تعبت من مشاعري لطليقي

[lulu_q88]

الله يعوضضضج يارب

ويرزقج بواحد يصوونج ويهنيج معاه

كل شي فيه خيره لج

والحمدلله على كل حال

كثري بالاستغفار والقران اذا تضايقتي واستانسي

ابدي حياتج من جديد انسي كل شي والله ياجرج ويصبرج

 

[brettey]

الله يلوم الي يلومج حاسه فيج وخصوصاً لما يكون فيه رابط الي اهم العيال بس طيعيني طلعي وسافري واستانسي ولا تهتمين مسأله وقت وبتنسين عسى ربي يعوضج ويرزقج بزوج صالح يهنيج ويخليج ملكه لاتوقفين حياتج حتى لو عندج عيال ان ياج نصييب زين امشي بنصيبج والله يوفقج حبي لاتفكرين فيه مايستاهل لا اهو ولا اهله انسيه ولاتفكرين فيه حاولي

 

[ماي زهر]

ألجئي لله فهو أرحم الراحمين لا تضايقتي توضي و صلي ركعتين و أشكي لله سبحانه
طلعي كل إللي بقلبج سوووولفي أشكي و قول الحمدالله و احمدي ربج بالسراء و الضراء

دشي دار القرآن ،،، محاضرات و دوري صحبه صالحه
أشغلي وقتج سجلي بنادي رياضي حلوو و مريح
غيري خطج و ابتعدي على الناس اللي يضيقون الخلق و غيري المحيطين فيج
دوري صحبه جديده و صالحه

و أحتسبي الأجر و حاولي تنسينه و أيام و تعدي
أكثري من الأستغفااااااااااااااااااار الله بيفرجها عليج
أفتحي صفحة جديدة مشرقه جميلة و ابدي من جديد و انسي الماضي خلاص امس راح

و صدقيني مافي شي يدوم ،،، الحزن بيروح و بيجي بداله فرحه ما تتوقعينها
بس أنتي استعدي لفرحتج الجديدة و أهتمي لنفسج و أرضي بقضاء الله و قدره
و قولي الحمدالله ....


و الله يمسح على قلبج و يعوضج بفرحة كبيييييييييييرة و تبشرينا

 

[granted]

فترة وتعدي حبيبتي
الله يبرد على قلبج يارب

 

[مرتبة]

من يكون هو وامه ؟؟؟؟
علشان تهمج قبولهم لج
المفروض تخلينهم يولون هذي قلوبهم ما تطابق الا أشباها
وانتي قلبج ذهب اما تاخذين واحد يعزج والا تقعدين معززه ومكرمه
والدنيا دواره لهم يوم
مادامت لحد
+++++++

اذا مطلقه وايد مطلقات بالديره
نسبه العوانس والمطلقات 80 بالميه يا سلام
يعني انتي من الوفات الحريم

والمتزوجات اشدعوه ملكات الا ذايقين الضيم

+++++++++++

اذا تشوفينه مستانس مالج الا الظاهر بعضهم من ديره لديره وينزل صوره ويكتب وناسه وهو من داخل فيه اكتئاب العالم
المظاهر خداعه لا تغرج
++++++++
الوناسه مو في السفر الوناسه بقرب الله
++++++++

 

[مرتبة]

فكر واشكر"

والمعني ان تذكر نعم الله عليك فاذا هي تغمرك من
فوقك ومن تحت قدميك(وان تعدوا نعمه الله لا تحصوها)
صحه في بدن, امن في وطن, غذاء وكساء, وهواء وماء,
لديك الدنيا وانت لا تشعر, تملك الحياه وانت لا تعلم.




لا تنتظر شكرا من احد"

من يفعل الخير لا يعدم جوازيه لا يذهب العرف بين الله
والناس خلق الله العباد ليذكروه و رزق الله الخليقه ليشكروه,
فعبد الكثير غيره, وشكر الاغلبية سواه, لان طبيعه الجحود والنكران
والجفاء وكفران النعم غالبه علي النفوس, فلا تصدم اذا وجدت
هؤلاء قد كفروا جميلك واحرقوا احسانك ونسوا معروفك
بل ربما ناصبوك العداء ورموك بمنجنيق الحقد الدفين لا لشيء
الا لانك احسنت اليهم.وطالع سجل العالم المشهود,



