تعال ننهي الماضي ويكفينا نكون اخوان ((قصتي

[sweetn]

>>>>>>>>>>>>>>متااابعه

 

[noisya]

ايي كملي امانه ؤطؤليهم

 

[Gap Junior]

كملي حبيبتي

ناطرينج

بس بغيت اسأل القصة مطولة !

 

[q8ya 3sal]

وهذا بارت ولا تقولون قصير ​

و طبعا صار اليوم الثاني ودانه كانت متردده انها ادق على أحمد ولا لأ؟ لين صارت الساعه 9 دانه دقت على أحمد ودار الحوار التالي :
دانه : قوه
أحمد : هلا والله ما بغيتي ادقين
دانه : خلاص كاني دقيت
أحمد: وانا قاعد اعد الدقايق كل شوي اقول الحين بدق ليش طولتي جذي ؟
دانه: ما ادري كنت متردده
أحمد: اشفيج انت خايفه من شي ؟
دانه : ما ادري احس انه اخوي واهلي ما يستاهلون اني اخون ثقتهم فيني
أحمد:بس والله انا احبج وقتلج انا راح اتزوجج
دانه : احمد يمكن اللي احنا قاعدين انمر فيه الحين حب مراهقه
احمد : لا شكو منو قال انا ولد عمي متزوج وحده وكان يحبها من يوم ما كانوا اصغار وكالحين عندهم اعيال بعد
دانه : بس من نفس مذهبه صح
احمد : أي وشنو يعني
دانه: انا اهلي مستحيل يرضون اتزوج واحد مو من مذهبي
احمد : ما في شي اسمه مستحيل ولي الله كاتبه بيصير
أحمد : دانه ممكن اطلب منج طلب ؟
دانه : تفضل
أحمد : لا تبطلين سالفة المذهب عالاقل الحين
دانه : خلاص اوكي
دانه: أحمد يبت طبيه عشان ما يعطونك انذار
أحمد : أي تطمني ورحت وخذيت طبيه بس المهم انتي ابيج تدرسين وتشدين حيلج عاد انتي علمي وطبعا ما كو شبك ايام المدارس سمعتي
دانه: واي جنك ابوي ماكو شبك ايام المدارس بس انا ساعات اقوله ابي اطلع تقرير واشبك واهوا ايصدقني
أحمد : لا حبيبتي ابوج يدري بس ايطوف المهم انا قلت ماكو شبك ولازم تسمعين كلامي
دانه : اممممم خلني افكر
أحمد: ومتى انشالله اعرف انتي راضيه ولا لأ ؟
دانه : اسبوعين ع الاقل
احمد : والله لو طالب سياره جان اوصلت
دانه : أي بس انا غير
احمد:انتي من ناحية غير غير بس سمعني ابي درجات حلوه واذا ميابتي درجات حلوه بطقج
دانه : اطقني عشان امتحان
احمد : أي هذا مستقبلج حبيبتي
دانه : قول حق نفسك انا الحمدالله متفوقه ((احمد ساقط برياضيات ))
احمد :والله انتي عندج طموح بس انا ما عندي
دانه : المهم احمد شد حيلك ما ابيك تاخذ دور ثاني اذا مو عشاني عشان ابوك
احمد : لا انشالله راح اشد حيلي ابوي سقطت بماده دش المستشفى و بعد دور ثاني شنو بيصير فيه
دانه : عشان جذي قاعده اقولك شد حيلك
دانه : يالله عيل اخليك الحين
احمد: وين ؟
دانه : بدرس شوي وبعدين بنام
احمد : يالله عيل درسي عدل باي
دانه :باي

