تعالي دشي وقولي لنا من وين بتجهزين للدوام؟؟؟؟؟

[فاطمة المطيري]

وانا بعد ابي رقم القمصان الطوال وجزاكم الله خير

 

[شوفو الجمال]

انا ماجهزت ليلحين

مرايم بليييز ابي الرقم دزيلي اياه

 

[قوطي نيدو]

انا قاعده ادور نفانيف طويله
بس ما لقيت الا عند برومود
بس ما عجبوني
؟؟؟ وين الا قيهم ؟؟؟

 

[mooomooo]

انا بعد ابي النفانيف الطوال بنغير من الجينز والليقنز ملينا منهم

طبعن بهالفتره شريتلي جم قميص ونفنوف واحد ههههه

وعبايه بس يبيلي صنادل ( تكرمون ) ماعنننندييييي كلللللش

 

[maraiem]

مشكوووووووووووووره مرايم وجزاج الله الف خير وعسى ربي يوفقج بمدرستج ويحبب فيج خلقه

مشكوووووووووووووووره على هالدعوه يا بعد عمري

 

[maraiem]

انا بعد ابي النفانيف الطوال بنغير من الجينز والليقنز ملينا منهم

طبعن بهالفتره شريتلي جم قميص ونفنوف واحد ههههه

وعبايه بس يبيلي صنادل ( تكرمون ) ماعنننندييييي كلللللش

حياتي روحي سنتر بوينت واخذي صنادل ماركة بابريكا وانتي بكرامه وادعيلي .. طاااح سعرهم بالتنزيلات حلوييييييييييين ورخااااااااص .. وروحي حولي بلازا فوق الدور الاول محل لويي اسمه .. يم مال الككاو . .. عجيييييب وهم تنزيلات .. وروحي ايكووو و فيلاااز .. عندهم صنادل طبيه حلوووووووووووووووووة ورخيصصصصصصصصصه بسبب التنزيلات .. راح ترتاحين وااااااااااااااايد . .. ولا يطوفج الدوو وناين ويست اللي بسوق السالمية الاحمر مال سيتي سنتر .. راح تلاقين صنادل حلوة وباسعار رخيييصه لانه outlet

مع تمنياتي للجميع برحلة تسوق تجبر الخاطر وتفرح القلب .. وخفيفه على الجيب :dddds:

 

[maraiem]

حبيباتي انا اتصلت اليوم بالمره اللي تسوي القمصان الطويله الحللللللللللللللوه وتبيع البخور العجييييييييب والبروشات والباندات واللذي منه .. واستأذنت منها اني احط الرقم على العام بالمنتدى وما قصرت وافقت ... بس امانه يا بنات ادعولي لي شفتوا الخير والفايده من وراها .. لانه انا شخصيا وااااااااااااااااااااايد كسبت من معرفتي فيها والتعامل معاها
اسمها حنان .. واختنا بالله من خيرة بنات الديره .. اسمها بالسوق ( فلفيتا ) ورقمها الخاص بالشغل والمعارض وللزباين الطيبين مثلكم وشرواكم هو

65657072

وقولوا لها انكم من طرف مرايم بالمنتدى .. خل تتوصى فيكم .. طبعا اللي تبع منتدى كويتيات لازم يصيروووووووووووووون سبيشل

 

[المشااعر]

بصراحة فصلت لي كذا عباية من الدبوس اللي بالفحيحيل وسعرهم حده معقووووووووول ومناسب وشريت كذا قطعه من محلات اللي مسوية تنزيلات مثل المهلب وسوق السالمية الاحمر ومو ناقصني غير المانتوهات ابي لي كذا مانتوه واللي تقول انها تعرف وحدة بالفروانية شلون خياطها وموديلاتها حلووووة أو لأ افيديني جزاك الله خيرا وجعلكي من اهل الجنه انشاء الله

ومريومه ابي اللي تقواين عنها انها تسوي قمصان طويلة وسعرها مناسب على جم يعني اسعارها ما بين جم لي جم تقريبا ودي افصل عنده اذا زيييينه وسعرها حده معقوووووول

 

[فرحه ولكن؟]

بما ان حنا يا مدرسات رياض الاطفال ما في وقت نحك روؤسنا فانا كل عبايات وانصحكم بالعبايه السادة بس تكون خامتها صالونه وروحي لبرادو اللي بالبلوكات وركبي عليه كلف وشوفي شلون بتكونين ممميزه

