تعالي تعلمي معنى الانوثه الحقيقية على ايد خبيرة اجنبية

[المرتاحة]

قوه كويتيات





اتصدقون انا تواصلت مع خبيره اجنبيه اسمها (ميلينا دين) تدرس الانوثه و الاغراء وتعطي دورات بس بره مو اهني بالكويت و تعلمت منها شرح معنى الانوثه

تقول:

الانوثة يندرج تحتها وايد صفات مو بس الصفات الجسديه لانها تعتبر جزء منها لكن مو اهمها

في وايد بنات ماكو لا صدر ولا مؤخره لكن تشوفينها في قمة الانوثه و النعومه

صفات الانوثه اللي تجذب الرياييل هي اللي تنبع من داخلج وهي الادب و الاخلاق و الاخلاص وعدم لبس الملابس المبتذله و الضيجه اللي تظهر مفاتنج (لآنها تعتبر نوع من انواع عدم تقدير الذات و عدم احترامها و كانها تقول للرياييل تعالوا شوفوني انا فريسه سهله و متوفره لكم) و عدم التلفظ بالالفاظ البذيئه او السوقيه و احترامج لنفسج و تقديرج لذاتج و احترام كونج انثى و حبج لنفسج و حبج للاخرين ورقة في تعاملج مع الاخرين و الثقه بالنفس شي مهم جدا فى الانوثه

و عدم اظهار المفاتن الا للرجل اللي يستحق هالشي اللي هو الزوج

و و التوازن بين النعومه و القوه (يعني القوه الداخليه اللي تخليج تستمرين في الحياه و تجتازين الصعاب و تواجهين العقبات) .. و قالت النعومه ما تعني الضعف ابدا بالعكس النعومه اهي حاجتج لمساعدة الاخرين لما تحتاجين المساعده (مثلا لما تحتاجين احد يشيل جنطة السفر او لما تحتاجين احد يساعدج انه يساعدج في انه يختار نوع من تواير السيارات حق سيارتج او لما تحتاجين زوجج يساعدج يروح معاج الجمعيه علشان تجيلون البيت و تشترون اغراض اهني زوجج راح يحبج اكثر و يقدرج اكثر لانج قدرتي ذاتج)

طبعا اذا انتي تحبين نفسج طبيعي راح تهتمين فيها و اطورين من نفسج وشخصيتج بالقراءه و الثقافه واكتساب خبرات
و الاهتمام بجسمج من نظافه ونعومه ورياضه لتناسق جسمج
وترتيب لبسج و تنسيق لاغراضج و بيتج

و على فكره ترى اهي ذمت المشاهير مارلين مونرو و بريتني سبيرز و ليدي قاقا و جنيفر لوبيز و هذيلا الممثلات اللي احنا نقلدهم و عاجبتنا اجسامهم تقول انهم ما يحملون معني الانوثه الحقيقيه و اوصفتهم انهم مبتذلين و سوقيين


و قالت وايد شغلات عن الاغراء لانها تندرج تحت تعريف الانوثه

و صح قالت الرياييل يحبون الشعر الطويل لانه يعطي انوثه اكثر (اتصدقون حتى انا انصدمت ان حتى رياييل الاجانب يحبون الشعر الطويل مو بس رياييلنا)

و ترى وايد شغلات من صفات الانوثه بس انا قلت لكم اللي اتذكره


عاد سبحان الله مع انها اجنبيه و مسيحيه واكتسبت هذي الخبره من خلال دراساتها واجتهاداتها بس سبحان الله ديننا الاسلامي اختصر لنا هالاشياء و قدمها لنا على طبق من ذهب



** بنات انا يمكن ماراح ارد على كل تساؤلاتكم اذا عندكم تساؤلات لاني توني ما تعلمت وايد منها توني في بدايتي بس شسوي لقافه فيني و من حبي لكم قلت اسطر لكم الاشياء اللي تعلمتها منها

 

[جلكسيه اس 3]

ما شاء الله خوش موضوع يسلمو

 

[Pippa]

’

اي سبحاآن الله ..,,!!

