----- تعالي يا ماما ! عرفنا مدرسة عيالج 0 وماعرفنا وين درستي !---

[حلم الطفولة]

السلام عليكم أمهات ،،
:hearting: :hearting:
شلونكم أكييييييد زينين ؟؟

من خلال هالقسم الرائع ،،
التقيتنا وتعرفنا على بعضنا وتقاربنا معًا ،
سوالفنا الحلوه عن عيالنا ،
منهاهجهم ، امتحاناتهم ،،
همومنا وفرحتنا - شقانا وسعادتنا
وزارتنا ،، قرارات وأخبار ،، تعديل مناهج ،....

والحين دوووركم ..

برجعكم بهالموضوع إلى مرحلة البراءه و الطفوله ، والشقاوه ، والمراهقه
وبسألكم ويالله همّـــتـكم
1- بأي روضه كنتي ؟ وشنو ذكرياتج عنها ؟
2- اسم مدرستج - سكول - الابتدائيه والمتوسطه والثانويه ؟
3- مميزات مدرساتج ( الأبلات ) أيام زمان
4- أبله ماتنسينها ؟؟ --> سلبي أو إيجابي !
5- موقف ماتنسينه ؟ سلبي أو إيجابي ؟؟
6- لحقتي عالوجبات وشوربة العدس والبيض ؟؟؟
7- شكانت تمثل لج الناظره : الأخصائيه : الوكيله ؟؟

تـســـــلـمــوون
%% كتبو يالله %%

 

[البيداء_77]

مواضيعج دايما حلوة ومفيدة يا حلم الطفولة ........ يا حلو الطفولة وايامها



- بأي روضه كنتي ؟ وشنو ذكرياتج عنها ؟

كنت بروضه القدس بمنطقة الروضة وبعدين انتقلت لروضة ابن نصير بخيطان
وذكرياتي محدوووده مثل اني كنت حرجة حيل وشاطرة والابله تخليني اطق الجرس وكنت مشتركة بفرقة الموسيقى

- اسم مدرستج - سكول - الابتدائيه والمتوسطه والثانويه ؟

الابتدائي (فاطمة بنت قيس )
المتوسط (الشيماء بنت الحارث)
الثانوية (بام الحكم بنت ابي سفيان )

3- مميزات مدرساتج ( الأبلات ) أيام زمان

ما كان عندي مشاكل مع مدرساتي لاني كنت ملتزمه حدي وما عندي سوالف شطانة

4- أبله ماتنسينها ؟؟ --> سلبي أو إيجابي !

ابله التاريخ (نجمه المسري ) احبها حيللللللل لانها كانت جنها صديقتها الله يذكرها بالخير يارب

5- موقف ماتنسينه ؟ سلبي أو إيجابي ؟؟

امبييييييه وايد مواقف بذكر واحد ( اذكر اول زياره لي بالصحة المدرسة خذوني ومو متريقة والدكتوره كانت الله بالخير شلعت ضرسي جان اغشي عليهم وشالتني الفراشة المصرية ) ههههههههه ومن عقبها للحين طبيب الاسان اعتبره رعب

6- لحقتي عالوجبات وشوربة العدس والبيض ؟؟؟

اي لحقت على الوجبات بس باولى ابتدائي تقريبا بال 1981والعدس كان لذيييذ مع التوست

7- شكانت تمثل لج الناظره : الأخصائيه : الوكيله ؟؟

مصدر ريئسي للرعب خخخخخخخخخ


الله يقطع ابليسج يا حلم الطفوله طلعتي الفضايح

 

[باونتى]

