تعبت من هالرقم مادري شنو يبي ؟؟؟

[تمنيته]

السلام عليكم







بنات بدش بالموضوع على طول






انا مزعجني رقم




جاب لي المرض




المشكله مايبي شي



بس يدق ويفصل



موتقولون طنشي لان طنشت لما فيه الكفايه .. انا موجاهل ولا عندي لقافه ..

بس لي متى يعني ؟؟ بنات من غير مبالغه صارلي سنتين تقريبا على هالحال


بس طبعا مو كل يوم .. كل بين فتره وفتره جذي يدق .. وعمره مادق دقه كامله يدق ويفصل ولما ارد ادق عليه (( طبعا بعد مالاعت جبدي من التطنيش اللي مافاد فيه )) يكون محول الخط على خط ثاني وينقطع .. ولا يرد ويسكت مايقول شي .. وانا شاكه مادري هو بنت ولا رجال ..

شسوي بنات صار يغثني هالموضوع .. وشغل بالي ودي اعرف منو .. احسه احد يعرفني..

ترى كل فتره يدق من رقم غير .. يعني يطول يقعد 4 شهور 3 شهور جذي مايدق بعدين يستلمني شهر ويقطع .. جذي


تحسون هالشي غريب ولالا ؟؟ كله افكر اشتكي على هالرقم بس المشكله بدون بيانات

ادري قرقت عليكم .. بس بنات حدي متضايقه من هالسالفه وحبيت افضفض واخذ شوركم ​

 

[الـــغـــلآ]

رد : تعبت من هالرقم مادري شنو يبي ؟؟؟

كنت بقولج يمكن زوجج بس مبين عليج توج مو متزوجه

مآآدري غيري خطج وافتكي مرررررهـ وحدهـ موو احسسن


بس تعآآلي جربتي تدقين عليه من رقم غريب يعني رقم كللش مو من اهلج بعيد عنكم مآ جربتي تدقين و تسكتين او تخلين مثلآ اي جآآهل يقول الو يعني غلطآآن الجآهل ..

 

[كويتية و عتيبية]

رد : تعبت من هالرقم مادري شنو يبي ؟؟؟

امممممم عطيه احد اخوانج يررررد ويسمعه كلام واذا سده في وجهه خليه يدز مسج عشاان يخااف وما يدق مرة ثاانية ..
والله يعينج على هالازعاجات..

 

[تمنيته]

اهو يتكلم عشان اعطيه اخوي .. وخطي قديم احن له ماقدر اغيره @@ اكثر من 8 سنين عندي .. بس اتوقع اخر حل اني اغيره

 

[تمنيته]

مشكورين حبايبي عالردود

 

[ح.ــروووفي]

الله يعينج

 

[الـــغـــلآ]

رد : تعبت من هالرقم مادري شنو يبي ؟؟؟

العفؤؤ بس ابعد عن الشر و غنيلو مآدآم صآرله سنتين يدق اشتري خط و فكي عمرج


بس صج صج الله يعينج عليه هالقثيث سنتين مآ يززهقة امبيه شكله بطآآلي لآ شغل و لآ مشغله من رقم لرقم بس يدق << يممكن مآآبي احط بذمتي

 

[تنآهيد ..~]

أبسسسط حل عطيه أحد مع إخوآنج ويتصرف معـآه عشآن يحرم يدق مره ثـآنيه :eh_s(6):

 

[ورده بنفسجيه]

باليوم اللي يدق روحي اشتكي او سويها قضيه بالمخفر يقدرون يطلعونه حتى لو ياخذ رقم ثاني اكيد عندهم معلومات

قولي حق واحد من اخوانج يدزله مسج يصرقعه قبل لا تحذفين رقمج حسافه متعوده عليه

احذي خط جديد ووزعيه على صديقاتج واهلج وقفلي الخط المزعج وفي شغله لما يدق عليج سيفي رقمه وحطي بالجهاز في شغله ما دري

شسمها اذا دق عليج رقم محدد يطلعله مغلق جربيها

واذا بتاخذين رقم جديد خليه باسم احد غيرج يمكن يعرف اسمج واذا رجع يتصل للخط الجديد اللي مو باسمج عرفي ان من الناس اللي وزعتي رقمج لهم

ولا تقولين لحد ان الحط مو بسمج

الله يعينج

 

[شموع الفرح]

الله يعينج سنتين صج صج صج مشكله ومالها حل الله يعينج

 

[ضماي هو وهناي]