ذيج المره قاع اتناقش مع يدتي الله يشاافيها ياارب أقولها ترى بقص شعري .,!

آنا شعري مو طووووويل بس زين طوله .,!

جان يقول خالي اصلا الريال يحب المره الي شعرها طويل و شعر المره تاج عللى راااسها .,!

ثنكيوو حياآتي ..,,!!​

 

[^SamBateeKa^]

مشكوره ويسلمووووو

 

[كويتية بروما]

مشكوره
وناطرين منج بعد معلومات

 

[ميما الاموره]

شكرا الك​

 

[المرتاحة]

اي صح بنات و قالت اذا حسيتي ان ريلج ممكن انه يخونج او حسيتي ان في بنات قاعدين يحاولون يكسبون زوجج

قالت على تقنيات وايد اعجبتني ما فيها مذله (مثل ما نسمع من البنات اذا ريلج خانج قالوا لها كشخي له هههههههههه)

اهي لانها دارسه الريال من الناحية النفسية فعشان جذي وضحت و بينت الطريقة اللي تقدر المراه تكسب زوجها و ما يشوف عقبها اي مراه او بنت

على قولت بعض البنات (يشوفج انتي الانثى و الحريم شواذي هههههههههه)

 

[iLLuMinaTion]

خووووووش معلومات

 

[لافلي روز]

يسلموووووووووو الغلا ع المعلومات الحلوة

ومنكم نستفيد ’’’

الله يعطيج العافية

 

[جولينار]

موضوع روعه ماشاء الله


بنات مو ملاحظين كل الكلام اللي قالته الاجنبية من مبادئ ديننا ( الاسلام )


سبحان الله لو طبقنا الاسلام مثل ماهو واعتزينا فيه كان لحقونا الغرب وقلودنا ..


ولا تخضعن بالقول <<<< هذي في القران بمنعى ما نتكلم بصوت عالي ومتغنج امام الرجل الغريب


امرنا الاسلام بالاحتشام في ايات كثيرة وهالاجنبية تكلمت عن الاحتشام انه وقار للمرأة واحترام


الاسلام جعل الرجل هو المتكفل بتسيير امور المرأة اخت كانت او زوجة << وهنا تكمن الانوثة الحقيقة في قوة المرأة

وحاجتها للرجل كـ رجل


الاسلام نهى عن التشبه بالرجال سواء في قصة شعر او لبس او هيئة <<< لأن الانثى اذا تشبهت بالرجل ولو بغير قصد


فقدت كثير من انوثتها ..


الاسلام امرنا بالنظافة الشخصية والخارجيه والاهتمام بالذات وللمرأة التزين لزوجها

( ان الله جميل يحب الجمال )


وفيه أثر لصحابي يقول فيه ( لو أنفق المرء ثلثي ماله على الطيب ( اي العطور ) لما أسرف )


هذي كلها تدل على لن اسلامانا اسمى الاديان ,,, واعطى كل ذي حق حقة


بس متى نلتزم الالتزام الصحيح ..


الله يهديني واياكم وجميع المسلمين والمسلمات لتطبيق الشريعه على أكمل وجه ..


شكرا صاحبة الموضوع ولو اني اخذت راحتي بالرد حبتين

 

[المرتاحة]

الله يسلمكم يا بنات

انا بحاول ارتب الموضوع و اكتبه مره ثانيه بصورة مرتبه وواضحه و اذكر كل النقاط اللي قالتها و التقنيات و اساليب تكسبون فيها ازواجكم بالانوثه والاغراء

 

[المرتاحة]

موضوع روعه ماشاء الله


بنات مو ملاحظين كل الكلام اللي قالته الاجنبية من مبادئ ديننا ( الاسلام )


سبحان الله لو طبقنا الاسلام مثل ماهو واعتزينا فيه كان لحقونا الغرب وقلودنا ..


