تعرفت على شخص طلع ساحر ..ساعدوني

[رسائل البحر]

الله يهديج بس

انتي الغلطانه تعرفين علي الريال وتعطينه صورج وبعدين تتبجبجين

 

[VET-Nour]

آمبيييه ,
آلله ينتقم منه ,
خلي آيمآنج بربج قوي ,
أهمم شيء صلآتج لآ تقطعينهآ ,
اتصلي على الشرطه @@ ,
و آلله يوفقج و يحميج ,

 

[MissChoco]

حسبي الله ونعم الوكيل ربج يرد كيدهم في نحرهم,,

حبيبتي عليج بالرقيه الشرعيه اهم شي انتي بنفسج ترقين نفسج لانه احسن شي انه بنفسج ترقين المهم,, وعليج بسورة البقره دايما اقريها والمعوذات واذكار الصباح والمساء وتقربي من ربج بكل صلاة وقيام الليل وصلاة الفير بوقتها

وعسى الله يفج عوقج

 

[طوووطه]

الله يستر عليج

 

[العـــائده]

اختي ندى
لاتخافي الا من الله لاتخشين الا الله
فوالله انه ناصر من توكل عليه والتجئ اليه وفوض امره اليه

سورة البقره لاتنسينها ابد يوميآ ويكون عندك ماء وزيت تنفثين عند كل صفحه تنهين منها
تنفثين على نفسك والماء والزيت
التصبح بسبع تمرات يوميآ والادهان بالزيت المقروء فيه كل ليله
والاغتسال بالماء البارد وقت الصباح
الاذكار لاتنسيها

لاتبكين ولاتخافين ولاتخشين احد الا الله
كوني قويه بايمانك وتذكري بلاء الانبياء من قبلك

رفع الله بلائك وشفاك عاجلا وحفظك من كل مكروه

 

[حنيني لجناني]

يقول الله تعالى (لايفلح الساحر حيث اتى )

فكيف تخافين من بشر مخلوق من طين مثلي ومثلك توكلي على ربك من قلب من قلب من قلب وباذن الله ربك مايضيع احد استمري بدعاااء والصدقه والاستغفار


وان شاء الله تكون عبره للبنات ياخذون منها موعظه مايتعرفون على حد بالحرام الله يجزاك خير يارب ويفككك من شره

استعيني بالله وتوكلي عليه

واحسن شي سويتيه انك قلتي للمباحث اذا عندكم دائره هيئه الامر بالمعروف بلغيهم هم ابخص بهشغلات وراح يساعدونك كثير

الله يفرج همك ياوخيتي ويشفيك ويبعد عنك كل شي يؤذيك

ودي لك
حنيني لجناني

 

[النشبه]

لا حول ولا قوة الا بالله

الله يفرج همج يارب ويفرجها على كل مهموم

 

[زوجة ضابط طيار]

انتي شلون عرفتي انه سااحرج

وبعدين تقولين تعرفت على واحد يعني انتي اللي بديتي العلاقه معاه مو اهو

وانتي معطيته صورج بيدج واهو يقولج شوفي الله شنو سوي فيج ماقال شوفي السحر شنو سوي فيج


يوم قررتي تنهين علاقتج فيه وخفتي من الصور اللي عنده لايهددج فيهاا اعتقدتي انه سااحرج

ليش وين قااعدين اولا وانا رااح ارد عليج باعتباار انه سالفتج هذي صج

يعني لانه حاطلج عطر على الجيس قلتي سحر لو انه سااحرج صج

جان ماتجراتي ورحتي للمباحث واشتكيتي عليه

ولو كان سااحرج صج جان خذا اللي يبيي منج وقطج من زماان بس استهتااارج وخوفج

من اهلج ومن الفضيحه خلج تقنعين نفسج انه سااحرج وبعدين بهالوقت

واحد يسحر وحده ليش شيبي فيها مااكثر الله غير الحريم واكيد فيه اللي اجمل منج واللي اغنى منج

يعني مو محتااج يسحرج هذا غير ان السحر بكل انواعه اما تشربينه وسمونه سقوه

او تاكلينه وهذا اكثر شي سحر الخداماات او تتبخرينه وهذا يستعملونه لجلب الغاائب

لما يكون المقصود بالسحر بعيد او في بلد ثااني طبعا غير انواعه الثانيه سحر التفريق وسحر المحبه

وسحر السخره بس كلهاا لازم اثر ولا زم اسم الام هذا المعلومااات حقج عشاان لاتوسوسين

انج مسحوره انا اقوول ديري بالج على نفسج ترى المبااحث مو كل مره تطوف عليهم سالفت السحر

وموحلوه بحق اهلج وانتي راايحه للمبااحث وبرووحج والله يستر عليج

 

[قتوة البدو]

سالفتج ان شالله سهله لاتخافيين ولاتحاتيين روحي للمباحث وعطيهم التلفون بس نصيحه لازم تقوليين حق احد من اهلج وياليت يكون رجال عشان يكون معاج بس الحيين مانعرف الزين من الشين والمباحث لج عليهم والله يستر عليج وعلينا ويكفينا شرها الدنيا يارب ​

 

[ندى.]