تصدقين ناسيه اسم روضتى بس كانت بشارع عمان .. كنت أحب الروضه واااايد ونادرا ما كنت أغيب .. الابتدائى كنت بالابتدائى فى شارع عمان وهم ناسيه اسم المدرسة ولى ذكرى ما أنساها طووول عمرى لمن كنت فى اولى ابتدائى كنت متعوده اشوف ابوى الله يطول فى عمرى ناطرنى داخل المدرسه وقت الانصراف وفى يوم امى قالت لى انها بتآخذنى وانا حسبالى بتوقف تنطرنى داخل المدرسة مثل ابوى وطلعت والتفت ماكووو وقفت بره المدرسة شووى ماكو .. وأيامها كانوا الجاليات العربية وخصوصا الفلسطينييين يروحون مشى فسألت وحده برابعة ابتدائى يصير اروح مشى مثلكم ردت على اذا بتعرفى بيتكم روووحى ورحت ورحت وأضيع فى شوارع شارع عمان وابجى وابجى مشيت وااايد وتعبت وحسيت بالجوع ولا اشوف سياره توقف كان فيها واحد سودانى مع عياله وسألنى ما رديت عليييه بس من حسن حظى ان بنته كانت معاى بالمدرسة وقالت لابوها هذه بمدرستنا ويرجعونى المدرسة واشوف امى والناظره عند الباب وامى بعد عمرى منهاره وتبجى وحضنتنى حييييل هالموقف ما نسيته ..
كملت رابعه ابتدائى لمن سكنا فى منطقة صباح السالم ودرست فى مدرسة معاذه العدوية المتوسطة فى مدرسة الشفاء بنت عوف الثانوية فى ثانوية برقان .. المدارس اللى درست فيها مو فى صباح السالم ما عدا معاذه العدوية لان ايامها كانت صباح السالم منطقة جديدة وما فتحوا المدارس فيها .. المدرسات ايام زمان وااايد كانوا شديديين ويطقون بالمسطره وهذا اللى خلانى اتعقد وأكره مادة الرياضيات لان المسطره ماكانت تنزل من ايدهاا لحقت على وجبات الروضة ايام العز البيض والحليب والتوست .. الناظره كانت بيت الرعب .. أما الاخصائية ما كنت أدرى عنها من الروضه لى الثانويه ولا عمرى احتكيت فيها وانا الحين اخصائية اجتماعية بس الحمدلله مووو مسببه رعب للبنات

 

[ورد وردي]

رد : ----- تعالي يا ماما ! عرفنا مدرسة عيالج 0 وماعرفنا وين درستي !---

سوالف المدارس قبل واااااايد واحب اجاوب على سؤال واحد لان مالي خلق اكتب الابلة الي ما انساها طوووووووووول حياتي ابلة الاسلامية بالثانوية فاطمة الملا الله يكتب لها الخير بالدنيا والاخرة لانها كانت فعلا تهببببببببببببببببببببببببببببببل الله يذكرها بالخير والي تعرفها تسلم عليها لووول

 

[ابلة رسم كتكوته]

كنت بروضه الدعيه
ولايمكن انسى ابلاتي
والناظره اللي يرتني من نفنوفي عشان كنت مخالفه ههههههههههههههههههه
امي حبيبتي بتكشخني بنفنوف طلعه بعد قلبي كان لونه رمادي باسود
بس لما قلت حق امي راحت لها وبهدلتها
ياهل وتيرني حيل
قالت لها اهيا مالها ذنب
جان دقيتو علي
والابتدائي 1 و 2 مدرسه زينب بالدعيه
اذكرها كانت كبييييييييييييييييييييييره وكنت اخاف واضيغ فيها
3و4 والمتوسط بمدرسه الدعيه المشركه كانت دور واحد وشرحه
بس الحين هدموها
والثانويه بالمنصوريه

 

[الحراير]

مرحبــــــــــــــــــا

شلونج حلوومــــــــــــــه

وبسألكم ويالله همّـــتـكم
1- بأي روضه كنتي ؟ وشنو ذكرياتج عنها ؟
روضة بن حيان اما ذكريتي فيها تفشل اذكر رفيجت امي تبي تطلعني معاها من الروضه امي مصويتها علي وانا ابجي مابي اروح معاها تعرفون ليــــــــــــــــــــش ههههههههه وانتوا بكرامه بايله علي ملابسي ومفتشله والله للحين مانسيتها ههه
2- اسم مدرستج - سكول - الابتدائيه والمتوسطه والثانويه ؟
الابتدائيه ام عماره_المتوسطه حراء|_الثانويه فاطمه بنت اسد
3- مميزات مدرساتج ( الأبلات ) أيام زمان
كانوا عصبيات ههههههه
4- أبله ماتنسينها ؟؟ --> سلبي أو إيجابي !


ابله هدي دين اف يانفسها محد يحبها
5- موقف ماتنسينه ؟ سلبي أو إيجابي ؟؟

يوم غمي عليه بالمختبر العلوم كانت الابله تشرح عن الهيكل العظمي وانا دخت
6- لحقتي عالوجبات وشوربة العدس والبيض ؟؟؟

مــــــــــــــــــااذكر علي ماعتقد الروضه التوست والموز والبيض
7- شكانت تمثل لج الناظره : الأخصائيه : الوكيله ؟؟

ماكنت اتشكي منهم لاني هاديه


وتقبلي مروري ياقلبي

 

[Miss_Tiger79]

