تعالى ياللى مجربه واحد من هل ال3 حياج !!

[العزيزة دايما]

ياحليلج!!!!!!!!!!!! شكلج مسخنه اجل قصدي عيل روحي ارتاحي ونره قلة الادب مافيه اسهل منها بس آنا ماراح ارد عليج تدرين ليش؟؟
ماتستاهلين

 

[سندريــــلا]

شوفي حبيبتي هالفتره القسم صايره فيه لوويه وللاسف

انشووف وااااايد عضوااات يـــدد بالهبل يدشوون المنتدى ومسجلين مخصوص للمشاركه لقسم العمليات الجراحيه
والبعـــض منهم له اهداف سلبيييه !! تشويه سمعه او دعايه لدكتور معين
فضااااايعه السالفه كل من يبي مصلحته لووول

ونصيحه اذا تبين تستفيدين من آراء وتجارب العضوات اخذيها من العضوات الي صار لهم فتره بالمنتدى ومشاركاتهم شوي كبيره
عالاقل موثوق بصحة كلامهم

وبالنسبه لسؤالج عن الدكاتره والله انا ماجربت الا الدكتور منذر (عمليه بالانف ,وابر تفخ )
لكن اهوا مو تخصصه جلديه اهوا انف واذن وحنجره وتجميل وجه وراس ورقبه

وبراي احسن لج اتعالجين عن دكتور جلديه يكون عارف للبشره وعلاجها

واللي اسمعه يمدحون مشعل الغريب وانا ماعندي تجربه معاه

الله يوفقج

 

[giuo]

حبيبتي سندريلاا ما قصرتي انتي والبنات وبتوكل على الله وبروح حق مشعل الغريب بس ما تعرفون رقم العياده عفيه

 

[غلا 7373]

حبيبتي انا ماجربت الدكاترة الى ذكرتيهم بس توني رايحة عند د عيسي بشور طبعا ماخذة الموعد من 6 شهور الصراحة اول مرة اعالج ويهي عندة بس احس ان فاهم وعطاني تقشير وخلطة والبنات الى يعالجون عندة ماشاء الله ويهم حلو

 

[حياة زوجي]

حبيبتي انا ماجربت الدكاترة الى ذكرتيهم بس توني رايحة عند د عيسي بشور طبعا ماخذة الموعد من 6 شهور الصراحة اول مرة اعالج ويهي عندة بس احس ان فاهم وعطاني تقشير وخلطة والبنات الى يعالجون عندة ماشاء الله ويهم حلو

لو سمحتى وين عياده عيسى بشور
وكم رقمهم انا ابى اروح له وايد يمدحونه بس ما ادرى وين مكانه

 

[Nice Lips]

انا انصحج بعيسى بشور بس جربي الدكتور مشعل اذا مرتاحتله وشايفه نتيجه علاجه يعينج
رفيجاتي مجربين هالدكتور وايد شاطر
بس لج على مواعيده شوي بعني تخيلي انا من شهر تقريبا او اكثر ماخذه موعد
اللحين موعدي 14 - 12 يعني باجيلي وايد على مايصير دوري
ورفيجتي للامانه بشرتها كانت مو حلوة وكلها حبوب حتى حرام نفسيتها تعبانه من هالحبوب ومابقى كريم اساس مو مشتريته
اللحين ويها صافي اللهم اثار الحبوب
واختي اللي سالت عن مكانه موجود بمستشفى الالماني
عندي رقمهم بس مضيعته والله تلفوني توه يديد وراح علي الرقم

 

[إيمي1987]

بنات حبايبي هدوو خوووات


أبـــ عشــــــــــــــــــــانــج

 

[انثى بمزاجي]

ليش كله معصبين الي يبي يذم يمكن هذي صج تجربته يعني مو كله نجاج وبالقمة

انا عجبني غيري مو عاجبه بس ضروري احترم رايه بس ساعات تحسين انها مقصوده ما تسكتين

 

[q8teya2010]

حبيبتي يا ام الشفايف الأنثوية ..

الاخت بس كتبت رايها بدكتور فاشل ,منذر العجمي وتبينا نشاركها معاناتها
ليش تعتقدين انه مقصودة تذمه هالدكتور !!
مثل وحده اخت سوت خشمها عنده , وتشوه ,! كالعادة
وحده من رابطة مشجعي منذر العجمي قالتلها : ورينا فاتورة عيادة د.منذر علشان نصدقج !! يعني كلش سوولها لجنة تحقيق معاها !

خلو البنات يعبرون عن رايهم ,
احنا بديرة الديموقراطية والحرية , الكويت
والكل يجب ان يحترم راي الثاني .

ها حبيبتي , غيري توقيعج , بارك الله فيج

 

[Turquoiseya]

اذا تبين شي للوجه والنضارة
روحي للدكتور مشعل الغريب
كلمة ممتاز شوية عليه
كنت اراجع عنده لما كان في مركز الخليج
والحين اهو في مستشفى السلام في بنيد القار
دايما جريدة الوطن تحط اعلانه اهو وزميلة ابراهيم العرادي

 

[giuo]

بعد قلبي ما قصرتوووو بس متى مواعيده ورقمهم بليز