تعبت والله العظيم تعبت من حالة زوجي ..!! شتسون مع ازواجكم انتو ؟

[MOoOoOoON]

السلام عليكم







شلونكم بنات ؟
اسمحوا لي مابي اضيق خلقكم ادري ان كل وحده فيكم اللي فيها كافيها ..
بس والله هالحجي اللي بقوله ماقلته الا لكم والله ..
حتى امي وخواتي ماففضت لهم جذي ..
مابي امي تشيل همي زود على اللي فيها الله يطوول بعمرها ..
مقهوووره حدي بسولف بفضفض ...


بنات انا مثل ماقلت لكم من قبل سويت عملية طفل انبوب قبل شهر وفشلت ..
ووسويتها هم بعد قبل سنه وشووي وهم بعد فشلت ..
الحمد لله على كل حال ..

انا فيني تكيس بسيط مع لخبطه بالدوره بس الدكتور يقول ان حالتج عاديه تقدرين تحملين طبيعي ..
قال العلاج لازم يكون لريلي ...

طبعا السبب اني لجأت لطفل الانبوب والحقن المجهري زوجي عنده ضعف كبير بالعدد
العدد عنده مره مليون ومره 4 ملايين
والحركه هم بعد ضعيفه حيل بس مرات تتحسن ..
اخر مره سوا تحليل كان العدد 4 ملايين والحركه ماكو حركه ..


مشكلة زوجي يعني فوق انه وياه ضعف حيل مهمل بنفسه
عطاه الدكتوور قبل 4 شهور قبل العملية مجموعة حبوب ياكلها وفتامينات اشتراها واكلها فتره شهر تقريبا بعدين ماكملها ويقص علي يقول اكلها وملتزم فيها ...
ولما قلت له ليش خليتهم قال قويه على المعده .. سببت لي فطريات بالحلج .. الدكتوور مارتحت له ... يعني اخذو وخلو من هالاعذار ...

يعني مو مهتم كلش موهامه ... ماينلام الدك والعلاجات والابر كلها فيني انا شي يهمه ..
انا اخذ بنج كامل وادش بين الحياة والموت .. كله بس علشان الحمل ..
وهو بس يكت لهم عزكم الله شيسمونه ...


والله يابناات حارني جذبه علي ..




شسووي وياااه احترت ؟
ابي يتحسن حاله ويتحسن العدد والحركة عنده ؟
ماكو شي ياكله مجرب ومفيد اهم شي مجرب يحسن الحركه والعدد اقصد اشياء طبيعيه تساعد على الحمل الطبيعي ؟
يمكن ياكلها ومايقعد يتحلطم منها مثل الفيتامنات !
تكفون بنات ساعدوني لا تبخلون علي باللي تعرفونه ..

 

[مناوووي]

الله يرزقكم

 

[ba6re8a]

speman

 

[الباحثات عن الجمال]

السلام عليكم الموضوع بسيط وسهل إن شاء الله تعالى يا حياتي عليكي بالقرآن وبالدعاء وبالصدقة.
وصفه ناجحة والحمدلله

لكل رجل لايوجد لدية حيوانات منوية - او قليله - او بطيئة الحركة

لكل رجل يعاني من العقم

المقادير هي :

_ 500جرام من عسل النحل (منزوع الرغوة)
-200 جرام من طلع النخل
_200جرام من غذاء ملكات النحل
_50جم من لقاح النحل
_100جم جننسنج
_200جم حب العزيز
_50 جم صنوبر
_30جم من الحلبة
_30جم سمسم
-50جم بزور الفجل.

تخلط مع بعض ويؤخذ منها مقدار ملعقة كبيرة يوميا لمدة 41 يوما على الريق.
- عمل حجامة من 4 إلى 6 جلسات فهي مفيد جدا جدا بإذن الله في هذه الحالة.

 

[shjoonaa]

الله يرزقكم ان شاء الله من غير علاج

 

[درة أهل الطولات]

شكله ما يحســ

مع انه هالشي يمس رجولته ...


