----- تعالي يا ماما ! عرفنا مدرسة عيالج 0 وماعرفنا وين درستي !---

[حلم الطفولة]

رد: رد : ----- تعالي يا ماما ! عرفنا مدرسة عيالج 0 وماعرفنا وين درستي !---

- بأي روضه كنتي ؟ وشنو ذكرياتج عنها ؟
كنت بروضه السندباد .. بالسالمية
وذكرياتي مااتذكر شي غير الشوربه والاكل واني كنت كله البس بنطلون امي ما كانت ترضى البس نفنوف لاني كنت متبتبه شويه
:
:
.... انا عندي ابله .... واي من اتذكرها احتر ... ما احللها ابدااااااااااااااااا .. مره كنت حاطه حنه بالابتدائي وجان ادش الصف وتسألنا والي ما تعرف السؤال توقف لو اهيه اشطر بنيه بالصف مع اني كنت شاطره .. وتييب المسطره واطقنا فيها بالحافه مالت المسطره
وطبعا احنا بروحها الحنه معوره ايدي الحين المسطره وطبعا من يومها وانا اكرههههاااااااااااااااااااااا .. كانت مدرسة اسلاميه (ابله سكينه)
:
:

7- شكانت تمثل لج الناظره : الأخصائيه : الوكيله ؟؟
المخفر
صج جني داشه المخفر قلبي يرقع من ادش عندهم مع اني كلش ما كنت اتشيطن

يسلم قلبها دبدوبتنا ،، إي ياكرهم إذا طقو بالمسطره ،،

أبيه عاد مخفررر !!! ليش ؟؟ شكلج نوتي أوّل
مشكوره حياتي عالمشاركه

 

[حلم الطفولة]

قطوه .. آنا مره بالابتدائي قاعده كالعاده بسلام وهدووووء ،، وصديقتي تناقز وتصارخ يمي ،
فجأه دخلت الأبله وقفتني قاظبه المسطره الخشب وتصرخ فتحي إيدج ،، قلت أبله .. (( بقول أبله مو آنا )) جان تقعد تصرخ : يالله فتحي إيدج ولا كلمه ،، وتطقني لين خدرت إيدي
عقب ما ذبحتني عشر طقات جان تتحجى البنت اللي كانت تصارخ : أبله : مو إهي اللي كانت تصرخ ! >> قامت تضحك المدرسه وتقول شفيج ماتحجين ؟؟ <<< هي خلتني أقول شي الله يسامحها ))
تصدقون كنت ناسيه هالموقف ،، يالله ترى الموضوع صار علاج لنا نقول فيه ماخفته قلونا سنوات طويله , ونفك عقدنا !! ههه

 

[Miss_Tiger79]

رد : ----- تعالي يا ماما ! عرفنا مدرسة عيالج 0 وماعرفنا وين درستي !---

حلم الطفوله

حبيبتي والله
هذا قبل دبدوبه .... والحين شضعفي


لا والله ما كنت نوتي بس اشوف البنات الي معاي فخلاص خليت هالفكره ابالي
يمه اكره شي اروحله الاداره
فدايما اتحاشاهم

لا ما اتخيل اني نوتي الا بالثانويه شويه بس

 

[احلى عواشة]

مواضيعج دايما حلوة ومفيدة يا حلم الطفولة ........ يا حلو الطفولة وايامها



- بأي روضه كنتي ؟ وشنو ذكرياتج عنها ؟

كنت بروضه القدس بمنطقة الروضة وبعدين انتقلت لروضة ابن نصير بخيطان
وذكرياتي محدوووده مثل اني كنت حرجة حيل وشاطرة والابله تخليني اطق الجرس وكنت مشتركة بفرقة الموسيقى

- اسم مدرستج - سكول - الابتدائيه والمتوسطه والثانويه ؟

الابتدائي (فاطمة بنت قيس )
المتوسط (الشيماء بنت الحارث)
الثانوية (بام الحكم بنت ابي سفيان )

3- مميزات مدرساتج ( الأبلات ) أيام زمان

ما كان عندي مشاكل مع مدرساتي لاني كنت ملتزمه حدي وما عندي سوالف شطانة

4- أبله ماتنسينها ؟؟ --> سلبي أو إيجابي !