رد : ----- تعالي يا ماما ! عرفنا مدرسة عيالج 0 وماعرفنا وين درستي !---

موضوعج روووووعه

بس ازهب اجوبتي وارد احطهم

 

[حلم الطفولة]

مواضيعج دايما حلوة ومفيدة يا حلم الطفولة ........ يا حلو الطفولة وايامها



- بأي روضه كنتي ؟ وشنو ذكرياتج عنها ؟

كنت بروضه القدس بمنطقة الروضة وبعدين انتقلت لروضة ابن نصير بخيطان
وذكرياتي محدوووده مثل اني كنت حرجة حيل وشاطرة والابله تخليني اطق الجرس وكنت مشتركة بفرقة الموسيقى

- اسم مدرستج - سكول - الابتدائيه والمتوسطه والثانويه ؟

الابتدائي (فاطمة بنت قيس )
المتوسط (الشيماء بنت الحارث)
الثانوية (بام الحكم بنت ابي سفيان )

3- مميزات مدرساتج ( الأبلات ) أيام زمان

ما كان عندي مشاكل مع مدرساتي لاني كنت ملتزمه حدي وما عندي سوالف شطانة

4- أبله ماتنسينها ؟؟ --> سلبي أو إيجابي !

ابله التاريخ (نجمه المسري ) احبها حيللللللل لانها كانت جنها صديقتها الله يذكرها بالخير يارب

5- موقف ماتنسينه ؟ سلبي أو إيجابي ؟؟

امبييييييه وايد مواقف بذكر واحد ( اذكر اول زياره لي بالصحة المدرسة خذوني ومو متريقة والدكتوره كانت الله بالخير شلعت ضرسي جان اغشي عليهم وشالتني الفراشة المصرية ) ههههههههه ومن عقبها للحين طبيب الاسان اعتبره رعب

6- لحقتي عالوجبات وشوربة العدس والبيض ؟؟؟

اي لحقت على الوجبات بس باولى ابتدائي تقريبا بال 1981والعدس كان لذيييذ مع التوست

7- شكانت تمثل لج الناظره : الأخصائيه : الوكيله ؟؟

مصدر ريئسي للرعب خخخخخخخخخ


الله يقطع ابليسج يا حلم الطفوله طلعتي الفضايح

ررررووووووعه ههههه ,, تطقين الجرس بالروضه :eh_s(4): وملتزمه بالمراحل بعدها :q8:
وضرسج شلعتيه وغشيتي >> كسرررتي خااااطري حبيبتي ..
مشكووره عالمشاركه

 

[حلم الطفولة]

تصدقين ناسيه اسم روضتى بس كانت بشارع عمان .. كنت أحب الروضه واااايد ونادرا ما كنت أغيب .. الابتدائى كنت بالابتدائى فى شارع عمان وهم ناسيه اسم المدرسة ولى ذكرى ما أنساها طووول عمرى لمن كنت فى اولى ابتدائى كنت متعوده اشوف ابوى الله يطول فى عمرى ناطرنى داخل المدرسه وقت الانصراف وفى يوم امى قالت لى انها بتآخذنى وانا حسبالى بتوقف تنطرنى داخل المدرسة مثل ابوى وطلعت والتفت ماكووو وقفت بره المدرسة شووى ماكو .. وأيامها كانوا الجاليات العربية وخصوصا الفلسطينييين يروحون مشى فسألت وحده برابعة ابتدائى يصير اروح مشى مثلكم ردت على اذا بتعرفى بيتكم روووحى ورحت ورحت وأضيع فى شوارع شارع عمان وابجى وابجى مشيت وااايد وتعبت وحسيت بالجوع ولا اشوف سياره توقف كان فيها واحد سودانى مع عياله وسألنى ما رديت عليييه بس من حسن حظى ان بنته كانت معاى بالمدرسة وقالت لابوها هذه بمدرستنا ويرجعونى المدرسة واشوف امى والناظره عند الباب وامى بعد عمرى منهاره وتبجى وحضنتنى حييييل هالموقف ما نسيته ..
كملت رابعه ابتدائى لمن سكنا فى منطقة صباح السالم ودرست فى مدرسة معاذه العدوية المتوسطة فى مدرسة الشفاء بنت عوف الثانوية فى ثانوية برقان .. المدارس اللى درست فيها مو فى صباح السالم ما عدا معاذه العدوية لان ايامها كانت صباح السالم منطقة جديدة وما فتحوا المدارس فيها .. المدرسات ايام زمان وااايد كانوا شديديين ويطقون بالمسطره وهذا اللى خلانى اتعقد وأكره مادة الرياضيات لان المسطره ماكانت تنزل من ايدهاا لحقت على وجبات الروضة ايام العز البيض والحليب والتوست .. الناظره كانت بيت الرعب .. أما الاخصائية ما كنت أدرى عنها من الروضه لى الثانويه ولا عمرى احتكيت فيها وانا الحين اخصائية اجتماعية بس الحمدلله مووو مسببه رعب للبنات

لااا مسكيينه باونتي ،، الله حفظج سبحان الله ، وياقلب أمج وعليه حزتها ..
مشكوره حيااتي عالمشاركه ولاتعيدينها مره ثانيه وتروحين البيت مشي !

