تعـال شيـل الأغراض .. حـط السلـه .. بإختصـار بذلـك لأنك تشتغـل أمبييه عادي جذي ؟

[اخت خالتهم]

السـلام عليـكم ورحمـة الله و بركـاته


شلـون الحلـويـن عسـاكم بخيـر :eh_s(17):


بنـاااات فـي موقف قهــرررررنـي و انبـطـت جبـــدي والله .. كـنت بالجمعيـة و واقفـه عنـد المحـاسب
و وراي وحـده مـاسكـه سلتهـا ومـالها خلق
جـان اسمعهـا تقـول تعـال ( تنـادي الهنـدي بالجمعيـه ) و راحلهـا عطته السلـة قـالت حطها بالأرض عند الريـولي حتى ما قدرت اتجندس و اهي تحطهـا عيزانـه :eh_s(10):
والمسكيـن حطهـا أمبييييه بغيت أبـجي هذا ريـال مو مـره .. جذي جنج تذليـنه
المسكين حطها و بيـروح
قالت تعـال هييي لا تخليني وقف يمـي لمـا تروح اللـي جدامي شيلهـا وحطهـا عند الكاشير
وقف ساااكت وانـا مصدومـه
لمـا طلعت بوكـي بحـاسب
قالتلهـا حطهم و حـط السوائل أول شي عصير وماي وبيبسي و البطاط بروح خلهم الدفعه الثـانية
مادري شسوى
جان تعصب قالت انت ما تفهم حط هذا اهني وهذا اهني
تخيلـو تقسم السلـه ؟؟ ماكـو شغـل !!!! تحط كل شي بروح بالسلة عشـان تعرف تحاسب المسكينه حـراااااام عليج الريـال

و انـا نطرت اختـي ومو قادره اشيل عينـي اشووفهـا حط أغراضهـا المسكين و بعدين بالجيـاس ولا حتى قالت كلمـة مشكور
قالتله خـلاص روح .. وراح ما عطتـه حتـى فـلـوس ..
كسـرر خـاااطـري

بنـات ليكـون في أحـد يعـاملهم جـذي والا يسـوي فيهم جذي
ترا هذول نـاس امبيييييييه مقهوره حيييييييييييل .. احـس من داخل نـاااار
والله متحسفه ما ناديتـه و عطيتـه فلـوس بس مـا كـان مـعاي الا الكينيت

لا بنـات انـا وايـد مصدومـه و أسلوبهـا منرفـز نبـره صوتهـا تحسسج انهـا تذلج

وااااااااااي الله يسامحهـا و يهديهـااااا
الله يخليكم بنات ترا احس الريال انكسر من الداخل
لا تعاملونهم جذي هذول بشر
بيوم القيامه نتساوى كلنـا و بننحشر معاهم
ويمكن الله يقدمهم علينا ويدخلهم الجنـه ..

الله يرزقهم يـارب
ويهدي البنت يا كريم

و اذا عرفـت نفسهـا أقـولهـا الله يسـامحج .. وترا ابن آدم مصيـره التـراب ..

و مشكـوريـن بنـات على مـروركم :eh_s(7):

 

[ندوش الشوش]

الله يعطيج العافيه على كلامج

شايفه نفسها على شنووووووو الله يهديها ويهدي اشكاالها

 

[زوزي & الغنوجه]

رد : تعـال شيـل الأغراض .. حـط السلـه .. بإختصـار بذلـك لأنك تشتغـل أمبييه عادي جذي ؟

لاحول ولاقوة الابالله

الله يهدينا ويهديها وجميع المسلمين

 

[q8y-moon]

لا ان شاء الله مااصير جذي الحمدالله رب العالمين الرحمه بقلبي للكبير والصغير
الله يهديها يارب

 

[ليلو جبريت]

رد : تعـال شيـل الأغراض .. حـط السلـه .. بإختصـار بذلـك لأنك تشتغـل أمبييه عادي جذي ؟

باجر الله يحطها في نفس الموقف وبتذكر الي سوته
ترى لو شنو كانت ديانة الي جدامها وجنسيته باجر الله يعاقبها انها ذلته بها الطريقة
دوم لما تطالعون شخص جدامكم لاتطالعون جنسيته ولاشكله ولامستواه بس تذكروا ان داخله روح تحس نفس ما انتوا تحسون وتتألم وتبجي وتفرح
ياليت بس هالناس يحسون بغيرهم ​

 

[اخت خالتهم]

حيـاكم الله بناااات ..

