تعبت اتلزق بزوجي

[aldanaha]

السلام بنات شلونكم شخباكرم
مادري ماعرف شقول او من وين ابتدي
انا ريلي انسان بشكل عام زين كريم وحنون وطيب وعمره مابخل علي ولا على بناته
بس انا انسانه حدي حساسه
دمعتي على طرف العين
وصراحه ماعمري مشاعري شياجه
وعلى قولت القايل صخله طاحت بمريس
انا عمري ماحبيت ولا عشت تجربه حب قبل الزواج
على قولتهم فتحت اعيوني علي زوجي
فصرت اعيش نفسي قصه حب وياه
الحين شالمشكله مشكلتي ريلي مل مني
من كثر ماتلزق فيه واقول كلام حب
وهم على قولت القايل عرف غلاته وتغلى
تخيلو اقوله حبيبي انا احب ضحكتك
بطل يضحك معاي
انا اطرش مسجات انا اقول احبك انا انا
والمشكله صايره فيني حاله حب مو طبيعيه
احس الريال زهق من حاله الحب الي فيني
عموما انا فيني شغله حتى لو تعبانه او او شي اسوي الي يبيه
يعني مثل شغلات يبيها مني مثل انا احامل انزل الدرج اسوي شغلات علبو عشانه
عمري مادش علي والله مامدح نفسي واسوي نفسي الزوجه المثاليه
هم انا فيني عيوب
يعني احنا مو ملائكه ولا هم شياطين
بس والله عمره مادش علي من الدوام وشافني مكشره واحاول اضحك احاول اغير جوه
والله والله يابنات يقط علي حجي والله مازعل
عادي يمون
نرجع لموضوعنا
مثل ماقلت لكم صايره فيني حاله حب

بنت انا هالفتره صايره فيني حاله حب مو طبيعيه
ابي حب ابي اهتمام يمكن عشان حامل مادري
المهم طرشتله مسج قلت له حبيبي انا محتاجه انسانه يحبني وانا لجئت لك ومحتاجه عالشي هالفتره
مادري شفيني
جان اييني يصارخ روحي دوري بقوقل واحد يسمعج
بنات انا صكتني البوهه
زعلت
يمكن تعود اني اراضيه صار مايراضيني
المهم الصبح قلت له انتا ليش جذي انا ييتك انت طلبتك انت ماطلبت من الشارع وانا مالي غيرك
تقولي دوري بقوقل جان دورت من زمان ولا طريت منك الحب
جان يقول عشان اطرج اربع
قلت مو انا الي ادور بقوقل والكلمه طلعت منك مو مني
ها كنت نايم
المهم بنات تعبت اتلزق بزوجي تعبت اقوله احبك اقولكم قلت استانس ليما اشوف ضحكتك بطل يضحك معاي
بنات ودي ودي الماشعر ماتهمني ودي ماتنزل دمعتي على اي شي
ودي اكون مثل الحريم الي مايهمها راح ولا رد
كيفه
على قولته معطيني فلوس ولا يهمني
مشكلتي انا اعطي لنفسي او لحياتي حيز مشاعر
ودي اهوا ييني يسال عني اهو يبي ضحكتتي ودي يكون معاي
والله حتى العيد ماطلعنا
واقوله خلنا نطلع
لي جم شهر ماركبت سيارته
ولاقضيت اغراض البيت اروح انا بسيارتي
انا احبه والله احبه
تعبت بنات تعبت
احس اني بحاجه احد يهتم فيني
يسال عن خاطري
يحسسني بوجودي
والله مابي اظلمه ماديا عمره مابخل
بس انا هم انسانه وابي اعيش الحب مع زوجي الي احبه
يمكن تضحكون علي
مادري والله مادري
سامحوني كلامي مخربط
مو عارفه من وين ابدا ولي وين انتهي

 

[شادن33]

حبيبتي انت ماعطيتيه مجال يتلزق فيج على قولتج عطيه مجال انه هو بروحه يهتم فيج من غير ماتقولين له واعتقد بعد عمري عشان حامل تبين اهتمام اكثر انا كنت جي يوم حامل ابولدي كل ابي اشوفه وابيه أيكون عندي ويبت ولد يشبه بالظبط هههههه بس البنت كنت اكرهه حرام يننت الريال يا حب يا كره مافي وسط !!!

 

[شادن33]

شكلك بتييبين ولد !

 

[جديده 1]

كلنا انحبهم .. بس انتي بالغتي حيل مو بالحب لا .. بالغتي بالافصاح عنه لزوجج .. فصار مأمن نفسه من هالناحيه و يمكن مل .. الحل .. خفي حيل من هالشي .. بتقولين ماقدر .. بقولج عشان مصلحتج .. وقتها راح " يلاحظ " الفرق بمعاملتج قبل و معاملتج الحين .. معروفه من زمان الريال اذا لحقتيه طنشج .. و اذا طنشتيه لحقج ..

