تعال ننهي الماضي ويكفينا نكون اخوان ((قصتي

[q8ya 3sal]

sweetn

ويرزقج حبيبتي

ومشكوره على متابعتج الحلوه

 

[babya]

الحمد الله انج هديتى هل طريج الغط و الحمد الله امج واخوج كانو متفهمين و ظلو معاج بس انتى خنتيهم لما كلمتيه مره ثانيه لانها هذي امانه امنوج فيها بس اتمنى انه ماتضعفين جدام هل شي لا احمد ولا غيره لانه هذا طريج غلط الله يوفقج يارب ويرزقج الزوج الصالح

 

[مـ سهله ـو]

اذكرني بخير اذا مره على بالك طريت
اذكرني بخير اذا مثلي تألمت وشكيت
لا تقول تفارقنا قول ما جت الدنيا على ما نشتهي
وخللي الأمل فينا لآخر أيام العمر ما ينتهي



حبيبتي موقفج عجبني الصراحه انا مو رافضه الحب بس الحب لازم يكون معاه نضج وتفاهم وتونا صغار خلينا نستانس بحياتنا وصدقيني بتلاقين واحد يحبج ويقدرج وينسيج الماضي ونصيحه لج لا تاخذين اللي تحبينه اخذي اللي يحبج أكثر



والله يوفقج انشالله ويثبتج على نسيانه يارب


أختج


مـ سهله ـو

 

[احلى دلع]

مشكوووووورو عالقصة والله يرزقك بولد الحلال اللي احسن منة كل واحد يغلط ويتعلم من اخطائة مويستمر بالغلط تقبلي مروري

 

[love-s-h-f]

حراام امبي ليش يصير جذي

و ترا صح ماكو احد ما يغلط بحياته شنو يعني

 

[q8ya 3sal]

babya

الحمدالله انه امي واخوي كانوا متفهمين

ومعاج حق انا خنت ثقتهم لما كلمت احمد

بس والله انا ندمانه على اللي صار

ويرزقج حبيبتي

وثانكس على متابعتج الحلوه


مـ سهله ـو

اي والله معاج حق تونا الصغار

وانشالله الاقي الشخص اللي يستاهلني

وانشالله انتي بعد تلاقين الشخص اللي يستاهلج

ومعاج حق لازم تاخذين اللي يحبج اكثر ومشكوره

على متابعتج الحلوه


احلى دلع

العفو حبيبتي

ويرزقج انشالله

وانشالله الغلطه هاذي

ما راح اكررها لاني تعلمت منها

ومشكوره على المرور العسل

love-s-h-f

ما ادري ليش صار جذي

بس يمكن خيره لي

وصح الانسان مو معصوم من الخظأ

وشاكرتلج مرورج

 

[نوور]

سوري حبيبتي مو قصدي بس والله قلبي وياج

 

[q8ya 3sal]

نوور


لا شدعوه عادي

ومشكوره على المتابعه الحلوه

 

[نوور]

حبيبتي أولا شكرا على القصة.
ثانيا سوري على الحنَة بس فعلا عشنا معاج بالقصة صرنا كلنا دانه بأحاسيها وقلبها الطيب ,وصرنا كلنا أخوها واهلها بخوفهم عليها , وبعض المرات صرنا أحمد اللي تصرف بعقلانية ونهى هذه العلاقة .
اللي بقوله انا ما اغلطج لسبب واحد لأن المشاعر والأحاسيس مو ملكنا ولا ونقدر نتحكم فيها وكلنا نعرف هالشي ومافي انسان معصوم من الغلط والحمدلله ان الله ستر وماتطور الموضوع والحمدلله ان اهلج تفهموا الموضوع
بس هذا مو معناته ان اللي صار صح وانت فاهمتني مثل هذي العلاقات دايما تكون متأرجحة ومتوترة واغلبها فاشلة ولها أثر كبير في قلب المرأة أكثر من الرجل .
حبيتي العمر جدامج وتجربة مثل هذه تقويج ان شاءالله والجرح راح يشفى مع الأيام ونعمة النسيان وراح يكون مكانه وردة وذكرى حلوى من زوج المستقبل ان شاء الله
سوري طولت عليج:tek:

 

[Gap Junior]

زين تسوين انج هديتيه لان مبين انه كان قاعد يلعب

و انشالله تلقين اللي يستاهلج

و تسلمين على القصة

 

[noisya]

في حب انتي ماعرفتي تختارين ياما ناس حبو و ضحوو قبل الزواااااج و ياماا ناس انخدعو بعد الزواج الحب حب مو قبل ولا بعد