 

[حلم الطفولة]

رد: رد : ----- تعالي يا ماما ! عرفنا مدرسة عيالج 0 وماعرفنا وين درستي !---

سوالف المدارس قبل واااااايد واحب اجاوب على سؤال واحد لان مالي خلق اكتب الابلة الي ما انساها طوووووووووول حياتي ابلة الاسلامية بالثانوية فاطمة الملا الله يكتب لها الخير بالدنيا والاخرة لانها كانت فعلا تهببببببببببببببببببببببببببببببل الله يذكرها بالخير والي تعرفها تسلم عليها لووول

ماعرفها .. ولو أعرفها جان سلمت لج عليها .. مشكووره على هالمشاركه ولو انها قصيره بس مقبوله من الورد

 

[حلم الطفولة]

كنت بروضه الدعيه
ولايمكن انسى ابلاتي
والناظره اللي يرتني من نفنوفي عشان كنت مخالفه ههههههههههههههههههه
امي حبيبتي بتكشخني بنفنوف طلعه بعد قلبي كان لونه رمادي باسود
بس لما قلت حق امي راحت لها وبهدلتها
ياهل وتيرني حيل
قالت لها اهيا مالها ذنب
جان دقيتو علي
والابتدائي 1 و 2 مدرسه زينب بالدعيه
اذكرها كانت كبييييييييييييييييييييييره وكنت اخاف واضيغ فيها
3و4 والمتوسط بمدرسه الدعيه المشركه كانت دور واحد وشرحه
بس الحين هدموها
والثانويه بالمنصوريه

وعليّه !!!ّ شفيكم كلكم وحده ضاعت والثانيه شلعو ضرسها والثالثه يارينها من نفنوفهاا ,, حيااتي
مشكووره عالمشاركه .. يه يه لو ماقررت باللحظه الأخيره جان صرت معاج بالمنصوريه

 

[حلم الطفولة]

مرحبــــــــــــــــــا

شلونج حلوومــــــــــــــه

وبسألكم ويالله همّـــتـكم
1- بأي روضه كنتي ؟ وشنو ذكرياتج عنها ؟
روضة بن حيان اما ذكريتي فيها تفشل اذكر رفيجت امي تبي تطلعني معاها من الروضه امي مصويتها علي وانا ابجي مابي اروح معاها تعرفون ليــــــــــــــــــــش ههههههههه وانتوا بكرامه بايله علي ملابسي ومفتشله والله للحين مانسيتها ههه
2- اسم مدرستج - سكول - الابتدائيه والمتوسطه والثانويه ؟
الابتدائيه ام عماره_المتوسطه حراء|_الثانويه فاطمه بنت اسد
3- مميزات مدرساتج ( الأبلات ) أيام زمان
كانوا عصبيات ههههههه
4- أبله ماتنسينها ؟؟ --> سلبي أو إيجابي !


ابله هدي دين اف يانفسها محد يحبها
5- موقف ماتنسينه ؟ سلبي أو إيجابي ؟؟

يوم غمي عليه بالمختبر العلوم كانت الابله تشرح عن الهيكل العظمي وانا دخت
6- لحقتي عالوجبات وشوربة العدس والبيض ؟؟؟

مــــــــــــــــــااذكر علي ماعتقد الروضه التوست والموز والبيض
7- شكانت تمثل لج الناظره : الأخصائيه : الوكيله ؟؟

ماكنت اتشكي منهم لاني هاديه


وتقبلي مروري ياقلبي

وي يا كره مختبرات العلوم أول ،، ماحب ريحتهم ،،
جنج بنتي ماتحب تشريح وهياكل وهالسوالف ..