واستمرت دانه مع أحمد لين ياه هذاك اليوم احمد كان داق على دانه الصبح عشان بيقعدها من النوم ودار الحوار التالي :
احمد : صباح الخير
دانه: صباح النور
أحمد: شنو نايمه ؟
دانه: كنت نايمه بس الحين قعدت
احمد : يلا عيل اخليج تنامين
دانه : لا خلاص قعدت ما راح ارد أنام
احمد : عاد تدرين امس كلمت وحده
دانه: منو ؟
أحمد : وحده
دانه : امس كلمتني انا
احمد: لا وحده ثانيه غيرج
دانه: منو بتقول ؟
احمد : انتي تبين اقولي
دانه : لاخلاص ما ابي اعرف
احمد: خلاص على راحتج
احمد : ترى اهيا شي وانتي كل شي
دانه : منو اهيا
احمد : قبل شوي ماتبين اتعرفين الحين تبين
دانه : بتقول احمد ولا لأ؟
احمد : لا ما اني قايل
دانه : خلاص عيل بصكر التلفون يلا باي
احمد: ليش ؟
دانه :جذي مالي خلق
احمد : اوكي يلا باي
دانه :باي

وصكرت التلفون وقام أحمد طرشلها مسج (( لي متى ما تبين تكلميني )) ردت عليه ((لا ادز مسجات ولاشي اصلن ما ابي اكلمك خلاص )) وبعدين احمد دق على دانه بس دانه صكرت التلفون بويه احمد فقام احمد طرش حق دانه مسج ((ماتبين تكلميني لا تردين بس لا تسوين هالحركه ترى مو حلوه واذا تبين تهديني عشان ترتاحين انا راضي حتى لو بتضايق و راح ايصير فيني مثل ما صار قبل شهر )) دانه وايد حست بذنب لانه صكرت التلفون بويها واساسا اهيا ما كانت تبي تهدا عشان اهيا وايد تعلقت فيه المهم دانه دقت على احمد ودار الحوار التالي :
دانه : احمد انا اسفه
أحمد : دانه انا الحين بتسبح و بعد شوي ادق

احمد بعد ربع ساعه دق على دانه ودار الحوار التالي:
أحمد: ها شنو كنت تبين تقولين
دانه : كنت بقولك انا اسفه ما ادري شلون صكرته بويهك
احمد: اول شي انتي ما تأسفين و والله لو هالحركه صايرتلي مع احد غيرج جان ما رديت عليه
دانه : والله انا ماكان قصدي
احمد: ساكت
دانه : انت للحين زعلانه
احمد : لاخلاص سامحتج
دانه : اوكي عيل انا الحين ببدل عشان بروح اشتري ألوان حق ابلة الفنيه
احمد : اوكي خلاص يلا باي
دانه : باي

