السلام عليكم ورحمة الله وبركاته ..
اول شي بنات بغيت اقول لكم اني عضوه قديمه بالمنتدى بس ما بغيت احط مشكلتي بنكي الاصلي ...
بنات انا الحمد لله انسانه ماشيه سيده ومتربيه احسن تربيه واهم ما علي سمعتي وسمعة اهلي والحمد لله دخلت الجامعه والحين خريجه وعمره ما جا الاحد علي كلام والكل يشهد باخلاقي ...
يا ما صارت مواقف من شباب يغازلون بس الحمد لله مطنشتهم وماشيه بدربي لاني عارفه ان الله ما راح يوفقني الا مع اللي يجيني من الباب ..
وانا الحمد لله محتشمه منقبه وعباه راس واللي معاي بالجامعه كلهم واثقه من احترامهم لي اساسا حتى الدكاتره معاملتهم لي غير عن البنات كلها يعني باختصار يحترموني زياده لاني فارضه احترامي عليهم ..
يمكن بنات ما تصدقون بس انا بحياتي كلها مال لفت بالي اي انسان اشوف خواتي لما يطلع ممثل او مشهور ينجنون بشكله وتعرفون عاد انتوا باقي سوالف البنات او حتى لما يشوفون واحد حلو بمكان عام يلفت انتباههم اما انا بحياتي ما لفت انتباهي اي انسان يقولون لي شوفي هذا شكله مو طبيعي احس عادي انسان حاله حال غيره .
المهم يا بنات جا يوم وشفت واحد بالجامعه <<ما لفت انتباهي نفس البنات
لا بس لفت انتباهي اني وانا اشوفه حسيت اني اشوف ابوي مو بالشكل بس بالثقل والادب والاحترام قلت لنفسي ما شاء الله عليه ومشيت وكان الوضع عندي طبيعي وحتى سولفت لامي وخواتي اقول لهم معاي واحد سبحان الله نفس شخصية ابوي <<هالكلام كان الكورس الاول من هالسنه طبعا طول هالفتره ما شفته الا هذيك المره ومن بعيد حتى اهو ما شافني
انتهى الكورس وانا وضعي طبيعي واهو نفس الشي
ولما بدا الكورس الثاني كنت رايحه لمحاضرتي وماشيه بممر وصادفته بهالممر وبالصدفه جات عيني بعينه وصديت وطلعت قاعة محاضرته جنب قاعة محاضرتي بس مو بنفس وقتها يعني اهو يخلص محاضرته بعدين انا ابدي محاضرتي وطول الكورس قبل ما تطيح عيني بعينه ما كنت اشوفه لما انطر على الكراسي اللي قدام القاعه بس بعد ما طالعنا بعض هذيك المره صار الولد ما يروح لما يخلص محاضرته صار يجي ويقعد على الكراسي اللي قبالي شوي بعدين يقوم ويقعد يفتر رايح ردا من قدامي انا في البدايه ما حطيت ببالي بس بعدين لاحظته اني كل ما اروح مكان ما يمديني اقعد الا اهو جاي ويظل رايح راد قدامي مع اني ما كنت اصادفه بهالاماكن وهالاوقات قبل ما نشوف بعض صرت لما اطلع مع رفيجاتي من مبنى لمبنى اكون شايفته بالمبنى الاول ما يمديني ادش الثاني الا اهو وراي ومو جاي يسوي شي ولا عنده شغل بس يفتر بالمكان اللي انا فيه وبعدين صار اذا التفت وشفته بالصدفه يبتسم لي وانا مطنشه ومره يا بنات كنت انطر دكتوري ابي اراجع امتحاني الفاينل وطلع اهو بعد مكتب دكتوره جنب مكتب دكتوري انا دكتوري تاخر وكان فيه زحمة بنات واهو دكتوره موجود ودشوا كل الطلبه اللي معاه تقريبا وراجعوا ومشوا واهو ضل واقف ويطالعني ساعتين بعد الساعتين جا دوري (لانا كنا ننطر الدكتور يجي ولما جا قام يدخلنا بالدور فطولنا)المهم لما جا دوري دشيت انا وكم بنت وكل وحده تكلم الدكتور شوي فقعدت عند الدكتور تقريبا ربع ساعه ولما طلعت لقيت هذا الولد ليلحين واقف بس قام يبتسم لي انا طنشته وطلعت من المبنى ورديت البيت ..
