شوفي حبيبتي التغيير حلوووووو..شوفي الحركه الغريبه اللي لين الحين ماسويتيها..
طبعا عيد ميلاد لازم كيكه وهديه وحفله صغيره .. بس الفن في كيفية عمل هالحفله
شوفي انا كل عيد ميلاد كنت اسويه في البيت بس اغير في الافكار والالوان.. بس المره اللي فاتت حبيت اغير .. وانا ابحث شفت دعايه حق واحد من الفنادق اللي عندنا وكانت الدعايه عباره عن جلسه على البحر وهي عباره عن طاوله وكرسيين وفوقهم مثل العريش ونازل منه شيفونات وصاير زي الخيمه طبعا قعده للعشا
اتصلت لهم وقلت بسالهم اذا عندي عيد ميلاد وشراح يسوون لي وبالمره بقول لهم افكاري وبشوف هل ممكن يسوونها .. طبعا كلمتهم وقالوا طبعا راح نسوي لج جو ماحصل بس تعالي شوفي الافكار اللي عندنا
لما جيتهم اسقبلتني وحده وروتني كاتلوج فيه حركات مش طبيعيه بصرااااااااحه انبهرت بالشغلات اللي يسوونها وانا كنت ابي اقول افكاري
المهم اتفقنا على كم شغله وقالوا تعالي شوفي الموقع ........وشفته كان خيااااااااااال قبل التعديل
واتفقت انا وياهم الساعه 7 يكون كل شي ريدي
وخذيت له موبايل جديد وغلفته وخليت اختي توديه حق الموظفه مالت الفندق عشان الخطه
وقلت حق زوجي بما انه صاحب مجلس(ديوانيه) كبير والكل يجتمع عنده.. ترى بكره انت محجوز والعذر ممنوع.. قال ليش قلت بس ابيك بشغله مهمه
وجا ثاني يوم وكشخت وتعدلت طبعا العصر بعد ماطلع.. وعدلت غرفتي وكنت شاريه ملحف يهبببببببببل وقميص نوم لي وبجامه له وعطرت المكان وبخرته وكشخت وتعدلت
ولما صارت الساعه 6 ونص دقيت له قلت انا جاهزه.. مر علي ورحنا للمكان وحنا في الطريق قال لي لايكون بنروح المطعم الفلاني قلت لأ
طب قلبي ببطني احسب عرف المكان...
ويوم وصلنا وقفنا سيارتنا قريب ونزلنا نمشي ويستقبلنا واحد قال انتو عايلة فلان قلنا ايه قال تفضلوا
يوم وصلنا اقسم بالله اني انا بغى يغمى علي من الوناااااااااااااااسه والله يابنات ان خيمتنا الشيفونيه مولعه من بعيد في وسط الظلمه وحاطين ممر على الرمل يوصلنا للخيمه او الطاوله فيه زوليه طويله حمراااااا وعلى جوانبها من هنا وهنا شموع مسوينها بطريقه عجيبه على طول الممر
والجو كان يهببببببببببببببببببببل وكفايه انه على البحر وبين كل طاوله وطاوله مسافه طويييييييله يعني تقدرين تاخذين راحتج ومحد يشوفج
وحاطين لنا سيدي طبعا قبل كانواقايلين لنا نحط من عندنا الاغاني ولا انتي بتجيبينها قلت لا انا باجيبها طبعا خذوها مني قبل
وفيه واحد خاص واقف عندنا بالبدايه عشان يخدم علينا .. وطبعا انا اخترت سي دي محمد عبده ( هذا المسا للحب للشوق للمواعيد ) كانت فللللللللله مع الجو
وكانو حاطين لنا ورد على الطاوله وكاتبين فيه لاحلى زوجين فلان وفلانه
طبعا زوجي انبهر بالمكان لدرجة انه قام يصور بالموبايل ويروح حق بداية السجاد والشموع ويصور ويصورني مندهش مع انه يروح مثل هالاماكن بس الفكره والمكان والجو عجبووووووه
جابو لنا عصير وعقب العشا وعقب جاووو الموظفين ومديرهم جايبين الكيكه والهديه وغنوا لنا وعق واحد عزف لنا ع الكمان وقالوا لكم منا صور هديه الحين بنصوركم مع بعض وبنبروز الصوره اللي بتختارونها
طبعا خذوا لنا كذا صوره واخترنا وحده وبروزها تهببببببببل وحاطين عليها اسم الفندق والتاريخ وعطونا اياها مع باقي الصور
وطبعا فتح زوجي الهديه وعجبته.. وقام واحد من الموظفين سكر الفانوس اللي كان مضوي العريش وصار الجو خيااااااااااااال
لاول مره زوجي يبوس يدي وحسيت بمحبته لي
وقمنا نمشي على طوووووووول البحر ونسولف ونضحك... والظريف ان ربعه دقوا له قال لهم وش ابي فيكم وش ابي في غبرتكم انا عايش في حلم... وفعلا والله حتى انا حسيت انه حلم
ورجعنا البيت ولبسنا ملابسنا اللي انا مجهزتها وبس نمنااااااا
وخلص الفيلم الهندي... ردي اطول من الموضوع نفسه.. ماعليش قعدت اتذكر ونسيت نفسي.. وزوجي مازال يتذكر هالحفله لي الحين