 

[Queenleo]

حبي نفسج الاولى
ودلعي نفسج
ووعطيه جزء من حبج
مو كله
الريال ملووول
وويحب يركض ورى مرته يحب يحسها صعبه وانها مو بالساهل يوووصل لها
لاتقطين نفسج قط عليه ولاتعوفينه
خلج ريلاااااكس حتى الحريم لما الرياييل يقطون نفسهم عليهم يملووون وويبون الفكه

 

[قسوة الزمن]

الهرمونات لاعبة فيج والحمال مسوي لج جي شوفي هالفترة ابتعدي عن لا ريلج ثقلي لا ترسلين له مسج لا تلزقين فيه ادري محتاجته بالفترة بس حاولي تبتعدين بس خلج سنعة وكشخة بالبيت اذا هو يبيج بييج ثقلي هالفترة لا تقةلين كلام حب ولا شي ولا تطرشين مسج جهزي حق ولادتج واشتري اغراصج لنفاسج وولدج وزوري اهلج وانشغلي عنه بتلاقين هو يركض وراج

 

[أعرفك نفسي]

اهم دايم جذي الماديات اهم عندهم من المشاعر
تصدقين عاد سالفتج ذكرتني بنفسي انا طول العطلة قالي روحي بيت اهلج انا بطلع مع ربعي
وحزت بخاطري حييييل حسيتها طرده
والمشكلة انهم ما يتفهمون ان احنا نحب الاهتمام والحب والرومانسية
بس شنسوي الشكوى لله ادعي ان الله يسخر قلبه لج
وادري والله ادري باللي تحسين فيه لاني نفسج ودي اطق الثقل عليه واكشت فيه بس قلبي ما يطاوعني احبه موووت

 

[غارقة بأحزانها]

نفس الحالة اقصد بحاااله الحب
واهو مل
بس بالتعبير مو كثرج انا اذا دقرني أزعل
ولو اقعد اسبوع زعلانة ما افكر اراضيه لازم اهو اللي يراضيني
اصلا من تزوجته من ٥ سنين قليييييل جدا أني اراضيه
بس الحين قمت احقر
اقعد اجابل الواتساب واكلم صديقاتي واطالع المنتدى
وما أدق عليه وهو برة
قام يحس أني مشغوله
احبه ايه بس مااتلزق اهو اذا شافني جذيه ايي يتحرش
تري الرياييل ما يهتمون وايد حق هالموضوع حبني واحبك
اهو الحب عنده ان اهو مو مقصر عليج وجذي
وطبعا هذا طبع متوارث في مجتمعنا
يعني هل إحنا شفنا امنا وابونا يغازلون بعض ولا اهو امه وابوه
ماتربينا علي هالاشياء
صج يقولون هالكلام حق العشيقات
لان الاعلام والشيطان يزين هالعلاقات بنظره ويخلي الزوجة أهي مصدر الحنه والحكرة والمسووليه والطلبات الزائدة
بس اهو الحين عنده ان انتي حنانة وان انتي شتبين قاعد يصرف عليج وحاطلج سكن وكل شي متوفر
اتذكر قبل ريلي يقولي شتبين بعد ماكله شاربه نايمة*

 

[r0007]

في حكمه تقول
انو قلاس الشاي اذا سكبتي وايد فيه رح ينكت ويحرق يدج
فعشان جذي لاتعطين زوجج عواطف زياده انتي الي رح تتاذين
بعدين انا من رايي تغيرين اسلوبج

تغيرين اسلوبج مره وحده يعني اذا كنتي وايد مهتمه فيه صيري غير مهتمه كله تضحكين صيري مكشره
صيري غامضه يعني مايعرف الساعه هاذي ايش بتسوين

والله يالف بين قلوبكم يارب

 

[قل علها خيره]

حبي نفسج الاولى
ودلعي نفسج
ووعطيه جزء من حبج
مو كله
الريال ملووول
وويحب يركض ورى مرته يحب يحسها صعبه وانها مو بالساهل يوووصل لها
لاتقطين نفسج قط عليه ولاتعوفينه
خلج ريلاااااكس حتى الحريم لما الرياييل يقطون نفسهم عليهم يملووون وويبون الفكه

:eh_s(15)::eh_s(15)::eh_s(15)::eh_s(15)::eh_s(15):

 

[سارة ة]

والله الله يكوون بالعوون
احناااا الحريم عاطفياااات بزيااادة انا بعد نفسج عاايشة ههههههههه بعالم وردي حتي زوجي يقول لي انا امل من عاطفتج الزايدة هع اشك ه قالهاااا بس شنس وووي ماباليد حيلة بس انتي طنشية شووي فجي عنه خلية يشتاق لج

 

[شرغوفة]

