تعبت من خالتي وحمااتي

[ايمان 24]

السلام عليكم يابنااااااااااااااااات
اشلونكم
انا مشكلتي مشكله مادري من وين ابتدي
قبل الرمضان كنت طالعه من النفااس في بنتي والحمدالله
بس المشكله انه خالتي ام زوجي وحماتي 24 ساعه يقعدون عندي ما اقدر اخذ خصوصيتي في شقتي
واللي زاد الطين بله انه خدامتهم سافرت وصاروا ياخذون خدامتي اكون سسهرانه مع بنتي ما اصدق ايي الصبح عشان تقعد عندها الخدامه واناام
ألاقي الخدامه تقعدني من النوم تقولي ماما ماما تحت تبيني اسوي ريووق وعقب الريووق الغدا وعقب الغدا الجاي والقهوه
وما اصدق ايي العصر عشان تكون فاضيه خدامتي وانام ولاقيها يايه عندي فووق تقولي ماصارت نووم
انا متى نمت اصلا اللهم بس اصلي وارجع انام ..
بنات تكفوون تعبت تعبت تعبت
وازيدكم من الشعر بيت اذا ابي اطلع مكان تقولي لاتطلعي انا بطلع اقعدي عند بنتي ماعندها احد
انا ششششششششششششششكو
كل هذا مو مهم المهم انهم يقعدون عندي من العصر لي الساعه 12 في الليل انزين ابي اتسبح ابي البس حق ريلي كل هذا فاقعدته
شسووووووي يابنات تعبت
لكم المايك ...

 

[موني^حبيبي]

رد : تعبت من خالتي وحمااتي

واااي ماكو شغل

انزين قطي نغزه اي شي يمكن يقدرون

الله يعينج
ولاتعطينهم وي يمكن يحسون انهم مضايقينج
واذا عالخدامه اذا طلبتها قوليلها لا ابيها عندي شغل اعذريني
يعني بطريقه ذربه

 

[love love]

عااااااادي بالعكس دام قاعدين من 4 لي 12 لما تصلين المغرب خلي يمسكون الابنيه وقولي بدش اتسبح قبل بو فلان لا ايي

ودشي وتسبحي وتعطري وتكشخي وطلعي لهم

اخذيها فرصه وخل يمسكون البيبي

 

[بتبوتااا]

حياتي كلمي ريلج بسلوب حلو يكلمهم يعني طالعه منه مو منج ..
او انتي تحججي مو كله ان شاء الله وتامرون يا قلبي ,

 

[الأميرة جوري]

رد : تعبت من خالتي وحمااتي

قطى بنتج عليهم اذا هم عندج وروحي تهندسي وحوورفي بعمرج مو مجابلتهم 24 ساعه ...

 

[شمووووع الليل]

الله يعينج حدهم ماكو شغللل

 

[ذهب ابيض]

الله يعينج

قولي تقطين نغزة

حاولي توضحين بشكل غير مباشر

 

[&الماس&]

انتي اشغلي روحج لاتقعدين علشان لايقولون فاضيه ويلزقون عادي سوي شغلج ونادي الخدامه تسوي شغلها واذا خلصت عادي خليها تروح لهم ماتقدرين تمنعينها من حق خالتج عليج بس موكل الوقت

 

[@ بنت النـور @]

رد : تعبت من خالتي وحمااتي



اول شي الحمدلله على سلامتج ومبروك ما ياج يتربى بعزكم ان شاءالله

وعلى سالفة الخدامه انا أقول فشله تردينها ,, لا تقولينلها ابي الخدامه همن اهي مرة كبيرة

مو معقوله بتطبخ وتنظف البيت بروحها ,, أصلا اهني يبين معدن الوحدة ,, احتسبي الاجر وصبري

وباذن الله ربج بيفرج همج ,, خلي اخت ريلج تمسك البيبي اذا بتنامين ,, اتوقع بعد أحسن من الخدامه

واليهال بهالعمر ما يأذون اسمله عليهم ,, يعني يادوب ينامون ويشربون حليب ,, يعني ما ظنتي بتأذى

ومثل كلام بعض البنات اذا قعدوا عندج مسكيهم البنت وروحي تسبحي وعادي على راحتج

ولو تكلموا قولي والله خالتي انا مو عادتكم غرب كلللش وفلان بيي بعد شوي ولازم أتزهبله

بس بصراحة سالفة انها تقعدج عند بنتها ,, شكووو !!! وين قاعدين !! بيبي ستر !!

قوليلها عندي مشوار ضرووري وما اقدر بطلع وبرد بسرعة قبل لا يوصل بوعيالي

والله يعينج عليهم واحتسبي الاجر حبيبتي ,, انا اقول اعتبريها مثل امج ,,

والله يوفقج ويسر لج أموووووورج ويهديهم يارب ,,

 

[!الجادل الصعب!]