أما سالفتج صج تبين شلون الطفل وعليه يفتهم ويذكررر المواقف المحرجه .،، مايدري انه بنظرنا : طفل
أتقبل مرورج وعدم مرورج حبيبتي انتي

 

[حلم الطفولة]

رد: رد : ----- تعالي يا ماما ! عرفنا مدرسة عيالج 0 وماعرفنا وين درستي !---

موضوعج روووووعه

بس ازهب اجوبتي وارد احطهم

يالله ناطرين انطرين ناطري ناطري
وانتي روعه بس لا تنطرينا وايد

[/color]

 

[حلم الطفولة]

بقولكم عن موقف من أبلة الدين ( ساره ) محد كان يحبها وآنا بالمتوسط
دفتري كان شوي ناقص بسبب كم يوم غياب ، قومي تقظبه جدااام البنات بالصف وآنا نوعي أستحي ،، وشقته بالنص !! عفيه عليها إيد ماشالله ..
أذكر أمي احتررت حبيبتي وراحت شكت عند الأخصائيه ,,
ومن يومها كرهت أبلات الدين :rgewrg: ،، لا حرام مو كلهم

 

[الرياش]

هلا حلم موضوعج حلو ذكرني بالي مضى
الروضه كانت روضه الخليج العربي برميثيه ودرست أولى وثانيه ابتدائي بمدرسة أروى حتى أذكر كانت رفيجتي فلسطينيه ما كنت شاطره كنت أطلع بالعشرينات لووووووول شنسوي بعد محد يدرسنا و لا يدري عنا ههههه
بس بعدين كملت ثالثه ورابعه ابتدائي بمدرسة مشرف والحمدالله تحسنت بالدراسه وطلعت جيد جدا وكملت طبعا المتوسط والثانوي بمشرف حبيبتي وصرت شاطره وطلعت من المتفوقات بالثانوي علقت على المركز الثالث كنت هاديه و مؤدبه
وبالنسبه للأكل لحقت على الأكل بالروضه
كنت بأولى متوسط أموت على أيلة العربي مريم الهنيدي الله يذكرها بالخير وأكتب لها رسايل وحالتي حاله هم كنت أحب مس ساندي درستني انجليزي بثانيه متوسط وهم مس سعاد دشتي هالمدرسه وايد حبوبه درستني انجليزي بأولى و رابعه متوسط وبثانيه ثانوي عاد بأولى متوسط كان عندي عقده لالنجليزي ما أعرف أحفظ الاملاء لوووول و كنت أبجي بجي هذا بأول شهر بس بعدين عرفت الغمنده وصرت توب بالانجليزي
ايه وما أنسى أبله الكيمياء فوزيه الوزان درستني برابعه ثانوي كنت وايد أحب الكيمياء بسبتها عالعموم مرحلة الثانويه كانت أحلى مرحله مرت علي وكنت أحب كل أبلاتي بشكل عام وأموت على ثانويتي مشرف بمدرساتها وطالباتها وكل جزء فيها حتى اني بجيت لما تخرجت منها الحمدالله انا ألحين مهندسه قد الدنيا لوووول بفضل الله ثم بفضل مدرساتي وأكيد تعبي وسهر الليالي
يا ريت اعيالنا هالزمن يصيرون نفسنا اعيال هالوقت حدهم اتكالييين الله يعينا عليهم

 

[الرياش]

حلم موقفج مع أبلتج العربي ذكرني بموقفي مع أبلة الكيمياء درستني بثانيه ثانوي الله يسلمج بأول شهر كنت طالعه الأولى وبثاني شهر الي يكرمون فيه المتفوقات هالأبله حطتلي 90 من 100 بالشهاده وانا ماخذه كامل بالامتحان وأجاوب يالشفهي وكل شي عندي كامل انصدمت يوم شفت الشهاده وخلتني أطلع من الأولى الى الثالثه حدي انقهرت وبجيت بجي و أقولها ليش يت اختي كلمتها وأبله الفيزيا هم كلمتها قامت تتحجج وتقول في يوم سألتها وما جاوبتني وهي حدها جذابه اتقول نقصتها بالشفوي والدرجه تندبل ومن هالحجي حدي حقدت عليها

 

[رنين]

رد : ----- تعالي يا ماما ! عرفنا مدرسة عيالج 0 وماعرفنا وين درستي !---

عليكم السلام و الرحمه

موضوعج يونس و ذكرني بذكريات وايد


1- بأي روضه كنتي ؟ وشنو ذكرياتج عنها ؟

ماذكر اي روضه:050103nbh_prv: بس من ذكرياتي اختي بالابتدائي و اسمع سوالف نجاح و صاقطين فرحت حق ابلتي سألتها و انا مييييته خوف ابله انا ناجحه؟!
ماتت من الضحك (اذكرها جنها جدامي) و لمتني و قالت انتي مو بس ناجحه انتي تروحين الجامعه على طوووول

