- إنضم
- 6 يوليو 2007
- المشاركات
- 13,898
- مستوى التفاعل
- 2
- النقاط
- 0
اشلونكم حبايبي
اليوم حبيت احطلكم موضوع من تجربتي و بصراحه حبيت افيد فيه الكل
احنه يالمعلمات اوراقنه وايد و شغلنه وايد و طول الكورس نتعب و نجهز فحلو ان نحتفظ بتعبنه بحيث لمن تدور السنه مانظطر ان احنه ندور من يديد و نتعب من يديد لا التعب بيكون اقل انشاء الله اذا استفدتوا من تجربتي
في المره السابقه عرضت لكم بشكل عام اشلون انا منظمه مكتبي و وسايلي على الرابط هذا للي حابه تطلع عليه
http://www.q8yat.com/t899815.html
هلمره بتكلم عن الفولدرات و اشلون انظمها بطريقه مرتبه و حلوه و ممكن تسويها الي عندها مكتب او الي ماعندها و بتكاليف ماديه بسيطه
الادوات الي تحتاجينها كتالي :
1- فولدرات من ايكيا الكارتون الابيض لو حبيتي موديلات ثانيه شي راجعلج لاكن انا افضل هلفولدرات اولا انها صدقية البيئة ناتجة عن اعادة التدوير غير جذي ان ممكن تصممينها مثل ما انتي تبين و تسوين عليها اضافاتج فيما يتناسق مع ديكورات غرفتج او الالوان و بلمسه بسيطه جدا . و السعر وايد حلو اربعه مادري سته وي بعض بسعر مايتجاوز الدينارين
وهذي صورتها
2- طوابع ملونه او الابيض الساده و ممكن تستبدلينها باوراق مطبوعه و تكتبين عليها الي تبينه و تلزقينها بصمق
و ممكن تصممين الطوابع عبر الفوتوشوب او تدورين بنت اي طابع يعجبج و تطبعينه بعد اضافة البيانات الي تبينها
و البيانات المطلوبه هي :
المرحله : لنفرض سادس
الفصل الدراسي : الاول او الثاني
المادة : هي شنو بتحطين بالفولدر مثلن اوراق عمل او صور او بطاقات لانه بصراحه حرام نطلع من يده و يديد و هي موجوده فقط العملية تحتاج ترتيب و حلو لوتغلفين كل صورج و بطاقاتج تغليف حراري بحيث تحافظين عليها
انا عن نفسي ما احط المادة اكتفي بالمرحله و الفصل الدراسي
3- شريطه ستن او شيفون على ذوقج هذا شي راجعلج و بلون الي تحبينه و الي يتناسق وي غرفتج او مكتبج او الارفف مالتج
4 - المقص مسدس الشمع الحراري
5- ملفات النايلون باق تحتاجين منها كرتون تخلينه عندج لي اخر السنه و موجود عند بو اميه الدرزن بدينار اخذيلج 5 درازن تظل وياج لي اخر الكورس و راح اقولكم ليش لانه الترتيب بيي من هلملفات و هذي صورتهم
الخطوات :
بعد ماتكونين جهزتي الطوابع مالوتج و شرايطج تلفين الشريطه على الكرتون الابيض بطريقه الي تحبينها في ناس يحبون يغلفونه على جنب انا عن نفسي مجرد اني احوط الفولدر بشريطه فقط بحيث تعطي منظر وي ديكورات مكتبي و هذا شي راجعلج لو بتحطين هلملفات بارفف بغرفة النوم مثلن او بالصاله اختاري الالوان الي تتماشى وي ديكوراتج ، و ممكن تظيفين فيونكه تحطينها على الجنب الخارجي من الملف لانه لاتنسين انج بتحطين الملفات يم بعض فمانبي شي يعوق الترتيب و وضع الفيونكا على جنب الفولدر الداخلي راح يمنع الترتيب و ماراح تثبت مع الايام راح تطيح ممكن تستبدلين الفيونكا بستكرز بارز مثلن لو حبيتي و ممكن تكتفين بشريطه او ربط الشريطه بنهايه بشكل فيونكا هذا شي راجعلج لاكن انا اعطيج كذا فكره .