رد : تعبت من خالتي وحمااتي

والله نشبه ..! لا وتقول مآصارت نوم بعد ..!

 

[كويتيه مذهله 87]

وين ريلج ؟؟ شنو موقفه

 

[BiiShOoO]

خلي ريلج يكلمهم

 

[سوسن1980]

رد : تعبت من خالتي وحمااتي

اول شي الحمدلله على سلامتج ومبروك ما ياج يتربى بعزكم ان شاءالله

وعلى سالفة الخدامه انا أقول فشله تردينها ,, لا تقولينلها ابي الخدامه همن اهي مرة كبيرة

مو معقوله بتطبخ وتنظف البيت بروحها ,, أصلا اهني يبين معدن الوحدة ,, احتسبي الاجر وصبري

وباذن الله ربج بيفرج همج ,, خلي اخت ريلج تمسك البيبي اذا بتنامين ,, اتوقع بعد أحسن من الخدامه

واليهال بهالعمر ما يأذون اسمله عليهم ,, يعني يادوب ينامون ويشربون حليب ,, يعني ما ظنتي بتأذى

ومثل كلام بعض البنات اذا قعدوا عندج مسكيهم البنت وروحي تسبحي وعادي على راحتج

ولو تكلموا قولي والله خالتي انا مو عادتكم غرب كلللش وفلان بيي بعد شوي ولازم أتزهبله

بس بصراحة سالفة انها تقعدج عند بنتها ,, شكووو !!! وين قاعدين !! بيبي ستر !!

قوليلها عندي مشوار ضرووري وما اقدر بطلع وبرد بسرعة قبل لا يوصل بوعيالي

والله يعينج عليهم واحتسبي الاجر حبيبتي ,, انا اقول اعتبريها مثل امج ,,

والله يوفقج ويسر لج أموووووورج ويهديهم يارب ,,

عدل هالكلام

 

[شيخه الحلى]

ريلج من 4 إلى 12 طالع؟؟
واهما ماعندهم شغل؟؟
شنو يسوون من 4 لي 12 عندج؟؟
مايروحون يصلون؟؟
انزين انتي روحي غرفتج وصكي عليج الغرفه ولاتقعدين معاهم
عاااااااااااااادي

 

[الغاليه ام احمد]

ما عليه حبيبتي
من كلامج انتي باجازه او ما تشتغلين

يا عمري احنا لما يبنا اول عيالنا ما عندنا خدامه

يعني نقوم بالياهل وتنظيف الغرفه والحمام وغسال الهدوم

كانا لا متنا ولا صار فينا شي

احنا مثلكم نسهر على الياهل والله ايام ما ننام الا دقايق

الحين انتم الوحده من تحمل الخدامه توصل قبل الولاده ليش

اظن مع الوقت بيحطون خانه بشهادة الملجه من شروط الملجه الخدامه

حبيبتي ما عليه خلي الخدامه عند خالتج وتحملي انتي توج شابه وفيج شده
اما خالتج مره كبيره

وبالنسبه لقعدتهم عندج هذا دليل على حبهم لج

خلي بنتج عندهم وقولي دقايق اخذ شور وارد

لا تقولين جدامهم بلبس لل ريلي عيب هالكلام
اذا يا ريلج واطلعوا لبسي كلها دقايق

 

[ايمان 24]

والله حدي تعبت
ظزدي يبيها من الله
يدق يقول منو عندج؟؟
اقوله خالتي وحماتي
يقولي اووكي باااي
واذا قلت له ليش تاخرت ؟؟
بقول امي واختي عندج اقعد ويااكم شسوي ؟؟

 

[احلى ـآ وحده]

الله يصبر قلبج

 

[نور كوليكشن]

الله يعينج
ماكو شغل شنوووووووووو؟؟

 

[بحر الذكريات]

الله يعينج لا تعطينهم وجه اكثر اذا كانوا عندج قولي استأذن بروح اتسبح وجذي يمكن يحسون على دمهم

 

[شيخه الحلى]

والله حدي تعبت
ظزدي يبيها من الله
يدق يقول منو عندج؟؟
اقوله خالتي وحماتي
يقولي اووكي باااي
واذا قلت له ليش تاخرت ؟؟
بقول امي واختي عندج اقعد ويااكم شسوي ؟؟

قوليله تعال ابي اقعد معاك
انا متزوجتك مو متزوجتهم
مع جم دمعه
انا اشتقتلك
احس اني بعيده عنك
ابيك... ولهت عليك
وبعد جم دمعه وصوت كله شوق

اشكيله بس بطريقه غير مباشره
خلي بالصوره
وخليه يحس انج متضايقه
بس بأسلوب حلو ما يزعله ولا يضايقه
وتذكري هذي امه واخته ما يرضى عليهم