ولا تخضعن بالقول <<<< هذي في القران بمنعى ما نتكلم بصوت عالي ومتغنج امام الرجل الغريب


امرنا الاسلام بالاحتشام في ايات كثيرة وهالاجنبية تكلمت عن الاحتشام انه وقار للمرأة واحترام


الاسلام جعل الرجل هو المتكفل بتسيير امور المرأة اخت كانت او زوجة << وهنا تكمن الانوثة الحقيقة في قوة المرأة

وحاجتها للرجل كـ رجل


الاسلام نهى عن التشبه بالرجال سواء في قصة شعر او لبس او هيئة <<< لأن الانثى اذا تشبهت بالرجل ولو بغير قصد


فقدت كثير من انوثتها ..


الاسلام امرنا بالنظافة الشخصية والخارجيه والاهتمام بالذات وللمرأة التزين لزوجها

( ان الله جميل يحب الجمال )


وفيه أثر لصحابي يقول فيه ( لو أنفق المرء ثلثي ماله على الطيب ( اي العطور ) لما أسرف )


هذي كلها تدل على لن اسلامانا اسمى الاديان ,,, واعطى كل ذي حق حقة


بس متى نلتزم الالتزام الصحيح ..


الله يهديني واياكم وجميع المسلمين والمسلمات لتطبيق الشريعه على أكمل وجه ..


شكرا صاحبة الموضوع ولو اني اخذت راحتي بالرد حبتين

صدقتي يا اختي

اصلا و انا قاعده اتلقى المعلومات منها قلت سبحان الله هذا هي تعاليم ديننا الاسلامي

وانا تواصلت معاها علشان اتعلم واخذ منها معلومات عن الانوثه و انا كنت متوقعه شي ثاني لكن تفاجأت باللي قالته

واهي تسوي دورات حق البنات الاجانب لانهم وايد تعبانين من استغلال الرياييل لهم (ينام معاها و اهو لازوج ولا يحزنون) وبالتالي يخليها و ينحاش

علشان جذي تحذر بناتهم من انها تسلم الريال نفسها تقول لانه هذا الشي راح ينفره منج و يهرب منج ويقتل انجذابه لج (اذا كان في البدايه انجذب لها) ولا يحاول يرتبط فيج لانج وحده ما احترمتي ذاتج و شخصيتج ضعيفه ما يشرفه الارتباط فيج و بسهوله سلمتي نفسج له ظنا منج انه راح يحبج اكثر و لكنه في الحقيقه اهو ماراح يحترمج لانج ما قدرتي نفسج ولا احترمتيها

و تقول ان المراه الصعبه اللي ما تستسلم بسهوله راح تجذب الريال المستقيم و الصادق راح يتعب علشان يحصل عليج و بالتالي يرتبط فيج لكن اذا كان الريال يلعب و يتسلى راح يوخر عنج و يخليج طبعا يكون محترمج و مقدرج لكن اهو مو في باله انه يرتبط او يتزوج علشان جذي راح يتركج (ما عليه حسافه) و يدور على فريسه اسهل

و تقول ان الرياييل بطبيعتهم يحبون الشي الصعب (المراه اللي ما تستلم له بسهوله) و يتعبون نفسهم علشان يوصولون له لانهم يعتبرون هالشي تحدي انه يتعب نفسه انه يوصل حق الشي اللي يستحق انها تكون زوجته و يرتبط فيها

 

[دلع انثه]

مشكووورة حبيبتي ويعطيج العافيه

 

[جولينار]

و تقول ان الرياييل بطبيعتهم يحبون الشي الصعب (المراه اللي ما تستلم له بسهوله)



^^^^^^^


ذكرتيني بأبيات تصف المرأة الخليجيه


تقول :

اللي بها سحر ماهو سحــر عـــرّاف 00000000000ياعل عين (ن) ماتراها ضريرة

صعبة على اللي بالرّدى شاف ماعاف !0000000000 وحلوة على اللّي سنّة الله ضميرة



وأبيات ثانية

أحب أعسف المهرة اللي تغلى00000000 وأحب أروّض كل طرفٍ يموقِ

 

