امممممم
امس كنت طالعه مع زوجي انفرفر بالسياره لاني مليت من الحبسه ببيت اهلي
فقعدنا انسولف عن العرس اللي احترق وقتله عاد انا سبحان على كثر حبي للعروس والرقص صرت اكره اروحلها والحين كلش ماراح اروح
قال اصلا العروس الحين كلها فسق وفجور
وهو كان قبلها بيوم راد من السعوديه من عزا ولد عمي وكان كله يبات عند عيال عمي يعني كلهم ينامون بالديوانيه وجذي
المهم هو زل بلسانه قال تدرين اصلا الشباب يقولون ان منتشر بلوتوث وحده سعوديه مادري كويتيه ترقص بعرس حريم مو لابسه الا قطعتين ستيان وسروال!!! انا طارت عيوني وسكت>>>عمره مافلص لو يشوف ومايقول لي عاااادي ماحبه يقول لي
وبعدين كمل وقال مو امغطين جسمها حتى جنها مو لابسه شي وترقص رقص شرقي>>>واصف كل شي
عاد انا قلت: اها الشباب شايفينه والا انت؟؟ قال : الشباب قلت : والله؟؟ من كلامك باين انك شايفه وعلقت جان يقول اي شفته اشفيها يعني
قلت وانتوا حتى ابوقت العزا اتشوفون هالشغلات الوصخه
قال لا اصلا اللي اموزيعنها امغطين جسمها وكاتبين شوفوا الفجور!!!! بعدين عصب قال ابكيفي اشوف على كيفي مالج شغل
قلت ماقتلي اشرايك فيها طبعا بهواش جان يقول اتهول>>>يعني اتجنن
قتله انت مو تقول ماتحب الرقص؟؟ قال اي ماحبه
قلت انت انسان متناقض تحب اتشوف بلوتوثات رقص وتخزنها وماتحب اني ارقص بالبيت!!! قال اي ماحب الرقص وانا الغلطان اللي اسولف معاج
بنات والله انقهرت وقعدت اتخيل شكلها عاد قتله احلف انك مو امخزن البوتوث ابتليفونك ماحلف قلت اتشوف مع ربعك ماتهمني بس اتخزنه ابتليفون لا ولا ولا
حتى امس دشيت اليوتيوب ادور بشوف ماحصلت اللي يقول عنه لا ومعصب يقول شكلج شايفته؟؟؟
امانه مو شي يقهر