ومن ذاك اليوم يا بنات واهو وراي بس مو مثل الباقي يمشي وراج والكل يلاحظ لا احس ظل يراقبني من بعيد اللي حتى انا ما احس انه وراي لين انصدم فيه قدامي فجأه وخلاص دل قاعاتي صار يسبقني عليها المهم عطلنا وقلت خلاص انتهى موضوعه .
بدا الصيفي الولد طاح بحركه جديده ما صار يتبعني لان اساسا ما يمديه انا ما عندي الا محاضره وحده اخوي يحطني بالجامعه ويروح محاضرته وانا اقعد انطر محاضرتي عاد بهالوقت اتمشى ويا رفيجاتي او اروح الاستراحه بعدين اروح محاضرتي وامشي المهم الولد هذا لما اققعد مع رفيجاتي على كراسي بالمبنى يظل رايح راد بعدها قررت اغير مكاني وما صرت اقعد هناك واهو ما قدر يدل مكان محاضرتي هالمره لان عنده محاضره بنفس وقتي (مره طلع دكتوري معتذر فشفته يدش محاضرته بهالوقت)المهم الولد صار يقعد بممر مالي طريق الا اهو يعني اذا بروح من مبنى لمبنى لازم امر فيه ومن ادش هالممر لين اتعداه واهو قاعد ويطالعني واول ما يشوفني يبتسم لي انا اصد منه بس احيانا تجي عيني بعينه من غير قصد .
بنات انا الصراحه عجبني هالولد خصوصا اني من لاحظته يلحقني رفيجاتي لما يشوفونه ويبعد يقعدون يمدحونه يقولون هالولد قمه بالاخلاق وعمرنا ما شفنا عليه شي <ما يدرون انه يفتر وراي
المهم من كثر كلام البنات عنه ومن طريقته ومن اول ما شفته ارتحت له واحس عجبني واول مره احس اني ارتاح لواحد يعني احس كاني اعرفه من زمان وانا اللي اشوفه من الولد انه يبيني وانه مو قاعد يلعب بس ينطر الفرصه المناسبه وانا مستحيل اعطيه فرصه انا احساسي يقول احتمال كبير بينطر لين يقرب تخرجنا
بنات انا مستحيل افكر اعطيه مجال يتعرف ولو كلمني بقول له عندك شي روح لابوي وكنت مقرره اصبرواشوف اخرتها بس اللي صار والحظ اللي مو راضي يركز :nocommint: اني انخطبت اليوم والولد اللي خطبني ما فيه شي حسب الظاهر بس ابوي بيسأل عنه بس الحين المشكله صارت فيني لاني طول عمري اطمح بواحد معاه شهاده وبعد حالي حال اي بنت ودي بواحد يكون اهو اللي مختارني ما ابي علاقه وما ادري شنو لا ابي واحد مثل هالولد يكون مختارني ويتقدم لي وانا متأكده ان هالولد يبيني بس ناطر الفرصه والولد اللي خطبي عسكري واتوقع حتى الثانويه مو معاه اما الولد اللي معاي بالجامعه يدرس حقوق وراقي ومثل ما قلت لكم عاجبني انا قلت لاختي الكبيره الموضوع بس اهي تقول عصفور بالايد ولا عشره على الشجره بس انا الولد اللي معاي بالجامعه عاجبني وواثقه انه يبيني انا احساسي عمره ما خيبني بنات شالحل المشكله ان الولد اللي بالجامعه مبين عليه بينطر لين يقرب تخرجنا عاد اهو متى يتخرج بالظبط ما ادري واللي خطبوني يبون رد شسوي بنات انا ابي اللي بالجامعه وخايفه ارفض اللي تقدم لي واخسر الاثنين
اول شي بنات بغيت اقول لكم اني عضوه قديمه بالمنتدى بس ما بغيت احط مشكلتي بنكي الاصلي ...
