تعبت عليها ليمن تفوقت وبالاخير ماااكو حفلة

[العمهوج]

أامهات من يرضي هذا بنتي وحيدتي ماعندي غيرها لماتفوقت بديت افكر بالحلاو وهدايا ابلاتها

انصدمت حدي اليوم المدرسات يقولون الناظره مو راضيه تسوي الحفله تقول بس بالطابور نعطيهم
الشهاده ويروحون لصفوفهم


ليش شنو المانع ماعندها ميزانيه وحاولنا فيها اهم عندهم بنات بعد بس راكبه راسها


ورافضه الامر ميزانية كل مدرسه 4000 دينار وين رااااحت

وبعدين هدايا عيالنا احنا بنشتريلهم وانتي عطيهم
والله حاله المدرسات مساكين يقولون تجمعوا يالامهات وقنعوها الله يسامحها

شتسوى عليها فرحة الجهال


فتكفووون امهات منو بناتها بمدرسة الصابره الحبشيه بسعد العبدالله
حل نجتمع ونروحلها

صراحه حرتني

 

[العمهوج]

ملاحظه بنتي اولى ابتدائي يعني اول مره ابي احتفل فيها

 

[السنعة2]

نفس المأساة عندنا في غرناطة بالعديليه:eh_s(14):
ثلاث سنين صار لنا مافي الاتوزيع شهاده بالطابور وياويلها الي اتيي امها:rgewrg::rgewrg::rgewrg:

كافي غثا المدرسة والتدريس مايبونا نفرح حتى بهاليوم

 

[برونزيه شقرا]

الله يكون بعونكم
شوفي حبيبتي لازم تتفقين مع اولياء الامور انكم مقتدرين بدفع رسوم الحفله
لان التربيه تخاف من ردة فعل اولياء الامور

 

[جروح ودموع]

لازم تسوي حفله عشان الياهل يستانس ويفرح ويحس بقيمة النجاح والتفوق ويكون له دافع يتفوق كل سنه حرام تحرم اليهال من هالشعور

 

[مزيونه موت]

يووه عاد ناااااظرة الصااابره الكـــــــل يسبهاا الله يعييييينكم عليها منيره ....وشدوو الهمه وحاولو تقنعونها ...والله حراام يتعبوون هالبنات واخر شي مااااكو حففله

 

[قــل مـا تـشـاء]

يحسدون الفقير على موتة يوم الجمعه !
لازم تروحون وتكلمونها عشان يفرحون اليهال ويصير لهم حافز للتفوق ,,
ماأدري وش هالنفسيييييه الشينه يعني كلها حفله بسييييطه مو عرررس !
لكن إذا مارضت مالج الا تسوينها في بيتج والا في بيت أهلج تفرحين بنتج

 

[الدلال]

اذا كلش كلش مارضت

روحوا المنطقه وشرحوا وجهة نظركم

واذا ماكو فايده تجمعوا انتي مع امهات البنات وسوولكم حفله فرحوا فيها البنات ووزعوا هدايا عليهم

اذا وحده فيكم اتبرع في بيتها تعزمهم او صاله من هالصالات اذا تحبون يعني

شتسوون بعد, فرحوا قلوب هالبنات مساكين

 

[كويتيه وافتخر]

والله سوي حفلتها مع عايلتج

اعزموها على عشا وجهزوا هديتها ووزعوا كاكاوها بيوم الزواره على الاهل


انا ولدي سووله حفله بسيطه بدون هديه بس شهاده

خذيته اهوا وكاكاوه عند اهلي وباركوله وحصل من ابوي وامي الله يطول اعمارهم هدية التفوق
رحت العصاري وشريت له ايبود وغلفته
وناديته جدام ابوه واخوانه الصغار وقلت صفقوا لاخوكم المتفوق وبسته وعطيته الهديه

طار ولدي بفرحته وانا وابوه واهلي استانسنا


اهم شيء ولدي يتفوق مومهم حفله المدرسه

 

[m'3rOoOra]

الله يعينج حبيبتي انتي سويلها حفله بالبيت صغير ويمعي الاهل واذا عندج ميزانيه روحي سوي حفله بالمطاعم ونادي رفيجاتها اللي بالمدرسه واخذي ارقامهم وكلمي الاهالي في بعض الاهالي عادي وونسي بنتج خليها تستانس عشان كل سنه تبي تتفوق وتنطر الحفله والله مايسوا عليهم المفروض تسوي قولي كل الاهالي يشترون الهدايا بس انتوا نادوهم بالطابور واحنا علينا الباجي ماراح يكلف ولا ربع دينار الحمدالله والشكر حرتني انا همن بنتي البجر وخايفه نفس الحاله لما الحين ماطروا شي الله يستر والله اذا قالوا نفس الحجي بسوي حفله لبنتي وخلي يولون صج مالت عليهم ووديها فانتسي وورلد وخليها تختار هديتها

 

[نادره في وجودها]

يهب يا وجها حسوووووووده حدها هالناظره

المدارس كلهم عندهم حفلات شمعنا انتم هاااااه مهب صاحيه هالناظره جيبولها مطوع يقرا عليها يمكن احد حاسدها من كثر الحفلات اللي تسويها قبل

اشتكو عليها عند المنطقه التعليميه