و ارد اتشيحط على اختي اني بسبقها(حق الشحاطه خو زاهبين) و اللــــــــــــه يا الصدمه يوم اني رحت الابتدائي مو الجامعه:bbbiu:


2- اسم مدرستج - سكول - الابتدائيه والمتوسطه والثانويه ؟
جميلة بنت عباد
اسماء بنت ابي بكر
مشرف

3- مميزات مدرساتج ( الأبلات ) أيام زمان

لهم بصمه ما يخلى صف من ابله مخلصه فلعا تحط بصمتها بشخصياتنا

4- أبله ماتنسينها ؟؟ --> سلبي أو إيجابي !

واي اولهم اللـــــــــــه يذكرها بالخير ابله ايمان السنان بالمتوسط ابله الدين
كانت روعه من اكثر الابلات الي فعلا تركت بصمه ايجابيه حلوه بحياتي ما انسى فرحتنا لقعدت على طرف الطاوله تقص و تسولف حتى ساعات تصير الفرصه و لا وحده تتحرك و نخليها تكمل لو تطوفنا الفرصه:eh_s(7):

و ابلة نهاية هم المتوسط علوم كان لها روح حلوة بالصف

و ابلات الثانوي شعد شخلي.... ابله الرياضيات باولى ثانوي رسمت خريطه مستقبلي كله عقب ما كنت اكره شي اسمه رياضيات طلعت من تحت ايدها عالهندسه
ابله سعاد فيزيا و كلمتها الشهيره (اتجعص على مكتبوه و طلع القوانين دي)
حبيبة قلبي ابله زمزم جيولوجيا
ابلات الكيمياء ثنتين كانوا رفيجات و ثنتينهم درسوني الحمدلله ماطحت بايد غيرهم مع ان ما حب الماده و روست فيها بالجامعه كذا مره بس تفوقت فيها بالثانوي عشانهم من اخلاصهم غصب طيب انجح و لا انزل من عينهم

و النماذج السلبيه من الابلات هم مر علي وايد بس استفدت منهم ان شفت الغلط و تعلمت منه و تركوا بصمة من قوة الشخصيه او شي منها فيني لأني ماكنت اسكت عن حقي لغلط احد على و معاهم تعلمت شوي شوي شلون اتعامل مع الناس الصعبه الغريبه!


5- موقف ماتنسينه ؟ سلبي أو إيجابي ؟؟

لما غيروا ابلتي الي احبها وايد ابله زمزم و يابولنا ابله منيره احياء بدالها ابلة زمزم قديره و قديمه و محبوبه ابله منيره صغيره توها متخرجه و غريبه عنا اكيد كنا رافضينها و انا بزياده مسكينه تدش جو مرفوضه فيه تمااااما...لكن فيها سحر و قدره شوي شوي قدرت تحببنا فيها و تقلب الامور الي كانت ضدها لين صرنا مانبي غيرها....
مشالله عليها موقفها معانا و صبرها على جفانا ما انساه

6- لحقتي عالوجبات وشوربة العدس والبيض ؟؟؟

يمكن بالروضه!

7- شكانت تمثل لج الناظره : الأخصائيه : الوكيله ؟؟
الناظره مروا على اكثر الناظرات حزم و شده
الاخصائيه الوناسه لأن ينادونا لها اذا بنطلع امي يايه تاخذنا
الوكيله تكمله للناظره مامرت على وكيله اذكرها بشخصها

 

[حلم الطفولة]

