تعبت من خالتي وحمااتي

[ايمان 24]

والحين حماتي تجرات تدش غرفة نومي وتتعبث بالمكياج والعطورات
عن نفسها عطيتها ثلاث عطورات وطمعانه بعد
واهي مو صغيره كبيرة تفهم
مرات اتضايق اروح بيت اهلي ..

 

[بنتq8]

تسنعى وتعطرى وقعدى وبطقاق

 

[حلوه & دلوعه]

لاصارو عندج اشغلي نفسج عنهم

بترتيب بيتج بترتيب الملابس

وزوجج كلميه بشوق والا دزي له مسجات انج ولهانه عليه

ومن الكلام الحلو بيجيج يركض

والله يعينج تحملي

 

[حلوه & دلوعه]

واااااااااااااااي ياكرهي للحماه االي تدخل غرفة النوم او اي وحده تدخل غرفة النوم

لاسافرت لاهلي زوجي يعطي المفتاح لاخته عشان تجي هي والخدامه تغسل الملابس بس

وهي من زود الاهتمام تدخل غرفتي وترتبها

وانا ماكنت ادري الا بعد ماسألتني عن عطوراتي وكريماتي انصدمت

وقلت لزوجي لاعاد تدخلها الغرفه ملابسك ودهم لبيت اهلك يغسلونها

هذي خصوصيه مااحد يدخلها

امي وهي امي لاجت عندي ماتدخلها

وبعدها فهم انه غلط وصار يقفل الغرف كلها اذا خلاهم يجون ....

 

[@فطفوووطه@]

رد : تعبت من خالتي وحمااتي

بدال لايجون فوق انتي نزلي عندهم قبل لايصعدون عشان تاخذين راحتج بشقتج

والخدامه تحملي حبوبه مهما كان هذي مره كبيره وخذي الاجر ان شاء الله

 

[احلى صغيرونة]

رد : تعبت من خالتي وحمااتي

اووووله شدعوه عليهم كل هالساعات مايروحون لا حمام لا ياكلون لا شي مني مناك ..

ماعليه خلي بنوتج عندهم وروحي تسبحي و خلصي كل شغلج واذا خلصتي روحي لبسي وتكشخي ولبسي روب و قعدي يمهم وكل شوي قولي واي امبي حر واي امبي حر يعني نغزه وبعدين قوليلهم خالتي ماعليج امر ميخالف تاخذين البنوته وتخلونها تغير جو تقعد بالصاله تحت ولا شي يعني جذي وبس كل يوم طلعيلج عذر ودو البنوته علبونه تغير جو ملت من جو الشقه

وخلي ريلج يكلمهم يقولهم تبون البنوته اخذوها ونزلو تحت مرتي عندها خصوصيات وبس

 

[جاذبيه الكويت]

لو انا منج اسوي شغلى واتسبح وهم قاعدين لين يحسون