بنات انا الحمد لله انسانه ماشيه سيده ومتربيه احسن تربيه واهم ما علي سمعتي وسمعة اهلي والحمد لله دخلت الجامعه والحين خريجه وعمره ما جا الاحد علي كلام والكل يشهد باخلاقي ...
يا ما صارت مواقف من شباب يغازلون بس الحمد لله مطنشتهم وماشيه بدربي لاني عارفه ان الله ما راح يوفقني الا مع اللي يجيني من الباب ..
وانا الحمد لله محتشمه منقبه وعباه راس واللي معاي بالجامعه كلهم واثقه من احترامهم لي اساسا حتى الدكاتره معاملتهم لي غير عن البنات كلها يعني باختصار يحترموني زياده لاني فارضه احترامي عليهم ..
يمكن بنات ما تصدقون بس انا بحياتي كلها مال لفت بالي اي انسان اشوف خواتي لما يطلع ممثل او مشهور ينجنون بشكله وتعرفون عاد انتوا باقي سوالف البنات او حتى لما يشوفون واحد حلو بمكان عام يلفت انتباههم اما انا بحياتي ما لفت انتباهي اي انسان يقولون لي شوفي هذا شكله مو طبيعي احس عادي انسان حاله حال غيره .
المهم يا بنات جا يوم وشفت واحد بالجامعه <<ما لفت انتباهي نفس البنات
لا بس لفت انتباهي اني وانا اشوفه حسيت اني اشوف ابوي مو بالشكل بس بالثقل والادب والاحترام قلت لنفسي ما شاء الله عليه ومشيت وكان الوضع عندي طبيعي وحتى سولفت لامي وخواتي اقول لهم معاي واحد سبحان الله نفس شخصية ابوي <<هالكلام كان الكورس الاول من هالسنه طبعا طول هالفتره ما شفته الا هذيك المره ومن بعيد حتى اهو ما شافني
انتهى الكورس وانا وضعي طبيعي واهو نفس الشي
ولما بدا الكورس الثاني كنت رايحه لمحاضرتي وماشيه بممر وصادفته بهالممر وبالصدفه جات عيني بعينه وصديت وطلعت قاعة محاضرته جنب قاعة محاضرتي بس مو بنفس وقتها يعني اهو يخلص محاضرته بعدين انا ابدي محاضرتي وطول الكورس قبل ما تطيح عيني بعينه ما كنت اشوفه لما انطر على الكراسي اللي قدام القاعه بس بعد ما طالعنا بعض هذيك المره صار الولد ما يروح لما يخلص محاضرته صار يجي ويقعد على الكراسي اللي قبالي شوي بعدين يقوم ويقعد يفتر رايح ردا من قدامي انا في البدايه ما حطيت ببالي بس بعدين لاحظته اني كل ما اروح مكان ما يمديني اقعد الا اهو جاي ويظل رايح راد قدامي مع اني ما كنت اصادفه بهالاماكن وهالاوقات قبل ما نشوف بعض صرت لما اطلع مع رفيجاتي من مبنى لمبنى اكون شايفته بالمبنى الاول ما يمديني ادش الثاني الا اهو وراي ومو جاي يسوي شي ولا عنده شغل بس يفتر بالمكان اللي انا فيه وبعدين صار اذا التفت وشفته بالصدفه يبتسم لي وانا مطنشه ومره يا بنات كنت انطر دكتوري ابي اراجع امتحاني الفاينل وطلع اهو بعد مكتب دكتوره جنب مكتب دكتوري انا دكتوري تاخر وكان فيه زحمة بنات واهو دكتوره موجود ودشوا كل الطلبه اللي معاه تقريبا وراجعوا ومشوا واهو ضل واقف ويطالعني ساعتين بعد الساعتين جا دوري (لانا كنا ننطر الدكتور يجي ولما جا قام يدخلنا بالدور فطولنا)المهم لما جا دوري دشيت انا وكم بنت وكل وحده تكلم الدكتور شوي فقعدت عند الدكتور تقريبا ربع ساعه ولما طلعت لقيت هذا الولد ليلحين واقف بس قام يبتسم لي انا طنشته وطلعت من المبنى ورديت البيت ..