تحاتي لكم وبالتوفيق

 

[فركيلز]

انا كل يوم بسوووق الف والف عشان ادور ملابس للمدرسة

والله يعين

ما اندري ندور للمدرسة ولا للعيد:dddds:

بس اخت مرايم سؤال الاخت اللي تسوي قمصان طويلة متى معرضها بصالة كيفان؟؟؟

يا ريت تقولين لنا عشان نروح المعرض

ويعطيج العافية مقدما :eh_s(6):

 

[asooma]

قوه بنات انا حبيت افيدكم بشغله حلللللللووووووووووه حييييييل
اكيد كلكم سامعين بمحل ماكس اللي بالسالميه و بمجمع البحر سنتر
للامانه هالمحل عجيييب و رخييييييص جدا جدا
بتلقون فيه نفانيف باقل من خمس دنانير
قبل جم يوم رايحيين انا و خواتي حق البحر و لابسه نفنوف مع بنطلون و متسبحه فيه و لا تقولي اختي حرام عليج نفنوفج كشخه و فيه كريستال و شغل ليش تسبحين فيه ما لقيتي غيره يعني
و لما قلتلها انه بثلاث دنانير (ادري مو مصدقين)من ماكس انصدمت
ماكس عجيب و بتلقون فيه بنطلونات على اربعه جميع الالوان و نفانيف و حتى البجامات حلوه
وعفيه اللي تروحله و تستفيد تدعيلي

 

[بناتي زينة حياتي]

مرايم حبوبه بدعتي بسالفة الاكمام ولاعليج امر ابي الرقم ياقلبي

وعن نفسي لقطت لي قمصان طويله وملافع ملونه بلبس عليهم شغلات ساده مع بروش

وفصلت عبي لرمضان ان شاء الله

عساكم من عواده

 

[كويتية هيبه]

اليوم بروح افتر بالافنيوز يقولون النتزيلات خطيره بشتريلي جينزات وبلايز

 

[om hmad]

الله يوفقكم يابنات اشهد انكم افدتموني...توني متعينه جديد ولا ادري وين اروح او ويش اشتري او اللبس
واختي مرايم جزاك عني وعن خواتي الي بالمنتدى الف جزاء ويوففقك ويفتحلك ابواب رزقه....بس عفيا اختي ليتك تحاولين تجيبين اسعار الاخت حنان للقمصان الطويلة...ودمتي بالف خير وعافية

 

[كويتية فاهمة]

لا لااااااااااااااااااااااااااااااااااااااااااااااااااااااااا

للعبي والمانتوا..

خواتي غيروا شوي خلوا نفسيتكم ونفسية الطالبات تغير..
والله الألوان تونس وتغير النفسية..
هذي درااااسة لعلماء النفس..

 

[قلب راشد]

انا خذيت تنانير من محل بالمرينا اسمه بيازا مادري شسمه مو متاكده
يم فيرجن يصير تنانيره حلوه حق الدوام وبااااااااااااارده

مشكووره كتكووته

برووح أدووره :*

 

[f.m.a]

اما ليل الحين ما جهزت بس تلاقين تنانير في برومود وفي محل بالمرينا مادري شسمه وبلقط قمصان من بيرشكا وh&m وأخيط

 

[أبله نوف]

صالوووووونه وب 18 دينار لا لا لزم انرووح انشووفه
عفيه ربو3ةة قوليلنا وين مكانه بالضبط بفحيحيل واسمه الدبوسالي !!اسمه غريب

 

[أبله نوف]

لوووووووووووول اسمه الدبووس
شكرا المشاعر انج ذكرتيه انا اقوول الاسم اللي حاطته ربو3ةة غريبب

 

[سمرة كويتية]

واي مافي احلى ولا اكشف من العباية .. واللي تلوع جبدها من العباة صراحة ما تفتهم ولاعندها سالفة ... لأن في عبي اكشخ من البدلات واغلى وأرقى ... والبنت الراقية ما عمرها ما تحتقر ولا تلوع جبدها من العباة اللي هي لباسنا التقليدي .. واللي حتى الأجانب واخواننا العرب قاموا يعتمدونها في لبسهم ... انا دوم البس عباة .. صراحة مليت من البدل تعالي لبسي بنطرون ومعاه قميص ولا بدي ولازم جاكيت .. فراغة

على شنو ؟؟؟