دانه معناها اعتذرت حق احمد الا انها للحين تحس بتأنيب الضمير وقلبها كان يعورها اشلون اهيا اتسوي بأحمد جذي المهم دانه راحت المكتبه تشتري الوان وردت وبعدين كلمت أحمد الساعه 8 ودار الحوار التالي :
دانه: قوه
احمد: هلا والله(( احمد كان صوته وايد تعبان ))
دانه : انت زعلان مني
احمد : لا موزعلان ليش؟
دانه : بس جذي ما ابيك تكون زعلان
أحمد : زين واذا قتللج زعلان شنو بتسوين
دانه : بقولك أنا آسفه
أحمد : زين انا ممكن أسألج سؤال؟
دانه : أي تفضل أسأل
أحمد: انتي للحين تفكرين بسالفة المذهب
دانه : انت موقتلي لا تفكرين
أحمد: مو انا الحين صرت خايف اكثر منج
دانه : ليش؟
أحمد : ما ادري احس انج وصلتيني المرحله اني حتى اذا يت طقيت باب بيتكم وقلت ابيج اهلج يردوني
دانه : دانه اخنقتها العبره وضلت ساكته
بس احمد ظل يتكلم ويقولها انا ما ابيج تفكرين بهالشي لاني كل ما اعرف انج تفكرين احس البيان كلها مصكره بويهي يعني سمعيني دانه اذا ظليت اتفكرين بهالطريقه انا راح اضطر اوخر عنج عشان مانتعلق ابعض الزياده
دانه حست انها مخنوقه واحمد كان يناديها دانه دانه ودانه ماكانت ترد قالها قاعده تبجين اهني دانه ردت وقالتله لا بس قامت تبجي أحمد قالها خلاص لا تعورين قلبي لا تبجين وبروحي تعبانه مو قادر دانه قالت حق احمد خلاص انا الحين ما اقدر اتكلم احمد قالها اخليج على راحتج بس بعد خمس دقايق رد دق عليها دانه شالته وكانت ميته من البجي احمد قالها بس خلاص ترى ما اقدر اخليج تنامين وانتي متضايقه لا تبجين وانا الحين بروح المستشفى لاني تعبان حدي (( احمد مريض بس ما راح اذكر بشنو )) المهم احمد صكر التلفون من دانه ودزلها مسج (( انا الحين بروح المستشفى ولا تبجين حبيبتي )) دانه ردت عليه (( بس ترد من المستشفى دزلي مسج وسوري اذا ضايقتك )) احمد رد عليها (( انا ما اتضايق من دندونتي الغاليه بس انتي طولي بالج ولا تبجين ))
دانه راحت الثانويه وكان عندهم رحله وكانت حدها متضايقه مو قادره تتكلم كانت خايفه انه احمد يهدها واول ما ردت من الثانويه على طول دقت على احمد بس احمد ما كان يشيله وبعد ساعه احمد دزلها مسج (( سوري ما كنت يم التلفون وما اقدر اكلمج لانه مالي خلق اتكلم الحين )) دانه دزتله ((أوكي على راحتك)) وكانت طول اليوم قاعده تبجي وبعدين رن تلفونها ولامسج من احمد(( ما تبين تنامين )) دانه دزتله((نام انت انا ما ابي ))
احمد دق عليها وقالها ليش ما تبين تنامين قالتله مافيني نوم قالها خلاص اوكي اخليج دانه دزت مسج حق
احمد (( يليتني ما كلمتك وياليت ضلينا فريند بالمسن جان وايد احسن )) احمد رد عليها (( ليش انا ما استاهل ولاخوش الصبي )) دانه دزتله (( مو قصدي أحمد بس والله انا حبيتك وما ابيك تخليني انا عن جد واللهتعلقت فيك)) احمد دق على دانه ودار الحوار التالي :
احمد : ورب الكعبه ورب الكعبه انا ما راح اخليج
دانه : والله انا احبك
احمد : انا ما راح اخليج بس لا تيبين طاري المذهب وانا بعد احبج
احمد : خلاص ما ابيج حتى تفكرين اوكي
دانه : اوكي
احمد : اعتبره وعد
دانه :أي وعد
احمد : الحين مو قاعد تبجين
دانه : انا لما اسمع صوتك ارتاح

ومرت 3 ايام وانفتحت سالفة انهم مختلفين بالمذهب بس هالمره اللي فتحها احمد وكان الحوار كالتالي :
احمد : دانه ادري انج للحين تفكرين
دانه : بس انا ما افتحته وصج اني افكر بهالموضوع بس احاول دايما اني اشيله من بالي
احمد : بس انا سألت احد من اهلي طلعوا ما يرضون اني اخذ بنت مو من مذهبي مو عشان شي بس جذي عادات وتقاليد
دانه : احمد انا كنت متوقعه انه بس اهلي ايعارضون انت الحين صكرت الباب بويهي
احمد: والله ترى انا ما كنت ادري دانه انا ما ابيج اتضيعين انا ما ابي اعلقج معاي واخير شي ما اتزوجج
دانه : كانت تبجي
احمد: قالها لا تبجين لا تعورين قلبي
دانه : احمد اللي تشوفه سواه
أحمد : يعني اشلون ؟
دانه : يعني شنو اللي ايريحك سوه
احمد : انتي شنو اللي ريحج
دانه : ما ادري أحمد ؟
احمد : دانه شوفي انا ناس وايد قالوللي انه اذا بتخليها تهدك سو شي تجرحها فيه عشان تقدر تخليها تكرهك اما انك تهدها جذي هذا راح ايخليها تتعلق فيك زياده
دانه : ساكته
احمد : اشرايج ؟
دانه : ما ادري انت شرايك
احمد : انا ما ادري خنهد بعض شوي شوي خلنا بس مسجات ومره وحده بالاسبوع نكلم بعض
دانه : واهيا كانت تبجي احمد خاص تبينا انهد بعض خنهد بعض يلا باي
احمد : اوكي انا بصكره الحين بس بدز مسج رد علي اوكي
دانه : اوكي

