انا عندي أسئلة وايد ..
اول ليلة .. لازم تكونين كاشخة عدل مدل ..
يعني مع القميص اكسسوارات وشوز ومكياج ؟
متى تاخذين راحتج بالكلام معاه ؟ وتطلبين الاشياء اللي تحتاجينها منه ؟ سوق جمعية الخ؟
اذا كنتي ساكنة في بيت حمولتج شلون تتعاملين مع اخوانه وخواته وقرايبه ؟
> انا وحدة ما اعرف اتعامل فيس تو فيس ، انحرج وانحاش
عشان جذي الكل عبالهم اني مغرورة وشايفة نفسي ؛(
اي اول ليله الا اول كم شهر انتي عروس
العروس عروس لين ما تجيب عيال
تبين تعرفينه على قشتج من اول يوم ؟
المكياج في البيت وكلامه ناعم جداً كالجوال والله الله بالنظافة والأطياب ألزيته فيج وفي بيتج
وكل شي مسنع ومرتب وموجود
عادي من اول يوم تاخذين راحتج عادي الا إذا انتي عايشه تصنع في كلامج وياه
خلج عاديه ومحترمه وراقيه في أسلوبج لان التصنع والدلع الماصخ ما يفيد
أكسبه كصديق و حبيب قبل ما يكون زوج
بتكونين كسبتيه العمر كله ان شاء الله
الطلبات طبعا مب من اولها بتشردين الريال هههههه
حزه الحاجة كبدايه قوليليه ولا عليك أمر بغيت تودييني الجمعيه محتاجيين كم غرض للبيت
او الشيخ شرايك نمر الجمعيه نأخذ لنا كم غرض محتاجينه ؟!
وإذا طاف شهر من زواجكم وجا آخر الشهر والرواتب ! بعدها بيومين إذا شفتيه ما عطاج مصروف
قوليليه فديتك عندي مشوار مع فلأنه ويمر السوق وما بيدي شي ممكن مصروفي ؟!
تحملي تحددييييييييييييين وان قالج كم قوليليه بابتسامه انت كريم واحنا نتساهل !
سالفه بيت الحموله نازلي عندهم في جمعتهم مب أرزه ؤيهج طول اليوم او تقفلين على عمرج وما تطلعين الا لما ينادونج! تحملي تسوينها ! نقطه سوده في ملفج
وتعاملت عادي بدون تصنع ولا دلع او رقه بايخه
خلج عاديه وسوالفج عاديه لا تجيبين طاري شي بينج وبين زوجج ولا تجيبين اي حد بالشينه
وان اهم أغتاابوا حد خلج سأكتب
والي بينج وبينهم لا تنقلينه بيت اهلج
لان هذاك بيتهم وانتي عايشه بينهم فحاسبي عليه
