تعبت من هالجمله والله تعبت عفيه بنات لا اتهدوني

[الشوارفسكيه]

السلام عليكم
اشلونكم يا احلى كويتيات
بنات بدش ابمشكلتي على طول انا لما كنت مو متزوجه أمي وأبوي لوعوا جبدي ابمشاكلهم بإختصار متعقده من الطلاق وحاشتني امراض نفسيه واايد منه
وألحين انا متزوجه من كثر ما آنا خايفه من الطلاق كله اقدم تنازلات والله يابنات تعبت وانا اتغافل عن اغلاطه اهوا يقول انه يموووت فيني بس انا مو امصدقته والسبه انه عصبي واذا عصب يسبني ويسب اهلي ولما ازعل يعني اسكت واحقره والله يابنات مايرتفع صوتي يعصب زياده و يقولي هالجمله ( شنو تبين وانا حاضر)جنه يبيني اطلب الطلاق مسترخص فيني حيييل و كله يقولي انا ما اجبرج تقعدين مع واحد امنكد عليج وما يحترمج
يعني بنات انا سؤالي بالضبط ليش فووق كل مشاكله هذي مستغني عني ؟صج ؟ ولا بس جذي يبي يتكبر
*اتهقون اجرب ازعل عليه واروح بيت اهلي ؟

 

[رتو الكيوت]

مدري شقول لج

الله يسخره لج : (

بسس نصيحه لاتعيشين روحج بخوف عيشي حياتج وانتي لانج خايفه من الطلاق تحسينه يلمح له لاتحسسينه ابدن انج خايفه من الطلاق علشان مايستخدمه ضدج دايم

 

[om MaRyooM]

يعني شنو اتهقون اجرب ازعل !!!!!! .. هذي بداية المشكلة


بصراحة انا اشوف المشكلة منج مو من زوجج .. لأنه على حسب كلامج انه اهو بس عصبي

اما اذا خيانات وطق وعنف هذا شي ثاني

بس اذا زوجج مافيه شي جايد (ولازم تحطين في بالج ماكو احد كامل) لازم تتغاظين وتكونين سلسة

يمكن زوجج عصبي منج لأنج تقولين انج تعقدتي من الزواج..ليش تعقدين زوجج معاج ؟؟!!

ولو مسترخص فيج لاتخافين مايقعدج عنده دقيقة وحدة..بس واظح انه يحبج عاد انتي حطي عقلج براسج وكسبيه وحبيه ودلليه والوحدة لي تزوجت لازم واايد تغمض عينها

لأن بالطلاق المرة اهي الخسرانة الوحيدة بهالقضية

ولاتنسين ان المصارحة حلوة وبنفس الوقت راجعي نفسج شوي ولاتطبقين تجارب الغير فيج وبزوجج

 

[حياتي كلها لله.]

ازعلي ابيتج لالالا تروحين بيت اهلج
بعض الريايل مايصدقون
لبي طلباته وانتي زعلانه لالاتكلمينه
والله يعينج

 

[عقارية]

غيري طبعك وأسلوبك وشخصيتك وتفكيرك ... يتغير زوجك معاك .

 

[خاتم ذهب]

وقت العصبيه توقعي اي شيء
مايحتاي تزعلين
بس وقت هدوء العاصفه
قوليله تضايقني هل الجمله انت شنو مستغني عني لاتعيدها مره ثااااااانيه)وبس

 

[شنوووفه]

قولي الحمدلله بالنسبه لي مااشووف العصبيه مشكلله اكثر من ريلي عصبي مافي بس الحمدلله بمعاملتي اقدر اخفف من الموقف
وانا من نوعي حيييل بارده يعني اذا عصب بس اسكت واطالعه وبعديين اشووفه برووحه يهدى ويكلمني :>
حبيبتي عيشي حياااتج انتي واايد متاثره بعلالاقه امج واببوج

 

[جميله وجذابه]

تفاهمي معاه وقت الي يكون هادي و حلو مشاكلكم

اهلج مطلقين والا مو مطلقين هاذي حياتج الخاصه و اسرتج انتي لا تربطين بين اسرتج انتي مع زوجج مع اسرة اهلج

 

[اميرة-الاحجار]