ومن ذاك اليوم يا بنات واهو وراي بس مو مثل الباقي يمشي وراج والكل يلاحظ لا احس ظل يراقبني من بعيد اللي حتى انا ما احس انه وراي لين انصدم فيه قدامي فجأه وخلاص دل قاعاتي صار يسبقني عليها المهم عطلنا وقلت خلاص انتهى موضوعه .
بدا الصيفي الولد طاح بحركه جديده ما صار يتبعني لان اساسا ما يمديه انا ما عندي الا محاضره وحده اخوي يحطني بالجامعه ويروح محاضرته وانا اقعد انطر محاضرتي عاد بهالوقت اتمشى ويا رفيجاتي او اروح الاستراحه بعدين اروح محاضرتي وامشي المهم الولد هذا لما اققعد مع رفيجاتي على كراسي بالمبنى يظل رايح راد بعدها قررت اغير مكاني وما صرت اقعد هناك واهو ما قدر يدل مكان محاضرتي هالمره لان عنده محاضره بنفس وقتي (مره طلع دكتوري معتذر فشفته يدش محاضرته بهالوقت)المهم الولد صار يقعد بممر مالي طريق الا اهو يعني اذا بروح من مبنى لمبنى لازم امر فيه ومن ادش هالممر لين اتعداه واهو قاعد ويطالعني واول ما يشوفني يبتسم لي انا اصد منه بس احيانا تجي عيني بعينه من غير قصد .
بنات انا الصراحه عجبني هالولد خصوصا اني من لاحظته يلحقني رفيجاتي لما يشوفونه ويبعد يقعدون يمدحونه يقولون هالولد قمه بالاخلاق وعمرنا ما شفنا عليه شي <ما يدرون انه يفتر وراي
المهم من كثر كلام البنات عنه ومن طريقته ومن اول ما شفته ارتحت له واحس عجبني واول مره احس اني ارتاح لواحد يعني احس كاني اعرفه من زمان وانا اللي اشوفه من الولد انه يبيني وانه مو قاعد يلعب بس ينطر الفرصه المناسبه وانا مستحيل اعطيه فرصه انا احساسي يقول احتمال كبير بينطر لين يقرب تخرجنا
بنات انا مستحيل افكر اعطيه مجال يتعرف ولو كلمني بقول له عندك شي روح لابوي وكنت مقرره اصبرواشوف اخرتها بس اللي صار والحظ اللي مو راضي يركز :nocommint: اني انخطبت اليوم والولد اللي خطبني ما فيه شي حسب الظاهر بس ابوي بيسأل عنه بس الحين المشكله صارت فيني لاني طول عمري اطمح بواحد معاه شهاده وبعد حالي حال اي بنت ودي بواحد يكون اهو اللي مختارني ما ابي علاقه وما ادري شنو لا ابي واحد مثل هالولد يكون مختارني ويتقدم لي وانا متأكده ان هالولد يبيني بس ناطر الفرصه والولد اللي خطبي عسكري واتوقع حتى الثانويه مو معاه اما الولد اللي معاي بالجامعه يدرس حقوق وراقي ومثل ما قلت لكم عاجبني انا قلت لاختي الكبيره الموضوع بس اهي تقول عصفور بالايد ولا عشره على الشجره بس انا الولد اللي معاي بالجامعه عاجبني وواثقه انه يبيني انا احساسي عمره ما خيبني بنات شالحل المشكله ان الولد اللي بالجامعه مبين عليه بينطر لين يقرب تخرجنا عاد اهو متى يتخرج بالظبط ما ادري واللي خطبوني يبون رد شسوي بنات انا ابي اللي بالجامعه وخايفه ارفض اللي تقدم لي واخسر الاثنين
التعديل الأخير:
