تعبانه من شهر 2 :(

[نونه الزعفرانه]

قوه بنات اشلونكم ...











بنا والله بدون مبالغه معاي التهابات من شهر 2 ورحت 4 دكاتره ( سميره العوضي _ المواساه _ الراشد )

عطوني تحاميل ومضادات حيويه وغسولات وسوولي زراعه من مسحه خذوها من المهبل وقالو ماكو شي بس فطريات خفيفه !!!!!

اي خفيفه اي بطيخ من الحرقان اللي فيني ما اتحمل الجماع !!!!!!!

شسوي وين اروح ... في تشخيص غير المسحه وشنو هالفطريات اللي مو راضيه تروح بالله

 

[نونه الزعفرانه]

اللي كان حايشها مثلي او تعرف وحده نفس حالتي وتعالجت عفيه ختقولي

 

[كويتيه مذهله 87]

ماتشووفين شر

 

[نونه الزعفرانه]

ماتشووفين شر

الشر ما اييج

 

[احلى مريومه]

الله يشفيج ان شاء الله انا صار فيني جذيه لما حملت المره اللي طافت حكه والم قالو التهابات وعطوني غسول بيتادين اللي معاه مثل الابره تعبينها غسول وتغسلين داخل لون الغسول بني الله وكيلج البيبي مات اللي اب بطني وماارتحت الا يوم طاح

 

[raneen]

رد : تعبانه من شهر 2

الله يشافيج حبيبتي ان شاء الله وماتشوفين شر باذن االله...
انا صار فيني اللتهابات وافرازات ... بس ما ادري انتي نفس حالتي لو لا ... بس انا بقولج الي صار فيني يمكن افيدج ابشي ...
الله ايسلمج انا كانت عندي افرازات بيضه مع حكه خفيفه ... وكانت حزة الجماع يصير الم وانتفاخ .... وقالولي ان هذي افرازات عاديه لانج حامل ...وانا مع الاسف سمعت كلامهم وما رحت الدكتوره ....لين مازادت وصارت تنزل مثل القطع وحتى لونها بدا يتغير اهني عاد انا خفت جان اروح حق سميره العوضي...
عطتني تحاميل وغسول ... وعلبتين التحاميل كل علبه فيها 3تحميلات وقالتلي اول علبه اخذها 3 ايام وره بعض والثانيه ا كل اسبوع وحده ..مع غسول
الي بالاعشاب وهذ ايخفف الحكه والصراحه عجييب بالنسبه لي وايد مرتاحتله... اي والاحسن بفترة التحاميل يفضل ان مافي جماع عشان لاتنتقل البكتريا
وجنج مو مستخدمه اي دوا...
والحمدلله راحت الالتهابات و قبل شهر هم ردت بس انا ابسرعه رحت لها مره ثانيه وعطتني نفس التحاميل بس من غير الغسول لان توه كان افبدايته... والحمدلله راحت...
والحرقه والاحمرار والانتفاخ يصير لان المكان يصير ناشف فعشان جذي الوحده تتاذى ...
ادري اني طولت عليج بس حبيت افيدج ... وعسى ربي يشفيج ويتمم عليج حملج وايقومج بالسلامه ...
واي سؤال انا حاضره وتقبلي مروري حبوبه..

 

[raneen]

رد : تعبانه من شهر 2

اب لعيونج وان شاء الله البنات بع مايقصرون معاج حبوبه

 

[*Crafty-girl*]

حبيبتي اي علاج يعطونج اياه اقري عنه مو سيده تاخذينه لانه في دكاتره حسبي الله عليهم يعطونج تحاميل قويه او غسول قوي ويأثر عالجنين دربالج حبيبتي ... انا صار فيني التهابات اول الحمل وعطوني علاج وسبحان الله على نياتي قريت عنه انصدمت صدمة حياتي @@ هالعلاج الله يسلمج ينظف الرحم بالي فيه يعني يطيح كل شي بالرحم ومحذرين منه حيييل بالنت .. يعني شوفي لو انا ماخذته جان اجهاض !! اسم الله عليج وعلينا
هالفتره خلج حيل مهتمه بأي شي تاخذينه واقري عنه وسألي عنه بكل مكان .. ولمن تاخذين التحاميل لاتسوين جماع لانه مو زين ..
ولاتهملين الالتهابات لانها تسبب طلق وتضر الجنين .. ونصيحه مني انا كنت اعالج بالخاص ولعبو بحسبتي حسبي الله عليهم !! رحت مستشفى الولاده الصباح والحمدالله بفضل الله ومن عقب علاجهم راحت الاتهابات
ورجعتلي هالفتره ورحتلهم وعطوني علاج والحمدالله بيومين راحت عني .. والله يشفيج ان شاء الله