تعالي دشي وقولي لنا من وين بتجهزين للدوام؟؟؟؟؟

[White Musk]

ماشاءالله عليكم تشجعووون


زين انا الكورس الجاي ميداني ،، شتنصحوووني ؟؟

من خبراتكم يعني شنو الافضل عباية ولا بدل؟؟

انا اقول لج لبسي العباة أحسن لج
على الأقل ما تتعبين كل يوم وتفكرين اشتلبسين
روحي الفروانية في محل اسمه نور الحرمين بالعربيد تحت يفصل عبي خياطة مرتب بس عليج تدورين له موديل ذرب
وعندج بمجمع الدبوس الي بفحيحيل محلات كثيرة تبيع العبي فوق منها لايت مون اسعاره حلوة وخياطة مرتب احلى من الفروانية بس مثل ما قلت لج عطيه موديل ناعم والأسعار بالفروانية أو بالفحيحيل ما تتعدا ما تزيد عن 25 دينار للخام الصالونة الكوري اذا فيها شغل تطريز
واذا سادة ب 15 دينار انا سويت سادة خامتها لكزس صالون عند لايت مون واااايد خامتها حلوة وسوادها حلو
بس خليهم يزودون لج بالكلوش من تحت لأن مشاغل الفروانية عبيهم كلة ضيجة وموفقة

وكل كورس فصلي عباتين كرفيهم وقطيهم

 

[..ليالي..]

انا سويت لي ثلاث عبي فيها حركات بسيطه
وعبايه ساده البسها براحتي

وبعد شريت لي جم قميص طويل مع بنطرون من لندن لما رحت

وجناط بعد

والله كريم

بكمل الباجي هالايام من الافنيوز وستي سنتر السالميه شحلاتهم

 

[ليلى رمضان]

أنا عندي اذا بشتري من المحاميد واايد على المدرسة

 

[%ثلااثينيه عسل%]

والله انا وحده ألبس عبايه بس طالما تني منتقله لمدرسه وتوني جديده ودي اغير

اشرااااااااايكم يااقلبي ؟؟؟

 

[Q8Buying]

يعطيكم العافية

 

[Daisy flower]

انا احب البس النفانيف الطويلة للدوام اريح بواااايد والوانها تفتح النفس .. تقدرون تحصلونهم عند سنتر بوينت و فورايفر وريفا ..

 

[بنات حواء2]

انا ماحب العبي لو شنو يصير مالبسها مو عمليه كلش و احسها تكبر هذا رايي
انا بالميداني كنت كل يوم بدله يديده و الوان و حركات
ما احب اداوم وويهي اصفر لازم احط ولو شي خفيف
وهشي يونس و يحسسج انج فريش
و انا عن نفسي وين ماروح و اشوف شي حلو اخذه
و هليومين كثفت نشاطي التسوقي و بصراحه اشوف شغلات حلوه

 

[*^ *الليليم]

مع البدل

يحسسونج بالنشااااااااااااط

 

[om mariam]

انا والله من بدت التنزيلات وانا القط .. في اشياء لئئئئئئئئئئئئئئئئئطه .. شريت من سنتربوينت .. من المهلب.. من حولي بلازا .. من الافنيوز .. من جم معرض من هالمعارض اللي يسوونها بنات الديره مشالله عليهم .. والله يا بنات رخيص وكويس .. قمصان طويله ونفانيف حلللللللوة .. على 8 وعلى 10 وعلى 13 .. اليوم انا شاريه من choiseبالمهلب فستان رووووووووووووعه..كان ب 56 تقريبا اخذته ب 27 شرايكم ؟؟ فأقولكم اخذوا فره ونبشوا .. بتلاقون اشياء حلللللللللللللوه .. ذاك اليوم بعد رحت السندس .. وخمخمت من هالقمصان الطويله الحلوة الببببباااااااااااارده .. على 7 دنانير .. وما احترت بالليجنج .. _03ba: الله يعافي ام عمار بالمنتدى اللي تبيع أكمام كارينا .. شريت منها كل الالوان .. وقمت البس الجموم بريلي :dddds: خوووش فكره موجذي؟؟ :ggdw: بيني وبينكم أبرد للصيف والالوان اكثر ومحد بيعرف انه جم ...عاد ياويلها اللي تقرا وتقلد وما تدعيلي :tomato2: لوووووووول أتغشمر وياكم.. بس حبيت أفيدكم بتجربتي الخاصه ( عشششششتوا ).. وبالنسبه للعبي فمن الفروانية المجيده ادامها الله عونا لنا .. أخذت عبايتين من بوكنان حق الازماااات ( القعده متأخر وقت الدوام) .. وعبي العام موجودين ارد واروح عليهم

لوووووووووووووووووووووووووووووووووووووووووول
يعطيج العافيه على الفكره المذهله لا خلا ولا عدم
بجربها يمكن تنفع

 

[om mariam]

