تعبت خلاااااااااااااااااااااااااص مليت من عيالي

[love love]

الله يهدييهم

بش شفتي هاللويه بحياتج متاكده انه ماتقدرين تستغنيين عنها

 

[um jojo]

وااي الله يعينج والله حاسه فيج الياهال يطلعون الواحد من طورة ... بس ترا كل انسان له نقطة ضعف فمسكي عيالج من ايدهم اللي تعورهم مثلا اذا ما احترمتو نفسكم ماكو طلعة ولا ماكو الشغله الفلانية لين يتادبون و انتي ريحي حالج اخذي الصغار بو سنتين و اربعه و خليهم عندج و الكبار ما عليهم خوف خليهم بالبيت كعقاب و استانسي طلعي و تمشي و عيشي حياتج لين اهم يملون

 

[cute manar]

الله يعينج حياتي والله حسة فيج

 

[! بنت العاشره !]

الله يبارك لج فيهم
تحمدي ربج عالنعمه اللي انتي فيها اول شيء

المال والبنون زينه الحياه الدنيا

اولا البنت كبيره صادقيها خليها رفيجتج بس نزلي لمستوى تفكيرها وخلي قلبها على قلبج راح تهتم اهي براحتج وتحرص على رضاتج وتشيل كل شيء عنج
والولد الكبير لزقيه بابوه

الصغار اسم الله عليهم رتبي جدولهم وقت لعب وقت نوم وقت رسم وقت يقعدون يطالعون التلفزون
وجذيه ترتاحين

الحمد لله على نعمته وفضله

والله المشكله انها تبيني رفيجتها 24ساعه لها بس تسولف عن المدرسه لدرجه حفظت اسماء رفيجاتها كلهم

بس مافي فايده تغااااااااااااار من اخوها لانه وراها بالضبط جاي ولانه ولد

وتقول اي كلا تفرقون على ابو انه صبي مسكين هو اللي ماكلها من الكل

الصغار هم نفس المشكله ورى بعض هم غيره بس من يندمج واحد بلعبه تركيب او الوان جا الثاني وخرب عليه

:0bee2e8d89:


الله يصلحهم يارب

شاكره مرووورج الغاليه :ggdw:

 

[! بنت العاشره !]

سوي لهم نظام لحياتهم ووقت للعب ووقت للدراسة ووقت للنوم وبوقت نومهم انتي ارتاحي شوي

او خلي ابوهم ياخذهم شوي عنج حتى لوساعه يوديهم حديقة العاب بحر اي مكان بس يصدون عنج شوي

وتذكري دايما شتسوى حياتج بدونهم

الله يخليهم ويصلحهم ويهديهم

تحياتي

وقت نومتهم اكون حدي دايخه ابي انام قبلهم خخخخخخخخخخخخخخ

اي والله هم شمعه حياتي بس شسوي

مشكوووووووره على دعواتج الحلوه ولج بالمثل اللهم امين

 

[! بنت العاشره !]

اااااااااااااااااااااخ يابنت العااااشره والله العظيم نفس الحاله موبس انتي والله مافي وقت لعمري كله لهم وسي السيد يبيج بس تضحين وتلبين طلباته الزوجيه وحتي لوكنتي تعبانه ومرهقه والله مايجي اللليل الا منهد حيلي الله يرحم حالنا ويريحنا ويصلحهم ويهديهم الزمن تغير والجهال صار غير احنا قبل شحلاتنا عاقلين واهلنا مرتاحين من غثانا ولايدرون حتي عن دروسنا والله مرات اطلع مع خواتي وانحاش من البيت بكبره ومايمديني اعيش حياتي ساعتين الا تلفونات وينج نبيج يمه خخخخخخخخخخخخخخخ مافي فكه والله مرات افكر اهاجر بروحي بدون احد هههههههههههههههههههههههههه لاتلوموني الجهال كل شي متوفر لهم بس صايرين يغارون من بعض وهواش وتقولين حلبة مصارعه موبيت وخلاص الحين الالعاب ماروح وياهم مثل قبل _03BA:اقعد بروحي اعيش حياتي واتسنع وتفرك واشوف التي في :dddds:واشوف عمري تقولين كني مبشره :dddds:
واقول لابوهم طولوا بالالعاب لاتردون بسرعه :dddds:

اي والله الحال من بعضه بس علميني لاجيتي تهاجرين عشان نهج مع بعض :ggdw:


اي والله انج صاجه مره خذاهم تخيلي يمكن ساعتين او اكثر لما رد لقاني للحين بالحمام اتسبح ماخليت سنفره والا حمام زيت ما حطيته تقولين لي شهر مو سابحه خخخخخخخخخخخخخخخخخ:dfgl:

قال حشى سبوح العيد ههههههههههههههههههههه


الله يخليهم لج ويعافيهم ويصلحهم تربين عيالهم بعد

 

[! بنت العاشره !]

