تعبت من انتـفـاخـات مـعــدتـي شـالحــل..؟

[حبي لله اشد]

السلام عليكم ورحمة الله وبركاته ..

بنااات تعبت من معدتي انتفاخات غازات تحرجني:eh_s(16):
حتى لو قعدت يومين بدون اكل بطني يظل منتفخ وغازات
واخذ دوا حبوب مانفعت ولو اشرب بيبسي شوي نتفه بطني
يمسكني عوار عادي يظل ايام ..
وقطعت عن البيبسي سنتين بالضبط وانا كنت مدمنة بيبسي لدرجه
مو طبيعيه وقطعت عن الحمص لانه نفس الشي يسببلي انتفاخ وغازات
وفي اكلات قطعت عنهم عشان معدتي كرهت اكلهم بسبب العوار !
اهوا مو بس غازات معدتي تعورني بشكل مو طبيعي ساعات ماقدر انام !
تعبت مادري شسوي :eh_s(11):
بليز فيدوني :eh_s(16)::eh_s(11):​

 

[al_maleka]

نفس حالتج
بانتظاار الرد
بس انا مو نفسج ويمكن انتي من البيبسي لانه يسبب غازات واهي اللي تضغط على المعدة وتسوي العوار

 

[الكرملين]

اكيد عندج قولون عصبي روحي دكتور باطنيه

 

[Lost]

شربي يانسون وله كمون مغلي؟ والله نفسج انتفاخ وغازات

سويت لي يانسون وحطيت عليه عسل


سوي بحث وتلاقين الي يفيدج لكن الافضل
اهوا انج تروحين دكتور. وسلامتج*

 

[حبي لله اشد]

قطعت عن البيبسي
والمصيبه انه يقولون اذا رحت طبيب
بيسويلي ماري شنو اتوقع سونار ؟
مادري اللي يدخلون شي من حلجي وراح يتفخ بطني بزياده
ف خايفه

 

[الدلال]

يمكن فيج جرثومة بالمعده
راجعي دكتور جهاز هضمي

 

[الدلال]

قصدج منظار؟؟؟انا سويته ولا تحسين فيه
سويته عند مساعد العصفور والحمدالله وايد خفت الغازات والنفخه والحروره اللي كنت احس فيها بمعدتي
لان كان معاي جرثومة المعده وسببت تقرحات لاني ماعالجتها من اول
توكلي على الله وروحي راجعي

 

[عذبة السجآيآ]

واااي انتي نفسي بس انا معاي عوار بالمعده

بس اتفشل معدتي متفوخه وبارزه حتى بالبس احيانا انحرج جسمي كله حلووو الا هالمكان

وراجعت عند دكتوري ةقال معاي جرثومه بس للحين مارااحت

 

[جهراء]

راجعي وتأكدي ان معدتك مافيها شي يعني جرثومه التهاب فيروس

واذا او كي


اخذي علاج امهاتنا وجداتنا الي مالنا غينى عنه

عند العطار جيبي حلتيته رطبه وسوي منها كور صغيرة حيل كبر راس عود الكبريت ثلاث اربع كور وابلعيهم مع كوب ماي


بس عاد تحملي الغازات الي راح تطلع وريحه البول تكرمين بس كلها يومين وتصيرين حصان


وسلامتك

 

[جروح ودموع]

هذي اعراض القولون والافضل تروحين اخصائي جهاز هضمي واذا ان شالله ما فيج شي اغلي يانسون وكمون وحبه حلوه وشربيهم ثلاث مرات باليوم والله يشافيج ان شالله