ابله التاريخ (نجمه المسري ) احبها حيللللللل لانها كانت جنها صديقتها الله يذكرها بالخير يارب

5- موقف ماتنسينه ؟ سلبي أو إيجابي ؟؟

امبييييييه وايد مواقف بذكر واحد ( اذكر اول زياره لي بالصحة المدرسة خذوني ومو متريقة والدكتوره كانت الله بالخير شلعت ضرسي جان اغشي عليهم وشالتني الفراشة المصرية ) ههههههههه ومن عقبها للحين طبيب الاسان اعتبره رعب

6- لحقتي عالوجبات وشوربة العدس والبيض ؟؟؟

اي لحقت على الوجبات بس باولى ابتدائي تقريبا بال 1981والعدس كان لذيييذ مع التوست

7- شكانت تمثل لج الناظره : الأخصائيه : الوكيله ؟؟

مصدر ريئسي للرعب خخخخخخخخخ


الله يقطع ابليسج يا حلم الطفوله طلعتي الفضايح

:n2006107: البيداء مو معقولة اي سنة انا دفعة 95
طبعا انا ما دخلت روضة ولي الحين ماسالت ليش السبب
الابتدائي مدرسة العمرية الابتدائية بنات
المتوسط الشيماء بنت الحارث
الثانوي ام الحكم بن ابي سفيان
المدرسات اللي ما انساهم
ابلة نجمة المسري الله يذكرها بالخير
من كثر ما حبيتها درجتي بالتاريخ اخر برابعة ثانوي 40 ماشالله ؟
ومس فاطمة العجمي اللي لي الحين اهيا صديقتي وانا معاها رئيسات اقسام لغة انجليزية ولي الحين اناديها مس

 

[نونه كيوت]

اب
اب
اب

 

[نونه كيوت]

قصصكم تونس الله يا ايام الدراسه والله والله والله
ما تتعوووووووووووووووووووض

 

[حلم الطفولة]

:n2006107: البيداء مو معقولة اي سنة انا دفعة 95
طبعا انا ما دخلت روضة ولي الحين ماسالت ليش السبب
الابتدائي مدرسة العمرية الابتدائية بنات
المتوسط الشيماء بنت الحارث
الثانوي ام الحكم بن ابي سفيان
المدرسات اللي ما انساهم
ابلة نجمة المسري الله يذكرها بالخير
من كثر ما حبيتها درجتي بالتاريخ اخر برابعة ثانوي 40 ماشالله ؟
ومس فاطمة العجمي اللي لي الحين اهيا صديقتي وانا معاها رئيسات اقسام لغة انجليزية ولي الحين اناديها مس

وناسه عواشه انتي وأبلتج مع بعض الله يجمعكم بالخير

 

[حلم الطفولة]

قصصكم تونس الله يا ايام الدراسه والله والله والله
ما تتعوووووووووووووووووووض

صج ماتتعوض أبدا .. يارب تشوفين آمالج وطموحاتج مع عيالج ان شالله

 

[احلى عواشة]

حلم الطفولة مس قاطمة ما تحب اقول انها مدرستني
بس والله فديتها شكلها اصغر من عمرها

 

[عشق]

رد : ----- تعالي يا ماما ! عرفنا مدرسة عيالج 0 وماعرفنا وين درستي !---

- بأي روضه كنتي ؟ وشنو ذكرياتج عنها ؟
روضة الوفاء - الرميثية - كنت مع عمي لان انا معاه نفس العمر وما كان يخليني لازق فيني ويوم رحنا ثانيه روضه حطوا كل واحد بصف اهو ما يرضى يبيني
الابله مسكته وتبي توديه صفه ما رضى قعد يبجي وعض ايد الابله وانحاش منها
اسالتني شنو يصير لج قلت لها هذا اخو ابوي لوووووو- بأي روضه كنتي ؟ وشنو ذكرياتج عنها ؟


2- اسم مدرستج - سكول - الابتدائيه والمتوسطه والثانويه ؟
الابتدائي - ام القرى - الرميثية
المتوسط - اميمة بنت النعمان - الرحاب
الثانويه - الفروانية

3- مميزات مدرساتج ( الأبلات ) أيام زمان
مافي غشمره دراسه يعني دراسة مافيهم شي مميز كلش

4- أبله ماتنسينها ؟؟ --> سلبي أو إيجابي !
ابلة سعاد خداده بثانويه الفروانيه الله يذكرها بالخير امووووت عليها