الحل تشركين الولد الكبير في نشاط : مثلا حلقة تحفيظ قرآن بالمسجد التابع لمنطقتكم .. أو نادي الشباب .. أو جمعية إحياء التراث أو جمعية الأصلاح ..................... مادري إحد هالأماكن إللي عندها انشطة مسائية ..

البنت نفس الشي تشترك بنادي للبنات ... يعلمونها حفظ قرآن وتلاوة .. ورسم عالحرير وعالزجاج .. وكمبيوتر .. وطبخات بسيطة ....

الأثنين الصغار : مهمتج تلعبين معاهم يا بألعاب يا تلوين يا تركيب يا تتابعين معاهم توم أند جيري ... وتضحكين معاهم ... وقتج مع الصغار ...

وصدقيني الكبار إذا فكككوا عن البيت ولهوا بالأنشطة بيردون مشتاقين لج وللبيت وراح يكونون صداقات يديدة وراح تتقوى شخصيتهم ...

وهذا سي السيد .... دشي قسم الحياة الزوجية تثقفي شلوووووووووووووون تتعاملين معاه !!!! مو حل هو عايش حياته وكلشي على راسج بروحج !!!!

الحل الكبار : نادي العصر أو المغرب ..

الصغار : تلوين وألعاب و تلفزيون معاج

مايرضى اشركهم باي شئ :0bee2e8d89:

تعبت حتى الولد يبيله تقويه بالعربي قلت اشركهه رفض حطيت له مدرسه

اما الصغار تلفزيون هذا ولاشي عندهم والله مرات اقول حرام صرف كهرب علا فاضي >>>>>ترشيد مسويه


وسي سيد مافي فايده فيه



شاكره مروورج يا الغاليه :ggdw:

 

[! بنت العاشره !]

نفس الحال الله يصلحهم مرات من كثر ما أزهق من الهواش وما فيه حل أسوي حلبة مصارعه وأخليهم يتهاوشون وإللي يفوز أعطيه هديه.

جاري التفكير بهالحل :gr4uu:خخخخخخخخخخخخخخخخخخ

 

[! بنت العاشره !]

السلام عليكم ويعطيج ألف عافيه ولا تنسين ان الجنه تحت أقدام الامهات عشان شنو ؟؟؟؟؟؟ عشان كل شي علينا وفوق هذا رحومين ولاسباب عده بس انا اذكر هالسبب للموقف المذكور
الموهم.... انتي يا وخيتي لازم تراجعين نفسج وتحطين لج نظام لحياتج وياهم تغصبينهم على راحتج ...
يعني علميهم وجهيهم خليج صارمه وياهم يعني البنت ماشاءالله مرا عمرها 9 لا تعطينها مجال تضرب وتنضرب والاصغر علميه انه رجال وانه يفرض احترامه بطريقه مشروعه واكثر هدوء وان الرجال ما يتصرف جذي عشان تسهل عليج معامله الصغار يشوفون الاكبر ويقلدونهم
وبقولج شي مهم وايد يغفلون عنه الحريم ... السي السيد ترى يمل ويزهق من حرمته والبيت دام حرمته مالها نظام السي السيد يحب الانضباط ويجي يلاقي عياله يحترمون يعض وهادين ويدارونه ويدارون راحته جذي بيتعلق بالبيت وفيج
حاولي لو تحاربينهم ازعلي عليهم لا تكلمينهم والله يتوبون

والله كلامج عدل يا اختي بس مافي فايده دايم اقول لها انتي بنت عيب

ومشكووووووووووووووره يالغاليه

 

[! بنت العاشره !]

اول شي الله يعينج..
ثانيا؛حمدي ربج
ثالثا؛ اشتريلهم دي في دي بلير وسيديات من بونص يهبلون ويوصل البيت وينشغلون فيه
رابعا؛انا والله عيالي اذا ماناموا وتعبوني ..اوصل حدي واوقف.. اشربهم 2,5 ملي من الدوة السري..اكتفيد كولد اند كوت سالت الطبيب والصيدلي مايضر ورفيجاتي كذلك واهو اصلا حق النشله والبرد وعيالنا صيف شتا مراضى
خامسا؛ خليلهم غرفة تلفزيون والعاب وبلاي ستيشن وزحلاقية (ترفيهية من مجاميعه) والنظام انه مايطلعون منها الا وقت الدراسة عالمكتب او وقت الاكل علغرفة الطعام او اذا ملوا عالحديقة..
والله يساعدج .. طولت عليج ,, تقبلي مروري .. واذا نفع رديلي عالخاص

حرااااااااااااااام عليج :eh_s(1):

واله عاد مرات يشربه هو لهم :eh_s(6):


الله يسمع منج ويكون عندي هالغرفه شكلي انا بكيف عليها خخخخخخخخ:tomato2:


مشكووووووووره على مروورج الكريم يا الغاليه :ggdw:

 

[! بنت العاشره !]

