تعالي ياعروسه تعلمي السنع ؛**

[مشتاقه لعيونه ~]

بنات اخوي يقول لا تاخذين فونج معاج

لين يقولج اهو جيبيه ... ؛(



اشرايكم بهالكلام ؟

 

[Pinky -cat]

اتوقع ماله علاقة يقول جذي ، شكو تنطرينه شي عادي مو سر يدري عندج فون
خليه ويا اهلج لين تشوفيهم تاخذينه وخلاص

 

[~Diva~]

بنات اخوي يقول لا تاخذين فونج معاج

لين يقولج اهو جيبيه ... ؛(



اشرايكم بهالكلام ؟

اهو لو بتاخذينه معاج ليكون ساييلنت او مسكر وما تردين الا على امج او حد بمقامها
مب كل شوي تطقطقين وتهذرين يعني لان هي وقت لج والزوج

و انا في نظري لازم تاخذينه علشان لا سمح الله صار شي ولا ضعتي فونج عندج تدقين على ريلج :eh_s(2):

 

[لولو الكويت 88]

مشتاقه لعيونه

انا بنظري سمعي كلام اخوج لان اهوا اخبر مننا ببيتكم وعاداتكم

واكيد ماقال هالشي الا يبي مصلحتج ولا شنو بيضره لو اخذتي التليفون ماراح ينقص منه شي

بعد فتره يومين جذي لما تخلصين من لوية العرس شوفي اذا ماسالج عن فونج وشفتي ان خواته وحريمهم عندهم فونات
قوليله ممكن توديني بيتنا بسلم على امي وباخذ تليفوني اللي صارله يومين مقفول ومو داريه عنه

بهالحركه بيعرف ان عندج تليفون وبتاخذينه فاهني دوره يا يسكت ويمشي يا يقول لا


وسلامتج حبيبتي

 

[لولو الكويت 88]

بنات تدرون اذا يصير احط الدكوين عالمنطقه الحساسه ولالا ؟

 

[سور المدينه]

مشكورة ديفا بس هو كذا مو قصده تفتيش بس يتعبث فيه
وانا مابي اقول له لا ومابي عشان مايشك انه عندي شيء خاشته عنه

لولو مادري والله

سؤال شنو بتاخذون معاكم وانتوا بتروحون الصالون تتعدلون يوم العرس
شنو الاغراض بالضبط ؟

 

[لولو الكويت 88]

جهزي اغراض الصالون قبل العرس بيومين عشان ماتنسين شي

بحالتي باخذ كل شي لان من الصالون لي القاعه على طول فتقريبا بقعد كل اليوم بالصالون

اول شي الاشياء الاساسية
النفنوف الابيض وطرحته
المسكه
الشوز
الاكسسوارات
الكورسيه و حمالات الصدر

اشياء الثانويه
عطر
روب البسه بالصالون عشان ما تخترب التسريحه وانتي تفصخين هدومج
عدسات اذا بتلبسين
مشطج
اخذي معاج اذكار ومصحف صغير او اذا تحبين نزلي برنامج بالتليفون
سناك عشان اذا يعت لوووول
فرشة اسناني ومعجون
غسول الوجه عشان قبل مااحط ميك اب اغسل عن الدهون وجذي
باخذ بلاستر وميبو عشان لا سمح الله جرح صغير او شي
مرطب شفايف وقطرة العين و مرطب الوجه


وطبعا
فلوس زياده عشان اي حاله طارئة + الهوية + التليفون والشحن



اكثر من جذي ماكو لوووووول

بس حطي الاغراض بجنطه سحب صغيره وعليها قفل ودايما خليها معاج لان ماتدرين عن بعض الصالونات

 

[لولو الكويت 88]

شرايج بالنفنوف الاوف وايت حق العروس ؟
انا صراحه ماحبيته بس بشوف ارائكم

 

[Mamselle]

^ حلاته ابيض
احس هذي المره الوحيدة الي بتكشخين بفستاااان فخم و ابيض

بنات اول الايام تتمشين في البيت\الشقة حافية ولا سليبرز كعب؟ ههههه سؤال وجيه

 

[لولو الكويت 88]

لووووووول لا لبسي سليبرز بس مو شرط كعب عشان مايطلع صوت لووول


لما تردين من العرس وبتبدلين قوليلنا خطتج بالضبط وشنو بتاخذين معاج


لان قاعده افكر بالوقت احس على ماابدل بطول

افصخ النفنوف اغسل جسمي وافرك الكريم عدل و احط لوشن واتعطر والبس القميص عالاقل ٢٠ د
اشيل الماشات وامشط شعري هم عالاقل ١٥د
اغسل ويهي واحط ميك اب ناعم عالاقل ٢٠ د