احمد دزلها مسج (( احنا لازم انهد بعض عشان ما نتعلق ابعض زياده))دانه دزتله ((بس انت وعدتني انك ما تخليني )) احمد دزلها ((لازم اخليج بس اذا تبين اكلمج فريند وهذا الشي انا ما احبه )) دانه دزتله (( مافي فريند بين البنت والصبي وخصوصا بتلفون احمد انا بديتك انت على اخوي بس طلعت ما تستاهل ))احمد دزلها (( مشكوره على التضحيه وها ايميلي ((******************)) هذا وايد خاص فيني دانه انا ما ابي يطلع وخلينا نكلم بعض بس بالمسن )) دانه ما ردت عليه بس كانت قاعده تبجي وكانت وايد منهاره اهيا وايد حبت احمد وتعلقت فيه الحين اهوا بيهدها ويروح اشلون ما راح تسمع صوته كل يوم ؟ ولا راح ايدزلها مسجات ؟
ولا راح يتهاوشون ويراضون بعض دانه حست روحها مخنوقه

ودي أبكي لين ما يبقى بعيوني دموع
ودي اشكي لين ما يبقى كلام
من جروح صارت بقلبي تنوح
ومن هموم حرمت عيني المنام ان شكيت
الحال محد لي سموع وان سكت زادوني الناس ملام


ولكن بعد تفكير دانه قالت خلاص لازم اوخر عنه واهده دام اهوا يبي جذي فدزتله مسج ((دامك على فراقي ناوي وقادر ارحل وسامحني اذا في حقك اخطيت سوري احمد راح اضطر اعطيك بلوك ودليت فتره عشان ما اتعلق فيك زياده وصدقني راح انساك حتى لو اضطريت ادوس على قلبي )) احمد رد عليها (( مسموحه اذا عطتيني بلوك ودليت وانت بعد سامحيني)) دانه دزتله (( ما بقلبي عليك شي ولا تخاف مسامحتك)) احمد دزلها ((هذا من طيب أصلج ))

ومرت 3 ايام على دانه بدون ما تكلم احمد ودانه كانت تحس انه هالايام وايد ثقيله على قلبها والظاهر دانه ما اقدرت ادوس على قلبها لانه دزت مسج حق احمد(( قوه اشلونك شخبارك احمد انا قاعده اقولك انا بنت مستعده اوقف بويه الدنيا هذي كلها انت يالصبي ما تقدر احبك ودير بالك على روحك ))[/CENTER]

 

[q8ya 3sal]

Gap

Junior

راح اكمل

شنو زهقتي

اطمنج حبيبتي تقريبا بارتين

noisya

من عيوني والله هذا طولته شوي

sweetn

شاكرتلج متابعتج

babya

عشان خاطرج بنزل اليوم بارت على المغرب
وانشالله يكون طويل


حبايبي تسلمووون على متا بعتكم الحلوه

وحبايبي ادري انا البارت كان قصير امس

بس والله نزلت بارتين قصار يعني مو واحد​

 

[مـ سهله ـو]

waaaaaaaaaaaaaaw raw3aaaaaaaaaaa

 

[babya]

معاااااااااااااج كملي:eh_s(8):

 

[مـ سهله ـو]

makmlty ???