حبيبتي انا دايما اقول ان الشغاله احسن منا كافي ان اذا ما عجبها البيت تنحاش و احنا ما نقدر ننحاش

شوفي يا قلبي الام مدرسه و مثل ما قالوا لج الحبيايب اذا ما رتبتي وقتهم ما راح ترتاحين و الانسان يحتاج للهدوء شوي

عشان جذي مسكي البنت الكبيره على جنب بروحها و قولي لها أنتي الكبيره و المفروض تساعديني على اخوانج لان لو مرضت لا سمح الله بضيعون عشان جذي لازم اديرين بالج على خوانج و البيت انتي الام اذا انا مو موجوده و لازم تخلين اخوانج يحترمونج مو بالطق لا خلينهم لما يبون شي ايون لج لانج الكبيره يعني عززي ثقتها بنفسها و كبريها بعين روحها

و الصبي نفس الشي الكبير و شوفي في وحده منزله موضوع و انا كاتبه لها طريقه اتعامل اعيالها فيها و تري زينه حتي حق البنت الكبيره بس طبقيها بحط لج الرابط

و نومي اليهال مبجر يعني الساعه 8 بالكثير دخليهم فرشهم و خليهم يسبحون قبل النوم عشان ينامون نومه طويله لان السبوح حق الياهل ينومه

لازم ترتبين وقتهم و لا ما راح ترتاحين وهم عشان لما يرد ابو الشباب البيت يلاقيج فايقه و رايقه حقه و هم عشان صحتج حبيبتي تري محد بينفعج و الريل اذا كل شوي بتشتكين له من اليهال و بتخلين البيت جذي فوضي تري بهج و لا تستغربين اذا تزوج لان اهم مو مثلنا يتحملون لا اتيبين طاري اليهال حقه الا اذا في مشكله كبيره او موقف مضحك اشتريه خليه يحب البيت و يحب القعده معاج

و هذا الرابط تري ولدي الكبير بعمر بنتج و قايده معاه الطريقه

http://q8yat.net/showthread.php?t=331025

تسلمييين يا الغاليه كلامج رووعه :nbvppw:

 

[! بنت العاشره !]

وااي الله يعينج والله حاسه فيج الياهال يطلعون الواحد من طورة ... بس ترا كل انسان له نقطة ضعف فمسكي عيالج من ايدهم اللي تعورهم مثلا اذا ما احترمتو نفسكم ماكو طلعة ولا ماكو الشغله الفلانية لين يتادبون و انتي ريحي حالج اخذي الصغار بو سنتين و اربعه و خليهم عندج و الكبار ما عليهم خوف خليهم بالبيت كعقاب و استانسي طلعي و تمشي و عيشي حياتج لين اهم يملون

مع اني مو ساكنه بروحي بالبيت انا مع حمولتي بس هم ما اقدر اخليهم

لانهم يطفشوون اللي بالبيت كله :eh_s(1):

 

[! بنت العاشره !]

شاكررره لكم بنات على دعواتكم وعلى تفاعلكم وجزاكم الف خير



:hjy5jewf::hjy5jewf::hjy5jewf:

 

[++The DuchesS++]

الله يعينج ويهديهم ان شاء الله

 

[كتـ زوجي ـكوته]

نفس الحال الله يصلحهم مرات من كثر ما أزهق من الهواش وما فيه حل أسوي حلبة مصارعه وأخليهم يتهاوشون وإللي يفوز أعطيه هديه.

امبيه من صجج

 

[۩۩ الجـــــود ۩۩]

الله يهديهم
نفس حال عيالى مرات تجيهم عرات

يا ويلى ان عصبت طنقر ابو الشباب الراس الكبير ابوهم
يبينى دايم اضحك ومستانسه

 

[sara999]

:eh_s(1):ستوب بنات ولحظه اختي
الحين شنو صار معقوله ما جربتي ولا خطوه وياهم انا متاكده ملامنا لج يشجعج ويعطيج قوه عليهم ... ما تحسين انج تغيرتي وياهم وتحسين من داخلج قاعده تحاولين تضغطين وتسيرينهم على كيفج ؟؟؟
وتعالي بقولج ترى في بيت الحموله ديري بالج على تصرفات عيالج ترى ما يقولون عيال ولدهم يقولون عيالها
المهم قوليلنا التطورات وخلينا نتابع وياج ونقولج سوي جذي وجذي

 

[كوارين]

آخ ضغتي على الوتر الحساس انا الي عندي بنت عمرها 4 سنوات بس امينتني واااااااااي كلة صراخ ونياح في كل زمان ومكان

 

[maadaa]

الله يكون في العون و الله يهديهم ويخليهم

 

[دانه الهيرات]

حبيبتي مبين من كلامج ان عيالج ما عندهم هوايات او اماكن يطلعون طاقاتهم فيها انا قبل كنت مثلج عيالي على طول هواش و طق بس من شركتهم بنوادي العصاري وهم طاخين حتى اذا رجعو تلقينهم ولهو على بعض و انا مشركه كل واحد بنادي غير عن الثاني حسب هواياتهم و بيصير جدولهم العصر نادي و عقب حل واجباتو عقب يقعدون شوي مع بعض (نص ساعه) و تالي عشا و نوم على طول