المجموع تقريبا ساعه !!! وطبعا هذا اذا مشيت بالخطه بحذافيرها وماصار عائق مني مناك



سو اسئلتي

بتقعدين معاه بعدين تقوليله ببدل وتخلينه يساعدج ؟
بتقولين حق امج واختج مثلا اييون يساعدونج وحده تشيل الماشات ووحده تمسح الكريم لووول

 

[مشتاقه لعيونه ~]

عن نفسي اصور ، بعدين يطلع برا هذا
بعدين تجي اختي تساعدني اتعدل ، بعدين يجي هذا

شلون تقدرين تقنعينه تأخرين التفكير بالحمال اذا كانت عندج ظروف شغل او دراسة ؟

 

[~Diva~]

عن نفسي اصور ، بعدين يطلع برا هذا
بعدين تجي اختي تساعدني اتعدل ، بعدين يجي هذا

شلون تقدرين تقنعينه تأخرين التفكير بالحمال اذا كانت عندج ظروف شغل او دراسة ؟

هالشي تكونون متفقين عليه قبل احسن ، دامج تكلمينه قوليليه إذا جاب طاري العيال
وإذا زواج تقليدي ما تكلمينه بعد الزواج قوليليه إذا جاب طاري العيال بنقزه او شي ان والله أنا ما افكر بالعيار الحين ابي اخلص دراستي بالأول واوطد علاقتي فيك وأستأنس وياك وان شاء الله في الوقت المناسب الله بير زقنا

لكن نصيحه حتى لو بتاجلون روحيا أفصحوا ان انتوا اثنينهم تجيبون عيال
لان إذا أجلتواا وانتوا بسم الله عليكم ما تجيبون او حد منكم عنده مشاكل كل ما صار حل مشكله. القدرة على الحمل أصعب

 

[حرم آلشيخ]

الحمدلله انا وريلي من الحين متفقين لين اهوا يخلص دراسته ونستقر بالكويت > لانه يدرس برا ..
ان شاءالله لما يخلص عسى الله يوفقه ...


المهمم سؤالي :
المصورة تكون معاي بالصالون ليش ؟؟ وانا سمعت يقولون المصورة بتصوركم صور < خاصة > !!!!! شلون يعني خاصه ؟ :\

 

[حرم آلشيخ]

^ لين يستقر بالكويت ان شاءالله وتاليها نفكر بالحمال :$ < للتوضيح ههههه

 

[لوزين]

مافيش سؤال!!


سالفة الفون انا باخذه معاي وبطفيه بالصالون وبشغله ثاني يوم بطمن امي علي لاازم هالشي وبخليه صامت ومحد بيدق اصلا لانج عرووس
لولو سيفت لستة اللي باخذه معاي للصالون منج بس نسيتي المبخر والبخور والفحم لااازم البخور
ومن ناحية السناك رفيجتي تقول حتى بشقتج اخذي معاج والفندق وبالسفر اذا سافرنا>>استحي اكل جدام احد



سؤالي

اذا بتنامون باول ليله بفندق وثاني يوم بتسافرون تاخذين جنطه للفندق وجنطه للسفر؟
>>اهوا ماقال شي بس بنت ابوها خططت للفندق والسفر:krkrkr:

عادي هلوسة قبل العرس:eh_s(1):

 

[حرم آلشيخ]

هههههههه اول شي تآكدي عشان تعملين حسابج ، واذا بتسافرون يفضل تكون جنطة الفندق صغيرة ، وجنطة السفر بالحجم المعتاد p;


المهمم سؤالي :
المصورة تكون معاي بالصالون ليش ؟؟ وانا سمعت يقولون المصورة بتصوركم صور < خاصة > !!!!! شلون يعني خاصه ؟ :/

 

[taioba]

يمكن قصدها لمن تردون الشقة تصوركم مع بعض
في بنات تصور بالصالون وبالقاعه وبالشقه اهي وزوجها

 

[مشتاقه لعيونه ~]

بنات انا عرسي قبل عيد الاضحى

عادي اجيب هدية لأمه وأبوه ؟
ومتى اعطيهم اياها ليلة العيد والا يوم العيد الصبح ؟

والا مو حلوة الحركة ؟

 

[لوزين]

بالعكس حلوه الحركه وع حسب الوضع تعطينهم اذا قاعدين بالليل تعطينهم او الصبح عقب صلاة العيد:eh_s(15):

اممم سؤالي
اذا سافرنا اجيب لاهلي واهله هدايا والا فشله؟
>>هالبنت سافرت وخلاص:eh_s(8):

 

[#الخشف#]

مشتاقه لعيونه جيبي لهم هدايا ولما تسلمين الصبح عطيهم


لوزين لاتكثرين عليه وانتي عروس جيبي لامج وامه بس هدايا محترمه ..