تعبت اتلزق بزوجي

[Tantoshah]

نفس الحالة بس انا مو حامل .. وامس متهاوشين علي هالسالفة عصب وقالي الله يهداج هذا وقت الحب لووول قص ويهي

 

[صمــت_ALsHfaaH]

ووووااااي حيااتي. حاااسه فيج

شكثررر امررر بهالحاااله احس بفقررر حب واهتمااام

بس يمكن مشكلتي الاساسيه غيرررج

لكن والله الرياجيل جلاب وانتو بكرامه

اذا حقرتيه وتغليتي وقتها مايبي الا رضاج

وان بطلتي تتصلين وتسالين يتصل ويفقدج

جررربي شغله انا سويتها وريحتني بس لاتضحكوون علي

كنت اكتب كل شي بخاااطرري بوررقه ليين اطلع كل شي واخذي بجااا لين اتعب

بعدها ادش فرراشي واغمض عيووني واتخيل كل شي بخاطري انه يسسويه لي لين اعيش الدووور

ع قولتهم احلااام اليقظظه

تقبلي مررروري

 

[Miss^NeozZ]

اهما كلمتين



فجي عنه

 

[كب كـيـگ]

شوفي نصيحه دوري شغلات تشغلج شوي عن ريلج موتهملينه
لا انشغلي شوي خليه ينشغل هو فيج مو العكس ..

 

[simone]

دوري مواضيع ودروس تخلينه هو اللي يركض وراج
والله يسهل عليج حبيبتي

 

[pusy cat]

عادي هرمونات

انا نفاس وحاسه مثلج على ان كل اهلي حولي بس احس اني محتاجه زوجي لدرجه اني اقعد ابجي بدون سبب

الله يعينا على هالهرمونات تخلي الواحد يذل روحه هههههه

الجئ لربج وادعي انج ماتحبين احد كثر ربج *

 

[جوجوحبي]

تصدقين والله اناا كنت مثلج بالضبط

كله لازقه فيه وكله لو قالي كلمه اقعد اتبجبج ويومي ينقلب وحالتي حاله

بس قلت لي متى يوم شفت منه هالجحود مع انه والله زين بس هم الريال يمل

قمت ابعد يعني الهي نفسي باي شي

مثلا اشتركت بنادي وقمت اسوي جلسات ابصالون حق شعري وبشرتي قمت ادلع نفسي

لارحت بيت اهلي احاول ماا ادق عليه

تصدقين والله تغير قاام كله ايدق علي ويقولي شفيج مادقين علي مثل اول

الحين قااام يقول انطر اتصاالج مادقين واقول شفيها نستني ..!! واهوا يدق

الريااال عطيه فجه يعني عطيه حيز وصدقييني بتلاقينه يرجع لج مثل اول واحسن

والله يخليكم لبعض​

 

[mi corazon]

مته بعرف يحبج؟ انتي مو معطيته فجه

ماقول وخري عنه .. بس دلعي عمرج واهو بيحاول يحشر نفسه لي لقى نفسه مو محور اهتمامج كعادتج

اخذيها مني الريال مثل الياهل لي اهتميتي فيه زود يتغلى ويغثج .. لي وخرتي شوي وحسستيه انج تحبين نفسج اكثر بيحوشه فضول وبيحاول يستكشفج مره ثانيه

الله يهديلج اياه .. بس خفي عالريال شوي واهو بييج صدقيني

 

[غنـــــج]

انا ريلي انسان بشكل *عام زين كريم وحنون وطيب وعمره مابخل *علي ولا على بناته

الحمدلله هذا دليل الحب

انا عمري ماحبيت ولا عشت تجربه حب قبل الزواج
على قولتهم فتحت اعيوني علي زوجي
فصرت اعيش نفسي قصه حب وياه

هذا شي طبيعي بالنسبة للحب الاول
ودج تنثرين احلى الكلام له وتنتظرين منه المثل
ودج تعبرين وتعبرين لين تخلينه غصب يتكلم*

احس الريال زهق من حاله *الحب الي فيني

أكيد تدرين ليش لانه ما قاعد يشوف تغيير ما تشوقينه للحب والكلام الرومانسي

عموما انا فيني شغله حتى لو تعبانه او او *شي اسوي الي يبيه
يعني مثل شغلات يبيها مني مثل انا احامل انزل الدرج *اسوي *شغلات علبو عشانه

هم غلط تضحين بنفسج وصحتج
ترى الرجال ما يحب المراه المضحيه اذا كنتي تعبانه وما تقدرين قولي له بدلع تعبااانه ماااقدر هم جذي تاخذين قلبه

والله والله يابنات يقط علي حجي والله مازعل
عادي يمون

اي يمون لكن صدقيني بيتمادى عليج
ادري ما تبين تزعلين تخافين يكرهج او يحقد عليج
بس الحياة لازم فيها احترام ولا عليها السلام
اذا قط عليج كلمه بيني له انج متضايقه أبجي الزمي الصمت حسسيه انج مو متعوده على كلام جارح عشان مره ثانيه يمسك نفسه ويحترمج

المهم طرشتله مسج قلت له حبيبي انا محتاجه انسانه يحبني وانا لجئت لك ومحتاجه عالشي هالفتره

لا لا لا غلططط
المفروض تجذبينه لج بطريقه غير مباشره مو جذي بصريح العبارة انتي تنفرينه منج

المهم بنات تعبت اتلزق بزوجي

*
صدقيني على كثر ما وتتلزقين على كثر ما يتهرب منج

ودي اهوا ييني يسال عني اهو يبي ضحكتتي ودي يكون معاي

تبينه يسال لازم انتي تصدين عنه شويه
صيري غامضه ساكته خليه يدورج خليه يشوفج مشغوله بأشياء تخصج
يسال نفسه انتي شنو تسوين شنو اللي لاهيج
صدقيييينيييييي بيركض وراااج
ما تدرين ان لو تتعاملين معاه هالتعامل العكسي ينحصرون مرادج بإذن الله



جربي وشوفي وادعي ريج وكثري الاستغفار

 

[دلوعة صلوح]

خليج وسطية حبى شوى شوى مثل مايقولون ترا كثر التلزق اتملل وهذا ريال يبى يحس انة حر

نفسة .

 

[توتا حمرا]

كسرتي خاطري
جوفي حبيبتي الحين انتي حامل والهرمونات لاعبة فيج وصايرة حساسة زيادة
ادري سالفة ترك التلزق صعبة
بس حاولي تشغلين نفسج عن زوجج باي شي اتحبينه
واذا نجحتي بهالشي بتجوفينه تلقائيا يلحقج ويداريج
وبسج إفصاح عن مشاعرج لايجوف نفسه عليج اكثر