5- موقف ماتنسينه ؟ سلبي أو إيجابي ؟؟
وايد مواقف بس الموقف اللي ما انساه يوم كنت برابعه ابتدائي كنت مشتركه بدورة الصداقه والسلام واخوي تهاوش مع اختي وطق وتحذف بالاغراض وانا بريئه ونايمه ما اشوف الا العطر انكسر على ويهي
ورحت الدوره وانا ملفوف راسي
المهم اني ارقص لووووووووول

6- لحقتي عالوجبات وشوربة العدس والبيض ؟؟؟
لا ما لحقت

7- شكانت تمثل لج الناظره : الأخصائيه : الوكيله ؟؟
ولا شي حق المشاكل بس لووووووووول

 

[حلم الطفولة]

عشق !! سلامات خطاج السو مادرينا عن الفلعه غير تونا !!
إي والله : درااسه يعني درااسه !! يهبلون أبلات أول .
مشكوره عالمشاركه

 

[سفرجل]

انا كنت في الروضه الدعيه عبدالله الفرج
الابتدائي بس اولى هم بالدعيه و من ثانيه ابتدائي رحت مدرسه نسيت اسمها لوووووول والمتوسطه هم نسيت اسمها ههههههههه
اما الثانويه الفنطاس-مقررات دفعه96
صججججججججججججججججججججججججججججججججججج احلى ايام ايام الدراسه عقب مااكتب واجباتي بسرعه اطالع الباباي
وكنت اتعشى ساعه 7 و8 بالفراش هههههههه تجنيد وكان احلا تجنيد

 

[om-shaheeno]

هاي بنات اشلووونكم الحين دوري بجاوب على الاسئله..ومشكوره حبيبتي على الموضووع الحلو....
1- بأي روضه كنتي ؟ وشنو ذكرياتج عنها ؟

كنت في روضة ..عبدالملك الصالح في حولي .. كنت شاطره وكل سوالف بيتنا عند المدرسات كنت امووت على القرقه وما اسكت هههه وبنيتي اطلعت علي هههههههههه...ودايما يكتبولي بالشهاده لديها شهيه ممتازه واجتماعيه ههههههههه وامي الله يخليها للحين خاشه الشهايد

2- اسم مدرستج - سكول - الابتدائيه والمتوسطه والثانويه ؟

الابتدائيه:- الدعيه المشتركه.....والمتوسطه:-الشفاء بنت عوف في سلوى....والثانويه:-ثانويه سلوى عامه

3- مميزات مدرساتج ( الأبلات ) أيام زمان

والله كلهم الله يذكرهم بالخير انشالله ..كانوا يعطونا من قلب...

4- أبله ماتنسينها ؟؟ --> سلبي أو إيجابي !

وايد ابلات ..منهم ابله ناديه وليلى (قسم العلوم)...ومس سلوى وميسون ومس مها (قسم الانجليزي)...وابله ناهد ومنى زغلول (لغه عربيه)
وابلات مها الحمدان وامل وعايشه (قسم التربيه الاسلاميه ) والله وغيرهم وااااااايد وكلهم حبيتهم حيييل الصراحه كانوا يعطون من قلب ويدوروون مصلحتنا ..

5- موقف ماتنسينه ؟ سلبي أو إيجابي ؟؟

والله وايد المواقف .....بس كنت شيطانه في الثانويه والمتوسطه وااااااااايد بالرغم اني من المتفوقاااات

6- لحقتي عالوجبات وشوربة العدس والبيض ؟؟؟

لا ما لحقت انا مواليد 1984 ...فما لحقت عليها في المدارس بس بالروووضه اكيد لحقت

7- شكانت تمثل لج الناظره : الأخصائيه : الوكيله ؟؟


عمري ما حبيتهم ولا حسيتهم على قلب الطالب مو مثل المدرسااات اللي يتعبون ويانا ويعطونا من قلبهم دون مقابل شخصي ...
بس فالحين انتي مخالفه وانتي مخالفه طلعي برا ..او يفصلوون ..او يوقفوون ابعز الشمس بالطابور....او يتفلسفون يعني احنا الملتزمين والقياديين وييع اكرهم واحسهم معقدين نفسيا ..الله يشفيهم انشالله .....(طبعا مو الكل) بس احب كنت اغلب الاخصائيات الله يذكرهم بالخير يارب