تيبين الطوابع مالوتج لنفرض ان انتي عندج مرحلتين خنقول سادس و تاسع
تسوين 4 فولدرات و 4 احتياطيين عشان لاتصير الفولدرات منفوخه و اثقيله و شكلها مو حلو في حالت زادت الاوراق او البطاقات بتالي تخرب شكل الفولدر و ممكن ينشق وياج مع الاستهلاك
يعني راح يصير العدد
4 فولدرات سادس 2 منهم الفصل الاول و 2 منهم للفصل الثاني و هكذا بنسبه حق تاسع
نيي للتحضير مالج الي راح يكون فيه اوراق عمل و تقاويم و بطاقات و صور او فيديوات او شرائح بوربوينت ممكن تنزلينهم على سيدي انتي تعبانه عليهم حرام ينقطون لانج راح تستخدمينهم بنهايه للدرس هذا نفسه او غيره
لنفرض ان احنه خلصنه التحضير مالنه مال هلاسبوع او مال هليوم ناخذ الصور و البطاقات و التقاويم و نموذج ورقة العمل و تحطينه بفايل النايلون باق و تحطين عليه من بره طابع تكتين عليه المرحله عشان لو تخربطوا الملفات الا انتي عارفه اي مرحله و الاسبوع مثلا الاسبوع الاول او الاسبوع الثاني او عنوان الدرس انا افضل اكتب الاسبوع و عنوان الدرس وس يعض و بخط الايد عادي
و ادخل الملف سيده بالفولدر ماله
يعني لو ان الوسايل مالت سادس للاسبوع الثالث
ادخلهم في فولدر سادس و هكذا
و كل اسبوع تخشين وسايلج مالت الدرس بهلفولدر
راح ترجعين لهلفولدر بعد سنه بالضبط و راح تقولين صدقتي يا ام زنوب
ههههههههههههههه
جربو هطريقه لها ميز كثيره الترتيب النظام و التوفير و لا نسون الديكور و الشي المرتب الحلو الي يفتح النفس و تلقين نفسج بسرعه مخلصه شغلج و جاهز
بنسبه لهلفولدرات انا استخدمهم لكذا شغله استخدمهم لاوراقي الي دايمن استخدمهم مثل الجدول الزمني انا اطبعه بصفحه بروحه و بطريقة جذابه اطبع منه 50 نسخه و اخليها بهلفولدر و اكتب عليه الجدول الزمني بحيث يكون مطبوع و جاهز اخذه و احطه سيده
استخدمهم في وضع نسخ اصليه من المناهج و الافعال السلوكية و طرق التدريس في حالت اني نسيت ارجعلهم
بصراحه هذي الفولدرات لوبتكلم عنهم من الحين لي باجر ماراح اخلص لانه جد نسقوا شغلي و رتبوا و صار كلشي عندي يخلص بسرعه
و لاني حسيت اني استفدت قلت ليش ما افيد كويتيات يستاهلون
و اتمنى هلمره شرحت لكم طريقة الفلودرات بطريقه حلوه و سهله و اتمنى انكم حسيتوا باهميتها يارب
و انصحكم بشده خلي عندج مكتب يلم قشج لانه جد جد لويتنه لويه و عفيستنه عفيسه
انا بنسبه لي المجسمات مالوتي اسويهم بيدي و اتعب عليهم احطهم في بوكسات ايكيا لكبار الي تحطينهم بارفف كبار تنباع عندم و اكتب علبوكي من بره بطابع بنفس التنسيق مال طوابع الفولدرات الوسيله او المجسم اسمها و اي مرحله تخدمها و اي اسبوع عشان ما اضيع و اعفس الدنيا
و هذي الارفف الي اقصدها و يي وياها بوكسات بيضه او ملونه تكون بلاستك و في اكبر من هلحجم
و اهم ميزه بكل هلحجي انج لمن تيين تنقلين من بيت لي بيت او من شقه لي شقه الحلو الي بالموضوع انه هلعلب ممكن تنقلينها كماهي من غير ماتظطرين تشيلين الي فيها و يظيع تعبج و ترتيبج
شرايكم بالمخ لمن يفكر ؟؟؟؟؟؟؟؟؟
خخخخخخخخخخخخخخخخخخخخ
و باذن الله ناويه اضبط لكم صور حلوه من مكتبي بصور كل شي في و بنزله لكم تستاهلون
و الحين ابي رايكم ولو عندكم افكار خلونه نستفيد منها
و بنهايه