اطرد الفراغ بالعمل"

"اطرد الفراغ بالعمل" ان اخطر حالات الذهن يوم يفرغ صاحبه
من العمل فيبقي كالسياره المسرعه في انحدار بلا سائق
تجنح ذات اليمين وذات الشمال.يوم تجد في حياتك فراغ
فتهيا حينها للهم والغم والفزع, لان هذا الفراغ يسحب لك كل
ملفات الماضي والحاضر والمستقبل من ادراج الحياه فيجعلك
في امر مريج, ونصيحتي لك ولنفسي ان تقوم باعمال
مثمره بدلا من هذا الاسترخاء القاتل لانه واد خفي وانتحار
بكبسول مسكن.الراحه غفله والفراغ لص محترف وعقلك
فريسه ممزقه لهذه الحروب الوهميه.اذا قم الان صل
او اقرا او سبح او طالع او اكتب او رتب مكتبتك
او اصلح بيتك او انفع غيرك حتي تقضي علي الفراغ

قضاء وقدر"

ما اصاب من مصيبه في الارض ولا في انفسكم الا في كتاب
من قبل ان نبراها, جف القلم, رفعت الصحف, قضي الامر, كتبت
المقادير, لن يصيبنا الا ما كتب الله لنا ما اصابك لم يكن
ليخطاك وما اخطاك لم يكن ليصيبك. ان هذه العقيده
اذا رسخت في نفسك وقرت في ضميرك صارت البليه عطيه,
والمحنه منحه, وكل الوقائع جوائز واوسمه "من يرد الله به خيرا يصب
منه " فلا يصيبك قلق من مرض او موت ابن او خساره
ماليه او احتراق بيت,فان الباري قد قدر والقضاء قد حل والاختيار
هكذا والخيره لله والاجر حصل والذنب كفرهنيئا لاهل المصائب
صبرهم ورضاهم عن الاخذ, المعطي,القابض, الباسط,
لايسال عما يفعل وهم يسالون.استسلم للقدر قبل ان تطوق
بجيش السخط والتذمر والعويل اعترف بالقضاء قبل ان يدهمك
سيل الندم اذا فليهدا بالك اذا فعلت الاسباب وبذلت الحيل
ثم وقع ما كنت تحذر فهذا هو الذي كان ينبغي ان يقع ولا تقل
"لواني فعلت كذا وكذا لكان كذا وكذا,
ولكن قل: قدر الله وماشاء فعل .........

 

[شيهانه الهيلا]

روحي لاستشاريه نفسيه تساعدك انج تنسيه وتحبين نفسج حرام اللي تسويته بعمرج

 

[صديقتك ياليل]

الله يعوضج خير منه يارب وتنسين كل هم يارب أنا جربت شعورج لما تطلقت. تحسين الكل يجرح لما يقولون مايبيج كلمه مايبيج تذبح حتى لو انتي ما تبينه بس عسى الله يعوضج يارب

 

[زوجة عزيز]

الله يعوضج باللي يستاهلج ويقدر قيمتج دامه طليقج وماشفتي منه ولا اهله اللي يسرج فخيره هالطلاق لج ماتدرين شنو الله كاتب لج صبري ان الله مع الصابرين اقري قران وشغلي قران صدقيني كل هالافكار بتروح عنج وبتحسين ان حتى احسن ريال بالدنيا مايستاهل ان الوحده تسوي جذي عشانه وادعي ان الله يشيل حبه من قلبج ويشغلج بالخير

 

[M!SS.LOBY]

الله يعوضج بالزوج الصالح

 

[M!SS.LOBY]

قضاء وقدر

 

[أبكاني ذنبي]

الله يمسح ع قلبج

اقري سوره الاانشراح توسع صدرج ان شاء الله


وعيشي حياتج وقت وبتنسينه الفرااغ يذبح والشيطان يوسوس للمؤمن


باوقات ضعفه


تعوذي من الشيطان وكا ماذكرتيه افرشي سجادتج وادعي ربج


والحي بالدعااء


ماتدرين الخيره فيما اختاره الله


يمكن القدر خاش لج زوج افضل من هالزوج اللي يكون ابو عيالج ان شاء الله

 

[أنفاسي دخون]

الله يعوضش بالزوج الصالح اللي يخاف الله فيش وينسيش الدنيا وما فيها