تعبت من خيانات ريلي والاسباااااااااب ...

[-Bello-]

هذا مايعتبر عذر مقنع لخيانه .. شايفج طيبه ومتسهاله معاه .. يقول بخون وان طاحت علي مردها ترضا وتسامحني ..

 

[رحيل المرافيء]

يخونج شمقعدج معاه
لو متزوج عليج بالحلال جان تطلقتي ويخونج بالحرام كله واحد والله انتو عجبة
انا اقووول ههدديه بالطلاق قوليله طلقني وانت اقعد مع خرابيطك لاني تعبت ومليت
ابي الحق اشوف عمري
وطريقة ثانية خليه يحس انج تكلمين شباب يعني تكلمي بالموبايل مساسر ولا دخل عليج سوي روحج اخترعتي وسكري التلفون بسرعة
خلي وحدة من خواتج تدق عليج اخر الليل الساعة 1 او 2 وفزي من السرير وتكلمي بالصالة وسوي روحج ماتبينه يسمع
قوليله مثل ماتبي تكلم انا بكلم

 

[ماركة انثى]

الله يعينج خيتي


تفاهموا مع بعض وشوفي النقص وحاولي تصلحينه
​

 

[حلا قطر]

الله يسخره لج
ومدامه يبي كلام حلووووو سمعيه كلام حلوووووو يمكن يتسنع الله يهداااه

 

[أنهار الورد]

لا ما تستاهلين انه يخونج وهو جايب هالعذر للتبرير وعذر اقبح من ذنب
الحين هو الغلطان ويحط النقص فيج
ولا بعد يكلم متزوجه يعني قوليله ماتخاف على عرضك باللي تسويه ببنات الناس وانتي طالما تحبينه سمعيه جم كلمة حلوة وبتصرفاتج معاه اثبتي له محبتج بس قعدي معاه وخليه يوعدج انه يتأدب قوليله الدنيا دواره وماحد ضامن عمره ارجع لربك وتوب وخلينا نبدأ صفحه جديده واطلبي له الهداية يا قلبي

 

[^^yasmina^^]

اذا تبين نصيحتي قوليله كلام حلوووو
شوفي لي وين او متى بتوصلين وياه


صدقيني الريال نفس اليااااهل اتيبيين راسه بالكلام المعسول الحلو
انتي ريلج قاااعد يدور علي الكلام الحلووو من غيررررج مووو منج
انتي راضيه بهالشي؟!
ليش تخلينه يدور الكلام من غيرررج
صدقيني بناات ابليسس واايد والكلام المعسووول عندهم سهللل وخفيف نفس المااي باجرر بيلقي وحدة تذوبه تذوبه تذوبه بالحجي الحلوو ويستخف عليها ويصيررر خروووف حقها ويهدج عشانها

انا اقوول اذا تستحين بلشي بمسج وياه
دزيله مسج حبيبي وينك ؟! ولهانه عليك

اشوي اشوي عودي روحج تقوليله كلام حلووو

بعدين شوفي شيصيرر بيرد علي عادته القديمة اة لا
*

 

[أأأحبه]

الله يهدي زوجك

ولاتحطين اللوم والعيب فيك ,,, لأن هالسبب اتفهه من انه يسسسوي شي حرام علشانه
وانتي حاولي تقولين له كلام مابين فتره وفتره حتى لو الكلمه كأنها واااجب
وانتي بتقولين حطي في بالك ان هالشي يحبه زوجك وبيستانس فيه

 

[كادى الحب]

اللة يهدية

 

[برنسس كاتي]

الحيين هوو يغلط ويعطي لنفسه مبررات و أخرتها تحسين بالذنب !!
ليش مين الي يخوون انتي ولا اهوو ؟؟
يعني تتوقعين لو خنتيه وقلتي له عشان ما تقولي كلام حلو بيصدقج
بيطلقج قبل لا تفتحين فمج
لااازم توقفينه عند حده زعلي زعلة جايدة خليه يحس انه بيفقدج ! هددييه
وحاولي بعد قولي له كلام حلو عادي حفظي جملتين وروحي وقوليله عادي عشان ما يصير عنده حجه بعد
حلوه هذي يخونج عشان ما تقولين له كلام حلو

 

[c a t w o m a n]

لا تشورون عالبنية بالطلاق

هالمشاكل تصير كل وحدة خانها ريلها بتتطلق !..

السالفة مو شي عادي ريل يخون مو هينة بس مو حلها بالطلاق صبروا على بيتكم و رياييلكم

ولا تييبن سيرة الطلاق على لسانج جدامه عندي تزعلين بالأشهر و لا تصير الكلمة سهلة على لسانكم هذا اختبار من ربج ادعيله بالهداية أولا وشوفي ليش قاعد يسوي جذي شايللي ناقصة يمكن صج ايللي ناقصه كلام حلو لا تستغربين كل ريال له طبع له شي يحبه عرفي شنو مشكلته ليش قاعد يسوي جذي شي ناقصة ولا طبع فيه والأثنين لهم حل بس يبيلهم طولة بال وصبر

الله يهديه ويسخره لج ولبيته يارب

 

[dectora 7elwa]

هو عطاج حل للمشكله
تعلمي شلون تعبرين عن مشاعرج له وشوفي
لحقي العيار لي باب الدار

 

[زوجة عزيز]

صج يقهر انا مستغربه اشلون تسكتين عنه اذا انتي متاكدده من خيانته لج !

 

[اينااس]

اختى هاااااذى مو عذر الى يقووول

لازم تو قفينه عند حده وخاليه يعرف قيمتك