 

[سفرجل]

نسيت اقولكم انا لحقت على الشوربه والبيض بس ماكنت اكلهم لانه كان فيني انيميا ------------كنت محرومه منهم للاسف
والله يذكرهم بالخير ابلاتي صج علموني اشياء ساعات لمن اقرا هههه اقول ماشاءالله اسسونا صح وقبل كنا نعتمد على المدرسه اكثر من امهاتنا
ماادري انا الي شفته وعشت هالشى لمن ارد من المدرسه انا فاهمه ولمن اقرا الكتاب ماافهم شى لوووووووول لانه اتكون ملخصه الله يعطيهم الف عافيه
ساعات اتخيل اني في اجتماع مع ابلاتي من الروضه لي الثانويه واسلم عليهم وابيهم يشووفوني الحين صرت ام -----------------شكو ههههههههه ماادري اشتقت لهم
والله ساعات ودي ارد ياهل همها الباباي والالعاب والدراسه ومااندري عن هوا دارنا

 

[حلم الطفولة]

تسلمون عالردود

ها ؟؟ ولا وحده فيكم لقت رفيجتها ؟؟ وايد بالرميثيه

 

[احلى عواشة]

حلم الطفولة انا بشوف البيداء 77 شكلها دفعتي لا والصدفة الغريبة اهيا معاي بتجمع امهات طلبة مدارس المستقبل يعني ممكن يكونون عيالي وعيالها ربع ؟؟

 

[انثى مهاجره]

ياااااااااحلو قبل وأيااااااااااااام قبل من كثر ما أقول لعيالي عنها يقولون يما ودنا إن حنا الحين بس أيام قبل ههههههههههاي

بأي روضه كنتي ؟ وشنو ذكرياتج عنها ؟ كنت في روضة ابن بطوطه بالقصر أممممممممممممم ما أذكر ايام الروضة للأمانة
2- اسم مدرستج - سكول - الابتدائيه والمتوسطه والثانويه ؟ الابتدائية لأول سنة كنت بالجهراء الابتدائية وكانو كله يخرعونه انه في سفاح في الحديقة ورا لأنها كانت حيل كبيرة والحين اقسموها مدرستين الجهراء الابتدائية وكاظمة المتوسطه
بعدين انقلونا مدرسة أم ورقة كانت جديده واذكر إني ماحبيتها لانها كانت داخل رمادية طوفها وشكله كان كئيب
وفي سنة رابعة ودونا مدرسة عائشة افتحت جنب بيوتنا كااااااااااااااااانت أكثر من رااااااااائعة حلوه وأيامها حلوة لدرجة أني رديت لها وأنا مدرسة وتميت فيها لين طلعت رئاسة قسم فديتها وفديت اللي فيها ربعي طبعا
خلصنا المرحلة الابتدائية كانت رحلة هههههههههههههههاي نجي للمتوسط في أم معبد المتوسطه
الثانوية بعد مايبيله في الجهراء الثانوية وكانت ناظرتنا الله يذكرها بالخير بيبي المحبوب
3- مميزات مدرساتج ( الأبلات ) أيام زمان كانوا فعلا ذوات خبرة تربوية مو مثل الحيل الا ما ندر سلق بيض للاسف
4- أبله ماتنسينها ؟؟ --> سلبي أو إيجابي ! سلبي أبلة الفيزياء أبلة خالدة كانت الله يسامحها نكدية وشديده حيل وكانت حقوووووووده للأسف كانت فلسطينية ومتزوجه عراقي
إيجابي مس مريم الله يذكرها بالخير صادقتها في رابعه ثانوي وحبيتها حيل
5- موقف ماتنسينه ؟ سلبي أو إيجابي ؟؟ موقف ياااااااااااه قولي مواقف بس خل أذكر شطانتنا يالعلمي كنا إذا مانبي حصة المختبر ذاك اليوم نلغب بماده البي كربونات على ماأذكر اللي ريحتها زفرة بيض يااااااااااااو لا تقولين على الريحة شيء مو طبيعي ههههههههههههههاي
ومن المواقف اللي ما أنساها في الابتدائية كان غبار وطلعونا وردينا البيت مشي ياحلو قبل وأمان قبل كلنا مجموعة كبيرة وكانت المدرسة في قطعة ثانية
6- لحقتي عالوجبات وشوربة العدس والبيض ؟؟؟ هههههههههههههههههاي إي والله لحقنا وعلى الكشكول الاسود بتحديد أحمر
7- شكانت تمثل لج الناظره : الأخصائيه : الوكيله ؟؟
بيت الرعب واللي خلاها كذا الموقف البايخ اللي سويته في ثالثة ابتدائي انا و2 معاي مادري شلون والله يوم اتذكر الحين احسه مثل الحلم شلون طلعنا في الحصة الاخيرة كان عندنا تدريب مع ابلة التمارين في البدنية وقالت ردوا ما أبيكم عاد حنا أبت كرامتنا ان حنا نرجع للصف ورحنا الساحة الخلفية والا الباب الخلفي مال الباصات مفتوح قمنا عاد وطلعنا وقعدنا نتمشى دار مادار المدرسة ويوم طق جرس الهده ردينا من الباب الامامي لان ذاك تسكر لان كان مفتوح حق شاحنة النفايات ماخذينا الا اللي زارينا من مرايلنا وعلى الادارة للأسف كانت معانا اخت الوكيله ههههههههههههاي من جذيه كانت العين علينا وخذينا زف لين قلنا بس بس ياحلونا قبل وحلو سوالفنا كانت على الفطره

