تعبت من الوحام ونفسيتي اتدمرت

[متوترة]

فتره وتعدي ياعمري حاسه فيج وربي
مريت بمثلج بس انا اردى منج المويه ارجعها ووجع بمعدتي 24 ساعه ماتهدا
لدرجه اني الصبح ماقوم اني شبعانه نوم لا اقوم لان معدتي تعورني وبرجع
يالله ايام وعدت والحمدلله على كل حال..

احتسبي الاجر والله يعينج يارب انا
ارتحت على حبوب بريموزان وتحاميل شرجيه اسمها ميلتوم اسالي دكتورتج عنهم قولي يصير اخذهم
وموفقه حبي

 

[@ام يوسف@]

الف مبروك الحمل وماعليه فتره واتعدي

 

[هزني الشوق؟]

الف مبروووووووووووووك حبيبتي والله يهون عليج ،،

ماعندي خبرة بالحمال بس اتابع ردودج دايما

 

[رانيا6]

مبروك على الجمال حبيبتى وربنا يثبت حملك ويتمم عليج

 

[انصاريه قمره]

عالبركه حبيبتي والله يتمم عليج حملج بخير وسلام
وبالنسبه للوحام كل حامل تمر بهالمرحله وكلها 3 شهور تحملي يا قلبي

 

[حلآوهـ حمرهـ]

مشكورين على ردودكم حبايبي واايد ريحتوني

والله لو تجوفون حالتي كييف كارهه كل شي بس ابي امي واهلي وبيتنا مابي اطلع ولا ابي ارد عند اهل ريلي حرام وايد يسالون عني ويحاتوني بس مب بايدي مب قادره اجاملهم

وطول الوقت معصبه وامبوزه تقولون عبدالناصر درويش يوم زوجوه غصب وقعد مبوز عالكوشة ههههه

 

[قمرهم1979]

مبروك الحمال والله يتمم عليج

أنا جربت حبوب اوندا وصفها لي الطبيب عجيييييييبه شويه عليها توقف الترجيع واللوعه وامنه على البيبي الصراحه وايد انصح فيها سألت اكثر من طبيب عنها مدحها لي

أنا نساتي جايده استخدمتها شهرين والحين قطعتها لأني الحمد لله ارتفعت والفال لج حبوبه

 

[^حبيبة الكل^]

الله يتمم عليج نعمته و الله فرحتلج وايد
و النساة بس تحملي اول 3 شهور بعدين خلاص ترجع حياتج طبيعية

 

[$ النيره $]

,

كل هذا انا مريت فيه واكثر بعد
و كثر غيابي عن الدوام
بس شسوي الله آقوى

 

[بولندية]

يا حياااااااااااااتي كلنا مثلج و في اللي وحامها قووووووي و في اللي ما تحس

الامومة ماتيي بسهوووولة وحام و ولادة ولا حتى القيصرية متعبة حييييييييييييييل بس سبحان الله سهالة باجر لي شفتي البيبي راح تنسييييييييييييييييين الوحام و طوايف الوحام

انا نفسج كنت ادعي يطيح البيبي و افتك من الوحام انا بعد ارتفع عندي الاسيتون و كرهت الدنياااااااا كلهاااااا

بس من طلعت من لااربعين و انا نااااسية الوحام و الحين لي شفت ولدي الله يحفظه اقول الحمدالله اللي ربي احفظه لي ولا صار فيه شي بالحمل من كثرت ما كنت ادعي ان ما يتم الحمل

الله يثبته و تشوفينه بحضنج

 

[زمردة مشعة]

اللــــه يـــثــــبـــت حـــمـــلــــج ويــتــــمــم عــلـــيــــج