تعاليي ياعروسهه ابيج بكلمة =)

[ايشآ]

السلام عليكم ورحمةة الله وبركاته

اسعد الله اوقاتكم بكل خير وبركةة
شلونهم عرايسنا الحلوآت ؟ وشلون التجهيز معاكم ؟

من حوسه الفستان والصوالين لحوسه قمصان النوم والبدل مو ؟

طبعا حبيت أنزل هالموضوع واللي راح اكتب فيه نصايح واشياء تعلمتها من زواجي الاول
وان شاء الله ماراح يتكرر بزواجي الثاني .. وبنفس الوقت حبيت افيدكم معاي

واللي بخاطرها شي لا يردها الا السانها ,,


طبعا لما يقولون عرس كل وحده تتخيل نفسها بالفستان الابيض والورد والاهل حولها وطبعا حبيب القلب
هاذي يمكن من اجمل واحلى لحظات العمر ومافي حد ينكر هالشي ..

ولكن ..


تعالي وسمعيني عدل وحطيتي الكلام حلقةة باذونج عشان لاتتعبين بالمستقبل ان شاء الله
من اول يوم ملجةة لين ليلة العرس هاذي مرحله ومن بعد العرس لين باقي العمر هاذي مرحلةة ثانيه

في فتره الملجة الكل يحاول يطلع احسن ماعنده من كلام وتصرفات وافعال وهاذا شي طبيعي
بس بدون مبالفه وكذب طبعا ,,
ولكن وايد بنات مايحطون في بالهم ان هالشي راااااح يتغير ويقل طبيعي مع الايام راح يقل
ليش ؟ لان راح تبدا مسؤوليات يديده على كلا الطرفين وماراح تكون حياتهم مثل فتره الملجه
راح تصير اولويات بحياتج واشياء اساسيه لازم اتكونين متقبلة هالتغيير من قبل عشان لاتنصدمين

وبنفس الوقت لازم تحافظين ع الحب اللي بينكم وبذكائج تكبرينه واتخلينه موجود بكل يوم من ايام
عمرج انتي وريلج لازم اتحافظين ع الرومانسيه ولازم تهتمين بنفسسج عددل وماتهملين عمرج


من اكبر الاخطاء اللي البنات يسوونها يوم يعرسون ,, يمسحوون شخصيتهم من على الوجوده
تصييير ماعندها شخصيه وتتشكل مثل ما ريلها يبى

ستووووووب

تسمعين كلامه شي !!! وشخصيتج شي ثااااني
يعني قولي ف نفسج الزواج هاذا اضافة حلوه لحياتي اللي عايشتنها
لكن مو تقلبين حياتج كلها ع اساس اتزوجتي !


طلعي مع ربيعاتج خصصي وقت لنفسج روحي السبا وروحي الصالون
طلعي مع اهلج وخواتج لاتصيرين ساحببهه ع الكل بالعكس خلج مثل ماكنتي

رتبي نفسج وخصصي وقت لكل شي في حياتج وانتي بشطارتج راح اتعرفين توازنين الامور ..

اصلا الريال لما يشوف الحرمه مستقله بنفسها وذاتها وان لها حياه وانه هو مش محور حياتها الوحيد
اهني يتعلق فيها اكثر تدرون ليش ؟

لان اذا شاف انج مسويته هو محور حياتج وتاكد من حبه لج رااااح يسحححب عليييييج !
لانه اطمن انه لو شو ماسوى ما راح تبعدين عنه ولا راح تزعلين عليه الا وترضين ..
وهالشي الريايل بانفسهم اعترفو فيه

خلي لج حياه مسسستقله بالاضافه انج ما تهمليين زوجج طبعاا

المشاكل شي وارد بالحياه الزوجيه وخصوووصاا اول سنه تكون من اصعب سنوات الحياه
لان يصير فيها اختلاف بالراي وكل واحد يحاول يفرض شخصيته ع الثاني

الصبر ثم الصصبر والابتسامه والكلمة الطيبةة ..
مهما صار من مشاكل ومن كلام مايطططلع عند اهلج
هاذي اهم نقطةة مايطلع لا عند اختج ولا اممج

مرات تحتاجين استشاره طبعا مايمنع انج تسألينهم او تاخذين راييهم بشكل مب مباشر
لكن اتقولين كل شييي هاذا اكبر غلط
لان لما راح تتراضين مع زوجج اهلج ماراح ينسون وراح يذكرونج دوم

وبنفس الوقت لا تنقلين اخبار اهلج وخصوصياتكم لزوجج
انا ادري انج مرات اتحسين انج تبين تفضفضين واتقولين اذا ماقلت لريلي اشكي لمنو ؟
هالشي الطبيعي جداا بس يعني حاولي ماتقولين كل شي

ودايما تذكرين هلج بالطيب عشان يعرف ان في ناس وراج ولج ظهر تسندين عليه ..


-يوم العرس-

راح يكون من اجمل ايام حياتج بإذن الله ..
سوي كل اللي خاطرج فييييه ولا تخلين شي يعكرر مزااجج ابد ابد ابد ..
هاذي ليلتج وراح تكون مره بالعمر عيشها مع الناس اللي تحبينهم بكل دقيقه وكل ثانيه
الوقت راح يمرر بسرعه عليج وراح تنصدمين شلون مر جذي ؟
عشان جذي اقولج عيشي تفاصيلها من خاطررج واتصوري فيها كثر ماتقدرين ..

وخلاص من يتسكر عليكم الباب الكلام اللي يصير داخل لايطططلللععع :rerrerek:
هاذي امور خاصصة فيج وفيه لا تشاركينها بأحد خير شر ..


هالله هالله باالكلام الطيب والدلع والسنع
والريحه الحلوه ..
هاذي الاشياء كلها تزيد من رصييدج ..

وبس هاذي الاشياء اللي طرت ع بالي حاليا :eh_s(7):
واسأل الله ان يوفق كل وحده عرسها قريب ويرزق العزوبيات ..

 

[م.الحمد]

كلام عادي مو غريب سمعناه وايد
بس يعطيج العافيه ع الاهتمام فديتج

 

[اميره بكلمتي]

بلعكس في شغلات تعلمتها حق المستقبل


شككرا

 

[غرور الزين]

ليلة العمرررر احلا ليله بحياةة كل بنت واسمحولي غبيه وهبله اللي تطوف سعادةة ذيك الليله خصوصا اللحظات اللي بينج وبينه بعد مايتصكر الباب سوالفكم لها طعم ثاني كل شي يكون بهالليله غييير ولايتكرر ولاحظوو قلت مايتكررر جد استمتعوو والله ادفع نص عمري بس اعيدها ي حلوه من يوم والله يخليلي زوجي وولدي ويسعدنا ويوفقكم ي احلا عراايس ادعوولي بالتوفيق مع زوجي

 

[مـهـاآ]

يعطيك العافيه

 

[فوزيه الراسي]

مشكورة