اختي ندى
لاتخافي الا من الله لاتخشين الا الله
فوالله انه ناصر من توكل عليه والتجئ اليه وفوض امره اليه

سورة البقره لاتنسينها ابد يوميآ ويكون عندك ماء وزيت تنفثين عند كل صفحه تنهين منها
تنفثين على نفسك والماء والزيت
التصبح بسبع تمرات يوميآ والادهان بالزيت المقروء فيه كل ليله
والاغتسال بالماء البارد وقت الصباح
الاذكار لاتنسيها

لاتبكين ولاتخافين ولاتخشين احد الا الله
كوني قويه بايمانك وتذكري بلاء الانبياء من قبلك

رفع الله بلائك وشفاك عاجلا وحفظك من كل مكروه

جزاج الله الف خير شجعتني يعطيج العافيه يارب استر علي من شره زين احط زيت جم يوم
شهر كامل انا مداومه عالبقره الحمدلله الحين مره نسيتها بغيت اموت واغمى علي وارجع لا حول ولا قوة الا بالله

 

[طموحه بزياده]

اكلي سبع تمرات سنة عن الرسةل تمنع السحر والسم

 

[معشوقه سعود]

الله يكون بعونج ويفرج عنج الي انتي فيه .

 

[Killer^Girl]

انا احس انه يقص عليج بسالفه السحر ومعيشج بهالوهم ومستغل ضعفج وخوفج
هدديه وبلغي المباحث
وصيري قويه شويه وحقريه
غيري خطج وشوفي حياتج وانسيه اهو وسحره

 

[الزورق222]

لاتخافين ماراح احد يقدر يضرج وتوكلى على الله وروحى للمباحث وعطيهم الرسايل والمسجات دليل عليه ..
وان شاءالله هالقصة تكون عبره لجميع البنات ...

 

[ملح الدنيا فيني]

انت غلطتى غلطه عظيمه انك تعرفتى على رجل غريب وهذا حرام والله بيعطيك درس قوى عشان توبين

والحمد لله انك تبتى

بس تمسكى بتوبتك

واقولج عفيه عليج


رحتى المباحث القانون بيحميك وديري بالج تكررينها وتعرفين على الرياييل نصيبك بالحلال راح يطق باب بيتك


بالحفظ والصون



وعفيه عليك رحتى لشيخ وعالجتى نفسك


الله يحفظك


عورتى قلبي


وياليت البنات يتعضون من خرابيط حبنى واحبك

 

[ملح الدنيا فيني]

حطى رقمك باسم خدامتكم

اخذى بطاقتها المدنيه وطلعى الرقم باسمها


عشان محد يعرفه


والله يستر عليج ويفرج كربك يااااااااااااااااااااااااااارب

 

[Amera 7elwa]

• حسبي الله عليهم شستفيدون من هالسحر
• اعوووذ بالله
• حطي قراااان 24 ساعه فالبيت وعلي الصوت ومن تضايجين اكثر واتحسين بتعب حطي وعلي اكثر جذي تتغلبين على الشياطين
• الله يعااافيج

 

[& شرطان الذهب &]

اقري صوره البقره كل يوم ...

وحصني عمرج

 

[ترانيم القصيم]

يبي يقابلك ,, مهوب عشان يرسل لك أغراضك أو يسحرك ,, الله أعلم يبي يقابلك عشان ينتهك عرضك و شرفك !

حسبنا الله و نعم الوكيل

الله ينتقم من كل ساحر و فاجر ,

أنتِ الآن قطعتِ شوط ممتاز ,, واصلي و إياك و القنوط ,, و ارمي همّك و ابتلاءك على رب العباد

و راح تنحل بإذن الله ,

و أتمنى تتعظين من آللي صار لك و ما عاد ترجعين للطريق المشبوهـ التعبان هذا ,,

و تتقين الله في نفسك و في أهلك و صديقاتك , السالفة سالفة سمعة و شرف لا تدمرين أهلك و تنزلين من عيونهم

بسبّة شباب تافهين لو فيهم خير كان غاروا على أعراض المسلمات مهوب استسهلوها ,

فتوبي إلى الله توبة نصوح عسى أن يجعل في بلاءك كفّارة لذنبك و تمعّني في قوله تعالى :

( غير مسافحات و لا متخذات أخدان ) << و الخدن هو الخليل و العشيق ,

احترامي و تقديري

ترانيم القصيم

 

[الناصرة]

اسال الله العظيم رب العرش العظيم ان يشفيج
هالاشكال ماينفع معها الا المخافر روحيلهم وتوكلي على ب العالمين وعاى طول شغلي البقرة واقريها قبل لا تنامين