والله ماني متحمسه على الدوام هالسنه كلش
ولا شريت لي ولا شي حتى هذه اللحضة

 

[اخت اخوانها]

انا شريت بناطير رمادي وسيلڤر بس القصات مخخخخختلفه واحد نظام التنورة زووووغه
وواحد لا خامته خووووش شئ ناااعمه وطايحه مو ضيج لا شوي راهي
وتنورة وقمصان طويله وعاديه
بفصل ان شاء الله اليوم عبي وبشتري شحاطات وجواتي عزكم الله

 

[رشيديه نعومه]

واي يا حلو ابلات اول كان يكشخووون ويقطون على بدلهم خمسين وسبعين ومعاشهم كان شويه اما الحين بخيلاااااات وعبايه طول العام تكفرها لاحد يزعل انا امي مدرسه ايام التدريس كان كل المدرسه تلبسسسسسسس اما الحين لااااااا ما اشوف مدرسات يكشخون قله وفوق هذا المعاشات راهيه ما شاء الله ~~

 

[:: سمر ::]

لووووول هالموضوع قديم بنات منو الي رافعه
مفتوح سنة 2008 جيكو التاريخ ههههاااي​

المهم دامكم رفعتوا الموضوع
انا طبعا مع الي يلبسون ( بدل )
نعم للبدله والكشخة من الصبح :eh_s(15):
ياحلو التغيير والالوان والتفرفش ,, ماقلنا اوفر لأ اكيد شي مناسب​

احنا تدرون شكثر راح نقضي من عمرنا بدواماتنا ؟ 15 سنة اذا مو اكثر
وتدرون جم ساعه من يومنا قاعدين بالدوامات؟ ترا لو بتحسبونها عمر موشوية
معقولة ما اونس نفسي بدوامي والبس وانوع وانا 3\4 يومي وعمري اقضيه بالدوام!
هناك نشوف الناس ونتعرف ونكون علاقات
ليش ما اهتم بهندامي وشكلي؟ وفوق كل هذا جو المدرسة نسائي يساعد نلبس الي يريحنا والي نبيه :eh_s(15):​

واذا عالتجهيز انا اشتري من كل مكان وكل المحلات المهم شي مرتب وذرب ومناسب للصبح
ابتداءا من الافنيوز والمارينا ليييييييي مجمعات فحيحيل البيرق والكوت
مرورا بالمهلب والنقرا والسندس
من كل مكان ألقط واشتري

​

 

[SuGar-kuw]

واااااوو كملو حلو

 

[PuPa^^SWeeT]

انا احب احط جم قطعة مخصصة للدوام


يعني اكرفها كرااااف خلال السنة كلها


واخر السنة اقطها


هههههه



مو سالفة بخل


بس السالفة انه مو قادرة اوفق بين اني اتخير لبس الصبح و بين الاستعداد و بين بناتي




يعني لووية

 

[Blonde B]

انا مع البدل طبعا
شنو اسوي يوم السبت اذا قعدت وبعد الشور الحلو وقهوتي بايدي
ادخل غرفة ملابسي واختار 5 بدل انسقها من الشوز لي الملفع
واطلع كلها نص ساعه وجني اتسوق استااانس لان انا مسويه غرفه
خاله للملابس والشوز و الجناط اللي يدخل جنها محل هههههه
فلما اقد طول الاسبوع ما احاتي شنو البس لان جاااهز

 

[يالنوايا]

والله الواحد وده يكشخ لدوام ،،ويشتري والكبت يشتكي
بس مرات من كثر الكراف والتعب ودي اروح بالبجامه

 

[أحلى من الخيال]

أنا منقبة فما ينفع معاي إلا العباية​

 

[أم بيونة]

عليكم بالعافية
أما أحنا بالسعودية غير نظامكم
نكشخ بالتنانير والقمصان طبعاً التنانير الطويلة و ألوان محددة أسود وبني وزيتي ورمادي وفي ألوان أخرى بس أنا أتكلم عن مدرستنا وأكيد الجينز حبيب الكل من ضمن القائمة
أما القمصان والبلايز براحتنا أي لون وأي موديل بس ماتكون شفاف أو كم قصير لازم كم طويل
والشعر حركات والمكياج أكيد مو أوفر شي ناعم ومناسب
طبعاً أحنا بالمدرسة مانلبس العبايات ومايدخل المدرسة الآباء أو المفتشين أو غيرهم من الرجال
مدارس البنات للنساء فقط

والحمد لله كل شي تمام وأكيد المعااااااش يطير على التشري والتكشخ

 

[مارلينq8]

انا بتعين هالكورس وماشريت شي نهايئا حتا عبي مافصلت مالي خلق الي شفنه بالميداني كافي
اخاف البس بدل ويقول ضيج لبسي طويل مالي خلق وانا كلا البس ضيج مااحب الوسيع قلت خليني علا العباية احسن وابدع بالمكياج