تعبت والله من البحث على عريس في مواقع الزواج بالنت وللاسف ما في نتيجة عمري 31

[ابله كويتيه]

السلام عليكم حبيبتي حتي لو الله كتب وتزوجتي عن طريق النت صدقيني راح يفشل لان شباب في هل وقت يدورون عل الي بلبيت يعرفون ابوها او امها مو عن طريق النت وانتي تعرفين طريقت تفكير شبابنا
في هل وقت والله يرقج وييرق كل بنت نصيحتي كوني صديقات او روحي للعراس اوحفلات مع امج ممكن ماتتقبلين كلامي بس والله هذ إ الصج والله يرقج بزوج الصالح والذريه الصالحه مع تحياتي لج

 

[مودي كويتي]

الله يرزقك يارب بالزوج الصالح امين شوفي خطابه شررررررررررررررررط تكون ثقه ومتزوج عن طريقها ناس تعرفينهم عدل اذا يمكن انتوا علاقتكم محدوده بالناس:

 

[وردة الدوحه]

اقرأي سورة البقره كامله يوميا

 

[بنفسج ..~]

صراحة ما فيه شيء ينفع غير قيام الليل
وهذا اللي نفع معاي
يعني لا تتعبين روحج بفلان وعلان مواقع وعروس وخرطي
بالاخر ما فيه شيء بيفيدج غير أنج تعتمدين على ربج أرفعي امرج له وأن شاء الله مهو مخيبج
نصيحة لوجه الله من وحده مجربة قومي قيام الليل وما تمر فترة إلا جايج خطاب من حيث لا تحتسبين^^

 

[برنسيسة2007]

ي قلبي مشكلتج متعلقه بالبشر وناسيه رب البشر


ادعي الله وانتي ساجده في اخر الليل بين الاذان والاقامه بالادعيه اللي مأثوره عن الرسول صلى الله عليه وسلم باذن الله الدعاء بعدها مستجاب

 

[افريقيا]

لا دورين عن الزوج من النت تبين عن طريق خطابه ثقه

واللي الله كاتبه لج كاتبه يمكن في خير انه ياخر الله الزواج عن البنت او في خير انه ما تتزوج .. الله العالم شنو الله كاتب للانسان

حتى للمستقبل ... بس مالج الا الدعاء

 

[gala q8]

لا تفكريييييييييييين بالزوااااج ..

والنصيب بيصيبج بإذن الله ,,

إذا ربي راح يرزقج بالريل بييج إن كان يمين ولا يسااااااااار ...

و واااااااااايد ناس اعرفهم تزوجوا كبااار و ما ضرهم شي .. فـ النصيب يصيبج بإذن الله ,, بس لاازمي الاستغفااار والدعاء ,,

 

[بآتونيآ]

الله يفرج همك ويرزقك باللي يعزك ويصونك

 

[روح امها]

الله يعطيج على قد نيتج

 

[وتين المحبه]

الله يرزقك ويرزقني بالازواج الصالحين يارب

 

[L I L Y]

الله يرزقك بالزوج الصالح

 

[chalange girl]

الله يرزقج بالزوج الصالح

 

[ام ربى ووريف]

أختي لاتشغلين نفسك بالموضوع طول الوقت بس اقولك على حل مجررررررررب واكيد والله ماراح احد يساعك غير هاذا الحل..قيام الليل توضي وصلي اللي تقدرين عليه وادعي من قلب موقن بالاجابه وثاني شي الاستغفار طوول الوقت لان الاستغفار سبب رئيسي للرزق والزواج رزق من الله وقراءه سوره البقره والله ماتاخذمنك ساعه يقول الرسول عليه السلام اخذها بركه وتركها حسره ماتدرين الحسره وين تجيك صح..والله والله فيه ناس سوو كذا وانخطبوا شهور بس استمروا بس لاتحرين نيتك بالزواج يوم تصلين وتسغفرين لا انوي ان ربي يحسن حيااتك بشكل عاام واذا كان عندك ذنووب تسويها توبي لان الله يقول ان الله لايغير مابقوم حتى يغيروا ما بانفسهم..الله يعجل بنصيبك ويرزقك الزوج الصالح اللي يسعدك..

 

[muhrat uboha.]

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}
:eh_s(17):

 

[اسرار الغلا]

الله يوفقج ويرزقج بالزوج الصالح

 

[orange blossom]

حبيبتي الله يرزقج بالزوج الصالح
و لا تشيلين هم

 

[~حكايـة طمـوح~]

حبيبتي كل شيئ نصيب

انا وحده تصيرلي اكبر منج بجم سنه ماشاء الله ملجت وبعد جم يوم عرسها عقبالج يارب

وما أأيدج تتزوجين عن طريق الانترنت لانه اعرف وحده تزوجت عن طريق الانترنت .. وندمت.. بس اهو اكيد نصييييب
:eh_s(7):

والله يرزقج بالزوج الصالح يارب
اهم شيء الدعاء والاستغفار :eh_s(17):

 

[مدّهره !]

الله يرزقك بالزوج الصالح ^^

 

[اميره1980]

حطي اسمج عند خطابة احسن من النت و مشاكله
زواج عن طريق الانترنت ما يعمر بيوت و خيره ان ما صار

 

[i afnan]

عليك بالدعاء مع التيقن والثقه ان ربي بيستجيب دعائك وتصدقي واقري سورة البقره
واطلعي لحفلات ومناسبات خلي الناس يشوفونك مع اني مااحب هالطريقه بس اذا انتي تبين تتزوجين مره مالك الا هالطريقه
والله يرزقك بالزوج الصالح اللي يسعدك ويعوضك يارب