تعالي فيديني جايز وضعي مر عليج او سمعتي عنه

[اموووون_]

بنات شلونكم شخباركم // بنات اليوم الدكتوره مالتي مسافره وعندي موعد معاها السبت الجاي عشان اسمع النبض اليوم رحت العدان عشان الالتهابات زايده عندي استغربت من كلام الدكتور وخوفني لما قلتله اني حامل واخذ مثبتات قالي ازاي الدكتوره تعطيك مثبتات وهي ما سمعت نبض البيبي ممكن تكون تثبت بيبي ميت لاسمح الله حيل خوفني منو صار لها مثلي والمثبتات قبل النبض عادي ولا لا

 

[orange blossom]

انا ما عندي اي فكره
بس اذا اهو شايف جذي و انتي مأيدته
وقفي المثبتات على ما تروحين لدكتورتج

 

[M!SS.LOBY]

الله يهون عليج

 

[عبره]

لا تخافين عادي الكل ياخذ مثبتات من اول الحمل
والحمل الضعيف يبان لو ميت بتنزل معك افرازات او مغص او يروح وحامك وكذا
اكره الدكتورات اللي يخرعون

 

[روعة خيال]

ما عليج منه اخذي المثبتات بس تكون حبوب مو ابر

لان الابر فعاليتها اقوى اهم اللي قالولي ان البيبي اسبرين مو زين بحالتي و وقفته و مات البيبي لان ما وصله الدم

 

[اموووون_]

انا اخذ ابره مثبت كل اسبوع ودفاستون مرتين باليوم وبيبي اسبرين حبه باليوم

 

[أأأميرة الورد]

عاادي حبيبتي الاغلبيه ياخذون دوفاستون وبيبي اسبرين وبعضهم تحاميل من اول الحمل


انتي نزل معاج شي ؟؟؟

علشان تاخذين هالمثبتات ؟؟

 

[أأأميرة الورد]

اي اسبووع انتي ؟؟؟


والله يسهل عليج

 

[بنفسجيه_Q8]

الله يتمم عليج روحي لدكتوره ثانيه اسمعي نبض البيبي وتطمني

 

[اموووون_]

انا الحمدالله ما نزل معاي شي وحاليا بالاسبوع السابع اخذ مثبتات لان صارلي ٣ حالات اجهاض قبل هالحمل

 

[ابدا يالغالي مانساك]

حبيبتي اموون لو تاخذ من كلام هالدكاتره وتخريعهم منخلص وعن النبض حبيبتي توج بالاسبوع السابع نطري دكتورتج ليما تجي وروحي لها دام امورج تمام الحمدلله خلج عالمثبتات وربي يثبت حمالج ويقومج بالسلامه

 

[Mrs.H]

مالج شغل فيه يتفلسف انا اخذت مثبت والدورة متأخرة بس يومين

 

[امـ خــزامـى]

الله يهون عليك ويثبته

 

[حبيبي مالكني]

ماعليج منه هالدكتور مو صاحي
انا دكتوري اشطر دكتور بتخصصه عندنا
ويعطيني المثبتات قبل لايسمع النبض

 

[اموووون_]

جزاكم الله خير وما قصرتوا الله يرزق الحميع

 

[latefah]

ماااااالج شغل فيه و في خباله اصﻻ النبض ما ينسمع الا اذا صارلج فوف الشهر و نص و انا بحمالي بعيالي من اول ما احلل اني حامل على طول المستوصف يكتبلي مثبتات حبوب ديفستون لي الرابع و هذا الدكتور دامه خرعج تركيه عنج و روحي راجعي عند طيبه كلينك عندهم دكتوره امل محمد و دكتوره منى موسى هذيله احسن ثنتين و الفليبينيه خربوطه

 

[أنفاسي دخون]

انا لا سمعت النبض تعطيني مثبت تقول اخاف لاسمح الله مايثبت وتتعبين بالتنظيفات وقبلها تخليني على الفوليك اسيد

 

[ريتاج_90]

ماعندي فكرررهـ ...
والله يثبت حملج ويرزقج بالذرية الصصصالحة
وتفرحين بشوفته


مووووفقه

 

[.. Ro3a ..]

انا الدكتوره كتبت لي مثبت قبل لا تسمع النبض
حتا سوت لي مرتين سونار ماكو نبض ماقالت لي اوقف بالعكس قالت استمري ع المثبت
والحمد لله سمعت النبض بالاسبوع التاسع ،.

 

[ELFAD3Ah]

الله يطمن قلبج
اب