بس اهوا غلط انج تكلميين بس شتسويين بعد حبيتيي

ماعليج بتلقين غيره و تنسيينه و يصيير ذكرىى مرت

ممكن اسئلج سؤال ؟

وتاليها مع قلبك ؟ أنا ناقص وجع وجدان !!
دخيلك فضي السيرة ... تعبت انزف معاناتي

تعالي ننهي الماضي ... ويكفينا نكون إخوان
ابطوي صفحة العاشق ... وأعيد احسب حساباتي

أنا المذنب وانأ المخطي وأنا الأسف وأنا الغلطان
ويا ليتك يا الزمن ترجع ... واكفر عن خطيئاتي

وأنا الجاني وأنا المجرم وأنا الغادر وأنا الخوان
وأنا اكبر غبي شافك حديقة في مساحاتي

ما عاد اقوي على الظلمة ولا اقدر على الكتمان
أحس انك خنقتني !! وجت ساعة نهاياتي

يا وجه الله يا وجه الله .... يا وجه الله بشر!! إنسان!!
على بالك حجر جامد ؟؟ ...... اجل وشهي كتاباتي؟

نسيت ساعة اللقيا ؟ نسيت لمه الأحضان!
نسيت وشكثر كنت ... تموت في لقاءاتي !

نسيت دفتر اشعاري... نسيت أعذب القيفان !
نسيت كل قلم يكتب ... قصايد من عذاباتي !

نسيت من رفع قدرك ... وخلى لك مكان وشان ! !
تغيرت ولاعدت ... مثل أول زهر عطشان
وحناني للأسف كنه ... بقايا من خرافاتي

تكبرت وتجبرت ... وصارت شوفتك سلطان
وانا اهبل على النيه ... ما غير ارسل جواباتي

اقول بخاطري يمكن ... تغير عنده العنوان

حسبتك مني وفيني ... واهمك لو اجي فرحان
ولكن شفتك بعيني ... تصد ابتساماتي

حسبتك تفتح قلبك ... اذا كان الوجد زعلان
ولكن ما كذب خدي ... وهو يشهد بكاءاتي !

فراقك اصبح الغايه ... ولاني عالهجر ندمان
قراري بالبعد عنك ... ترى اسهل قراراتي

وداع الذل يا ذلي ... وداع الموت والأكفان
عطيتك قلبي وروحي ... ولا صنت اماناتي

وش الحيله اذا فكر... قتيلك يهجر الأوطان
طلبتك زيد الطعنه ... ابي اشعر بنوباتي

وعلى شاني اذا باقي ... بداخل حضرتك ايمان
ابيها من ورى ظهري .... وانا اتلو صلاواتي

وخنجر طعنتك يصرخ ... ضحيه من ضحياتي
وانا اخر حكي عندي ... فمان الله يا طعناتي


هذي اغنيه ولا شعر ولا شنو ؟

وانتي جم عمرج ؟

و ميرسي عالقصه اتييييينننن اااااااااااااااااااااااااااااااخ عالحب

 

[غوالي76]

حبيبتي قريت القصة من بدايتها لي نهايتها ..

من أسلوبج مبين عليج توج اصغيرة .. صح ؟ يعني أحط عليج 17 سنه

وصدقيني اعتبري كلامي من اختج الكبيرة .. (( عاد ترى مو وايد كبيرة هههههه))

بس الحمدلله آنا متزوجه وأم ..

شوفي حبيبتي اللي كتبتيه ((( لا تزعلين الغالية من كلامي )) آنا أعتبره مو حب حقيقي ..

هذا شي .. والشي الثاني .. الطريقة كانت غلط .. ومستقبلكم من البداية مجهول

يعني لو يكون خوش واحد وتتعلقون في بعض ... وبعدين ؟؟؟؟؟؟؟؟؟؟

يعني أهلج راح يرفضون واهو أهله بعد بيرفضون ..

ومن طريقة معاملته معاج ..شكله يلعب .. واهو بعده اصغير

صدقيني الحب مو جذيه .. الحب عطا .. وتضحيه..

وتحسين نفسج راح تخلين كل شي .. علشانة ..

