تعالي بساسرج

[فوفو22]

مع احترامي لكل مواضيعج ولشخصج ولتجربتج

راح اقولج انا قبل فترة ممكن اوافقج الرأي لأني لمن طلب مني اسافر وافقت وقلت حرام خليه يستانس ويريح نفسه من روتين البيت ابيه يحس بالاستقلالية كنت ابي اشوفه مرتاح ولا يحس بالمسؤولية ( مسؤولية عيال وبيت وزوجة) بس الثقة الزايدة تخلي الرجل يقلل من ذكائج وهذا اللي صار معاي ما حس اني ابيه يرتاح حس اني غبية وينقص علي

واني طيبة وعلى نياتي فالحين مستحيل اخليه يسافر بروحه وهذا الشي لاسباب اعرفها انا معاه

يمكن لا كبرنا ديك الساع افكر اخليه يسافر وفي حالة قال بسافر وركب راسه انه يسافر راح اسوي اللي كتبتيه بموضوعج لاني ماابي اقهر نفسي وابي اعيش لنفسي ولعيالي

انا فهمت موضوعج تبين تنصحين البنت شتسوي اذا زوجها حط براسه يسافر وسافر بس ياليت عندنا قلب من حديد ولسان من صخر عشان نسكت على ها الشي انتي بموضوعج تطلبين مننا المستحيل تحياتي لج ولنصايحج

برافو انك فهمتيني

اما زوجج ما اعلم شنو سوا بره

انتي ابخص فيه

بس لا تلومين نفسك ،،،،،، ذنبه عليه ايا كان نوعه او حجمه


والاعتدال. بالحب والرعايه والاهتمام. افضل الحلول


بمعنى بوضع. وشخصيه. زوجج.


اذا قرر السفر


اقول. بأمانة الله. ،،،، وربي يعاقبك. ويحاسبك اذا استغليت. ثقتي فيك



واجب انه يسافر. وعنده علم بشعور. الرضا المشروط من. الزوجه



فوفو

 

[مألوفة]

انا الحين راح اجاوبج على سؤالج اللي سالتيه كذا مرة

(اذا زوجج قرر يسافر وسافر شنو تسويين)

اتكلم عن نفسي باهتم بعيالي واعتم بنفسي ولا رجع راح يلقاني ناطرته ومشتاقتله لاني جربت الزعا وجربت الصراخ ووصلت للطلاق ولقيت كل ها الحجي ما منه فابدة لاني راح يجي يوم واسامحه

فليش اقهر نفسي واهوا مسافر مستانس ؟؟
بس صدقيني فوفو مستحيل يرجع يسافر بروحه او حتى يفكر مجرد تفكير

بكثر ما انا طيبة كثر ما انا خبيثة

 

[سندس 90]

انا بصراااحه
ممكن ازعل واطنقر بس اذا قال بسافر
شلوون ممكن ارده
خصوصا اذا زهب او موعد السفر قررب
استودعه الله شنو بيدي
مشكوره ياعمري عالنصايح اللي من ذهب

 

[شادن33]

تهبلين انا جذي ما اعور رااااسي

 

[طيشن على جديه]

كلامج صح بس وين اللي يتحمل ويسوي روحه مو زعلان ..
انا لويصير لي هالموقف وعارفه ان مافي فايده وراح يروح غصب عني
لاا والله ماراح اسبب مشاكل بس ببين له اني متضايقه حييييييل وماابيه يروح وبتحووب حوبه ماتخلص ..
وبحاول ان رجع يسفرني وان ماحصل لي بطلب صوغات
​

 

[فوفو22]

كلامج صح بس وين اللي يتحمل ويسوي روحه مو زعلان ..
انا لويصير لي هالموقف وعارفه ان مافي فايده وراح يروح غصب عني
لاا والله ماراح اسبب مشاكل بس ببين له اني متضايقه حييييييل وماابيه يروح وبتحووب حوبه ماتخلص ..
وبحاول ان رجع يسفرني وان ماحصل لي بطلب صوغات
​

انتي متفهمه الوضع


ووصلتي للنقطه اللي اقصدها

انه انتهى النقاش والحوار والزعل والتهديد وقال. بسافر



شي طبيعي مهما غلفتي قلبج. وسكرتي. اذنج. تتم. السفره لوحده. مزعجه
حلوه سالفه الصوايغ:d

فوفو

 

[ReD&FoSHia]

انا اول شي اعصب .. ظليمته شينة انا واثقة فيه و ادري انه نظيف و الله العالم والله يرحمنا برحمته
بس بعدين اتذكر انه يحبني وانه مايرضى علي بالغلط ولا يحب يشوفني زعلانة اقووم اقوول مو مشكلة
واهو من نفسه يسوي امور البيت و يادي واجباته و يخلصهم و يدق علي و يحرص يقولي وين باي ديرة بس بعيد عن ربعه يكون علشان ياخذ راحته و يذكرني بالهدايا و انا ادلع روحي صالونات و زوارات و جذي و تواصل مع عيالي ولدي الكبير صاير ما شاء الله يعتمد عليه الحين .. ومن يرد يوريني صورهم بالسفرة و يوريني الهدايا و الصوايغ و ما ينسى اهلي ولا اهله
وريلي مو كل سنة يسافر يعني كل سنتين ثلاث ويصادف اني حامل وين يوديني و يختنق بالديرة كل من مسافر واهو لا
وصح كلامج لو بقوله لا و بسويها حرب انا الخسرانة
فليش اخسر ريال ذهبة على 10 ايام
بس مثل ماقلت من البداية يخالجني شعور مابي يروح بعدين اوافق على مضض ههههههه

 

[*سعووووديه*]

بنات عمري ماقريت موضوع هنا اوشفت ان وحده تسمح لزوجها يسافر مع ربعه
وش دعوا ترى الرجال يحتاج يفك شوي عن زوجته مهما كان حبه لها سفرة الزوجه غير والربع غير
مو كل مره بيسافر بس خلوه لو مره بلاش هالحكره
الا اللي عارفه زوجها راعي خرابيط
اما لو واثقه فيه لا يسافر ليه لا عن خاطره مو على طول
ومن يرجع يشوف احلى استقبال منك واحلى نفسيه حتى بكذا تقل سفراته
وهذا اللي صاير معي
والله يهدي ازواجنا لما يحب ويرضى