تعرفين تسوين شعرج بطرق حلوة ! تعالوا نتبادل خبرات

[الدم البنفسجي]

صراحه اقراهم حهدم يشوفقون

بنات ياليت يكون مدعووم بالصور

 

[اميره زماني]

انا احب العب بشعري وايد يعني احب الشباصات والكماشات احطها بشعري لان شعري وايد خفيف ما ادري شسوي فيه محتاره ابي طبيعي كثيف
اللي عندها حل تقول

 

[Messy Miss]

:ماشاء الله كلكم شعوركم ناعمة ومبتلشين اجل اللي شعورهم كيرلي زي حالتي ايش يسوون والله تعب كل يوم استشوار وبعد الاستشوار ستريتر ولا فير احس كل وفتي يروح ع شعري وانا ارتب فيه يعني اللي شعرها كيرلي طبيعي بس مو مرتب يعني فيه نفشات غير مرغوبة وش تسوي؟؟ :cxxxp:

 

[vogue grl]

مشكوووووووووووووووره على موضوع الي اكثر من رائع صراحه انا كنت ادور على موضوع جذي حقنا احنا السفور وتسريحات شعر سواء للصبح والليل ولي رجعه انشالله

 

[بنت قموره]

الف شكر

 

[الروح المتوهجة]

المزيونه و ريماس الحلوة و kadi@,, مشكورين حبايبي عالمرور

---
http://www.youtube.com/watch?v=ee_rDSvOSnY&feature=related

بنات شوفوا هالرابط انا وايد عجبتني التسريحه بس طبعا بإمكانه انه نسويها اضبط من جذي لانه اهو مو

مسويها مرتبه ,, انا سويتها بس سويت الذيل حصان اللي سواه ببدايه التسريحه انزل شوي و خذيت

الغره اللي فرقتها ببدايه التسريحه و سويتها بف من جدام و كبرت البف مال التسريحه شوي ,صارت

واايد حلوة و على فكرة ترى حييل سهله ,, و حلو بعد انكم تحطون اكسسوار من تحت او ورده ,,تدرون

هالتسريحه ذكرتني بتسريحه ناديه لطفي ايام الستينات يا حلات هالايام ستايلهم كان صج حلو

بنات بليز اللي تعرف طرق حلوة حتى لو بسيطه لا تبخل علينه فيها خلونه نفيد بعض ​

جزاج الله خير انقذتيني

بجابل يمكن اقدر اطبق شي من هالفيديوات

:eh_s(7):

 

[الروح المتوهجة]

خوووش موووضووع
يعطيييكم العااافيه

ومني لكم تسريحتين نعووومتين ومايبيلهم شي ان شااءالله تعجبكم

هذي الاولى
http://www.youtube.com/watch?v=jzgmhymj0k8&nr=1


وهذي الثانيه
http://www.youtube.com/watch?v=ee_rdsvosny&feature=related

شغله ناااعم ..شفت الملف الاول حيل حيل ناعم عجبني

مشكورة صبا على الفيديوات و جزاج الله خير

 

[الروح المتوهجة]

وهذااا توني اشووفه حلوو بف وب5دقايق تخلصين

http://www.youtube.com/watch?v=mvoxsrmzrc8&feature=related

عجبني هذاااااااااااااااااااااااااااااااا



بسويه ان شاء الله بالويك اند حق جمعه صديقاتي ان شاء الله

 

[أم حوور]

للأسف قصيت شعري قصدي حشيته مثل قصة حصه اللوغاني

 

[MISS^^CHANEL]

يشوووووووق الموضوع حددددددددده
انا توني قاصه شعري تقريبا مثل قصه حليمة

بس على طريقة عشقي الاول والاخير Rihanna يعني صوب طويل وصوب قصير

فدايما استشوره وتالي بالستريتنر بالذات الجوانب
وبما ان شعري حرييييييييييييييييييييييييييير <<<<<<<<<<<(اي خير ان شالله) الافضل له الستريتنر واستخدم منتجات vo5 حل الستريتنر وحمايه الشعر

ولو ان قصتي احلى عليها البف بس مممممم مادري احس ينتف الشعر لمن تيين تمشطينه يتكسر مادري فما اسويه

قبل كان لي جتفي وكنت اسويه كيرلي يا بالكيرلي اللي اييي اهو صاير كيرلي او بالستريتنر اسويه كيرلي مبطل يصير احلى وناتشورال اكثر

ممممم
وبس


وحبيت اسال قريت برد وحده من الخوات تحط مرطب @@؟


شنو يعني مافهمت انا احب السيرم شوي قبل لا اسوي ستشوار وشووووووويه لمن اخلص كلش الستريتنر لان يصير في شياطين واقفه اصير جني الشمس اللي بتلي توبيز فلازم احط لاني ماحب السبريه

وبس

وبس طبعا مرات احط اكسسوارات ومرات لا

 

[MISS^^CHANEL]

ترا شعري مو 8787878787878 حده لااااااء

بس اهو ~~~~~~~~~ تقريبا
( شرايكم بالوصف الوصوووفي ) اضبطكم

وكله من الصبغ انا لو اقولكم ان بشرين صبغته 5 مرات اخاف اطقوني فماراح اقولكم لوووووووووووووول

انا ملوله ومايعجبني العجب لووووول وشي احطه ببالي اسوي نفسه يعني بالضضضضضضضضضضضضضبط نفسه مو قريب لااااء

 

[الروح المتوهجة]