اذا انتي محسسته انه نكدي اكيد بيقولج هالكلام
الريال مهما كان يحب زوجته اذا حس انها ماتبيه او متحسفه لانها خذته بتكون هاذي ردة فعله

 

[الشوارفسكيه]

انا خايفه من الطلاق مو من الزواج حبيبتي وبعدين انا ما ابين له بس اهو وقت ما يزفني ويصرخ علي حيل اسكت ولما يراضيني غصبن علي ابجي فيحس اني متنكده منه
لا الحمدالله مافي لا خيانات ولا شي
بعدين اهوا عارف البير وغطاه وعارف ان امي وابوه امطلقين لأنه من عيال عمي فعشان جذي يستخدم هالشي ضدي*

 

[DooLy88]

لاحول ولاقوة الا بالله انتي صارحيه قولي له انت مستانس معاي وتبيني اكون شريكة حياتك طول عمرك ؟؟؟ << قولي له جذي واهو رايق مومعصب

 

[Gatwa]

يعني شنو اتهقون اجرب ازعل !!!!!! .. هذي بداية المشكلة


بصراحة انا اشوف المشكلة منج مو من زوجج .. لأنه على حسب كلامج انه اهو بس عصبي

اما اذا خيانات وطق وعنف هذا شي ثاني

بس اذا زوجج مافيه شي جايد (ولازم تحطين في بالج ماكو احد كامل) لازم تتغاظين وتكونين سلسة

يمكن زوجج عصبي منج لأنج تقولين انج تعقدتي من الزواج..ليش تعقدين زوجج معاج ؟؟!!

ولو مسترخص فيج لاتخافين مايقعدج عنده دقيقة وحدة..بس واظح انه يحبج عاد انتي حطي عقلج براسج وكسبيه وحبيه ودلليه والوحدة لي تزوجت لازم واايد تغمض عينها

لأن بالطلاق المرة اهي الخسرانة الوحيدة بهالقضية

ولاتنسين ان المصارحة حلوة وبنفس الوقت راجعي نفسج شوي ولاتطبقين تجارب الغير فيج وبزوجج

رايي من رايها :eh_s(8):

 

[خاتم ذهب]

لاااااااااااااااااتخافين
وكملي حياتج طبيعيه اصابعج موسواااء
يعني ابوج مو مثل ريلج لاتخافين ولاتبينين حقه نقطه ضعفج وعامله بمايرضي الله
واحترميه وقدريه ومافي خووف الريال شنو يبي اكثر

 

[مشتاقة الى الله]

الله يسخره لج ويجبر بخاطرج

والله ماادري شاقولج غير اصبري واحستبي الاجر من الله

غيروا من انفسكم قبل ان تغيروا من الاخرين

الله يثلج صدرج يا روحي

 

[رافعه الحاجب]

مثل ما قالوا البنات كسبيه انتي ,, وغيري طريقه تفكيرج واسلوبج ولاتخلين نفسج ضحيه حق مشاكل اهلج

 

[حجيه هيونه]

تعودي تفصلين حياتج عن حياتهم

ولو زوجج مسترخصج مادري شقولج عطيه درس شنو بيصير فيه لو بعدتي عنه


والله يهديكم ان شاء الله

 

[طير يحب سجانه]

لازم تغيري شخصيتك ولاتخافي عيشي طبيعيه

 

[@الياسمين@]

لا تحطين ببالج شي
ترى المشكله بس بعصبيته الزايده ... والريال العصبي يبيله طريقة تعامل خاصه وهادئه ويالله ينفع معاه
لان الشخص لي عصب يدش بحاله من الغضب والغضب من الشيطان ... فتحسينه كل شي يقول ويغلط
دايما حاولي انج تتعلمين شلون تتعاملين مع الانسان العصبي
وانشالله سهالات
الله يخليكم حق بعض ويهدي سركم اّاّاّميين

 

[ام ساره 4]

الله يهديه ويسخره لج إن شاء الله

 

[كولوراديه]

العصبيه ما يدل على عدم محبته لج
انا اخوي بصراحه عصبي واذا عصب خبص الاكو و الماكو و ما تبقى كلمه ما يقطها بس والله ماكو انظف من قلبه و يحب من قلب

زوجج لما يعصب لان تدققين في كلامه
لا تروحين لاهلج ولا شي
ولا تقارنين بيت حياة امج وابوج و ريلج
وموفقه يارب