ما أبي أطول عليج .. وللمرة الثانية حبيبتي لا تزعلين من كلامي


وإذا تبين أي استشارة اعتبريني اختج .. وطرشيلي على الخاص

ديري بالج على نفسج .. وترى النصيب والحب راح اييلج وانتي ما تدرين

 

[Love-addict]

:68_asmilies-com:
القصه حلوه الصراحه واسلوبج رائع
بس انا عندي سؤال ..أنتي قلتي أنه أحمد مريض بالشئ وقلتي بتذكرينه عقب ؟؟

عادي تقوليلنا اذا ما في أحراج

وانا عندي تعليق:أحس احمد ما كان يحبج بس تعلق فيج لو كان يحبج ما بيقدر يهدج مره وحده وحتى يوم أخوج شاف المسجات بيوقف وياج مب بيخليج روحج

 

[q8ya 3sal]

نوور

مشكوره حبيبتي لانج عشتي الجو معاي

والحمدالله انه اهلي متفهمين

واكيد هالشي مو معناته صح

ومشكوره على كلامج


Gap Junior


في البدايه كنت احس انه يحبني من كلامه

بس ما ادري ليش في نهاية قصتنا حسيت

انه اهوا يبي ينتقم لانه هديته مرتين

وقتله انت نفس اخوي واهوا بعد هداني

وقالي انتي مثل اختي

وانشالله انتي بعد تلاقين اللي يستاهلج



noisya

اهوا صح في حب بس مو الكل يقدر الحب

ويمكن لاني توني الصغيره فما عرفت اميز بين اللي

يستاهل واللي ما يستاهل

وهذا شعر شفته في احد المنتديات وعجبني

عجبج ؟

وعمري 17

وذكرت هالشي في البدايه

وقتلكم القصه صايره قبل سنه

ومشكوره حياتي ع التابعه

غوالي76

صادتني اي عمري 17

وصح كلامج انا لما هديته بديت

احس انه موحب حقيقي يمكن اهوا تعود

لاني تعودت اكلمه وتعلقت فيه

ومعاج حق مستقبلنا من البدايه مجهول

لانه المذهب يختلف

ومعاج حق الحب عطا وتضحيه

وكل الكلام اللي قلتي صح وانا

مقتنعه فيه وانا ما زعلت من

كلامج لانه الحق ما ينزعل منه

ومشكوره لانج اعتبرتيني اختج الصغيره

Love-addict

مرورج الاروع

انا ماقلت راح اذكره

قلت ما اقدر اذكره

سوري حبيبتي ماراح اقوله بوضوح


بس ساعات ما يصير فيه توازن

فيفقد الوعي

ومعاح حق اهوا يمكن تعلق فيني

وبعدين مل بس ترى احمد كلم اخوي

 

[Love-addict]

:68_asmilies-com:
الله يعافيه إن شاء الله
الله يوفقج وتلقين اللي يقدرج ويحترمج ويحبج ...قولي آمين

 

[q8ya 3sal]

Love-addict

انشالله يارب

امين

وانشالله انتي بعد تلاقين اللي يحترمج ويقدرج

 

[noisya]

حدااااااااا عجبنيييييييييي !!

ممكن سؤاال لقاافه .. بس الجوووووووااااب يهمني مثل ما انتي عارفه احناا بنات لكنا عندنا تجاارب

احمد اول حب بحيااتج اقصد اول وواحد مثلا اثر فيج وو خلاج تفكريين فيه اذا ماكان حب

ليلحينج تفكريين فيه ؟ اذا لا شلوون عقب جم نسيتيه ؟

سوووري عالاسئله بس يهمني الجواب

 

[غوالي76]

حبيبتي والله انتي

ديري بالج على دراستج .. الشهادة ألحين أهم شي

 

[q8ya 3sal]

حدااااااااا عجبنيييييييييي !!

ممكن سؤاال لقاافه .. بس الجوووووووااااب يهمني مثل ما انتي عارفه احناا بنات لكنا عندنا تجاارب

احمد اول حب بحيااتج اقصد اول وواحد مثلا اثر فيج وو خلاج تفكريين فيه اذا ماكان حب

ليلحينج تفكريين فيه ؟ اذا لا شلوون عقب جم نسيتيه ؟

سوووري عالاسئله بس يهمني الجواب

اي احمد اول حب واول شخص اثر في حياتي

للأسف ساعات افكر فيه

لا عادي بس

ادعيلي انساه

وشكلج تحبين صح ؟

وسوري ع السؤال ؟



غوالي76

انشالله وصج انا

الحين ما افكر الا بالشهاده

 

[noisya]

انشاءالله تنسيين .. صدقينيي بتنسيين و تلقين الي احسن منه



لا عادي حيااتوو .. اي احب و ماشوووف بهالدنيا غير هالحب =( .. عشان جذي اندمجت بقصتج واايد