):



:

 

[q8ya 3sal]

مـ سهله ـو

babya

تسلمون على متابعتكم الحلوه

والحين بكتب بارت بالورد

 

[مـ سهله ـو]

yalla nn6rj


tslmeeeen

 

[q8ya 3sal]

احمد رد على دانه بمسج (( اوكي اكلمج حب بس ما اضمن انه نهاية هالحب زواج )) دانه ما ردت عليه وبعدين احمد دق عليها وقام يسألها شلونها وشخبارها وشسوت ب3 ايام اللي هداها فيهم ؟ بس دانه لاحظت انه احمد مو مثل قبل مو احمد اللي حبته احمد وايد تغير ما قام ايدق كل يوم و اذا دق يكلمون بعض 5 دقايق و 10 دقايق بالكثير والحين صارلهم يومين من ردتله وفي اليوم الثالث كانت وايد ادق على احمد من الساعه 11 الصبح لساعه 7 واحمد ما يرد عليها ودانه كان عليها امتحان وكانت وايد متوتره اللي كل ما تبي تدرس تصكر الكتاب وردت مره ثانيه ادق عليه بس صكره بويها دانه وايد تنرفزت ليش سوا جذي ليش صكره؟ احمد بعد خمس دقايق دق على دانه ودار الحوار التالي :
احمد : قوه
دانه : هلا
احمد: حبيبتي انا مطنش اليوم صح
دانه : أي وايد
احمد : ما عليه حبيبتي ابوي بيسافر ولويه عندي وسوري ترى ولد عمتي اهوا اللي صكره
احمد: انا اليوم اكلمج بليل او باجر اوكي
دانه : اوكي

دانه كانت متضايقه من احمد لانه متغير بس وايد استانست لما دق عليها و اخيرا اقدرت تبطل الكتاب وتدرس طبعا دانه انطرت احمد ايدق بس ما دق وصار اليوم الثاني ودانه راحت الثانويه وقدمت الامتحان وردت البيت وتغدت وعلى طول راحت بدلت الساعه 4 عشان بتروح الصالون لانه باجر حفلة التفوق وطبعا احمد لا حس ولاخبر ودانه قاعده تنطر ودها ادق بس قالت خل انطر لي ساعه 8 واشوف اذا ما ادق ادزله مسج وصارت الساعه 8 واحمد لادق ولادز مسج فقررت دانه انها خلاص تبي ادزله مسج ودزتله((صحيح الزمن ما أنصفني كثير ولاقصر معاي بأوجاعه بس علمني أكون بكل شي كبير اشتري شخص وما انوي وداعه واعطي بصق وما انتظلا عطاء الغير احب ويكفي اني وهذي قناعه ما نفعني منطقي بس بالأول وبالأخير هذا قلبي وهذي طباعه)) طبعا كان الرد صدمه حق دانه تدرون شنو كان الرد بقولكم شنو كان (( عفوا منو ؟)) دانه وايد انصدمت فدقت على اعز رفيجه عندها ريم ودار الحوار التالي :
دانه : ريمووووو دزت مسج حق أحمد
ريم : أي وشنو يعني
دانه : دزالي مسج (( عفوا منو ))
ريم : تلقينه ما اهوا اللي يم التلفون
دانه : يمكن

دانه وايد كانت محتاره شتسوي دزت مسج على تلفون اتقوله فيه(( احمد اذا ما تبي تكلمني وتهدني قولي بس لاتحط السبب على اهلي واهلك )) رد عليها بمسج (( عفوا انتي غلطانه اختي انا ما اعرفج )) دانه دزتله مسج ((ليش هذا تلفون منو ))رد عليها(( هذا تلفوني اكيد انتي كنت تبين احمد صاحبي واختي بغيتي مني اقوله شي وما انصحج ادقين على رقمه الثاني لانه عند أبوه))

دانه كانت تقرا المسج وايها تبجي اهوا هدها هالمره بس بطريقه تجرح أي تجرح حتى بدون ما يقولها انه اهوا بيروح كانت وايد تساؤلات على بال دانه احمد ليش سوى جذي ؟ اهوا كان يلعب ؟ شنو كان يبيني بس أحبه ويهدني ؟ ولا صارتله ظروف؟
تبي تتركني .. اتركني ..

تأكد اني ما حازعل ..

ولا اسال وش تفاصيل البعاد .. وطوله ونوعه ..

