تعبت منها

[رنيم الروح]

الله يرزقك بالذريه الصالحه ويفرح قلبك بطفل يملي عليك حياتك ويرزق كل وحده تتمنى طفل

 

[متواضعة]

سمعتي بمثل طنش تعش تنتعش طنششششششششيها من قلب وهذي اللي حارها وباط جبدها انج حاقرتهااااا وايد محتره منج مالت عليهااا

حبيبتي رحتي كذا دكتور بخصوص الحمل راجعي كذا دكتور اعرف بنات قالوا لهم خلاص مافي حمال وحملوا ولا صادهم شي

راجعي اكثر من دكتور وروحي برع سافري عشان العلاج الله يؤزقج بالذرية الصالحه يارب

ماعليج شر وسعي السدر والله ان شاءالله بيكتب لج الخير بكل شي

 

[ايمان80]

عادي ياقلبي انا 5 سنين مايبت يهال ومريت بظروف اقوا منج
وصبرت وحطيت الله بين عيوني وقلت ( يالله)
والحمدلله ربي اكرمني بأحلا بنت بالدنيا
الله يحفظها ويرزقج مثلها

 

[عاشقة_الجمال]

الله يعينج ويهدي حماتج يا رب

ويشفيج

 

[jowree]

ما شاء الله اكثر البنات ردودهم حلوه و فيها حكمه
مثل ما قالو البنات انتي شكلج دلوعه و شوي شخصيتج ضعيفه
انا اقول و قفيها عند حدها بس باسلوب محترم فيه قوه هذي الاشكال تخاف ما تختشيش
عودي نفسج علي الرد السريع بس بدون سب او تجريح و بدون لا يكون الحق معاج و يقلب عليج قوي شخصيتج
صدقيني الناس تبي اللي شخصيته قويه يفرض احترامه
و العيال رزق من الله
شيلي هالموضوع من بالج و لا تحاتينه وايد و خليها علي الله
و ان شاء الله الله بيرزقج بالضنا الصالح​

 

[Om-3zezan]

ليش مبينة لهم ان في مشكلة حمل :/

عادي قولوا احنا مأجلين سالفة الحمال للحين ماشبعنا من بعض ؛*

ردي على حماتج بهالاسلوووب واااي باطة جبدي
وتوكم ست شهور ولا حتى لو سنة !! والسالفة محد له حق يتدخل فيها

وحماتج مال ريال يوقفها عند حدها عدل يا ابوها ولا اخوها

 

[دلوعة يدها]

ENOOR ام الفناتك
موضوع الحمل حساس لاي مره بالعالم و بس لي الحمدلله رب العالمين راضيه بحكمة ربي انا مؤمة ان في خيره بتاخيري بالحمل اولها المشاكل و ثاني شي دراستي
الحمدلله رب العالمين صحتي في تحسن ان شاء الله
الحمدلله علاقتي باهل زوجي حلوه بس علاقتي بحماتي هذي اللي شويي متوتره لانها من الاساس ما تبيني حنه لبيتهم
ريلي ما عنده اسلوب اللي يي اقوله اقوله ولا اهمه شي او احد و خالتي و عمي عادي عندهم ما يزعلون لانهم تعودو عليه و على اسلوبه
هي مره متزوجه و المفروض تعرف ان في شي اسمه خصوصيات اوقات اسها و انسا اقفل باب الجناح او ريلي يكون تحت و بيصعد و هو من النوع اللي ما يحب يقفل الباب يقول باب الغرفه اي بس الجناح شكو
علاقتي الحمدلله روعه مع خالتي و عمي بالعكس والله عمرهم ما حسسوني اني غريبة بينهم و باقي اهل ريلي علاقتي فيهم فيها نوع من الرسمية
ام الفناتك مستحييييل اقولها جذي لو شنو صار مالي شغل فيها و بحياتها الله اهديها و يشغلها بعمرها


: حضرية واجد :
اطلع ممن الصبح لين الليل عشان ريلي يذبحني قبل لا انزل الديره قالي يوم واحد بس تزورين اهلج اللي هو يوم الزواره اوديج بعد صلاة الظهر و اخذج بعد صلاه العصر و ممنوع اطلع طبعا خلال هالفتره لو الجمعيه
و ممنوعه طلعة الصديقات لو شنو و ما يسوا اشترك بنادي لاني اجازتي اللي انزل الكويت فيها بس شهر و اصلا هو ما يرضا يقول ماله داعي نادي و خرابيط
الله كريم ان شاء الله و يرزقني و يرزق الجميع الذرية الصالحه يارب
ليش تحقد علي مكانتها و معزتها غير عني هي بنتهم و انا الغريبة المفروض ما تقارن روحها فيني مثل ما انا ما اقارن روحي فيها لان عمرنا ما بنصير نفس بعض بالمعزه كل وحده فينا لها مكانتها و معزتها و بالنسبة للتغيير كل الناس تغير محد اظل على حاله
تسلمين حبوبة والله اضبطهم بس اوقات خلاص لان كل شي يصير فوق بعض فاوصل حدي خلاص اصير ما اتحمل اي شي ثاني بعد حتى لو كان سخيف بالنسبة لبعض الناس
عمري ما شكيت له الا لي وصلت حدي اللي خلاص مثل ما يقولون بلغ السيل الزبا و صارت مرتين من تزوجته حتى اهو انصدم ان شلون متحمله طول الوقت و ساكته و ليش ما اقوله
قبل لا اطلع من بيت اهلي اي قالتلي هالكلمتين ريل بعيونج هو جنتج و نارج و مو كل شي يصير تقطينه باذونه و تقولين له ولا تبينين حزنج له الريال يبي اللي تشيل همه مو تزيده
ان شاء الله يارب و كل وحده محرومه