هلا حلم موضوعج حلو ذكرني بالي مضى
الروضه كانت روضه الخليج العربي برميثيه ودرست أولى وثانيه ابتدائي بمدرسة أروى حتى أذكر كانت رفيجتي فلسطينيه ما كنت شاطره كنت أطلع بالعشرينات لووووووول شنسوي بعد محد يدرسنا و لا يدري عنا ههههه
بس بعدين كملت ثالثه ورابعه ابتدائي بمدرسة مشرف والحمدالله تحسنت بالدراسه وطلعت جيد جدا وكملت طبعا المتوسط والثانوي بمشرف حبيبتي وصرت شاطره وطلعت من المتفوقات بالثانوي علقت على المركز الثالث كنت هاديه و مؤدبه
وبالنسبه للأكل لحقت على الأكل بالروضه
كنت بأولى متوسط أموت على أيلة العربي مريم الهنيدي الله يذكرها بالخير وأكتب لها رسايل وحالتي حاله هم كنت أحب مس ساندي درستني انجليزي بثانيه متوسط وهم مس سعاد دشتي هالمدرسه وايد حبوبه درستني انجليزي بأولى و رابعه متوسط وبثانيه ثانوي عاد بأولى متوسط كان عندي عقده لالنجليزي ما أعرف أحفظ الاملاء لوووول و كنت أبجي بجي هذا بأول شهر بس بعدين عرفت الغمنده وصرت توب بالانجليزي
ايه وما أنسى أبله الكيمياء فوزيه الوزان درستني برابعه ثانوي كنت وايد أحب الكيمياء بسبتها عالعموم مرحلة الثانويه كانت أحلى مرحله مرت علي وكنت أحب كل أبلاتي بشكل عام وأموت على ثانويتي مشرف بمدرساتها وطالباتها وكل جزء فيها حتى اني بجيت لما تخرجت منها الحمدالله انا ألحين مهندسه قد الدنيا لوووول بفضل الله ثم بفضل مدرساتي وأكيد تعبي وسهر الليالي
يا ريت اعيالنا هالزمن يصيرون نفسنا اعيال هالوقت حدهم اتكالييين الله يعينا عليهم

ماشالله تبارك الله إي والله أول نستحمل ونصبر على مانوايه من ظيم الأبلات ، ولهم احتراااام ,, لو شيكونون نحترمهم ،، ونتحمل مسؤوليه ،

حلم موقفج مع أبلتج العربي ذكرني بموقفي مع أبلة الكيمياء درستني بثانيه ثانوي الله يسلمج بأول شهر كنت طالعه الأولى وبثاني شهر الي يكرمون فيه المتفوقات هالأبله حطتلي 90 من 100 بالشهاده وانا ماخذه كامل بالامتحان وأجاوب يالشفهي وكل شي عندي كامل انصدمت يوم شفت الشهاده وخلتني أطلع من الأولى الى الثالثه حدي انقهرت وبجيت بجي و أقولها ليش يت اختي كلمتها وأبله الفيزيا هم كلمتها قامت تتحجج وتقول في يوم سألتها وما جاوبتني وهي حدها جذابه اتقول نقصتها بالشفوي والدرجه تندبل ومن هالحجي حدي حقدت عليها

لاا وااي يعني حاطة لج صفر من خمسه بالشفوي !!! ولما اندبلت صارت صفر من 10 !! :eh_s(12): :eh_s(12):

 

[حلم الطفولة]

رد: رد : ----- تعالي يا ماما ! عرفنا مدرسة عيالج 0 وماعرفنا وين درستي !---

عليكم السلام و الرحمه

موضوعج يونس و ذكرني بذكريات وايد


1- بأي روضه كنتي ؟ وشنو ذكرياتج عنها ؟

ماذكر اي روضه:050103nbh_prv: بس من ذكرياتي اختي بالابتدائي و اسمع سوالف نجاح و صاقطين فرحت حق ابلتي سألتها و انا مييييته خوف ابله انا ناجحه؟!
ماتت من الضحك (اذكرها جنها جدامي) و لمتني و قالت انتي مو بس ناجحه انتي تروحين الجامعه على طوووول

و ارد اتشيحط على اختي اني بسبقها(حق الشحاطه خو زاهبين) و اللــــــــــــه يا الصدمه يوم اني رحت الابتدائي مو الجامعه:bbbiu:


2- اسم مدرستج - سكول - الابتدائيه والمتوسطه والثانويه ؟
جميلة بنت عباد
اسماء بنت ابي بكر
مشرف

3- مميزات مدرساتج ( الأبلات ) أيام زمان

لهم بصمه ما يخلى صف من ابله مخلصه فلعا تحط بصمتها بشخصياتنا

4- أبله ماتنسينها ؟؟ --> سلبي أو إيجابي !

واي اولهم اللـــــــــــه يذكرها بالخير ابله ايمان السنان بالمتوسط ابله الدين
كانت روعه من اكثر الابلات الي فعلا تركت بصمه ايجابيه حلوه بحياتي ما انسى فرحتنا لقعدت على طرف الطاوله تقص و تسولف حتى ساعات تصير الفرصه و لا وحده تتحرك و نخليها تكمل لو تطوفنا الفرصه:eh_s(7):