السلاام عليكم
اختي الغالية اناا نفس حالتج بالضيط وحتى لما قاعدة اقراا موضوعج قمت اضحك لاني نفسج بالضبط انا ماعمري حبيت وتزوجة وانا اصغيرة ففتحت اعيوني على زوجي مع اني ترى الحين انا مو اكبيرة عمري الحين 25 سنة بس السنين الي طافت لازقة فيه لزقه لااعت جبده الرجال والله صج حتى وهوو نايم وبسابع نومه لازقه فيه ظهري بظهر فرجال مل مع ان ما قالي شي بويهي بس كان يلمح واناا جني مو شااايف رجال هههه استغفر الله بس الحين غير تغيرت ووايد وانا مرتااحة من نفسي والحمدالله اهوو كذالك اشلون ارتحت الي سويته اني حبيت نفسي وعزيت نفسي فتشوفين خلاص لي طلع مادق عليه اول الايام صعبة طبعاا اشلون امسك نفسي يس بعدين تعودت واخر همي اني اسأله اشفيك اهوو بروحه اي يقولي صار معاي كذاا وسويت كذا لان الرجال اذا كثرتي عليه الاسأله يطفر فخليه برووحه يجي يكلمج ويشركج بموااضيعه ​

 

[سفيره الكويت]

اهو بصراحه الحب ما ايي بالتلزق قايلين لكم لا تتزوجون اليوم تشوفينه وباجر تاخذينه لازم فيه فتره خطبه تقعد مع الريال وتحكم مشاعرج

شنو تحسين باتجاهه القضيه ماهي ريال زين وخلاص لابد من تقبل وحب داخلي بين الطرفين وتجانس فكري

الحل

خلج طبيعيه ولا تلزقين لاتتصنعين خلي الحب يي مع العشره بينكم

 

[نورعيونك]

الريال كل مابينتيله حبج قام يتغلي بزياده خفي عليه وراح يتلزق اهو فيج ويمكن انتي صايره حساسه عشان حامل

 

[حجيه هيونه]

طنشيه شوي وشوفي شلون بيركض وراج

ويمكن مثل ماقلتي اهي شغلة مرتبطة بالحمل ان شاء الله تخف بعد الولادة

 

[manoolita]

حبيبتي الله يكون بعونج و يهديه لج و يحس فيج و الله لايفرقكم عن بعض
الحمدالله انج عارفه المشكله بالضبط وين ؟؟ وتعترفين فيها وتقولين انج لازقه بزوجج وايد لدرجه انج حاسه انه قاطه نفسج عليه إذاً الحل سهل لان المشكله معروفه و كل اللي قالوه البنات صحيح ثقلي عليه وتغيري وشيلي نفسج حاولي مره و اثنين و الف لما توصلين فعلاً للهدف المطلوب و اللي اهو الطناش و التغير الصحيح الايجابي و اللي بصالحج اهتمي بنفسج و سلي وقتج باي شي تحبينه و حاول قد ما تقدرين انج ماتحسسينه انه اهتمامج الاول و الاخير باعدي و صدي وهو اللي بيرجعلج باذن الله
والله يهدي سركم و يخليكم لبعض.​

 

[$$king moon$$]

الكل قالج لاتلصقين فيه وخليه اشوي
بس انا اقولج لازم اتحبين نفسج اكثر يعني
لازم تلهين عنه عشان لاتلصقين
روحي يوم ودلعي نفسج وسوي سبا وبعد جم يوم
تغدي مع رفيجاتج او تعشي معاهم بمطعم
روحي السوق واشتري اغراض وملابس وميك اب
او اي شي اتحبينه خليه اشويه يشوفج لاهيه بشي
ثاني غيره وجذي اهو الي بيلصق فيج
روحي صبغي وقصي شعرج ولاتقولين عشانك انا صبغت
لاحبيبتي قوليله انا قصيت وصبغت عشاني حابه اغير
وعموما اهم جذي يحبون الوحده الي ادلع نفسها
واتحب نفسها
وبالتالي راح يحبج ويدلعج اما اذا مادلعتي نفسج وبس جابلتيه
وقلتيله احبك واموت فيك ماراح يهتم عادي

 

[om hadi mustafa]

طنشششية عشان ييرجع اقووى
صار المووضووع عنده روتين
اكسري الروتين طلعي مع ربعج مو شرط اهوو
لاا توقفي حياتج عليه
عاد ذيك الحززززة اهوو اللي بيتلزق فيج و بيطيب خاطططرج
و بتقووولي مليت منه
صج ترى الريال العربي كثر ما تحبينههه كثر مااا يتغلى بس اهمليه فترة شوفي شيصير فيه اييه حارج هههه

 

[حبيبي مالكني]

الشي ان زاد عن حده انقلب ضده

 

[ماني من الناس]

يمكن زوجج من النوع اللي اهو يحب يبادر بمشاعره وهو اللي يحب يركض وراج وشكلك مو عاطيته مجاا يبادر لان يرد البيت يشوفج انتي اللي تبادرين وانتي المثاليه وانتي اللي ماتزعلين

ترا بعض الاشخاص مايحبون الشخصيات المثاليه التي لاتقهر

يعني يبي يشوفج طبيعيه تزعلين وتصيحين وتبتسمين

مو طبيعي اربعه وعشرين ساعه معيشته بجو من الحنان والحب والمثاليه
كوني نفسج وعلى طبيعتج بيحبج اكثر

لان طالما يشوفج تبادرين ومريحته عطول على حساب نفسج بيحس ان الحياه وياج سهله بزياده ومافيها اكشنات ومغامرات لان طالما انتي اللي ماسكه زمام الامور يعني انج حارمته من لعب دوره

وجهه نظر بس