ليلـى المطـوع صـاااجه والله حبيبتي نورتيني

 

[∫ ∫ ∫ ∫ جــوان ∫ ∫ ∫ ∫]

ما تستحى

ترى الرجال له هيبه حتى لو كان عامل عيب والله

 

[Beauty is Me]

اللي يظلم الله سبحانه وتعالي يسلط عليه من يظلمه وحنا اساسا كلنا سواسيه يعني انا والشغاله نفس المستوى بالضبط لكن للاسف الناس اهيا اللي قسمت الناس طبقاااات

وحرام نطالع الناس بنظره دونيه واهيا الظاهر فيها نقص مسكينه عايشه الدور فقيره كسرت خاطري

مشكورا عالموضوع )

 

[! بــدويه وآآيــد !]

،


وعليكم السلام والرحمه
والله كسسر خاطري صج فيه هنود يعورون القلب ويكسرون الخاطر احسهم يدورون اللقمه ومايبون الا يعيشون بـ اللقمه الحلال والله حرام الي تسوي جذي الله يهديها يارب
الدنيا دواره وماندري باجر شيصير ربج يغير من حال إلى حال​

 

[دعابة الشـتاء]

رد : تعـال شيـل الأغراض .. حـط السلـه .. بإختصـار بذلـك لأنك تشتغـل أمبييه عادي جذي ؟

حسيت بقهر لما قريت الموضوع احس لو كنت بالموقف ماراح اسكت
اشهالقلوب القاسية صديقني مو مرتاحه اللي جذيه عيييييب هاذا انسان
الله يديم علينا بالرحمة ويشفي القلوب السقيمة

 

[اخت خالتهم]

فديت بنـات ديرتـي ..
وصاجه اللي قالت هذول نـاس مو مرتاحين
اهي طول الوقت اتأفأف ..

 

[noorq8]

لاتظلمين بختج أنا مريت بنفس حالتها بالضبط .........................طاحت مني ورقه ورقه مو شي ثقيل وقلت للي جنبي عطيني اياها بس تعرفين منو اللي يمي ؟؟؟


ممرضه بعياده فماراح تستغرب لأن كنت أمر بشد بظهري وجايه أراجع عندهم ومستحيل أقدر أوطي للأرض فيمكن الحرمه عندها ديسك أو وجع بظهرها أو مسويه عمليه وماتقدر تجندس ,لاتظلمينها وتظلمين نفسج أكيد عندها أعذارها .

 

[~MeeMa~]

رد : تعـال شيـل الأغراض .. حـط السلـه .. بإختصـار بذلـك لأنك تشتغـل أمبييه عادي جذي ؟

لا حول ولا قوة الا بالله

حبيبتي noorq8 حتى لو كان عندها عذر أو فيها شي مثل ما اتقولين المفروض اتكلم الريال باسلوب حلو واحترام وع الاقل ع الاقل كلمة شكر منها حقه ما اعتقد ان راح اتكلم عليها .. الريال اكيد انجرح من داخل اهوا ادمي مثلنا واحنا اكيد ما نرضى هالشي حق نفسنا المفروض بعد ما نرضاه حق غيرنا .. لو انها شاكرته جان احسن ع الاقل ما راح اتكون اجرحته او حطت ابخاطره​

 

[H.A.K.W]

الله حسيبها ،
مردها بتذوق سوات ايدها وساعتها بتحس ،
كل ظالم الله يسلط عليه اظلم منه،
ما اقول الا حسبي الله ونعم الوكيل فهالاشكال صج انقهرت وقلبي عورني *

 

[توفـــا]

عادي خل تشيخ عليه الحين باجر بوريها ربهاا عدل شلون تذل هل ناس استغفر الله ناس مو صاحيه الله يشفيهم بس ويثبتهم​

 

[lojeeen]

صج نرفزتني اهيا لو فيها دسك شان ما شالت السلة و افترت بالجمعية فيها شان خذت وياها العربانة بس هاذي مستقصدة تذل العامل

 

[اخت خالتهم]

نـور كانت شايلة سلـه و شارية ككاو و حليب ..
و عادي ما فيها شي يوم تقسم السلة جندست تعلم الريال شلون يقسم وتزفـه

 

[قانون كـيفي]

الله ياخذها

 

[BoxCouture]

رد : تعـال شيـل الأغراض .. حـط السلـه .. بإختصـار بذلـك لأنك تشتغـل أمبييه عادي جذي ؟

لا حول ولا قوة إلا بالله . قطيعه محد يسوي هالسوالف إلا إلي فيهم نقص و مو متربين

 

[nono93]

حراااااااااااااااام




يسلمو