تعبت ابي اعرف شلون تسوون العيش نثري وحبته طويله

[д7βk βşķάť]

السلام عليكم ورحمه الله وبركاته

بدش بالموضوع سيده تعبت ابي اسوي العيش نثري ماني عارفه :eh_s(10):

كل ماسويه يطلعلي ملبوج :eh_s(11)::eh_s(11):
حدي طفشت تكفون

ياسنعات ابي لاسويت العيش يكون نثري وحبته طويله شلون ابيه يكون ممتاز بطعم وشكل :rerrerek:

وجزاكم الله خير مقدما :yaaaaaarb:​

 

[д7βk βşķάť]

الحين 34 مشاهده رد واحد يجبر الخاطر مافيه ؟؟​

 

[رمادية الهوى]

اب اب اب

 

[أصيلة]

شوفوا عزيزتي انقعي العيش نصف ساعه اب ماي وملح خشن اشوي وبعدين خلى ماي الدجاج او ماي العيش يفور عدل عدل وبعدها اغسلوا عيشك عن الملح وحطيه فرق الماي وحلي لقياس الماي فوق العيش اب شخطه من اصابعك وبس يطبخ اشوي وتشوفين الفقاقيع قصري عالنار حيل وحطي حديده وقلبيه بعد ربع ساعه ورشي زيت زيتون دافئ للوجه وخليه بعد ربع ساعه ازياده

 

[أصيلة]

او اطبخي عيشك عشر دقايق وبعدها اشخليه بالمشخال اذا ما عرفتي لقياس وخلى فيه اشوي ماي وحطيه على نار هاديه جدا وحديده ضروري ولازم جدرك كبر مساحة الشوله يعني ما تحطين جدر كبير على شوله صغيره حيل

 

[д7βk βşķάť]

بعد عمري ماقصرتي ​

 

[وردهـ"]

امممم الحبة الطويلة تجي من النقع الطويل .. انقعي الرز بموية دافية اقل شي ساعة وان زادت افضل وتصير الحبة طوية جدا ..
انا عن نفسي اطبخ بقدر الضغط .. اضبط الموية فوق الرز و اضغطه 20 دقيقة اذا منقوع اقل من نص ساعه واذا اكثر 15 دقيقة وتعالي شوفي الرز شلون احلى منه ما فييييييييييييييييييييييييش ... وصحتين

 

[همي رضى خالقي]

اذا بتسوين مجبوس



اخذي الماي مال الدياي الي فحتي فيه الديايه

وشخليه من البهارات وكتي فيه العيش وخليه يطبخ ٨ دقايق بعدين شخلي العيش من الماي ورديه بالجدر وسكريه وخليه على نار هاديه ثلث ساعه وبس

 

[mn143]

اختي حسب نوع الرز الي تستعملينه ولا تكثرين ماي عليه لمن تسلقيه

 

[ياهم لدي رب]

حبيبتي اللي قالوه البنات مايصلح ابداً
لازم تقولين شنووو اسم الرز مالج

مثلاً:
اذا رز التموين :انقعيه ساعه في ماء معتدل لابارد ولا حار
بعدين حطي قدر فيه ماي وملح ومسمار وهيل وزيت وعلي على النار حييييييل خليه يفور حيل حطيه على اكبر عين واذا قدرج كبيييير حيل لازم الجوله الارضيه اللي نارها عاليه بعدين بعد ماتشخلين الرز كتيه على الماي وخلي النار عاااليه طبعاً الماء يكون مرتفع عن الرز بقدر نصف اصبع اليد وخليج عنده اذا تبخر الماي وخلص قصري على النار وطييييها حيييييييل حيييييل وحطي ماي ورد منقعه فيه زعفران فوقه(مقدار فنجان) بعدين غطيه بسفره الاكياس او قصدير وصكي القدر وخليه نصف ساعه

اذا رزج كنتري او المهيدب او ابو كاس له طريقه خاااصه

طبعاً الحبه الطويله تعتمد على نوع الرز مثلا المهيدب وكنتري تجي حبته طويييله وفيه رز اسمه العائله من طول خبته عبالج بلاليط نشتريه من السعوديه بس ما ادري اذا موجود بالكويت

قوليلي شنووو اسم رزج واعطيج طريقته

 

[-فلانة-]

أول شي العيش يتغسل عدل مدل مرتين و ثلاث و أربع و عشر لين تشوفين الماي صار صافي مو مغبش، هالخطوة نسويها عشان نتخلص من النشا الموجود بالعيش كثر ما نقدر لأنه النشا يعطينا عيش معجعج ثقيل.
ثاني شي تنقعين العيش بماي فاتر لا بارد ولا حار، مو أقل من نص ساعة و كل مازادت المدة كل ما كان أحسن، وفيه ناس تحط شوية خل بالتنقيعة يقولون تطول الحبة انا ما اشوفها ضرورية تبين تجربينها براحتج.
الحين العيش تنقع و خلاص بتطبخينه..طبعا تغسلينه غسلة أخيرة و تحطينه بمشغال يتخلص من الماي و تزهبين جدرج.
في طريقتين اللي تريحج سويها..
الأولى إنج تحطين ماي بالجدر مع بهارات عدلة هيل ورق غار عود دارسين مسمار..كيفج ، و شوية زيت، و من يبدي الماي يغلي تملحينه و تكبين عليه العيش..و تجربينه كل شوي تشوفين استوى والا لأ من يستوي ٩٠٪ تقريباً شخليه و ردي حطي بقاع الجدر شوية زيت و إلا زبدة و ردي حطي العيش و رشي على الويه زعفران منقع بماي ورد اذا تحبين و غطي الجدر و حطي على نار واطية و تحته حديدة لين يستوي عدل.
الطريقة الثانية واللي انا دايماً أسويها لأنها أسرع هي إني أحط شوية زيت أو سمنة بالجدر و أشوح فيه بهارات عدلة على حسب الرغبة تشويحة خفيفة بس عشان تطلع ريحتهم و تالي أحمس معاهم العيش ياخذ من ريحة البهارات و تالي أصب عليه ماي حار بحيث يرتفع عن العيش بمقدار صبعين تقريباً و خلي الجولة عالعالي لين يتناشف ويه العيش حطي فوق ماي ورد، زعفران، زبدة، والا لا تحطين شي بكيفج، المهم من يتناشف ويه العيش تغطين الجدر و توطين النار عالآخر و تخلينه لين يتسبك، و بالعافية.

 

[فخر البداوه]

عيش التموين أحسن شئ غسليه ونقعيييه لا تكثريتن الماااي عليه رائح يصيييرر رووووعه معاااج بالعافية مقدمااا

 

[السعودية تاج راسي]

يعطيكم العافية

 

[مشتطـه]

مثل مشكلتي انا بامريكا واتوقع نوعية العيش مو ذاك الزود ما يضبط حيل