و ابلة نهاية هم المتوسط علوم كان لها روح حلوة بالصف

و ابلات الثانوي شعد شخلي.... ابله الرياضيات باولى ثانوي رسمت خريطه مستقبلي كله عقب ما كنت اكره شي اسمه رياضيات طلعت من تحت ايدها عالهندسه
ابله سعاد فيزيا و كلمتها الشهيره (اتجعص على مكتبوه و طلع القوانين دي)
حبيبة قلبي ابله زمزم جيولوجيا
ابلات الكيمياء ثنتين كانوا رفيجات و ثنتينهم درسوني الحمدلله ماطحت بايد غيرهم مع ان ما حب الماده و روست فيها بالجامعه كذا مره بس تفوقت فيها بالثانوي عشانهم من اخلاصهم غصب طيب انجح و لا انزل من عينهم

و النماذج السلبيه من الابلات هم مر علي وايد بس استفدت منهم ان شفت الغلط و تعلمت منه و تركوا بصمة من قوة الشخصيه او شي منها فيني لأني ماكنت اسكت عن حقي لغلط احد على و معاهم تعلمت شوي شوي شلون اتعامل مع الناس الصعبه الغريبه!


5- موقف ماتنسينه ؟ سلبي أو إيجابي ؟؟

لما غيروا ابلتي الي احبها وايد ابله زمزم و يابولنا ابله منيره احياء بدالها ابلة زمزم قديره و قديمه و محبوبه ابله منيره صغيره توها متخرجه و غريبه عنا اكيد كنا رافضينها و انا بزياده مسكينه تدش جو مرفوضه فيه تمااااما...لكن فيها سحر و قدره شوي شوي قدرت تحببنا فيها و تقلب الامور الي كانت ضدها لين صرنا مانبي غيرها....
مشالله عليها موقفها معانا و صبرها على جفانا ما انساه

6- لحقتي عالوجبات وشوربة العدس والبيض ؟؟؟

يمكن بالروضه!

7- شكانت تمثل لج الناظره : الأخصائيه : الوكيله ؟؟
الناظره مروا على اكثر الناظرات حزم و شده
الاخصائيه الوناسه لأن ينادونا لها اذا بنطلع امي يايه تاخذنا
الوكيله تكمله للناظره مامرت على وكيله اذكرها بشخصها

تبارك الله
إي والله تركو بصمه حتى الشينه فيهم ..
ياحلو أبلاتي الرياضيات وأخص : أبله إقبال ، كنت أحب الرياضيات وهي خلتني خلاااص مافكر غير متى تيي حصتها ،، شكرا على مشاركتج اللي تهبل

 

[Miss_Tiger79]

رد : ----- تعالي يا ماما ! عرفنا مدرسة عيالج 0 وماعرفنا وين درستي !---

- بأي روضه كنتي ؟ وشنو ذكرياتج عنها ؟
كنت بروضه السندباد .. بالسالمية
وذكرياتي مااتذكر شي غير الشوربه والاكل واني كنت كله البس بنطلون امي ما كانت ترضى البس نفنوف لاني كنت متبتبه شويه

2- اسم مدرستج - سكول - الابتدائيه والمتوسطه والثانويه ؟
الابتدائي: السالميه
المتوسط: القيروان بالرميثيه
الثانويه : خالده بنت الاسود بسلوى

3- مميزات مدرساتج ( الأبلات ) أيام زمان

شوفي انا عندي ابله .... واي من اتذكرها احتر ... ما احللها ابدااااااااااااااااا .. مره كنت حاطه حنه بالابتدائي وجان ادش الصف وتسألنا والي ما تعرف السؤال توقف لو اهيه اشطر بنيه بالصف مع اني كنت شاطره .. وتييب المسطره واطقنا فيها بالحافه مالت المسطره
وطبعا احنا بروحها الحنه معوره ايدي الحين المسطره وطبعا من يومها وانا اكرههههاااااااااااااااااااااا .. كانت مدرسة اسلاميه (ابله سكينه)
ما احبها
وابله ثانيه بالمتوسط كانت ابله علوم احبها حيييل .. وابلات الثانويه .. اي في ابله بالروضه كنت احبها وشفتها بالعمره قبل جم سنه وسلمت عليها ..

4- أبله ماتنسينها ؟؟ --> سلبي أو إيجابي !
الموقف التعيس الي كتبته اهوه السلبي
بس الايجابي واااايد ما اذكرهم

5- موقف ماتنسينه ؟ سلبي أو إيجابي ؟؟
6- لحقتي عالوجبات وشوربة العدس والبيض ؟؟؟
اي لحقت بالروضه
احلى اكله الصراحه

7- شكانت تمثل لج الناظره : الأخصائيه : الوكيله ؟؟
المخفر
صج جني داشه المخفر قلبي يرقع من ادش عندهم مع اني كلش ما كنت اتشيطن