في وليت امر الله يذكرها بالخير لما كنت تعبانه وغايبه جم يوم
ويوم داومت كنت بعدي تعبانه ماطبت
كتبتلي وليت الامر في الكتاب سلامات ماتشوفين شر وكلام حلو يرفع المعنويات
حدي استانست حتى اخذت الكتاب معاي وانا طالعه من الصف
وكان في خاطري ارد عليها بس حبيت اسأل المشرفه بالاول
وانا عند الباب شفت الناظره بويهي وريتها الكتاب واللي مكتوب فيه استانست
وقالتلي اهوا ممنوع احنا كل اسبوع عندي اجتماع اولياء امور بس يالله استانسي وبمشيها لج وردي عليها بقلم الرصاص ههههههه
فبين فترة وفترة الام تكتبلي ملاحظاتها وتسأل وساعات بس تسلم تقولي شلونج ابله فلانه شخبارج مع المطر هههههههه يحليلها ههههههه
تونيييييس
حتى ساعات افتقدها واسأل ولدها شلون امك شخبارها واقوله سلم عليها وقولها الابله ولهت عليج وعلى كتاباتج
في يوم ولدها صار حده شيطان شاق الارض وقاعد حده ملعوزني
وصاير عندي ومزعج وكلا يسولف بالحصه ولا ينتبهه وعيزت اكلمه واكتب ملاحظات لامه وماترد
واليوم الثاني يزيد زياده والمشرفه حضرتلي وقاتلي عن الولد وقتلها اهوا خوش ولد بس صاير شيطان
قالت لازم تسوينله استدعاء ولي امر وانا سويتله ومو من قلبي اسويله وايد احترم امه وماابي اخرعها
والله يعلم لما سويت الاستدعاء كنت حدي زعلانه
يوم الاستدعاء الام طرشتلي ورقة خارجيه وتقول سامحيني ابله ماقدرت ايي كان زحمه على ماطلعت من الدوام ولما وصلت المدرسه مالحقت على الاجتماع
والاسبوع اللي وراه الام بعد عمري يات
وتسلم علي وتحبني جنه اختها اللي من زمان ماشافتها
وتقول انا واااايد مستانسه لاني شفتج وكنت انطر هاليوم نطره
وتقول حتى رفيجاتي بالدوام يقولون حشى رايحه تشوفين خطيبيج مو ابله مسويه استدعاء لولدج
واعتذرتلها لاني سويت استدعاء الصراحه احرجتني بذوقها واخلاقها وتقول مالاداعي تعتذرين ادري
الصبيان شيطانين زين سويتي واعتبري ولدي ولدج وسوي فيه اللي تبين حتى لو تطقينه
واقولها لأ انا مو جذي اصلا مااطق ولااعرف تقول عيل كل مايأذيج زفيه
بعد جم يوم كاتبتلي في الكتاب هاه شلون ولدي معاج؟؟ ترى هذيك اليوم زفيته وقتله اياني وياك تاذي ابلتك
المفروض تحترمها وتشكر ربك لان عطاك ابله طيوبه مثلها كل شي ولا هالابله
بعدين المشرفه شافت كتاب الولد مات من الضحك هههههههه
قالت حشى جات موكتاب انا والام ماخلينا مجلس الامه ومجمع ومحل وبرنامج ومسلسل ماسولفنا عنه هههههههههه
