المهم ماعلينا

انا اليوم نظفت الدور الارضي عدل مدددل:eh_s(15):

بس باقيلي المطبخ خو بعد يبيله تنظيييف عدل

وصعدت فوق الدور الثاني وغسلت الحماماات تكرموون

وبس هذا اليوم اللي سويته والله يعيني على البااجي

 

[استاهل الصيت]

اب
اب
اب
اب

 

[مناير خزنة التاير]

امس أشم ريحة شي حابس بفراش بنتي ريحة خمرة عاد اليوم من صباح الله خير رحت استكشف والا ظاهر الحليب منكت ويييع ريحة خايسة بديتوا قعدت امسح وعلى طول الكفر والشرشف بالغسالة. والحين قاعده بصيحة و إزعاج الغسالة المصونة

 

[MisS Z]

وناسه حلوو الموضوع بس مااشوف فيه تشجيع وايد

انا ان شاءالله بعد جم يوم بسكن شقتي اليديده

وراح اوافيكم بآخر الاخبار

وانا ماعندي خدامه يعني يوومي مزحووم

 

[سوسو حبيبتى]

حيالله السنعات


انا معاكم بالتجمع صارلي يمكن اسبوعين بس ماشاركت بالكتابه لانى كل مااقرا شوي اتشجع واقوم انظف لووول

عسي الله يرزقكم الجنه ..صجج غيرتوا نظامي

انا ماعندي خدامه بيتي مساحته حلوة والحمدلله غرفتين وحمامين وصالون .

وعندي بنوته عمرها سنتين ونص ..الله يحفظها دايما مبهدله البيت .

فى الاسبوعين الى طافوا اول شي .نظفت الصالون وطريقتي هي

بشيل كل الكنبات واكنس وراهم وواخليهم بنص الصاله واجيب ماى وكلور وديتول للارضيات والماى تكون دافيه

واجيب المكنسه

وافرك بيها الارض عدل

تالى اجيب الممسحه

وامسح الماى مكان ما دعكت الارض واشيل الكلور والديتول بيها

وارجع اجيب ماى وكمفورت وومرات احط عليهم رشوش ..اهم شي الريحه تكون حلوة . واحط الماى وارجع امسحها

طبعا الطريقه دي مرتين بالشهر

وباقي الايام اللمع بالممسحه والفوطه وديتول الازرق للارضيات .

 

[سوسو حبيبتى]

والحين نروح ع المطبخ

قبل اى شى لازم يكون الحوض نظيف وفاضي من الاطباق

بلبس جوانتي وولو الحوض فيه اطباق وعفسه بسوي الاتي:

بفضي ناحيه بخليها نظيفه عشان احط فيها الى غسلته

والناحيه التانيه بحط فيها الصحون وبحط ماى سخن وكلور وتايد لاتستغربون ينظف عدل :rerrerek:


وحط الفيري على الليفه مالت الصحون وااغسلهم واحطهم بالناحيه التانيه النظيفه واكون فاتحه المياه

وبكدا يخلصوا بسرعه .


واشوف الخزانات لو محتاجين تلميع بالحبيبه هذذي

وطبعا ملمع الخشب ابخه علي الخشب وامسح .

واخر شي بحط ديتول الشخصي للرخام مال المطبخ وانظفه .

وامسح الارض بديتول الازرق

وسلامتكم

ودة فيديو يوضح طريقه تنظيف المطبخ للمبتدئات
http://www.youtube.com/watch?v=HiXNd0pyS6w&feature=player_embedded