ولكن قول انا ماشي .. ترى بعض الوداع اجمل ..

من هروب الحبيب اللي ترك له ناس موجوعه

اذا حبي ما يعنيلك .. اكيد ان الفراق افضل ..

واذا عيني بتبكيلك اكيد العين مخدوعه ..

واذا انت اللي بتتركني ..

ولا احد جابرك ترحل ..

حرام اتضايق واشقى .. على اللي رايح بطوعه ..

انا بقول لك بنسى .. ولكن مستحيل اسأل

ابي أحبس اصغر انفاسي لو الهمسات مسموعة ..

انا بتذكر ايامك .. ولا انسى حبي الاول ..

بتبقى صورتك عندي .. بوسط الروح مطبوعه ..

حبيبي لو بترجع لي .. وتعطيني العذر بأقبل ..

ابأغفر للحبيب .. اللي .. غياب احبابه يلوعه ..

.ومهما طول غيابك .. بتبقى رحمتي اطول ..

تأكد في شرع قلبي .. لك الاقلام مرفوعة ..

بس كانت تقول حتى لو الظروف على اقل ايدز مسج وبعدين انا كلمته امس ما كلف نفسه يقولي وبعد تفكير قررت انها ادزله مسج على التلفون اللي عند ابوه دزتله مسج (( لوجات من غيرك ترا كان هانت لكن تجي منك ياهي قويه كذبت فيك احساسي وناس قالت ما كنت اصدق انه حبك خطيه احمد انت ليش سويت جذي انت ماتسوي فيني جذي انا ادري احمد انت غير احمد بليز اذا قاعد تقرا دزلي مسج قولي ليش)) وصلها مسج من الخط اللي عند صاحبه (( احمد ما يسوي فيج جذي اهوا غير بس صارتله ظروف واهوا وايد تعبان مو قادرولو سمحتي احمد يقولج لا طرشين مسجات على التلفون هذاك لانه عند ابوه احترمي ابوه على الاقل )) دانه وايد تنرفزت وحست انه اللي قاعد ايصير كله غلط احمد قاعد ايجذب وكان عندها احساس انه التلفونين عند احمد بس اهوا اللي قاعد ايرد جذي فردت عليه بمسج (( انا محترمه من قبل ما اعرفه وبعدين اهوا مافي شي بس اهوا يسوي اشياء تجرح ويتعذر يقول انه تعبان )) دزلها مسج (( لا دخليني بينكم واذا اهوا يبي يكلمج ويوصلج راح يكلمج ))

دانه حست روحها ودها تموت على اللي صار صج اهيا كانت مستاسه بس احمد ما قصر هدم الفرحه والوناسه اللي بقلبها دانه كانت تبي احمد يشاركها فرحتها ونامت هاليوم واهي مقهوره وداومت الثانويه وقررت انها تنسى احمد خلاص بس قبل كل شي واهيا كانت تلبس عشان بتروح الثانويه دزت مسج حق احمد (( تدري انه اليوم حفلة تفوقي واهوا احلى يوم بحياتي بس انت خليته اتعس يوم بحياتي وكنت ابي قلبك يحس فيني بكل الاوقات بس الشكوى لله وما قصرت ومشكور ))
وراحت الثانويه وماكانت تبي احد يحس انها متضايقه او زعلانه راحت واطلعت واستانست واللي ساعد دانه انا تخفف تفكير عن احمد الامتحانات لانها كانت دايما تقول حق نفسها (( منو أحمد اللي ينزل مستواي في الدراسه )) والحمدالله خلصت فترة الامتحانات وعدت على خير ما اقولكم انه مستوى دانه ما نزل نزل شوي بس قررت انها لازم اتشد حيلها وعقب الامتحانات دانه كانت شابكه وقاعده تشوف مواضيع بالمنتدى وطبعا احمد كالعاده منزل مواضيع حصريه دانه وايد حز بخاطرها اشلون يقولي تعبان وماله خلق و ينزل مواضيع بالمنتدى ومبين عليه مافي شي بخير