قعدي معااااااااااااااه قولي له انا ماتزوجت الا ابي عيال


لازم تلتزم بعلاجك

 

[lovemyself]

الله يرزقج والله مادرى شقول الله يهديكم لبعض

 

[كويتيه مذهله 87]

الله يهدي زوجج ويرزقكم يارب

 

[سمسومه الحبوبه]

شوفي قلبي العواطف بها الامور وما راعاة المشاعر ماتنفع
انا زوجي مثل زرجك مطنش ولا ياخذ ادويته ولاحتى يروح للمستشفى يهمل المواعيد واذا فات الموعد بكل بساطه يقول راحت علي نومه ولا يروح ياخذ موعد جديد المهم
قعتله قعده طلعت اللي بقلبي كله مع صياح ودمع
والله من بكره جا بعد الدوام ومعاه الموعد والحين منتظم على العلاجات والمواعيد
صح زعل شوي وبوز بس بعدين رضى
اول كله اقول اخاف احرجه او اجرحه او يضيق صدره مدام تحبينه وتبين منه عيال سوي زيي
الله يرزقني واياك الذريه الصالحه

 

[عيون الوحش]

ياحياتي حاسه فيج عسى الله يرزقج

انا ماعندي خبرة حيل بس اللي اعرفه العسل في نوع اسمه عسل سدر زين وبعد في انواع من المكسرات زينه مثل الكازو وخليه يسوي حجامه وايد زينه

 

[*ماي الورد*]

امبيه ترا كل الرياييل جذيه

اتصدقين انا اخذ عينته من البيت ووديها المختبر و اييب الادوية حقه
اخر شي يقولي العيب منج انا مافيني شي

 

[حبي زوجي فديته]

احبيبتي قريت موضوعج بجينت احس صايره حساسه حيل الله يرزقنا يارب تصدقين زوجي فيه دوالي وحركته مليون بس وفيه صديد لاحول ولاقوة الابالله

 

[@رنوده@]

انا بعد جذي

بس انا سويت شي خليته يعرف اني قويه

استئذنت من دوامي ولميت ملابسي وكل اغرضي بشناط وحطيتهم عند الباب واول ما وصل قلت له اما تعالج او مع السلامه ومن بعدها التزم بالعلاج والحمدلله سوينا تلقيح مجهري والحين عندنا ولد ويحن علي يبي الثاني

خليج قويه واختاري وقت مناسب يعني سويله جم يوم رومنسي بعدها ابدي هجوم

واي نصايح خاصه حياج قلبي على الخاص

 

[مشغول وشاغلنى]

اااااااااااااااااااااااااااه

خلي الي بالقلب بالقلب يالغالية انا بعد سنة ونص طاعني ولكن للاسف اهو مافية شئ العيب فيني بس بعد البجي ومرات كلام يضعف القلب

ولما يشوفني الهف علي صغيرون بالشارع كسرت خاطره ووافق واللة مرات يتكاسل بس ياللة الحمدللة

ربي لاتذرني فرداوانت خير الوارثين

 

[سارووه الاموره]

ربي لاتذرني فرداوانت خير الوارثين

 

[M!SS..P!NK]

حبيبتي MOoOoOoON

اول شي وكلي امرج لله

انا زوجي مثل زوجج العدد وضعف حركه والحمدلله على كل حال

وهم ما يلتزم ولا باي علاج

بس انا انصحج تروحين عسل العويد تقوولين له حالة زوجج بيعطيج عسل تقوية الانجاب للرجال

والله يا الغاليه انا زوجي ما يلتزم بس نفع معااه ،، وبنفس الوقت مع العسل عنده اعشااب تقوي الحركه

والله يرزقنا ويرزق كل محروومه ياارب

وابي اطمن قلبج

انا زووجي مو ملتزم بالعسل

( وزاد العدد من 6 مليوون الى 10 مليووون ولله الحمد )

انصحج بالعسل

 

[شوق شوقى]

الله يرزقكم ان شاء الله من غير علاج

 

[ديمـه]

اللهم لا تذرني فردا وانت خير الوارثين

عسى الله يرزقنا اجمعين

 

[عيش و مرق]

اختى روحى عسل المراسيم الى بمجمع الاوقاف

وقولى حق الريال الكويتى الى هناك ابى عسل حق زوجى يقوى واهو راح يفهم اهو اساسا يشتغل نحال بنادى العلمى وفاهم شغله مو بس خبره لاء ودارس بعد

يحط فى اشياء وايد رفيجتى امجربته يحط غذاء ملكات النحل وحبوب القاح واشيا وايد وجدا مفيد

 

[jamjooma]

عسى الله يرزقج حبيبتي