بوح الحنين
قلت من قبل و كتبت موضوع انا تزوجته غصبن عني و الملجه و العرس كانو بليله وحده بس ما قلت له كل اللي قلته ان ابي كل واحد بغرفه لين اتعود و الحمدلله هو كان متفهم و احترم رغبتي


مالك غيري
لان الموضوع وايد كبر و صارت سالفه و للحظة فكرت بالطلاق
لا ريلي ما يصير لي بس اخته ما تبيني نه له بالاساس تبي بنت خالتها
بالعكس عادي بالنسبة لي السفر اهم شي كان عندي اني اروح العمره لاني من توجت ما رحت و الحمدلله رحت و يستاهلون عمي و خالتي ان ناخذهم معانا و ما فيها شي اصلا شدعوه
والله ما اسمح لها اصلا ما اسوف وايد و هي تسحب الحجي و الاخبار من ريلي
ما اعرف ارد للاسف كل اللي اقدر اسويه اطنش جدامهم و ابتسم و اضحك و انا من داخل ابجي دم مو بس دموع

a7la_7b
خالتي ما قالت لي حملي هي تبي تتطمن على ولده و تشوف بييه ضنا و لا لا
اصلا الحمدلله هي مو من النوع اللي تتدخل بشؤونا بس ذاك اليوم تكلمت من حبها و خوفها علينا

نواااال
مهما كان لها الحشيمة و الكرامه اذا مو عشانها اخت زوجي عشان سنها و لانه اكبر مني ب 15 سنه
مانبي بحاجه لانهم اقولون الحمدلله علاقتي بخالتي و عمي حلوة اللله لا اغير علينا و انا و ريلي نحب بعض خلاص هذا اهم شي عندي و علاقتي بباقي هله حلوة بس اخته اللي في بينا شوي توتر بس و خالتي شافت الموضوع و لا قالت شي لاني مو غلطانه الحمدلله

 

[دلوعة يدها]

وليفه القمر
اللهم امين
ما ابي اسبب المشاكل و اقولون دخلت البيت و فرقت بين الاهل
انا اللي كنت طالبه منه هالشي ( كتبت موضوع من قبل )
صحتي بشكل عام ضعيفه و الحين اخذ موانع لين تتعدل ان شاء الله و اتابع مع الدكتوره و ان شاء الله من تتعدل اوقف الحبوب و ربي اقدم اللي فيه الخير و يرزقني و يرزق كل اللي يبون يارب
اللهم امين

سحوره
ماني ضعيفه لو اني ضعيفه جان ما سكت و تحملت و خليت كل شي يتراكم على بعض لين انفجرت بس فعلا حساسه مواضيعي اكتبها لي وصلت حدي و ما اكتب ل شي فيها
عمري ما شكيت جدامه ولا بشتكي ان شاء الله اصلا لي بجيت جدامه اعرف ان خلاص وصلت حدي و مو قادره اتحمل اكثر
اغلب الوقت اخش عنه مشاكلي لاني حلها بروحي او احاول احلها قد ما اقدر لاي ما ابي اغثه
لا عادي بس صدقيني ماني ضعيفه الضعيفه ما تتحمل غربه و دراسه بالخارج

tbola BiiiBiii غدووور الكويت رنيم الروح عاشقه_ الجمال
اللهم امين

متواضعه
هذا اللي يصير جدامها بس من داخل افرفر
الحمدلله انا اقدر احمل بس صحتي العامه ما تتحمل عشان جذي قاعده اخذ حبوب منع الحمل
بس تتحسن ان شاء الله بوقف الحبوب و الله يرزقني الذرية الصالحه و كل محرومة يارب
انا اراجع عند دكتورتين وحده بالكويت لي نزلت بالاجازه و وحده ببريطانيا اللي متابعه معاي على طول
اللهم امين

ايمان
الله بحفضها لج و يرزقج غيرها يارب و تفرحين فيهم كله يارب

jowree
كنت دلوعه و الحمدلله شخصيتي مو عيفه بس حساسه
ما اعرف للاسف
تراني صغيره بالعمر توني صرت عشرين و للاسف المجتمع اللي تربيت فيه يختلف تمااما عن مجتمع اهل زوجي
ان شاء الله

om-3zezan
مو مبينه بالعكس اصلا محد ياب طاري الحمال غيرها يوم قالت مافيها ظنا
يمكن من الصدمه ما عرفت ارد عليها ما ادري بس صج جرحتني يوم قالت هالكلام

والله كل نزلة لي الكويت اكره روحي اكثر من قبل بسببها و بسبب مشاكلها اللي ما تخلص
الله كريم ان شاء لله

 

[الشهد2]

الله يساعدج ويحميج من كل شر الله ينصرج

 

[اخت خالتهم]

انتي تعاملج مع خالتج كبرج بعيني واايد عسى الله يرزقج يااارب و تتحسن صحتج
الغلط مو فيج الغلط في حمـاتج .. يعني مو انتي المعنية و اللي صـار مو بسببج او بمشكلة فيج
المشكلة بحمـاتج يا اما تتغير او تنطرينها تتزوج وترتاحين عقبهـا


و شقتج على طول قفليهـا شلون يدخلـون عليج جذي !

 

[دلوعة يدها]

الشهد 2
اللهم امين تسلمين حبوبة

اخت خالتهم
حق و واجب علي و هي بمقام امي
اللهم امين
حماتي متزوجة و عندها عيال الله يخليها لها يارب
اوقات اسها او انسا اقفلها واوقات ريلي يدخل اخر شي و ما يقفل الباب اصلا ما يحب يقفله
يقول باب الغرفه اي بس الجناح ماله شغل

 

[سكوون انثى]

ي عمري عمرج , الله يشفيج ويعافيج