ناظرني بطرف عينه وقال لو تفارقنا اموت
وافترقنا لا رسايل ولاصوت
وكنت دايم أسأل يا ترى وش صار فيه ؟
قالولي مبسوط وما عليه قصور
ابتسمت وقلت هذا اللي ابيه بس انا اشلون
صدقت يوم قال انه بعدي بيموت
دانه و حست روحها مقهوره يعني احمد كان يتهرب
ودانه كانت تقعد ساعات على المسن تنطر احمد يشبك
ღ♥ღ يا ٌمسنجر شفيك طولت الغيابي كل مايظهر المربع على يميني .. أفز من الفرحه حسبالي دخل حياتي ღ♥ღ
وفي يوم من الايام واهيا مبطله المسن شبك أحمد بس كان حاط توبكه (( احمد تعبان وانا ولد عمته )) دانه لما دخل احمد فز قلبها من الفرحه لانه من زمان موشابك وصارلهم شهر مو مكلمين بعض بس لما قرت التوبك ضاق خلقها وايد واللي ضيق خلقها زياده انه ولد عمته حاط صورته واهوا تعبان دخل ولد عمة احمد على دانه ودار الحوار التالي :
ولد عمته: قوه
دانه : هلا
ولدعمته : انتي دانه
دانه : أي انا دانه
ولد عمته : شلونج
دانه : تمام
ولد عمته : تامريني على شي
دانه : كان ودها تسأل عن احمد بس ما كانت تبي ايعرف انها مضايق وحتاجته فردت عليه (( سلامتك ))
ولدعمته : يلا باي
دانه : بايات

بس دانه تضايقت وايد من نفسها الفرصه يتلها ليش ما سألت عن احمد؟ دانه كانت وايد مشتاقتله وبدرجه مو طبيعيه بعد يومين من هالسالفه دانه حست انها مو قادره تبي تكلمه وتهورت ودزتله مسج ((قوه شلونك شخبارك طمني عنك شسويت بالامتحانات وسلامتك ما تشوف شر ))

يكفي ترى صدر الشقى داخلي ضاق.. لاتسأل العاشق عن اللي سطابه اشتاقلك؟ أي والله اشتاق واشتاق
لو كان صدري ماتحمل عذابه حاولت اهدك.. لكن الشوق حراق فيني تمكن والعنا في صوابه هم وآسي ..ضيقه غرابيل وفراق هموم في رحلة عذابي تشابه لو تنكتب قصه حياتي بالأوراق يمكن تشوف أعظم حسن بالكتابة شوف الغلا عندي كبير وبالأعماق اكبر من حدود الفضا والرحابة ... واليوم غابت بالسما شمس الإشراق غابت وطاحت من عيوني سحابه​

 

[q8ya 3sal]

مو سهله

شاكرتلج متابعتج وتواجدج

 

[مـ سهله ـو]

walla bjait liesh ysawy jthy

alla y3eenj 7bebty

mtab3tj

 

[babya]

متابعتج كملي

 

[q8ya 3sal]

walla bjait liesh ysawy jthy

alla y3eenj 7bebty

mtab3tj

لا تبجين ترى دموعج غاليه

والله انا بعد نفسج ما ادري ليش

سوى فيني جذي

و شاكرتلج وجودج حبيبتي

وانشالله باجر انزل بارت

 

[q8ya 3sal]

babya

انشالله باجر انزل بارت
ومشكوره على متابعتج

 

[Gap Junior]

لا حبيبتي شدعوة ما مليت

بس حدي مستعيلة بعرف شنو يصير بعدين :eh_s(4):


متاايعة

 

[Love-addict]

:68_asmilies-com:
الصرااااااااااااااااااااااااااحه القصه عجيبه وأسلوبج ما عليه كلام..ما شاء الله عليج :ggdw::ggdw:



لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف لايوقف
:eh_s(9):

 

[نوور]

وبعدييييييييييييييييييييييييييييييين
يالله

 

[babya]

:eh_s(1):عفيا كملي