وبسسسسسسسسسسسسس واي ماصدقت أحد يتحرش بالماضي ههههههههههههههههههاي

 

[همس الجــليــد]

رد : ----- تعالي يا ماما ! عرفنا مدرسة عيالج 0 وماعرفنا وين درستي !---

روضتي الانوار
الابتدائي فاطمه بيت قيس
االمتوسطه شيماء بنت حارث
((بالعارضيه ))
الثانويه العمريه مقررات
طبعا مالحت علي الوجبات والشوربه
الموقف اذكر ما اروح الروضه الا معاي عنب خخخخ

 

[حلم الطفولة]

تســـلمووون
ههههه كل شي ولا الوكيله يا أنثى : بيت الرعب :23_asmilies-com:

حلم الطفولة انا بشوف البيداء 77 شكلها دفعتي لا والصدفة الغريبة اهيا معاي بتجمع امهات طلبة مدارس المستقبل يعني ممكن يكونون عيالي وعيالها ربع ؟؟

وناسه ماشالله ان شالله تتعرفون بالخير عواشه الحلوه

 

[ام الدرر]

عاد انا عيووووووووووووووووز
شطبت على شوربة العدس للثانويه
كل مرحلة لي موقف من صغري اسم الله علي
الروضه
حنين بالفروانية <<<<<<<<<<<:050103nbh_prv:صارلي موقف فيها ماكملت يقولون وانا ما اذكر طبعا
ان المدرسه نستني بالمخزن وقفلت الغرفة وطلعت ونهاية الدوام لما ابوي بياخذني مالقاني وقعدوا يدوروني آخر شي حصلوني بالمخزن نايمه طبعا سواها سالفة ابوي الله يرحمه وقعدني بالبيت من خوفه علي .......واعليه
الابتدائي
الفروانية ابتدائية بنات
باولى ابتدائي او 2 ما اذكر طالعين نهاية الدوام انا واختي اكبر مني مشي للبيت بنعبر الشارع عبرت هي قبلي وانا لحقتها واتيي سيارة مسرعة وتشيلني فوق وتحذفني على الرصيف للحين اذكرها مرسيدس اسود المتفخة القديمه
طبعا اصابات طفيفة الحمدلله ويوم ثاني انا مداومة:lololoe: من زود حرص امي وابوي على الدراسة
المتوسط
الفروانيه المتوسطة
ماقي شي يذكر غير انا كانت ناظرتنا شدييييييييييييييده اسمها خيرية عزت كمال وكانت تلبسنا بنطلون تحت نفنوف المدرسه شكلنا يضحك
الثانويه
ابرق خيطان
المدرسة اللي اذكرها ناهد انجلش الحين موجهه كانت تموت علي مع انها شديدة وتهاوش بس لاني شاطرة ما تزفني
سؤال
بيطلع غبارررررررررررر كح كح كح
منو لحقت عالعسكريه:27d66a9c24b146327bf
الظاهر بس انا​