[ҜęҜสђ]

اي صح بنات و قالت اذا حسيتي ان ريلج ممكن انه يخونج او حسيتي ان في بنات قاعدين يحاولون يكسبون زوجج

قالت على تقنيات وايد اعجبتني ما فيها مذله (مثل ما نسمع من البنات اذا ريلج خانج قالوا لها كشخي له هههههههههه)

اهي لانها دارسه الريال من الناحية النفسية فعشان جذي وضحت و بينت الطريقة اللي تقدر المراه تكسب زوجها و ما يشوف عقبها اي مراه او بنت

على قولت بعض البنات (يشوفج انتي الانثى و الحريم شواذي هههههههههه)

موضوعج حييل حلو ومفيد
يعطيج العافيه

بس حبووبه مافهمت شقصدج بالجمله اللي فوق

 

[نونو العصله]

صح لسانج
مووضوعج فادني وايد
معاج حق
صح الانوثه من الداخل مو بس المظهر الخارجي

احترام النفس واحترام الغير
الحشمه


كلامج حلو يعطيج العافيه

 

[المرتاحة]

و تقول ان الرياييل بطبيعتهم يحبون الشي الصعب (المراه اللي ما تستلم له بسهوله)



^^^^^^^


ذكرتيني بأبيات تصف المرأة الخليجيه


تقول :

اللي بها سحر ماهو سحــر عـــرّاف 00000000000ياعل عين (ن) ماتراها ضريرة

صعبة على اللي بالرّدى شاف ماعاف !0000000000 وحلوة على اللّي سنّة الله ضميرة



وأبيات ثانية

أحب أعسف المهرة اللي تغلى00000000 وأحب أروّض كل طرفٍ يموقِ

مشكوره حبيبتي على هذي الابيات الحلوه

وان شا الله راح اكمل لكم الموضوع عقب ما ارتبه

 

[المرتاحة]

موضوعج حييل حلو ومفيد
يعطيج العافيه

بس حبووبه مافهمت شقصدج بالجمله اللي فوق

اي حبيبتي اهي ذكرت تقنيات او تكتيكات (اهي سمتها أسرار) تقدر المراه تتبعها اذا حست ان زوجها قريب من الخيانه او بالاخري اذا في بنات حاطين عينهم على زوجج و يحاولون يتصيدونه

قالت طرق تقدرين تكسبين فيها زوجج وماراح يشوف عقبها اي مراه ثانيه غيرج انتي

طريقتها دارستها او ماخذتها من اشهر امراه بالاغراء في التاريخ اللي اهي كيلوباتر (أسرار كيلوباترا في الاغراء)ا مع انه كيلوباترا مو جميله لكن الرياييل متحطمين عليها

بس نطروني ارتب الموضوع لاني اشوفه كلش مو مرتب و قاعده اقول الاشياء اللي اتذكرها بس ووايد معلومات ماذكرتها لازم ارجع حق مذكرتي و اقراها و ارجع ارتب الموضوع

 

[need4u]

صادقه لكن في مشكله عند اغلب حريمنا
لما يتزوج زوجها تروح تكشخ تتزين وكانها مخلوقه له

ياعمرري الزينه والكشخه لك انتي من قبل تروحي بيت زوجك اصلا وانتي كنتي تكشخي وتتزيني

حطوها ببالكن
" تزيني وتكشخي لنفسسسسسك قبل ان تتكشخي له تكشخي لترضي ذاتك"

كفوو عليك يالمرتاحه..

ربي يسعدكن

 

[Al-RoRo77]

هاذي النصايح الحلوه والواقعيه وقبل كل شي اللي تعلمناه من "دينا الاسلامي"
الحمدالله
يعطيج العافيه اختي وناطرينج مثل ماقلتي تكملين وترتبين الموضوع لان النصايح حلوه وتستاهل موضوع مرتب