لا ليش تغير رقمها اللي تعودوا ناسها عليه عشان واحد او وحده يمكن يكون غلطان بعد
الاحسن اذا دق هالرقم لا تردين بس عطي الرقم لاحد من اهلج وهو يسئله منو واشيبي
انا جذي في رقم اذاني من السعوديه ضحك وكلام فاضي ولما زهقت الله يبارك وبحجب المكالمات الدوليه الا بالضروره افتحها وبس انتهت مشكلتي لله الحمد .... وقبل لا اسوي جذي عطيت الرقم لريلي ولما دق عليه لقاه واحد متخلف حضاريا وذوقيا ....
عادي ياقلبي لو كان بالكويت سهالات هالاشكال الجبانه عنوان لهم وصفه صدقيني
لا يهمج ولا تغيرين رقمج بس تاكدي يجوز هو بعد غلطان

 

[وردة-الكويت]

اهو يتكلم عشان اعطيه اخوي .. وخطي قديم احن له ماقدر اغيره @@ اكثر من 8 سنين عندي .. بس اتوقع اخر حل اني اغيره

مثل حالتي بظبط

 

[سارونهh_a_z]

صج شي غريب

لو واحد جان تكلم وعبر عن اعجابه

بس اخاف وحدة مايندراااا

 

[Tom ♥ Jerry]

.

هاذا شكله كل شهر يعلق على رقم !
خليه يولي طنشيه و طنشيه و بعد التطنيش طنشيه

 

[اصيله بنت البدو]

رد : تعبت من هالرقم مادري شنو يبي ؟؟؟

لاتعطين الموضوع اكبر من حجمه خلي الوضع طبيعي ولايلعب الشيطان في مخك واذا على الرقم غيري رقمك او سوي خدمه
لكن مااعرف طريقتها كلما يدق يطلع عنده مشغول

 

[دلوعة الـ غ ـيم]

الله يعينك الصراحه

حده قلق و اوووم الإزعاج

من جد وش يحسون به على هالقروشه اللي مسوينها

عاد سنتين الله يفتر حيلهم ما زهقووا

شوفي و أنا اختك

اذا انتي تبين تنهين الموضوع بهدوء

يا غيري رقمك أو سوي الخدمه اللي قالوا عنها البنات

آو انك الرقم اللي يدق عليك ارجعي دقي عليه من رقم غرررريب تماماً و حاولي تعرفين منو ع الطرف الثاني

و اذا و الله آنتي صدق وآصله حدك و تبين الفكه و بنفس الوقت تبين تعطينه / ها درس لا ينسى

روحي آخذي الرقم و وديه المخفر أو للآدله الجنائيه << تذكرون الشيخ مازن الجراح يوم طلع مع خالد عبد الجليل ؟؟

و بس عطيهم الرقم و يطلعونه لك إن شاء الله مو بس الرقم بدون بيانات إن شاء الله يكون المتصل فيك جني آزرق

يطلعونه يطلعونه لك بإذن الله و يعلمونه شلون تكون نتيجه إزعاج خلق الله لمدة سنتين على الفاضي

و الله ان شاء الله يكفيك شرهم و يبعد عنك كل سوء و يحفظك من كل شر ياا رب

و طمنينا عليك و على آخر تطورات الوضع معاك غلآي أوكي

دمتي بود

 

[غرور وايل]

حبيبتي سوووي له بلووووووووووك
بس اذا كان خطج فواتير تقدرين تسووين بلووك ع كذا رقم معين
وبجذي تكونين حافظتي ع رقمج الغالي وافتكيتي من الازعاجات

موووووفقه حبووبه ,,

 

[أحلى عيون]

رد : تعبت من هالرقم مادري شنو يبي ؟؟؟

اختي الغاليه اذا جهازج من نوكيا فيه برنامج البلاك لست نزليه واي رقم ما يعجبج بس حطيه فيه وماراح تستقبلين ولا شي منه لا مسجات ولا مكالمات

وبس

 

[عاشقه مودي]

رد : تعبت من هالرقم مادري شنو يبي ؟؟؟

حبيبتي لا تشغلين نفسج ...!!
طنشي ولا تردين بنت والا رجال .... أسحبي على هالرقم وصدقيني بيمل

 

[om_3kash]

رد : تعبت من هالرقم مادري شنو يبي ؟؟؟

حبيبتـي عندي لج حـل حلو من غير ماتغيرين رقمج

روحـي محـل تلفونـات و قوليلهمـ ابي برنامج بلاك لست

واذا حطولج البرنامج تقدرين تحطين هلرقم بالبلاك لست و ماراح يقدر يزعجج مره ثانيه لأنه كل ما يدق راح يطلعله مغلق