بنات يعطيكم العافيه الموضوع حده حلو , صارلي 3 ايام كل يوم ادش اقرأ من اول و جديد واتعلم و اشوف الفيديوات على يو تيوب , وايد تعلمت منهم



ولي طلب بنات ياريت تساعدوني


انا وحده كللللللللللللللش مييييييييييييييح ماعرف للشعر للاسف , و خصوصا اني محجبه يعني ما اسويه وايد كله حجابي علي , وما يشوفون شعري الا بالمناسبات من عرس لعرس و من استقبال لاستقبال , حتى بالعيد حجابي علي لان رياييل العايله يدشون البيت يسلمون عالوالده , عشان جذي خبرتي في التعامل مع الشعر بكل صراحة صفر%


و حابه اتعلم اسنع بشعري واتصرف فيه , وياريت تعلموني بليز

انا شعري حاليا قصير للكتف واطول باشوي .... مصبوغ من شهر , نظام ويفي مموج على قوله الوالدة غجري

يميل للنعومة بس فيه كشه للاسف

خفيف و يميل للتساقط وااااااااااااااايد


الحين بنات اذا تسمحون ... ياريت تعطوني اسماء ادوات استخدمها للشعر + دروس لتسريحات بسيطة للشعر , كل يوم اطبق وحده واتعلم منها ... يعني جني داشه مدرسة و تعطوني واجب يومي ههههههههه


وياريت تساعدوني بنات اكون لكم شاكرة جدا جدا جدا

:eh_s(7):

 

[قطريه كيوت]

موضووووع رووووعه مشكوووره يافيونكه على طرحج للموضوع

والله اني من ازور الكويت ودي اسال البنات اللي اشوفهم شلون مسويين هالتسريحه؟:dddds:

ماشاء الله عليكم تبارك الله فنانات الله يحفظكم

انا الحين معتمده الستريتنر مع البف واستخدم الحشوه اللي فيها شعر مب البلاستك

والفوم اللي استخدمه من لوريال

والسيروم اللي استخدمه عندي من جون فريدا وعندي من البودي شوب وكلللهم حلوووين

بنوتات ماعندكم حل حق الأطراف المقصفه والناشفه؟؟؟

صرت احط كريم باراشوت على الأطراف ييئست:tomato2:​

 

[قطريه كيوت]

شوفو شحصلت لكم من منتدى ثاني

منقول طبعا

اولاً: هذي الادوات المستخدمة

ثانياً: بعدما نستشور الشعر نقسمه بالعرض لجزئين ونمسكهم بالكليبات -نفرقه بالمشط فرقة نظيفة ومرتبة مو نفس اللي في الصورة

ثالثاً: نبدأ نشتغل على الجزء الامامي ونلفه باللفافات - الافضل تكون كبيرة عشان تعطي الشعرحجم حلو- ونبدأ نستشور الشعر اولاً بالهواء الساخن وبعده بالهواء البارد - لتثبيت الرفعة اكثر-

رابعاً: نفك اللفافات ونبدأ نأخذ الخصل الامامية للشعر وبواسطة مشط صغير نمشط الخصلة بس بالعكس- يعني من اعلى الى اسفلنفس الكوفيرات

خامساً:نبدأ نرفع الجزء الامامي بواسطة البنس وكل وحدة وذوقها ترفع للحجم اللي هي تبييه

سادساً:بعد ما رفعنا الشعر نييب مشط صغير- مو فرشة نفس الصورة المشط ادق وافضل- ونمشط الشعرات الامامية بدقة ونبخها بالمثبت-الاسبراي-

هذي النتيجة النهائية:

هاااا شرايكم فيني لوووول

حلوه التسريحه عجبتني​

 

[قطريه كيوت]

وهذا من اليوتيوب

شيشتووووني على التساريح

هذي حركات ناااعمه والأخيره بف

http://www.youtube.com/watch?v=TpKp-7MJB7Q&feature=related


http://www.youtube.com/watch?v=gq5FiUmFirk&feature=related


http://www.youtube.com/watch?v=sUU1w1bjZL0&feature=related​

 

[سميتڪ غـلآي ْ~}]

تفضــلوو
وشوكرن لصآحبـة الموضوع ..

http://www.youtube.com/watch?v=-78o-csctB8&feature=related

 

[رغد84]

خووووووش موضوع
بنات شنو

الستريتااار والفوم
والستريت ؟؟؟؟؟؟؟؟؟؟؟؟

 

[رغد84]

خلاصصص عرفت شنو الفوم والستريت

يعطيكم العافيه
موضوع حده حلو
من اليوم قاعده اشوف اليوتيب
واتدرب

لووووووووووول

 

[meen_ana]

حدها روعه التسرحيه يعطيج العافيه ياقطريه

 

[الروح المتوهجة]

جزاكم الله خير يا بنات


امس كانت عندي عزيمة صديقاتي , واول مره اسوي تسريحة بسيطة لشعري

واول مره يطلع شعري حلو جذي و بشغل ايدي مو شغل صالونات



شريت موس و سبراي شعر من لوريال


ومثل ماقالو خواتي ... حطيت الموس على شعري المبلول وخليته ينشف اشوي , وعقب نشفته بالاستشوار

و قسمت الشعر اقسام , و مثل ماقالت فيونكا استشوره وعقب امشي عليه بالستريتر

طلع وايد حلو ومرتب وراحت النكشه الي فيه


وبعدين سويت بوف خفيف , و حطيت شريطة


طلع شكلي حيل حلو ومرتب وناسه :eh_s(6):